ما شيڭرۇي اۆتونوميالى رايوندىق پارتكوم شينجياڭدى جاپپاي زاڭمەن باسقارۋ كوميتەتىنىڭ 2023 - جىلعى 1 - رەتكى ماجىلىسىندە بىلاي دەپ باسا دارىپتەدى
شي جينپيڭنىڭ زاڭمەن باسقارۋ يدەياسىن ىشكەرىلەي دايەكتىلەندىرىپ، شينجياڭدى جاپپاي زاڭمەن باسقارۋدى ءۇرتىس ىلگەرىلەتىپ، جاڭا ءداۋىردىڭ جاڭا جورىعىندا اناعۇرلىم جوعارى دەڭگەيدەگى زاڭمەن باسقارىلاتىن شينجياڭ قۇرۋ كەرەك
ەركىن تۇنياز، ءزۇمىرات وبۇل، لي يفي، جاڭ چۇنلين، حى جۇڭيوۋ قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 3 - ايدىڭ 22 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شينجياڭدى جاپپاي زاڭمەن باسقارۋ كوميتەتى 3 - ايدىڭ 22 - كۇنى 2023 - جىلعى 1 - رەتكى ءماجىلىسىن اشىپ، پارتيا 20 - قۇرىلتايىنىڭ مەملەكەتتى جاپپاي زاڭمەن باسقارۋ جونىندەگى شەشىمدەرىن، ورنالاستىرۋلارىن ىشكەرىلەي دايەكتىلەندىردى، شي جينپيڭنىڭ زاڭمەن باسقارۋ يدەياسىن جانە باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن مۇقيات ۇيرەندى، دايەكتىلەندىردى، 2022 - جىلعى شينجياڭدى جاپپاي زاڭمەن باسقارۋ قىزمەتىن قورىتىندىلادى، 2023 - جىلعى ءتۇيىندى مىندەتتەردى ورنالاستىردى. اۆتونوميالى رايوندىق پارتكومنىڭ شۋجيى، اۆتونوميالى رايوندىق پارتكوم شينجياڭدى جاپپاي زاڭمەن باسقارۋ كوميتەتىنىڭ مەڭگەرۋشىسى ما شيڭرۇي ءماجىلىستى باسقاردى ءارى ءسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيلەرى جاڭ چۇنلين، حى جۇڭيوۋ ماجىلىسكە قاتىناستى.
ءماجىلىس اۆتونوميالى رايوندىق پارتكوم شينجياڭدى جاپپاي زاڭمەن باسقارۋ كوميتەتىنىڭ زاڭ ەرەجە شىعارۋ، زاڭ اتقارۋ، ءادىليا، زاڭعا بويسۇنۋ، زاڭ جالپىلاستىرۋ سياقتى سايكەستىرۋ گرۋپپالارى مەن كەڭسەلەرىنىڭ 2022 - جىلعى قىزمەت مالىمەتىن تىڭدادى، «پارتيا 20 - قۇرىلتايىنىڭ رۋحىن مۇقيات دايەكتىلەندىرىپ، تياناقتاندىرىپ، جاڭا داۋىردە شينجياڭدى جاپپاي زاڭمەن باسقارۋدى ىشكەرىلەي ىلگەرىلەتۋ جونىندەگى اتقارۋ جوباسىن»، «اۆتونوميالى رايوندىق پارتكوم شينجياڭدى جاپپاي زاڭمەن باسقارۋ كوميتەتىنىڭ 2023 - جىلعى قىزمەت نەگىزگى تۇيىندەرىن»، «2023 - جىلعى اۆتونوميالى رايوننىڭ زاڭمەن باسقارۋدى قۋزاۋ - تەكسەرۋ قىزمەتى جوباسىن» قارادى.
ما شيڭرۇي بىلاي دەپ اتاپ كورسەتتى: بىلتىردان بەرى، اۆتونوميالى رايوندىق پارتكوم باس شۋجي شي جينپيڭنىڭ، پارتيا ورتالىق كوميتەتىنىڭ مەملەكەتتى جاپپاي زاڭمەن باسقارۋ جونىندەگى شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، شينجياڭدى زاڭمەن باسقارۋدى اناعۇرلىم كورنەكتى ورىنعا قويۋعا تاباندى بولىپ، زاڭمەن باسقارۋ قۇرىلىسى جاۋاپكەرشىلىگىن قاتايتىپ، ناقتىلاندىرىپ، زاڭمەن باسقارىلاتىن شينجياڭ قۇرىلىسىن تىڭعىلىقتى ىلگەرىلەتىپ، شينجياڭدى زاڭمەن باسقارۋدىڭ تىڭ قادام تاستاۋىن ىلگەرىلەتتى. تۇتاس رايونداعى ءار دارەجەلى ورىندار، تاراۋلار شي جينپيڭنىڭ زاڭمەن باسقارۋ يدەياسىن ىشكەرىلەي ۇيرەنىپ، دايەكتىلەندىرىپ، پارتيا 20 - قۇرىلتايىنىڭ رۋحىن جانە مەملەكەتتىك ەكى ءماجىلىستىڭ رۋحىن جاپپاي دايەكتىلەندىرىپ، ”ەكىنى تۇراقتاندىرۋدى“ باتىل قورعاۋ، ”ەكىنى قورعاۋدى“ باتىل ورىنداۋ سىندى ساياسي بيىك ورەدەن، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، شينجياڭدى جاپپاي زاڭمەن باسقارۋ قىزمەتتەرىن ىلگەرىلەتۋدى جۇيەلى جوسپارلاپ، زاڭمەن باسقارۋدىڭ نەگىزدى بەكەمدەۋ، مەجەنى ورنىقتىرۋ، ۇزاق بولاشاققا ءتيىمدى بولۋ سىندى قامتاماسىزداندىرۋ رولىن تولىق ساۋلەلەندىرىپ، زاڭمەن باسقارۋ ارناسىندا شينجياڭنىڭ باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدى تەزدەتىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازۋعا پارمەندى زاڭمەن باسقارۋ قامتاماسىزدىعىن ازىرلەۋى كەرەك. جالپى تۇلعالىق مەملەكەت حاۋىپسىزدىگى كوزقاراسىن بۇلجىماي دايەكتىلەندىرىپ، لاڭكەستىككە قارسى تۇرۋدىڭ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن ءۇرتىس ىلگەرىلەتىپ، قوعامدىق كەلەلى جاعدايدىڭ ءۇرتىس ورنىقتىلىعىن باتىل قورعاۋ كەرەك. بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن كۇش سالا تۇلعالاپ، شارۋاشىلىق - ساۋدا ورتاسىن ساپالىلاندىرىپ، دارەجەسىن ءوسىرۋدىڭ 3 جىلدىق ارەكەتىن كۇش سالا ىلگەرىلەتىپ، قيىن ءتۇيىندى، بوگەت ءتۇيىندى ماسەلەلەردى قاينارىنان باستاپ شەشۋگە باسا ءمان بەرىپ، ءتۇرلى تيجارات نەگىزگى تۇلعالارى ءۇشىن ەڭ جوعارى شەكتە كەدەرگىنى ازايتۋ، قوزعاۋشى كۇش ۇستەۋ كەرەك. جاڭا داۋىردەگى پارتيانىڭ ۇلت، ءدىن قىزمەتىن زاڭ بويىنشا ويداعىداي ىستەپ، ناقتى، جاندى، ءونىمدى تۇردە جۇڭحۋا ۇلتى ورتاق تۇلعا تانىمىن بەرىك ورناتىپ، مەملەكەتتە ءبىر تۇتاس قولدانىلاتىن ءتىل - جازۋ تاربيەسىن جانە ونى جالپىلاستىرۋدى، قولدانۋدى جەدەل ىلگەرىلەتىپ، ءدىن ىستەرىن باسقارۋدىڭ زاڭمەن باسقارىلۋ دەڭگەيىن جاپپاي جوعارىلاتۋ كەرەك. شينجياڭعا ساياتىن سىرتقا باعىتتالعان كۇرەستى زاڭ بويىنشا بەلسەنە ىلگەرىلەتىپ، حالىقارالىق تاراتۋ قۋاتىن جاسامپازدىقپەن جوعارىلاتىپ، جۇڭگونىڭ شينجياڭ حيكاياسىن ويداعىداي بايانداپ، زاڭمەن باسقارۋدىڭ تاماشا قوعامدىق پىكىر ورتاسىن قالىپتاستىرۋ كەرەك. ادامدىق ۇقىقتى باتىل، زاڭ بويىنشا قامتاماسىز ەتىپ، جۇڭگونىڭ ادامدىق ۇقىقتى دامىتۋ جولىمەن بۇلجىماي ءجۇرىپ، ادامدىق ۇقىقتى زاڭمەن باسقارۋدى قامتاماسىزداندىرۋ مەحانيزمىن اقاۋسىزداندىرىپ، ءار ۇلت بۇقاراسىنىڭ ادامدىق ۇقىقتان تەپە - تەڭ بىرگە يگىلىكتەنۋىن تولىق قامتاماسىز ەتىپ، شينجياڭدا ادامدىق ۇقىقتىڭ زاڭمەن باسقارىلۋىن قامتاماسىز ەتۋ دەڭگەيىن ۇزدىكسىز جوعارىلاتۋ كەرەك.
ما شيڭرۇي بىلاي دەپ باسا دارىپتەدى: نازاردى شەشۋشى بۋىندارعا شوعىرلاندىرىپ، عىلمي زاڭ شىعارۋدى، زاڭدى قاتاڭ اتقارۋدى، ءادىليانى ءادىل جۇرگىزۋدى، جالپى حالىقتىڭ زاڭعا بويسۇنۋىن ءبىر تۇتاس جوسپارلاپ ىلگەرىلەتۋ كەرەك. تاماشا زاڭمەن شەبەر باسقارۋ ۇستانىمىن بەرىك ورناتىپ، جەرگىلىكتى زاڭ ەرەجە شىعارۋ قىزمەتىن ءبىر تۇتاس جوسپارلاپ، ويلاسىپ، عىلمي جوسپارلاپ، بەلسەنە ىلگەرىلەتىپ، جەرگىلىكتى زاڭ ەرەجە شىعارۋ جۇيەسىن ءۇرتىس كەمەلدەندىرۋ كەرەك. زاڭمەن باسقارىلاتىن ۇكىمەت قۇرىلىسىن جەدەلدەتىپ، ازىق - تۇلىك، ءدارى - دارمەك، الەۋمەتتىك دەنساۋلىق ساقتاۋ سياقتى بۇقارانىڭ ءتول مۇددەسىنە ساياتىن ءتۇيىندى سالالاردا زاڭ اتقارۋ تەبىنىن ارتتىرىپ، ءتۇيىندى سالالاردى باقىلاۋ - باسقارۋدى كۇشەيتىپ، زاڭ بويىنشا اكىمشىلىك جۇرگىزۋ دەڭگەيىن كۇش سالا جوعارىلاتۋ كەرەك. ءادىليا جاۋاپكەرشىلىك ءتۇزىمىنىڭ جالپىلىق سايكەستى رەفورماسىن تەرەڭدەتىپ، زاڭدى قاتاڭ، جۇيەلى، ءادىل، وركەنيەتتى اتقارۋدى ناقتاپ تياناقتاندىرىپ، ءادىليانىڭ الەۋمەتتىك سەنىمدىلىگىن ۇزدىكسىز جوعارىلاتۋ كەرەك. نەگىزگى ساتىنى باسقارۋدىڭ زاڭمەن باسقارىلۋىن ىلگەرىلەتىپ، پارتيا ۇيىمىنىڭ باسشىلىعىنداعى ءوزىن - ءوزى باسقارۋ، زاڭمەن باسقارۋ، مورالمەن باسقارۋ ءوزارا ۇشتاستىرىلعان قالا، اۋىل نەگىزگى ساتىسىن باسقارۋ جۇيەسىن ۇزدىكسىز اقاۋسىزداندىرىپ، باياندى تىنىشتىقتىڭ نەگىزگى ساتى نەگىزىن بەكەمدەۋ كەرەك.
ما شيڭرۇي بىلاي دەپ باسا دارىپتەدى: ”شەشۋشى ازشىلىقتى“ يگەرۋگە تاباندى بولىپ، ءار دارەجەلى پارتيا ۇيىمدارىنداعى نەگىزگى جاۋاپتى جولداستاردىڭ باسشىلىق جاۋاپكەرشىلىگىن، ءار دارەجەلى ۇكىمەتتەردەگى نەگىزگى جاۋاپتى جولداستاردىڭ زاڭمەن باسقارىلاتىن ۇكىمەت قۇرىلىسىنداعى نەگىزگى تۇلعالىق جاۋاپكەرشىلىگىن جاپپاي تياناقتاندىرىپ، ءار دارەجەلى باسشى كادرلاردىڭ باستاماشىلدىقپەن زاڭدى قۇرمەتتەۋىن، زاڭدى ۇيرەنۋىن، زاڭعا بويسۇنۋىن، زاڭدى قولدانۋىن ىلگەرىلەتىپ، تەكسەرۋ - زەرتتەۋ ستيلىن بارىنشا ساۋلەلەندىرىپ، زاڭمەن باسقارۋ ويىنان جانە زاڭمەن باسقارۋ تاسىلىنەن پايدالانىپ دامۋدى ىلگەرىلەتۋ، قايشىلىقتى شەشۋ، ورنىقتىلىقتى قورعاۋ، حاۋىپ - قاتەرگە توتەپ بەرۋ قۋاتىن ۇزدىكسىز جوعارىلاتىپ، جاڭا داۋىردەگى جاڭا جورىقتا اناعۇرلىم جوعارى دەڭگەيدەگى زاڭمەن باسقارىلاتىن شينجياڭ قۇرۋعا پارمەندى قامتاماسىزدىق ازىرلەۋ كەرەك.
ياڭ چىڭ، ۋاڭ ميڭشان، ەلزات احمەتجان، چىن ميڭگو، جۋ شۋەبيڭ، ءدىلشات سايىم، دوۋ حۇڭيان، اۆتونوميالى رايوندىق پارتكوم شينجياڭدى جاپپاي زاڭمەن باسقارۋ كوميتەتىنىڭ مۇشەلەرى جانە ءارقايسى مۇشە ورىندارداعى نەگىزگى جاۋاپتى جولداستار، ءارقايسى سايكەستىرۋ گرۋپپاسىنداعى قاتىستى جاۋاپتى جولداستار قاتارلىلار ماجىلىسكە قاتىناستى.
