− ءتوراعا شي جينپيڭنىڭ 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىندەگى ماڭىزدى ءسوزىن ۇيرەنۋ، دايەكتىلەندىرۋ جونىندە
□ حالىق گازەتىنىڭ شولۋشىسى
”مەملەكەتتى قۇدىرەتتەندىرۋ قۇرىلىسىن ىلگەرىلەتۋدە، ءسوز جوق، جۇڭگو كوممۋنيستىك پارتياسىنىڭ باسشىلىعى مەن پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولىپ، پارتيا قۇرىلىسىن شىنايى كۇشەيتۋ كەرەك“. 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىندە ءتوراعا شي جينپيڭ بۇكىل پارتيانىڭ، بۇكىل ەل حالقىنىڭ وزەكتى مىندەتىن كوزدەپ: ”قاي - قاشان دا ءىرى پارتياعا عانا ءتان قيىن ماسەلەلەردى شەشەتىن سەرگەكتىك پەن تاباندىلىقتى ساقتاپ، جۇرەكتىلىكپەن وزىنە - ءوزى توڭكەرىس جاساپ، پارتيانى جاپپاي قاتاڭ باسقارۋدى ءبىر ءسات تە توقتاتپاي، شىرىكتەسۋگە بۇلجىماي قارسى تۇرىپ، پارتيانىڭ ىنتىماعىن، بىرلىگىن باستان - اياق ساقتاپ، پارتيانىڭ قاسيەتىن ماڭگى ساقتاۋعا، ءتۇسىن ماڭگى وزگەرتپەۋگە، سيپاتىن ماڭگى ساقتاۋعا شىنايى كەپىلدىك ەتىپ، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋگە پارمەندى كەپىلدىك ازىرلەۋ كەرەك“، - دەپ باسا دارىپتەدى.
مەملەكەتتى باسقارۋدا، ءسوز جوق، الدىمەن پارتيانى باسقارۋ كەرەك، پارتيا گۇلدەنگەندە عانا مەملەكەت قۇدىرەتتەنەدى، پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانىڭ باسشىلىعىن جاپپاي كۇشەيتىپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولۋدى ەڭ جوعارى ساياسي پرينسيپ ەتىپ، پارتيانى جاپپاي قاتاڭ باسقارۋدى ىشكەرىلەي ىلگەرىلەتىپ، جاڭا داۋىردەگى پارتيا قۇرىلىسىنىڭ باس تالابىن العا قويىپ جانە تياناقتاندىرىپ، پارتيانىڭ ساياسي قۇرىلىسى ارقىلى پارتيا قۇرىلىسىنىڭ ءتۇرلى قىزمەتتەرىنە ءبىر تۇتاس جەتەكشىلىك ەتىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعى پارمەندى كەپىلدىككە يە بولىپ، پارتيانىڭ جالپى جاعدايدى جاپپاي مەڭگەرەتىن، ءار جاقتى سايكەستىرەتىن باسشىلىق ۇيتقىلىق رولى تولىق ساۋلەلەنىپ، بۇكىل پارتيا يدەيادا اناعۇرلىم بىرلىككە كەلىپ، ساياسيدا اناعۇرلىم ىنتىماقتاسىپ، ارەكەتتە اناعۇرلىم بىردەي بولدى. قاجىماي - تالماي قۇلشىنۋ ارقىلى پارتيا تىنىشتىق، بىلىقپالىق، كوركەيۋ، قۇلدىراۋ سىندى تاريح پەريوتىنان اتتاپ ءوتۋدىڭ وزىنە - ءوزى توڭكەرىس جاساۋ سىندى وسى ەكىنشى جاۋابىن تاۋىپ شىقتى، ءوزىن - ءوزى كىرشىكسىزدەندىرۋ، ءوزىن - ءوزى كەمەلدەندىرۋ، ءوزىن - ءوزى جاڭارتۋ، ءوز دەڭگەيىن جوعارىلاتۋ قابىلەتىن كورنەكتى كۇشەيتتى، پارتيا توڭكەرىستىك شىڭدالۋ بارىسىندا ءتىپتى دە قۇدىرەتتى، قۋاتتى بولىپ، ومىرشەڭدىك كۇشى ءتىپتى دە تاسقىنداپ، پارتيا مەن مەملەكەت ىستەرىندە تاريحي تابىستارعا قول جەتكىزۋگە، تاريحي وزگەرىستەردى جارىققا شىعارۋعا ءتۇبىرلى جەتەكشىلىك جانە پارمەندى قامتاماسىزدىق ازىرلەدى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى ىلگەرىلەتۋ كەرى قايتارۋعا كەلمەيتىن تاريحي ۇردىسكە قادام تاستادى.
جۇڭگو كوممۋنيستىك پارتياسى − ەڭ جوعارى ساياسي باسشى كۇش، جۇڭگو كوممۋنيستىك پارتياسىنىڭ باسشىلىعى − پارتيا مەن مەملەكەتتىڭ ءتۇبىرلى تياناعى، جان تامىرى، بۇكىل ەلدەگى ءار ۇلت حالقىنىڭ مۇددەسىنە بايلانىستى، تاعدىرىنا بايلانىستى. پارتيا 20 - قۇرىلتايىنىڭ بايانداماسىندا جۇڭگو ۇلگىسىندەگى وسىزامانداندىرۋدىڭ ماندىك تالابى ايقىن العا قويىلدى، مۇندا، ەڭ ماڭىزدىسى، ”جۇڭگو كوممۋنيستىك پارتياسىنىڭ باسشىلىعىنا تاباندى بولۋ“؛ جۇڭگو ۇلگىسىندەگى وسىزامانداندىرۋدى ىلگەرىلەتۋدە، ءسوز جوق، مىقتى يگەرەتىن كەلەلى پرينسيپ ايقىن العا قويىلدى، ونىڭ ءبىرىنشى تارماعى − ”پارتيانىڭ جاپپاي باسشىلىعىنا تاباندى بولۋ جانە ونى كۇشەيتۋ“. پارتيامىزدىڭ 96 ميلليوننان استام مۇشەسى، 4 ميلليون 900 مىڭنان استام نەگىزگى ساتى پارتيا ۇيىمى بار ءىرى پارتيا ەكەندىگىن، ميلليارد حالىقتى ىنتىماقتاستىرىپ جانە باستاپ، سوتسياليستىك وسىزاماندانعان مەملەكەتتى جاپپاي قۇرىپ شىعۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ سىندى تاريحي اۋىر مىندەت ارقالاپ وتىرعاندىعىن جەتە تانۋىمىز كەرەك. بىزدىكى سياقتى ءىرى پارتيانى، ءىرى ەلدى باسقارۋدا پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعى بولماسا، بۇكىل پارتيانىڭ، بۇكىل ەلدىڭ يدەيالىق بىرلىگى، قادام بىركەلكىلىگى بولماسا، ەشقانداي ءىستى بىتىرۋگە بولمايدى. جاڭا جورىقتا تەك پارتيانىڭ جاپپاي باسشىلىعىنا بۇلجىماي تاباندى بولىپ جانە ونى كۇشەيتىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيا باسشىلىعىن پارتيا مەن مەملەكەت ىستەرىنىڭ ءارقايسى سالاسىندا، ءارقايسى جاعىندا، ءارقايسى بۋىنىندا تياناقتاندىرىپ، پارتيانى باستان - اياق جالپى حالىقتىڭ قيىن كۇندەرگە تاپ بولعان كەزدەگى ەڭ سەنىمدى ارقا تىرەگىنە اينالدىرعاندا عانا، ەلىمىزدىڭ سوتسياليستىك وسىزامانداندىرۋ قۇرىلىسىنىڭ دۇرىس باعدارىنا، ءسوز جوق، شىنايى كەپىلدىك ەتىپ، ىنتىماقتاسا كۇرەس جۇرگىزەتىن قۋاتتى ساياسي ۇيىسۋ كۇشىنە، دامۋ سەنىمىنە يە بولۋىنا شىنايى كەپىلدىك ەتىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ تەلەگەي كۇشىن ۇيىستىرۋعا بولادى.
تەمىر سوقساڭ قۇرىش بول. پارتيا 20 - قۇرىلتايى بايانداماسىندا ”جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ تەتىگى پارتيادا“ەكەندىگى العا قويىلىپ، پارتيانى جاپپاي قاتاڭ باسقارۋدان اۋىتقىماي، جاڭا داۋىردەگى پارتيا قۇرىلىسىنىڭ تىڭ دا ۇلى ينجەنەرياسىن ىشكەرىلەي ىلگەرىلەتۋ كەلەلى ورنالاستىرۋى جاسالدى. پارتيامىز دۇنيە جۇزىندەگى ەڭ ءىرى ماركسيزمدىك بيلىك باسىنداعى پارتيا رەتىندە، باستان - اياق حالىقتىڭ قولداۋىنا يە بولۋ، ۇزاق ۋاقىت بيلىك جۇرگىزۋ ورنىن بەكەمدەۋ ءۇشىن، ءسوز جوق، قاي - قاشان دا ءىرى پارتياعا عانا ءتان قيىن ماسەلەلەردى شەشەتىن سەرگەكتىك پەن تاباندىلىقتى ساقتاۋى كەرەك. 18 - قۇرىلتايدان بەرى پارتيانى جاپپاي قاتاڭ باسقارۋ ارقىلى پارتيا ىشىندەگى كوپتەگەن كورنەكتى ماسەلەلەر شەشىلدى، ءبىراق پارتيا ءدوپ كەلگەن ”ءتورت ۇلكەن سىناق“، ”ءتورت ءتۇرلى حاۋىپ“ ۇزاق ۋاقىت ءومىر سۇرەدى. پارتيانى جاپپاي قاتاڭ باسقارۋ ماڭگى توقتامايدى، پارتيانىڭ وزىنە - ءوزى توڭكەرىس جاساۋى ماڭگى توقتامايدى. پارتيانىڭ ۇزاق ۋاقىت بيلىك جۇرگىزۋىنە، مەملەكەتتىڭ باياندى تىنىشتىعىنا، حالىقتىڭ باقىتىنا، امان - ساۋلىعىنا ساياتىن بيىك تۇرعىدا تۇرىپ، پارتيانى جاپپاي قاتاڭ باسقارۋدى پارتيانىڭ ۇزاق ۋاقىتتىق ستراتەگياسى، ماڭگىلىك تاقىرىبى ەتىپ، ماسەلەنى باعدار ەتۋگە باستان - اياق تاباندى بولىپ، ستراتەگيالىق تاباندىلىقتى ساقتاپ، وزىنە - ءوزى تۇبەگەيلى توڭكەرىس جاساۋ رۋحىن اسقاقتاتىپ، اتوي دابىلىن ماڭگى قاعىپ، قاتاڭدىق سىندى نەگىزگى اۋەندى، قاتاڭ شارالاردى، قاتاڭ رايدى ۇزاق ۋاقىت تاباندىلىقپەن جالعاستىرىپ، پارتيانىڭ وزىنە - ءوزى ۇلى توڭكەرىس جاساۋىن سوڭىنا دەيىن جۇرگىزسەك، ءسوز جوق، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋگە قۋاتتى قامتاماسىزدىق ازىرلەي الامىز.
مەملەكەتتى قۇدىرەتتەندىرۋ قۇرىلىسىندا ۇلتتى گۇلدەندىرۋدىڭ ايبىندى نىساناسى ادامدى ىنتالاندىرادى، ەكپىندەي ىلگەرىلەۋگە جىگەرلەندىرەدى. جاڭا نىسانانى بەتكە الىپ، قايراتتانا تاعى اتتانىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيانىڭ جالپى بەتتىك باسشىلىعىنا تاباندى بولۋدان جانە ونى كۇشەيتۋدەن تيتتەي دە مىزعىماي، ەمتيحان تاپسىراتىن سەرگەكتىك پەن بايسالدىلىقتى ماڭگى ساقتاپ، پارتيانى جاپپاي قاتاڭ باسقارۋدى قاجىماي - تالماي ىلگەرىلەتىپ، پارتيانىڭ وزىنە - ءوزى توڭكەرىس جاساۋى ارقىلى قوعامدىق توڭكەرىسكە جەتەكشىلىك ەتىپ، العا باسۋ جولىنداعى ءتۇرلى قيىنشىلىقتار مەن سايىستى بار كۇشپەن جەڭىپ، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋ ۇلى ىسىنە ۇزدىكسىز كۇش قوسىپ، داڭق اپەرەيىك!
(شينحۋا اگەنتتىگىنىڭ 3 - ايدىڭ 20 - كۇنى بەيجيڭنەن بەرگەن حابارى)
