تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ رەسەيدىڭ زۇڭتۇڭى پۋتينمەن كەڭەس وتكىزدى

  جەرگىلىكتى ۋاقىت 3 - ايدىڭ 21 - كۇنى تۇستەن كەيىن مەملەكەت ءتوراعاسى شي جينپيڭ ماسكەۋدەگى كرەمل سارايىندا رەسەيدىڭ زۇڭتۇڭى پۋتينمەن كەڭەس وتكىزدى. پۋتين گەورگي زالىندا شي جينپيڭگە ارناپ سالتاناتتى قارسى الۋ سالتىن وتكىزدى. سۋرەتتە: ەكى ەلدىڭ مەملەكەت باسشىلارى ىقىلاسپەن قول الىسىپ، ەستەلىك سۋرەتكە ءتۇستى.

□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

  جەرگىلىكتى ۋاقىت 3 - ايدىڭ 21 - كۇنى تۇستەن كەيىن مەملەكەت ءتوراعاسى شي جينپيڭ ماسكەۋدەگى كرەمل سارايىندا رەسەيدىڭ زۇڭتۇڭى پۋتينمەن كەڭەس وتكىزدى. سۋرەتتە: پۋتين گەورگي زالىندا شي جينپيڭگە ارناپ سالتاناتتى قارسى الۋ سالتىن وتكىزدى.

□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

  شينحۋا اگەنتتىگىنىڭ 3 - ايدىڭ 21 - كۇنى ماسكەۋدەن بەرگەن حابارى (تىلشىلەر ني سى - ي، فان ۋيگو). جەرگىلىكتى ۋاقىت 3 - ايدىڭ 21 - كۇنى تۇستەن كەيىن مەملەكەت ءتوراعاسى شي جينپيڭ ماسكەۋدەگى كرەمل سارايىندا رەسەيدىڭ زۇڭتۇڭى پۋتينمەن كەڭەس وتكىزدى. ەكى ەلدىڭ مەملەكەت باسشىلارى جۇڭگو − رەسەي قارىم - قاتىناسى جانە ورتاق كوڭىل ءبولىپ وتىرعان كەلەلى حالىقارالىق جانە وڭىرلىك ماسەلەلەر جونىندە ىزگى نيەتتى، دوستىق بەينەدە ناتيجەلى كەڭەس وتكىزىپ، كوپتەگەن جاڭا ماڭىزدى ورتاق تانىمعا كەلدى. ەكى جاق تاتۋ كورشىلىك، دوستىق، سەلبەسىپ تەڭ يگىلىككە كەنەلۋ پرينسيبى نەگىزىندە ءارقايسى سالاداعى اۋىس - كۇيىستى، سەلبەستىكتى ىلگەرىلەتىپ، جاڭا داۋىردەگى جان - جاقتى ستراتەگيالىق ىستەستىك سەرىكتەستىك قاتىناستى تەرەڭدەتۋدى ءبىر اۋىزدان قۇپتادى.

  3 - ايداعى ماسكەۋ، كۇن شايداي اشىق. شي جينپيڭ اۆتوكولىكپەن كرەمل سارايىنا جەتكەندە، كرەمل سارايىنىڭ قوناق قارسى الۋ اتتىلار اترەتى قاتارعا تۇرىپ قارسى الدى، كرەمل سارايىنىڭ قولباسشىسى اۆتوكولىكتەن تۇسەتىن جەردە كۇتىپ الدى.

  پۋتين گەورگي زالىندا شي جينپيڭگە ارناپ سالتاناتتى قارسى الۋ سالتىن وتكىزدى. ايبىندى دا اسقاق قوناق قارسى الۋ مۋزيكاسى ىشىندە شي جينپيڭ مەن پۋتين جەكە - جەكە گەورگي زالىنىڭ ەكى جاعىنداعى قىزىل كىلەمدى بويلاپ، ارشىندى قاداممەن زالدىڭ ورتاسىنا كەلدى. ەكى ەلدىڭ مەملەكەت باسشىلارى ىقىلاسپەن قول الىسىپ، ەستەلىك سۋرەتكە ءتۇستى. اسكەري وركەستر جۇڭگو مەن رەسەي ەكى ەلدىڭ مەملەكەت ءانىن ورىندادى.

  ەكى ەلدىڭ مەملەكەت باسشىلارى ىلگەرىندى - كەيىندى شاعىن كولەمدى، كەڭ كولەمدى كەڭەس وتكىزدى.

  شي جينپيڭ بىلاي دەپ اتاپ كورسەتتى: جۇڭگو مەن رەسەي ءوزارا ەڭ ۇلكەن كورشى ەل، رەسەيمەن باياندى تاتۋ كورشىلىك، دوستىق قارىم - قاتىناستى بەكەمدەۋ جانە دامىتۋ تاريح لوگيكاسىنا ۇيلەسەدى، بۇل − جۇڭگو جاقتىڭ ستراتەگيالىق تالعامى، ءبىر مەزەتتەگى بىرەر ىسكە بولا وزگەرمەيدى. مەن 10 جىلدىڭ الدىندا رەسەيدە تۇڭعىش رەت مەملەكەتتىك ساپاردا بولعاننان بەرى، جۇڭگو − رەسەي ەكى جاق ءبىر - بىرىنە قۇرمەت ەتتى، ءوزارا سەنىم ارتتى، ءوزارا پايدا، تيىمدىلىك جەتكىزدى، ەكى ەل قارىم - قاتىناسى ۋاقىت وتكەن سايىن بەكەمدەلە ءتۇسىپ، اناعۇرلىم جان - جاقتى، اناعۇرلىم ناقتى، اناعۇرلىم ستراتەگيالىق سيپاتقا يە ەرەكشەلىكتى بەينەلەدى. وسى رەتكى ساپاردا اۆتوكولىك اترەتى جۇرگەن جەردىڭ بارىندە كوپتەگەن رەسەي بۇقاراسى وزدىكتەرىنەن قول بۇلعاپ، قۇرمەت ءبىلدىردى، بۇل ماعان جۇڭگو − رەسەي قارىم - قاتىناسىنىڭ قويۋ ەل رايى نەگىزىنە يە ەكەندىگىن تەرەڭ سەزىندىردى. حالىقارالىق جاعداي مەيلى قالاي وزگەرسە دە، جۇڭگو جاق جۇڭگو مەن رەسەيدىڭ جاڭا داۋىردەگى جان - جاقتى ستراتەگيالىق ىستەستىك سەرىكتەستىك قارىم - قاتىناسىن ىلگەرىلەتۋگە ۇزدىكسىز كۇش سالادى. مەنىڭ وسى رەتكى رەسەيدەگى مەملەكەتتىك ساپارىم دوستىق ساپارى، سەلبەستىك ساپارى، بەيبىتشىلىك ساپارى. جۇڭگو جاق رەسەي جاقپەن بىرگە بۇرىنعىعا مۇراگەر، كەيىنگىگە بۇيداگەر بولىپ، جۇڭگو مەن رەسەيدىڭ جاڭا داۋىردەگى جان - جاقتى ستراتەگيالىق ىستەستىك سەرىكتەستىك قارىم - قاتىناسىنىڭ ءمانىن بايىتىپ، ەكى ەل حالقىنا اناعۇرلىم كوپ ىرىس - قۇت جاراتىپ، ادامزاتتىڭ العا باسۋ ىستەرىن جەبەۋگە اناعۇرلىم زور ۇلەس قوسۋدى قالايدى.

  شي جينپيڭ بىلاي دەپ اتاپ كورسەتتى: كەزەكتە 100 جىلدىق وزگەرىس جەدەل قۇبىلۋدا، حالىقارالىق كۇشتەردىڭ سالىستىرماسىندا تەرەڭ وزگەرىس تۋىلۋدا. بىرلەسكەن مەملەكەتتەر ۇيىمى حاۋىپسىزدىك القالار كەڭەسىنىڭ تۇراقتى القا ەلى جانە دۇنيە جۇزىندەگى نەگىزگى ءىرى ەل رەتىندە، جۇڭگو مەن رەسەيدىڭ باس تارتۋعا بولمايتىن جاۋاپكەرشىلىگى بار، بىرگە قۇلشىنىپ، الەمدىك باسقارۋدىڭ حالىقارالىق قوعامنىڭ ۇمىتىنە ۇيلەسەتىن بەتالىسقا قاراي ىلگەرىلەۋىنە جەتەكشىلىك ەتىپ جانە ونى جەدەلدەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋى كەرەك. ەكى جاق ءبىر - ءبىرىنىڭ وزەكتى مۇددەسىنە ساياتىن ماسەلەلەردە ءبىرىن - ءبىرى قولداۋى، سىرتقى كۇشتەردىڭ ىشكى ىسكە كيلىگۋىنە بىرگە قارسى تۇرۋى كەرەك. حالىقارالىق ىستەردەگى، اسىرەسە، بىرلەسكەن مەملەكەتتەر ۇيىمى، شاڭحاي سەلبەستىك ۇيىمى، بريكس ەلدەرى سەلبەستىك مەحانيزمى سياقتى كوپ جاقتى جۇلگەدەگى تىلدەسۋدى، سايكەستىكتى كۇشەيتىپ، ناعىز كوپ جاقتىلىقتى امالياتتا ايگىلەپ، زورەكەرلىككە جانە وكتەمدىك ساياسيعا قارسى تۇرىپ، بۇكىل الەمنىڭ ىندەتتەن كەيىنگى ەكونوميكاسىنىڭ قالپىنا كەلۋىن جەبەپ، كوپ ۇيەكتى اۋقىمعا قاراي دامۋدى ىلگەرىلەتىپ، الەمدىك باسقارۋ جۇيەسىنىڭ وزگەرۋىن، كەمەلدەنۋىن ىلگەرىلەتۋى كەرەك.

  ەكى ەلدىڭ مەملەكەت باسشىلارى ەكى ەلدىڭ قاتىستى تاراۋلارى جاۋاپتىلارىنىڭ ءارقايسى سالاداعى سەلبەستىك جاعدايى جونىندەگى مالىمەتىن تىڭدادى.

  شي جينپيڭ بىلاي دەپ اتاپ كورسەتتى: ەكى جاقتىڭ بىرگە قۇلشىنۋىندا، ەكى ەلدىڭ ساياسيدا ءوزارا سەنىم ارتۋى، مۇددەلەرىنىڭ توعىسۋى، حالىق تىلەگىنىڭ توعىسۋى ۇزدىكسىز تەرەڭدەپ، ەكونوميكا - ساۋدا، قارجى قوسۋ، ەنەرگيا، مادەنيەت، جەرگىلىكتى ورىن سياقتى سالالارداعى سەلبەستىگى ۇزدىكسىز ىلگەرىلەتىلىپ، سەلبەستىك سالالارى ۇزدىكسىز كەڭەيىپ، ورتاق تانىمى اناعۇرلىم كۇشەيدى. بيىل جۇڭگونىڭ جۇڭگو كوممۋنيستىك پارتياسى 20 - قۇرىلتايىنىڭ رۋحىن جاپپاي دايەكتىلەندىرەتىن، تياناقتاندىراتىن باستاما جىلى، ءبىز جاڭا دامۋ ارناسىن قالىپتاستىرۋدى جەدەلدەتىپ، جوعارى ساپالى دامۋدى كۇش سالا ىلگەرىلەتىپ، جۇڭگو ۇلگىسىندەگى وسىزامانداندىرۋدى جاپپاي ىلگەرىلەتەمىز. جۇڭگو − رەسەي سەلبەستىگىنىڭ كومەسكى كۇشى زور جانە كەڭىستىگى كەڭ، ستراتەگيالىق سيپاتقا، سەنىمدىلىككە، ورنىقتىلىققا يە. ەكى جاق ءبىر تۇتاس جوسپارلاپ سايكەستىرۋدى كۇشەيتىپ، ەنەرگيا، بايلىق، ماشينا - ەلەكتر ونىمدەرى سياقتى ءداستۇرلى ساۋدانى كەڭەيتىپ، كاسىپ سالاسى تىزبەگىنىڭ، قامداۋ تىزبەگىنىڭ سەرپىمدىلىگىن ۇزدىكسىز كۇشەيتىپ، ينفورماتسيا تەحنيكاسى، سيفرلى ەكونوميكا، اۋىل شارۋاشىلىعى، قىزمەت وتەۋ ساۋداسى سياقتى سالالارداعى سەلبەستىكتى كەڭەيتۋى كەرەك. جاڭالىق اشۋ سالاسىنداعى سەلبەستىكتى كۇشەيتىپ، شەكارا اتتاعان زات اينالىمى تاسىمالىن ىركىلىسسىزدەندىرۋى كەرەك. گۋمانيتارلىق اۋىس - كۇيىس نەگىزىن بەكەمدەپ، دوس ولكە، وبلىستاردىڭ، دوس قالالاردىڭ اۋىس - كۇيىستى كەڭەيتۋىن ىلگەرىلەتىپ، جۇڭگو مەن رەسەيدىڭ دەنە تاربيە اۋىس - كۇيىس جىلىن ۇزدىكسىز ويداعىداي وتكىزىپ، ەكى ەل ادامدارىنىڭ بارىس - كەلىسىن جەبەۋگە قولايلى شارت - جاعداي ازىرلەۋى كەرەك.

  پۋتين مىنالاردى ءبىلدىردى: رەسەي جاق ءتوراعا شي جينپيڭنىڭ تولىق داۋىسپەن جۇڭگونىڭ مەملەكەت ءتوراعاسى بولىپ ۇزدىكسىز سايلانعاندىعىن، جۇڭگونىڭ جاڭا كەزەكتى ۇكىمەتىنىڭ قۇرىلعاندىعىن تاعى ءبىر مارتە قىزۋ قۇتتىقتايدى. قازىر رەسەي − جۇڭگو قارىم - قاتىناسىنىڭ دامۋى توتەنشە جاقسى، ەكى ەلدىڭ ءار سالاداعى سەلبەستىگى جىلدام ىلگەرىلەۋشىلىككە قول جەتكىزىپ، ۇكىمەتتىڭ، زاڭ شىعارۋ قۇرىلىمدارىنىڭ، سونداي - اق ءار دەڭگەيدەگى، ءار سالاداعى اۋىس - كۇيىسى، سەلبەستىگى ەرەكشە جانداندى، جاڭا تيپتى ايدارشا ۆيرۋس ىندەتى سياقتى كۇردەلى سىرتقى ورتادا رەسەي مەن جۇڭگونىڭ ەكى جاقتى ساۋداسى ءتيىمسىز جاعدايدا ارتۋدى جۇزەگە اسىردى. ەكى جاقتىڭ ەكى ەلدىڭ بۇرىننان بار اۋىس - كۇيىس ارناسىنىڭ رولىن تولىق ساۋلەلەندىرىپ، ەكى ەلدىڭ ەكونوميكا - ساۋدا، قارجى قوسۋ، ەنەرگيا، عارىش، شەكارا اتتاعان قاتىناس، زات اينالىمى سياقتى سالالارداعى ناقتى ىستەر سەلبەستىگىندە تىڭ ىلگەرىلەۋشىلىككە قول جەتكىزۋىن، دەنە تاربيە، ساياحات، جەرگىلىكتى ورىندار سياقتىلارداعى گۋمانيتارلىق اۋىس - كۇيىستىڭ تىڭ دەڭگەيگە كوتەرىلۋىن ىلگەرىلەتۋىن ءۇمىت ەتەمىن. رەسەي جاق جۇڭگو جاقتىڭ تايۋانعا ساياتىن، شياڭگاڭعا ساياتىن، شينجياڭعا ساياتىن ماسەلەلەردە ءوزىنىڭ ورىندى مۇددەسىن قورعاۋىن باتىل قولدايدى. جۇڭگو جاقتىڭ ساۋد ارابياسى مەن يراننىڭ بەيجيڭ كەڭەسىن ءساتتى ىلگەرىلەتۋدە تاريحي جەتىستىككە قول جەتكىزگەندىگىن قۇتتىقتايمىن، بۇل جۇڭگونىڭ دۇنيە جۇزىندەگى ءىرى ەل رەتىندەگى ماڭىزدى ورنى مەن بەلسەندى ىقپالىن تولىق ايگىلەدى. رەسەي جاق جۇڭگو جاقتىڭ باستان - اياق حالىقارالىق ىستەردە وبيەكتيۆ، تۋراشىل تۇرعى ۇستانعاندىعىن القايدى، جۇڭگو جاق العا قويعان الەمدىك حاۋىپسىزدىك باستاماسىن، الەمدىك دامۋ باستاماسىن، الەمدىك وركەنيەت باستاماسىن قولدايدى، جۇڭگو جاقپەن حالىقارالىق ىستەستىكتى اناعۇرلىم جيىلەتۋدى قالايدى.

  ەكى ەلدىڭ مەملەكەت باسشىلارى بىلاي دەپ قارادى: وسى رەتكى ساپار كەزىندە ەكى جاقتىڭ اۋىس - كۇيىسى تەرەڭ، مازمۇنى باي، جان - جاقتى بولىپ، رەسەي مەن جۇڭگونىڭ جاڭا داۋىردەگى جان - جاقتى ستراتەگيالىق ىستەستىك سەرىكتەستىك قارىم - قاتىناسىنىڭ دامۋىنا تىڭ قوزعاۋشى كۇش ۇستەدى.

  ەكى ەلدىڭ مەملەكەت باسشىلارى ەكى ەلدىڭ قاتىستى تاراۋلارىن ەكى ەلدىڭ مەملەكەت باسشىلارى كەلىسكەن ورتاق تانىم بويىنشا بايلانىستى كۇشەيتىپ، تىعىز سايكەسىپ، ەكى ەلدىڭ ناقتى ىستەر سەلبەستىگىنىڭ تىڭ دا اناعۇرلىم زور دامۋشىلىقتارعا قول جەتكىزۋىن ىلگەرىلەتىپ، ەكى ەلدىڭ دامۋىنا، گۇلدەنۋىنە دەم بەرۋگە مىندەتتەدى.

  ەكى ەلدىڭ مەملەكەت باسشىلارى ءتۇرلى تاسىلدەر ارقىلى تىعىز بايلانىستى ۇزدىكسىز ساقتاپ، جۇڭگو − رەسەي قارىم - قاتىناسىنىڭ ورنىقتى قاداممەن الىسقا جەتۋىنە بىرگە جەتەكشىلىك ەتۋگە قوسىلدى.

  كەڭەستەن كەيىن، ەكى ەلدىڭ مەملەكەت باسشىلارى «جۇڭحۋا حالىق رەسپۋبليكاسى مەن رەسەي فەدەراتسياسىنىڭ جاڭا داۋىردەگى جان - جاقتى ستراتەگيالىق ىستەستىك سەرىكتەستىك قارىم - قاتىناسىن تەرەڭدەتۋ جونىندەگى بىرلەسكەن مالىمدەمەسىنە» جانە «جۇڭحۋا حالىق رەسپۋبليكاسىنىڭ ءتوراعاسى مەن رەسەي فەدەراتسياسى زۇڭتۇڭىنىڭ 2030 - جىلدان بۇرىن جۇڭگو − رەسەي ەكونوميكالىق سەلبەستىگىن ءتۇيىندى بەتالىسقا قاراي دامىتۋ جوباسى جونىندەگى بىرلەسكەن مالىمدەمەسىنە» بىرگە قول قويدى.

  ساپار كەزىندە ەكى جاق تاعى اۋىل شارۋاشىلىعى، ورمان شارۋاشىلىعى، نەگىزدىك عىلمي زەرتتەۋ، بازار باقىلاۋ - باسقارۋ، مەديا سياقتى سالالارداعى كوپ ءتۇرلى ەكى جاقتى سەلبەستىك حۇجاتتارىنا قول قويدى.

  ەكى ەلدىڭ مەملەكەت باسشىلارى تاعى تىلشىلەرمەن بىرگە كەزدەستى.

  سول كۇنى كەشتە پۋتين كرەمل سارايىندا شي جينپيڭگە ارناپ سالتاناتتى قارسى الۋ قوناعاسىن بەردى.

  ساي چي، ۋاڭ ي، چين گاڭ، سونداي - اق رەسەي فەدەراتسيالىق ۇكىمەتىنىڭ باسشىلارى جوعارىداعى قيمىلدارعا قاتىناستى.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.