ما شيڭرۇي ىلە قازاق اۆتونوميالى وبلىسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
تەكسەرۋ - زەرتتەۋ ستيلىن بارىنشا ساۋلەلەندىرىپ، ماسەلەلەردى ءجىتى قاداعالاپ، بەلسەنە ىسكەرلىك كورسەتىپ، شينجياڭنىڭ سىرتقا ەسىك اشۋىندا ۇزدىكسىز تىڭ سەرپىلىستى جۇزەگە اسىرۋدى بار كۇشپەن ىلگەرىلەتۋ كەرەك
3 - ايدىڭ 23 - كۇنى اۆتونوميالى رايوندىق پارتكومنىڭ شۋجيى ما شيڭرۇي ىلە قازاق اۆتونوميالى وبلىسىندا تەكسەرۋ - زەرتتەۋ جۇرگىزدى. سۋرەتتە: ما شيڭرۇي قورعاس تەمىر جول شەكارا وتكەلى ۆوگزالىنا كەلىپ، كەزەكشى پويەزدەردىڭ قاتىناۋ احۋالى، تاسىمال قۋاتىن جوعارىلاتۋ، كەدەننەن ءوتۋدىڭ قىزمەت وتەۋ قامتاماسىزدىعى سياقتى قىزمەتتەردى تاپتەشتەي ۇعىستى.
□ سۋرەتتى ليۋ چىڭگاڭ تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 3 - ايدىڭ 23 - كۇنى قۇلجادان حابارلايدى. پارتيا 20 - قۇرىلتايىنىڭ رۋحىن جانە مەملەكەتتىك ەكى ءماجىلىستىڭ رۋحىن جاپپاي دايەكتىلەندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ تەكسەرۋ - زەرتتەۋدى بارىنشا ورىستەتۋ جونىندەگى شەشىمدەرىنىڭ، ورنالاستىرۋلارىنىڭ ناقتىلانۋىن، تياناقتانۋىن تىڭعىلىقتى ىلگەرىلەتىپ، شينجياڭنىڭ باتىسقا ەسىك اشۋى، حالىقارالىق ساۋدا سياقتى قىزمەتتەرىنىڭ اناعۇرلىم زور ىلگەرىلەۋشىلىككە قول جەتكىزۋىن جەبەۋ ءۇشىن، اۆتونوميالى رايوندىق پارتكومنىڭ شۋجيى ما شيڭرۇي 3 - ايدىڭ 23 - كۇنى ىلە قازاق اۆتونوميالى وبلىسىنا بارىپ، قورعاس شەكارا وتكەلى سياقتى نەگىزگى ساتىنىڭ ءبىرىنشى شەبىن ىشكەرىلەي ارالاپ، شەكارا وتكەلى قۇرىلىسىنىڭ جۇمىس جۇرگىزۋى، تاس جول، تەمىر جول تاسىمالى، سىرتقى ساۋدا كاسىپورىندارىنىڭ دامۋى سياقتى جاعدايلارعا سول جەردە تەكسەرۋ - زەرتتەۋ جۇرگىزىپ، قازىرگى كەزدەگى شەكارا اتتاعان زات تاسىمالىن ىركىلىسسىزدەندىرۋ، يمپورت - ەكسپورت ساۋداسىن كەڭەيتۋ، ەسىك اشۋ قابىلەتىن جوعارىلاتۋ سياقتى جاقتاردا ورىن تەۋىپ وتىرعان كورنەكتى ماسەلەلەردى سول ارادا اقىلداسىپ، سايكەستىرىپ شەشىپ، شەكارا وتكەلى ەكونوميكاسىن اناعۇرلىم جانداندىرۋدى جانە نىعايتۋدى ىلگەرىلەتىپ، ورايدى مىقتى يگەرىپ، قولايلى ساتتەن پايدالانىپ العا ۇمتىلىپ، اناعۇرلىم پارمەندى شارالار قولدانىپ، اناعۇرلىم ءونىمدى ىسكەرلىك كورسەتىپ، شينجياڭنىڭ سىرتقا ەسىك اشۋىندا تىڭ سەرپىلىستى جۇزەگە اسىرۋدى جەبەدى.
ما شيڭرۇي قورعاس مەملەكەت قاقپاسىنا كەلىپ، ”5 بىرلەسكەن“ بەينە ەكران قولباسشىلىق ەتۋ، ءبولىپ مەڭگەرۋ ورتالىعىنا كىرىپ، شەكارا وتكەلى اينالىمى جاعدايى جونىندەگى تانىستىرۋدى تىڭداپ، تاسىمالداعى ناقتى جاعدايدى بەينەبايلانىس ارقىلى ورنالاستىرىپ، شەكارا وتكەلىنىڭ جۇمىس جۇرگىزۋدى باسقارۋى، زات وتكىزۋ مولشەرىنىڭ ارتۋى سياقتى جاعدايلارعا جانە قازىر ورىن تەۋىپ وتىرعان باستى ماسەلەلەرگە سول ورىندا تەكسەرۋ - زەرتتەۋ جۇرگىزدى. ول بىلاي دەپ اتاپ كورسەتتى: بيىل 1 -، 2 - ايلاردا شينجياڭنىڭ سىرتقى ساۋدا يمپورت - ەكسپورت جالپى قۇنى سايكەس مەزگىلدەگىدەن ％4. 86 ارتىپ، سىرتقا ەسىك اشۋ جاعدايى كوڭىلدەگىدەي بولدى. قورعاستىڭ شينجياڭنىڭ باتىسقا ەسىك اشۋىنداعى تەرەزەلىك رولىن ونان ارى ساۋلەلەندىرىپ، نازاردى قازىرگى سىرتقا ەسىك اشۋ دەڭگەيىنىڭ جوعارىلاۋىنا تۇساۋ بولىپ وتىرعان بوگەتتى فاكتورلارعا شوعىرلاندىرىپ، اناعۇرلىم باتىل سەنىم، اناعۇرلىم پارمەندى شارالار ارقىلى كورنەكتى ماسەلەلەردى شەشۋدى ىلگەرىلەتىپ، نەگىزدىك قۇرىلعىلار دەڭگەيىن ۇزدىكسىز جوعارىلاتىپ، شەكارا وتكەلىنىڭ جۇمىس جۇرگىزۋ مەحانيزمىن كەمەلدەندىرىپ، قىزمەت وتەۋ قۋاتىن ارتتىرىپ، كەدەننەن ءوتۋ ونىمدىلىگىن جوعارىلاتىپ، اناعۇرلىم قولايلى، زەردەلى، جوعارى ءونىمدى ەسىك اشۋ، دامۋ ورتاسىن كۇش سالا تۇلعالاپ، سىرتقا ەسىك اشۋدا اناعۇرلىم كوپ ماندىك جەتىستىككە قول جەتكىزۋدى ىلگەرىلەتۋ كەرەك. ما شيڭرۇي قورعاس جين - ي جۇك الاڭىندا، سونداي - اق جۇمىس جۇرگىزەتىن كاسىپورىنداردا تەكسەرۋ - زەرتتەۋ جۇرگىزىپ، ولاردى حالىقارالىق وزىق دەڭگەيدى ولشەم ەتىپ، ولشەمدەندىرۋ، كولەمدەندىرۋ قۇرىلىسىن زور كۇشپەن ىلگەرىلەتىپ، ەرەكشە اۋىل شارۋاشىلىعى ونىمدەرى سياقتىلاردى تاسىمالداۋ جانە ۇيىمداستىرۋ قابىلەتىن ۇزدىكسىز جوعارىلاتىپ، كاسىپورىنداردىڭ دامۋىن، نىعايۋىن ىلگەرىلەتىپ، قورعاستىڭ ەسىك اشۋدىڭ بيىك بەلەسىن تۇلعالاۋىنا بەلسەنە دەم بەرۋگە شابىتتاندىردى.
قورعاس تەمىر جول شەكارا وتكەلىندە ما شيڭرۇي قاتىستى جاۋاپتىلارمەن پىكىر اۋىستىرىپ، كەزەكشى پويەزدەردىڭ قاتىناۋ احۋالى، تاسىمال قۋاتىن جوعارىلاتۋ، كەدەننەن ءوتۋدىڭ قىزمەت وتەۋ قامتاماسىزدىعى سياقتى قىزمەتتەردى تاپتەشتەي ۇعىسىپ، ولارعا حالىقارالىق زات اينالىم ۇلكەن ءدالىزى قۇرىلىسىن كوزدە ۇستاپ، قۇرىلعى، ينفورماتسيا سياقتى جاقتارداعى ۇلاستىرۋ، تۇتاستىرۋ دەڭگەيىن جەدەل جوعارىلاتىپ، شەكارا وتكەلىنىڭ يقۋاتىن كەڭەيتىپ، ونىمدىلىگىن ارتتىرۋدى بەلسەنە جەبەۋدى، تۇرلىشە امالدارمەن تاسىمالداۋ، كەدەننەن ءوتۋ قۋاتى مەن ونىمدىلىگىن جوعارىلاتۋدى، جۇڭگو − ەۆروپا كەزەكشى پويەزدەرىنىڭ سانىنىڭ ۇزدىكسىز ورنىقتى ارتۋىنا كەپىلدىك ەتىپ، شينجياڭنىڭ سىرتقى ساۋداسىنىڭ جوعارى ساپالى دامۋىن ىلگەرىلەتۋگە، ”ءبىر بەلدەۋ، ءبىر جول“ قۇرىلىسىنا اناعۇرلىم ويداعىداي قىزمەت وتەۋگە بەلسەندى ۇلەس قوسۋدى قاداعالاي تاپسىردى.
ما شيڭرۇي تەكسەرۋ - زەرتتەۋ بارىسىندا بىلاي دەپ باسا دارىپتەدى: باس شۋجي شي جينپيڭنىڭ، پارتيا ورتالىق كوميتەتىنىڭ ستراتەگيالىق ورنالاستىرۋلارىن مۇقيات دايەكتىلەندىرىپ، ىشكەرىلەي تەكسەرۋ - زەرتتەۋ جۇرگىزىپ، ماسەلەلەردى شىن مانىندە شەشۋدىڭ ناقتى ونىمدىلىگى ارقىلى قىزمەتتە ۇزدىكسىز جاڭا جاعداي اشىپ، شىنايى يگەرىپ ناقتى ىستەپ، جاۋاپكەرشىلىك ارقالاپ، ىسكەرلىك كورسەتىپ، جاڭا داۋىردەگى شينجياڭنىڭ سىرتقا ەسىك اشۋىنىڭ ۇزدىكسىز تەرەڭگە بويلاۋىن، اياسىنىڭ كەڭەيۋىن، جان - جاقتى ورىستەۋىن ىلگەرىلەتۋ كەرەك. ماسەلەنى باعدار ەتۋدى، ىشكەرىلەي تەكسەرۋ - زەرتتەۋدى كۇشەيتىپ، نازاردى وڭىرلىك ورىن، ساياسات، بايلىق سياقتى باسىمدىقتاردى اناعۇرلىم ويداعىداي ساۋلەلەندىرۋگە، جىبەك جولى ەكونوميكالىق بەلدەۋى وزەكتى رايون قۇرىلىسىن جەدەل ىلگەرىلەتۋگە شوعىرلاندىرىپ، جوعارى ساپالى سىرتقا ەسىك اشۋداعى بوگەتتىك، قوردالانعان، قيىن تۇيىندەردى قاداعالاي وتىرىپ، ماسەلەنى شەشۋ وي جەلىسى مەن شارالارىن شىن مانىندە قولدانىپ، شىندىققا جۇگىنىپ، ناقتى ءىس ىستەپ، جاۋاپكەرشىلىك ارقالاپ، بورىشتى ادا ەتىپ، جاڭا داۋىردەگى شينجياڭنىڭ سىرتقا ەسىك اشۋىن ىلگەرىلەتۋدە اناعۇرلىم زور ناتيجەلەرگە قول جەتكىزۋ كەرەك. سىرتقى ساۋدانىڭ كولەمىن كەڭەيتىپ، ساپاسىن ءوسىرىپ، ونىمدىلىگىن ارتتىرۋدى ۇزدىكسىز ىلگەرىلەتىپ، جىبەك جولى ەكونوميكالىق بەلدەۋىنىڭ بويىنداعى مەملەكەتتەرمەن، وتە - موتە، ورتا ازياداعى 5 ەلمەن ەكونوميكا - ساۋدا سەلبەستىگىن تەرەڭدەتىپ، سىرتقى ساۋدانىڭ كاسىپ كۇيىندە، قىزمەت وتەۋىندە، ۇلگىسىندە جاڭالىق اشۋدى ىلگەرىلەتىپ، حالىقارالىق بازاردى ۇزدىكسىز كەڭەيتىپ، يمپورت - ەكسپورتتىڭ جاڭا ارتۋ ءتۇيىنىن جەتىلدىرىپ، سىرتقى ساۋدادا ساننىڭ جەدەل ارتۋى مەن ساپانىڭ ءونىمدى جوعارىلاۋىن ىسكە اسىرۋدى ىلگەرىلەتۋ كەرەك. بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن قالىپتاستىرىپ، شارۋاشىلىق - ساۋدا ورتاسىن ساپالىلاندىرۋدىڭ 3 جىلدىق ارەكەتىن اناعۇرلىم زور تەبىنمەن ىلگەرىلەتىپ، قىزمەت وتەۋ قۋاتىن ۇزدىكسىز جوعارىلاتىپ، زاڭمەن باسقارۋ قامتاماسىزدىعىن ۇزدىكسىز كۇشەيتىپ، ءتۇرلى شارۋاشىلىق تۇلعالارىنا قىزمەت وتەۋ قۋاتىن جوعارىلاتىپ، سىرتقا ەسىك اشۋ دەڭگەيىن جوعارىلاتۋعا ءتيىمدى تاماشا دامۋ ورتاسىن قۇلشىنا قالىپتاستىرۋ كەرەك.
تەكسەرۋ - زەرتتەۋدە ما شيڭرۇي تاعى ىلە شينتيان كومىر حيميا ونەركاسىپ شەكتى جاۋاپكەرشىلىك سەرىكتەستىگىنە كەلىپ، كومىردەن گاز ءوندىرۋ نىسانى قۇرىلىسى مەن وسى زامانعى كومىر حيميا ونەركاسىپ سالاسىنىڭ دامۋ جاعدايىن تەكسەرىپ - زەرتتەپ، ۇعىسىپ، شينجياڭنىڭ ەنەرگيا، بايلىق باسىمدىعىن ونان ارى ويداعىداي ساۋلەلەندىرىپ، ”8 ءىرى كاسىپ سالاسى شوعىرى“ قۇرىلىسىن تىعىز ارقاۋ ەتە وتىرىپ، باسىمدىققا يە كومىر ءوندىرىس قۋاتىن كادەگە جاراتۋدى جانە ودان تازا، جوعارى ءونىمدى، جان - جاقتى پايدالانۋدى ۇزدىكسىز ىلگەرىلەتىپ، شينجياڭنىڭ كومىر حيميا ونەركاسىبىنىڭ جوعارى دەڭگەيلى، كوپ نەگىزدى، تومەن كومىر قىشقىل گازدى دامۋىن ۇزدىكسىز ىلگەرىلەتىپ، ەكونوميكانى جوعارى ساپالى دامىتۋعا اناعۇرلىم كوپ قوزعاۋشى كۇش ۇستەۋدى باسا دارىپتەدى.
ياڭ شيۋلي قاتارلىلار تەكسەرۋ - زەرتتەۋگە قاتىناستى.
