اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى چيڭحاي ولكەسىندە ۇيرەنۋدە، تەكسەرۋدە بولدى
تاپسىرمانى ەستە بەرىك ساقتاپ، تۋراشىلدىقتان اينىماي جاڭالىق اشىپ، وڭىرلىك جوعارى دەڭگەيلى اۋىس - كۇيىس، سەلبەستىك ارقىلى جوعارى ساپالى دامۋدىڭ جاڭا جاعدايىن اشۋ كەرەك
ما شيڭرۇي، چىن گاڭ، ۋ شياۋجۇن، ەركىن تۇنياز، لي يفي، حى جۇڭيوۋ قيمىلعا قاتىناستى
3 - ايدىڭ 21 - كۇنى شينجياڭ ۇيعۇر اۆتونوميالى رايونى جانە شينجياڭ ءوندىرىس - قۇرىلىس بيڭتۋانى · چيڭحاي ولكەسى قىزمەت ىستەستىگى اڭگىمە ءماجىلىسى شينيڭ قالاسىندا اشىلدى. چيڭحاي ولكەلىك پارتكومنىڭ ورىنباسار شۋجيى، ولكە باستىعى ۋ شياۋجۇن، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز جەكە - جەكە ەكى ولكە، رايون اتىنان «شينجياڭ ۇيعۇر اۆتونوميالى رايوندىق حالىق ۇكىمەتى مەن چيڭحاي ولكەلىك حالىق ۇكىمەتىنىڭ ستراتەگيالىق سەلبەستىك جۇلگەلىك كەلىسىمىنە» قول قويدى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 3 - ايدىڭ 21 - كۇنى شينيڭنان حابارلايدى. اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى 3 - ايدىڭ 21 - كۇنى چيڭحاي ولكەسىندە ۇيرەنۋدە، تەكسەرۋدە بولىپ، پارتيا 20 - قۇرىلتايىنىڭ رۋحىن جانە مەملەكەتتىك ەكى ءماجىلىستىڭ رۋحىن جاپپاي دايەكتىلەندىرۋ، تياناقتاندىرۋ، باس شۋجي شي جينپيڭنىڭ شينجياڭ قىزمەتى جانە چيڭحاي قىزمەتى جونىندەگى ىقىلاستى تاپسىرماسىن ەستە بەرىك ساقتاۋ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋ بارىسىنداعى ستراتەگيالىق ورىندى كوزدەۋ، ەكى ولكە - رايون اراسىنداعى سەلبەستىكتى اناعۇرلىم كۇشەيتۋ، جاڭا دامۋ ارناسىنا اناعۇرلىم ويداعىداي قىزمەت وتەپ جانە توعىسىپ، جوعارى ساپالى دامۋدى جۇزەگە اسىرۋ جونىندە تەكسەرۋ جۇرگىزىپ، اۋىس - كۇيىس جاسادى، شينيڭ قالاسىندا شينجياڭ ۇيعۇر اۆتونوميالى رايونى جانە شينجياڭ ءوندىرىس - قۇرىلىس بيڭتۋانى · چيڭحاي ولكەسى قىزمەت ىستەستىگى اڭگىمە ءماجىلىسىن اشىپ، ستراتەگيالىق سەلبەستىك جۇلگەلىك كەلىسىمىنە قول قويدى.
اۆتونوميالى رايوندىق پارتكومنىڭ شۋجيى ما شيڭرۇي، چيڭحاي ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى چىن گاڭ، چيڭحاي ولكەلىك پارتكومنىڭ ورىنباسار شۋجيى، ولكە باستىعى ۋ شياۋجۇن، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ قاتارلىلار قيمىلعا قاتىناستى.
ۋاكىلدەر ۇيىرمەسىندەگىلەر مەملەكەتتىك ەلەكتر قۋاتىنا قارجى قوسۋ توبى حۋاڭحى سەرىكتەستىگى شينيڭ كۇن ەنەرگياسى بولىمشە سەرىكتەستىگىنە كەلىپ، ءوندىرىس سەحىن ىشكەرىلەي ارالاپ، ءوندىرىس تيجاراتى، عىلىم - تەحنيكالىق زەرتتەۋ - اشۋ، كاسىپ سالاسىنىڭ دامۋ جاعدايىن تەكسەردى؛ چيڭحاي ولكەلىك ەكولوگيالىق ورتانى تەكسەرۋ - ولشەۋ ورتالىعىندا چيڭحايدىڭ ەكولوگيالىق ورتانى قورعاۋ قىزمەتى جانە سانجياڭيۋان مەملەكەتتىك باقشا قۇرىلىسى جونىندەگى تانىستىرۋدى تىڭدادى؛ چيڭحاي كىكىشيلي ازىق - تۇلىك شەكتى سەرىكتەستىگىن ىشكەرىلەي ارالاپ، ۇستىرتتىك ەرەكشە مال شارۋاشىلىعىن دامىتۋ جاعدايىن ۇعىستى. كوپشىلىك مىنالاردى ءبىلدىردى: شينجياڭ مەن چيڭحايدىڭ ەنەرگيا بايلىعى، ەكولوگيالىق ورتانى قورعاۋ، ەرەكشە ەگىن، مال شارۋاشىلىعىن دامىتۋ سياقتى جاقتارداعى توعىسۋ دەڭگەيى جوعارى، ءوزارا تولىقتاۋ سيپاتى كۇشتى، وسى رەتكى ۇيرەنۋ، تەكسەرۋ ەكى ولكە - رايوننىڭ ەرەكشە باسىمدىعىن تياناق ەتىپ، سەلبەسۋ اياسىن كەڭەيتىپ، سەلبەسۋ دەڭگەيىن جوعارىلاتۋىن اناعۇرلىم جەبەيدى.
اڭگىمە ماجىلىسىندە ما شيڭرۇي اۆتونوميالى رايوندىق پارتكوم، ۇكىمەت جانە بيڭتۋان اتىنان چيڭحاي ولكەسىنىڭ ۇزاق ۋاقىتتان بەرى شينجياڭعا كورسەتكەن قولداۋىنا، كومەگىنە العىس ايتتى، چيڭحاي ولكەسىنىڭ ەكونوميكالىق، قوعامدىق دامۋدا قول جەتكىزگەن تابىستارىن قۇتتىقتادى. ول بىلاي دەدى: پارتيا 18 - قۇرىلتايىنان بەرى باس شۋجي شي جينپيڭ شينجياڭدى، چيڭحايدى كوزدەن كەشىرىپ، پارتيا مەن مەملەكەت قىزمەتى جالپى جاعدايى بيىك تۇرعىسىنان ورنالاستىرۋ جاساپ، جاعدايدى باعامداپ، باعدار بەلگىلەدى، ءبىزدىڭ جاڭا داۋىردەگى شينجياڭ قىزمەتىن، چيڭحاي قىزمەتىن ويداعىداي ىستەۋىمىزگە قۋاتتى قوزعاۋشى كۇش ۇستەدى، شينجياڭ مەن چيڭحايدىڭ مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا ەكپىندەي ىلگەرىلەۋىنە ايقىن العا باسۋ بەتالىسىن كورسەتتى. شينجياڭ مەن چيڭحايدىڭ ءوڭىرى تۇتاسقان، بايلانىسىنىڭ تامىرى تەرەڭ، بارىس - كەلىسى ءجيى، ۇلتتارى ارالاسقان، ىشتەسكەن، توعىسقان، ەكونوميكالىق دامۋدا ءوزارا تولىقتىرىپ، بىرگە توعىسقان. ”ءبىر بەلدەۋ، ءبىر جولدى“ بىرگە قۇرۋ، مەملەكەتتىڭ باتىسقا ەسىك اشۋ جالپى تۇلعالىق ورنالاستىرۋى جانە جاڭا كەزەكتى باتىس بولىكتى قاۋىرت اشۋ سياقتى ستراتەگيالاردىڭ ىلگەرىلەتىلۋىنە، اتقارىلۋىنا ىلەسە، ەكى ولكە - رايوننىڭ ابزالدىقتارىنىڭ ءوزارا توعىسىپ، ءبىرىن - ءبىرى تولىقتىرۋى ءتىپتى دە كورنەكتىلەنىپ، سەلبەسە دامۋدىڭ التىن وراي مەزگىلىن قارسى الدى. ءبىز تاپسىرمانى ەستە بەرىك ساقتاپ، العىس ايتا وتىرىپ ەكپىندەي ىلگەرىلەپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، ”ءبىر بەلدەۋ، ءبىر جول“ قۇرىلىسى ورايىن مىقتى يگەرىپ، جوعارى ساپالى دامۋدى بىرگە ىلگەرىلەتىپ، جاڭا دامۋ ارناسىنا قىزمەت وتەۋىمىز جانە توعىسۋىمىز كەرەك. نەگىزدىك قۇرىلعىلاردى ۇشتاستىرۋ سەلبەستىگىن كۇشەيتىپ، ۇلاستىرۋ، تۇتاستىرۋ قابىلەتىن جاپپاي جوعارىلاتىپ، وڭىرلىك ەكونوميكالىق دامۋعا قىزمەت وتەيتىن ستراتەگيالىق ارنانى جەدەل قۇرۋىمىز كەرەك. كاسىپ سالاسى مەن ەكونوميكا - ساۋدانى ۇشتاستىرۋ سەلبەستىگىن كۇشەيتىپ، كاسىپ سالاسى مەن ەنەرگيا بايلىعىنىڭ كومەسكى قۋاتىن جەدەل جارىققا شىعارىپ، جىبەك جولى ەكونوميكالىق بەلدەۋى بويىنداعى ەلدەردىڭ جانە ەل ىشىندەگى باسقا دا ولكە - رايونداردىڭ ءىرى بازارلارىن قول ۇستاسا اشۋىمىز كەرەك. عىلىم - تەحنيكانى، وقۋ - اعارتۋدى، مادەنيەتتى، ساياحاتتى ۇشتاستىرۋ سەلبەستىگىن كۇشەيتىپ، باتىس سولتۇستىكتىڭ بىرلەسىپ جاڭالىق اشۋ بيىك بەلەسىن تۇلعالاپ، مادەنيەت - ساياحات ماركاسىن بىرگە قۇرۋدى، بايلىقتان بىرگە يگىلىكتەنۋدى، كاسىپ سالاسىن بىرگە توعىستىرۋدى كۇشەيتىپ، ەكى ولكە - رايوننىڭ كوپ سالالى، جان - جاقتى بارىس - كەلىسىنىڭ، اۋىس - كۇيىسىنىڭ، ءوزارا پايدا جەتكىزىپ، سەلبەستىك ورناتۋىنىڭ جاڭا جاعدايىن ۇزدىكسىز اشۋىمىز كەرەك.
چىن گاڭ چيڭحاي ولكەلىك پارتكوم، ولكەلىك ۇكىمەت جانە تۇتاس ولكەدەگى ءار ۇلت بۇقاراسى اتىنان شينجياڭنىڭ پارتيا، ۇكىمەت ۋاكىلدەر ۇيىرمەسىندەگىلەردىڭ چيڭحايعا كەلگەندىگىن قىزۋ قارسى الدى، شينجياڭنىڭ ۇزاق ۋاقىتتان بەرى چيڭحايعا زور كۇشپەن قولداۋ كورسەتكەندىگىنە شىن جۇرەكتەن العىس ايتتى. ول بىلاي دەدى: شينجياڭ ۇيعۇر اۆتونوميالى رايوندىق پارتكوم، ۇكىمەت پارتيا 20 - قۇرىلتايىنىڭ، مەملەكەتتىك ەكى ءماجىلىستىڭ جانە باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن دايەكتىلەندىرىپ، تياناقتاندىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتىپ، ورنىقتىلىقتىڭ، دامۋدىڭ جاڭا جاعدايىن اشتى، اسىرەسە، دامۋ مەن حاۋىپسىزدىك قاتىناسىن ويداعىداي ءبىر جاقتى ەتۋ، جاڭا دامۋ ارناسىن قالىپتاستىرۋ، سىرتقا ەسىك اشۋ، ەكولوگيالىق وركەنيەت قۇرىلىسى سياقتى جاقتاردا قول جەتكىزگەن زور تابىستارى ادامدى سۇيىندىرەدى، بۇل بىزگە ونەگە جانە ۇلگى بولدى. پارتيا 18 - قۇرىلتايىنان بەرى چيڭحاي باس شۋجي شي جينپيڭنىڭ چيڭحاي قىزمەتى جونىندەگى ماڭىزدى ءسوزىنىڭ جانە ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي دايەكتىلەندىرىپ، ”ءۇش ەڭ ۇلكەن“ ولكە جاعدايى ورنى جانە ”ءۇش اناعۇرلىم ماڭىزدى“ ستراتەگيالىق ورنى بويىنشا ەكولوگيالىق وركەنيەتتىڭ بيىك بەلەسىن تۇلعالاۋ، كاسىپ سالاسىنىڭ ”ءتورت ورنىن“ قۇرۋ جولى ارقىلى باس شۋجي شي جينپيڭنىڭ چيڭحاي جونىندەگى جوباسىن ونان ارى اشالاپ قۇرىلىس چەرتوجىنا اينالدىردى، جاڭا كورىنىسكە اينالدىردى. شينجياڭ مەن چيڭحاي ءبىرىن - ءبىرى دەمەپ، ءوزارا كومەكتەسەتىن جاقسى باۋىرلاستار، كوپ ۇلت شوعىرلى قونىستانعان، كوپ ءدىن قاتار ءومىر سۇرگەن، كوپ نەگىزدى مادەنيەت بىرگە توعىسقان رايون جاعدايى، ولكە جاعدايى بار، ەكەۋى دە بۇكىل ەلدىڭ بايلىق قويماسى، ەنەرگيا شوعىرلانعان جەرى. ۇزاق ۋاقىتتان بەرى ەكى ولكە - رايوننىڭ اۋىس - كۇيىسى، سەلبەستىگى جاپپاي تەرەڭدەدى، ءبىز وسى رەت قول قويىلعان كەلىسىمدەردى تىڭ باستاما ەتىپ، جوعارى ءونىمدى سايكەسۋدى كۇشەيتىپ، كەلىسىم مازمۇندارىنىڭ ەرتەرەك سەلبەستىك جەتىستىگىنە اينالۋىن كۇش سالا ىلگەرىلەتىپ، ەكى جەردىڭ ءبىرىن - ءبىرى جەبەپ، تەڭ ىلگەرىلەۋىن، بىرگە دامۋىن جۇزەگە اسىرامىز.
ماجىلىستە ۋ شياۋجۇن چيڭحايدىڭ ەكونوميكالىق، قوعامدىق دامۋ جاعدايىن تانىستىردى، ەركىن تۇنياز، لي يفي جەكە - جەكە اۆتونوميالى رايوننىڭ جانە بيڭتۋاننىڭ ەكونوميكالىق، قوعامدىق دامۋ جاعدايىن تانىستىردى، «شينجياڭ ۇيعۇر اۆتونوميالى رايوندىق حالىق ۇكىمەتى مەن چيڭحاي ولكەلىك حالىق ۇكىمەتىنىڭ ستراتەگيالىق سەلبەستىك جۇلگەلىك كەلىسىمىنە» جانە «شينجياڭ ءوندىرىس - قۇرىلىس بيڭتۋانى مەن چيڭحاي ولكەلىك حالىق ۇكىمەتىنىڭ ستراتەگيالىق سەلبەستىك جۇلگەلىك كەلىسىمىنە» قول قويىلدى.
چيڭحاي ولكەسىنىڭ باسشىلارىنان ۋاڭ ۋيدۇڭ، ساي راڭتاي، ورازبەك راسۇلقان، بان گو، جۋ شياڭفىڭ، ليۋ تاۋ، لي حۇڭيا، اۆتونوميالى رايوننىڭ جانە بيڭتۋاننىڭ باسشىلارىنان جاڭ جۋ، تيان شياڭلي، ۋاڭ ميڭشان، ياڭ فاسىن، ەلزات احمەتجان، چىن ميڭگو، ۋاڭ گاڭ، ليۋ شينجيان، حا زىڭيوۋ، لي يۇڭحۇڭ قاتارلىلار قيمىلعا قاتىناستى.
