اۆتونوميالى رايون مەن جۇڭگو مۇناي - تابيعي گاز توبى سەلبەستىك مەحانيزمىنىڭ 1 - ءماجىلىسى ۇرىمجىدە وتكىزىلدى
نازاردى مەملەكەتتىڭ دامۋ كەلەلى جاعدايىنا شوعىرلاندىرىپ، ورتالىق كاسىپورىندارى مەن جەرگىلىكتى ورىننىڭ جوعارى ساپالى، جوعارى ءونىمدى سەلبەستىگىن تەرەڭدەتىپ، مەملەكەتتىڭ ەنەرگيا حاۋىپسىزدىگىن بىرگە قامتاماسىز ەتۋگە اناعۇرلىم زور ۇلەس قوسۋ كەرەك
ما شيڭرۇي، داي حوۋلياڭ قاتىناستى ءارى ءسوز سويلەدى، ەركىن تۇنياز باسقاردى، لي يفي، جاڭ چۇنلين قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 3 - ايدىڭ 22 - كۇنى ۇرىمجىدەن حابارلايدى. 3 - ايدىڭ 22 - كۇنى اۆتونوميالى رايون مەن جۇڭگو مۇناي - تابيعي گاز توبى سەلبەستىك مەحانيزمىنىڭ 1 - ءماجىلىسى ۇرىمجىدە وتكىزىلدى، ماجىلىستە پارتيا 20 - قۇرىلتايىنىڭ رۋحى جانە مەملەكەتتىك ەكى ءماجىلىستىڭ رۋحى جاپپاي دايەكتىلەندىرىلدى، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحى ىشكەرىلەي دايەكتىلەندىرىلدى، جوعارى ساپالى دامۋ سىندى ماڭداي الدى مىندەتتى كوزدەپ، مۇناي - تابيعي گازدى بارلاۋ - اشۋ، كەلەلى نىساندار قۇرىلىسى، مۇناي - تابيعي گاز كاسىپ سالاسىن دامىتۋ سياقتى قىزمەتتەر جونىندە ىشكەرىلەي تىلدەسىپ، پىكىر اۋىستىرىپ، شينجياڭنىڭ مۇناي - تابيعي گاز بايلىعى مەن كاسىپ سالاسىنىڭ اناعۇرلىم جەدەل دامۋىن بىرگە ىلگەرىلەتىپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋگە، مەملەكەتتىڭ ەكونوميكالىق كەلەلى جاعدايىنا قىزمەت وتەۋگە اناعۇرلىم زور ۇلەس قوسۋ العا قويىلدى. اۆتونوميالى رايوندىق پارتكومنىڭ شۋجيى ما شيڭرۇي، جۇڭگو مۇناي - تابيعي گاز توبىنىڭ القا باستىعى داي حوۋلياڭ ماجىلىسكە قاتىناستى ءارى ءسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءماجىلىستى باسقاردى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى جاڭ چۇنلين ماجىلىسكە قاتىناستى.
ما شيڭرۇي اۆتونوميالى رايوندىق پارتكوم، ۇكىمەت جانە بيڭتۋان اتىنان جۇڭگو مۇناي - تابيعي گاز توبىنىڭ ۇزاق ۋاقىتتان بەرى شينجياڭنىڭ ەكونوميكالىق، قوعامدىق دامۋىنا كۇش سالا قولداۋ كورسەتكەندىگىنە جانە قوسقان ماڭىزدى ۇلەسىنە العىس ايتتى. ول بىلاي دەدى: ەنەرگيا مەملەكەت جوسپارىنا، حالىق تۇرمىسىنا جانە مەملەكەت حاۋىپسىزدىگىنە سايادى. جۇڭگو مۇناي توبى باس شۋجي شي جينپيڭنىڭ ەنەرگيا حاۋىپسىزدىگى جونىندەگى ماڭىزدى نۇسقاۋلارىنىڭ رۋحىن باتىل دايەكتىلەندىرىپ، تياناقتاندىرىپ، مۇناي - تابيعي گازدى بارلاۋ - اشۋ سەرپىنىن ۇزدىكسىز ارتتىرىپ، قامداۋدى قامتاماسىز ەتۋ قابىلەتىن ۇزدىكسىز جوعارىلاتىپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋدەگى نەگىزگى قوسىندىق رولىن ءونىمدى ساۋلەلەندىردى. شينجياڭ باس شۋجيدىڭ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى مەملەكەتتىڭ ”ءۇش بازا، ءبىر ارنا“ قۇرىلىسىن جەدەلدەتىپ، مۇناي - تابيعي گاز ءوندىرۋ، وڭدەۋ كاسىپ سالاسى شوعىرىن كۇش سالا جەتىلدىرىپ، زورايتىپ، مەملەكەتتىڭ دامۋ كەلەلى جاعدايىنا اناعۇرلىم كوپ شينجياڭ ۇلەسىن قوسۋعا قۇلشىندى. جاڭا جورىقتا ەنەرگيادا قۋاتتى ەل قۇرۋعا اناعۇرلىم ويداعىداي قىزمەت وتەۋدە، مەملەكەتتىڭ ەنەرگيا حاۋىپسىزدىگىن قامتاماسىز ەتۋدە اۋىس - كۇيىس جاساسۋدى، ءتۇيىلىستىرۋدى ىشكەرىلەي كۇشەيتىپ، ناقتى ىستەر سەلبەستىگىن تەرەڭدەتىپ، اناعۇرلىم زور رول ساۋلەلەندىرۋىمىز قاجەت. ەكى جاقتىڭ باس شۋجيدىڭ ”ەنەرگيا كەسەمىزدى، ءسوز جوق، ءوز قولىمىزدا مىقتى ۇستاۋىمىز كەرەك“ دەگەن ىقىلاستى تاپسىرماسىن ەستە بەرىك ساقتاپ، ۇدايىلانعان سەلبەستىك مەحانيزمىن ورناتىپ، كەمەلدەندىرىپ، سەلبەستىك سەرپىنىن ۇزدىكسىز ارتتىرىپ، شينجياڭنىڭ مۇناي - تابيعي گازدى بارلاۋ - اشۋىن جەدەلدەتىپ، مۇناي - تابيعي گاز قورىن مولايتىپ، ءونىمىن ارتتىرۋدى بار كۇشپەن ىلگەرىلەتىپ، مۇناي - تابيعي گاز ءوندىرۋ، وڭدەۋ جانە زاپاس ساقتاۋ ءىرى بازاسى قۇرىلىسىن ىلگەرىلەتىپ، تازا ەنەرگيانى بار كۇشپەن دامىتىپ، مەملەكەتتىڭ ەنەرگيا حاۋىپسىزدىگىنە بىرگە اناعۇرلىم پارمەندى قامتاماسىزدىق ازىرلەدى. شينجياڭ جۇڭگو مۇنايىنىڭ شينجياڭداعى قۇرىلىسىنا، دامۋىنا بار كۇشپەن قولداۋ كورسەتىپ، ساپالى، جوعارى ءونىمدى قىزمەت وتەۋمەن قامتاماسىز ەتۋگە، كەلەلى نىسانداردىڭ تياناقتانىپ، ونىمدىلىك كورسەتۋىن بىرگە جەبەۋگە قۇلشىنادى.
داي حوۋلياڭ اۆتونوميالى رايوندىق پارتكوم مەن ۇكىمەتتىڭ جۇڭگو مۇناي - تابيعي گاز توبىنىڭ جانە ونىڭ شينجياڭداعى كاسىپورىندارىنىڭ دامۋىنا كوڭىل ءبولىپ جانە قولداۋ كورسەتكەندىگىنە العىس ايتتى، سونداي - اق كاسىپورىندارىنىڭ قۇرىلىسىنا، دامۋىنا جانە شينجياڭداعى كاسىپ سالاسىنىڭ ورنالاسۋىنا، كاسىپورىن تيجاراتىنا قاتىستى جاعدايلاردى تانىستىردى. ول مىنالاردى ءبىلدىردى: جۇڭگو مۇنايى باس شۋجي شي جينپيڭنىڭ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، جاڭا دامۋ ۇستانىمىن تولىق، دالمە - ءدال جاپپاي دايەكتىلەندىرىپ، نازاردى مەملەكەتتىڭ ەنەرگيا ستراتەگياسى مەن كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ، كومىر قىشقىل گازىن بەيتاراپتاندىرۋ نىساناسىنا شوعىرلاندىرىپ، شينجياڭداعى كاسىبىنىڭ دامۋىن عىلمي جوسپارلاپ ىلگەرىلەتىپ، اۆتونوميالى رايوننىڭ مۇناي - تابيعي گاز كاسىپ سالاسىنىڭ دامۋىنا قاتىستى ورنالاستىرۋلارىنىڭ تياناقتانۋىنا بەلسەنە قولداۋ كورسەتىپ، مۇناي - تابيعي گاز بايلىعىن بارلاۋ - اشۋ سەرپىنىن ۇزدىكسىز ارتتىرىپ، ايىرۋ كاسىبىنىڭ تيبىن جاڭالاپ، دارەجەسىن جوعارىلاتۋدى كۇش سالا ىلگەرىلەتىپ، تازا ەنەرگيانى جەدەل دامىتىپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋگە، شينجياڭ ەكونوميكاسىنىڭ جوعارى ساپالى دامۋىن ىلگەرىلەتۋگە اناعۇرلىم زور ۇلەس قوسادى.
ياڭ فاسىن، ءيۇسۇپجان مامەت، ۋاڭ گوحى، ۋاڭ گاڭ، ءماردان مۇحيت، جۇڭگو مۇنايىنىڭ قاتىستى جاۋاپتى جولداستارى، قاتىستى ايماق، وبلىس، قالالاردىڭ جانە اۆتونوميالى رايوننىڭ قاتىستى تاراۋلارىنداعى نەگىزگى جاۋاپتى جولداستار قاتارلىلار ماجىلىسكە قاتىناستى.
