وقۋ - اعارتۋ مينيسترلىگىنىڭ بۇگىنگى حابارىنا قاراعاندا، وقۋ - اعارتۋ مينيسترلىگىنىڭ وقىتۋشىلار قىزمەتى مەڭگەرمەسى مەن جۇڭگو عىلىم اكادەمياسىنىڭ عىلىم ءبولىمى قىزمەت مەكەمەسى، عىلىم تاراتۋ مەكەمەسى ”ەرەكشە عىلىم وقىتۋشىلارىنىڭ ءبىلىم اسىرۋ كلاسى“ تۇڭعىش كەزەكتى ءبىلىم اسىرۋ كۋرسىنىڭ ەڭ سوڭعى كەزەگىن بىرلەسىپ ۇيىمداستىراتىن بولىپ، 3 - ايدىڭ 27 - كۇنى تۇستەن كەيىن جۇڭگو عىلىم اكادەمياسىنىڭ اۆتوماتتاستىرۋدى زەرتتەۋ ورنىندا كۋرس باستايدى ەكەن.
وسى كەزەكتى ”ەرەكشە عىلىم وقىتۋشىلارىنىڭ ءبىلىم اسىرۋ كلاسى“ ”AI ارقىلى بولاشاققا نازار“ تاقىرىبىن نەگىز ەتكەن بولىپ، بەيجيڭنىڭ ءارقايسى رايونىنداعى ورتا مەكتەپتەردىڭ ينفورماتسيا تەحنيكا وقىتۋشىلارى جۇڭگو عىلىم اكادەمياسىنىڭ اۆتوماتتاستىرۋدى زەرتتەۋ ورنى، ەسەپتەۋ تەحنيكاسىن زەرتتەۋ ورنى، جۇمساق بولشەك زەرتتەۋ ورنى، كەڭىستىك قولدانىلمالى ينجەنەرياسى مەن تەحنيكا ورتالىعى، قۇجات مالىمەتتەر ورتالىعى سياقتى عىلمي زەرتتەۋ اكادەمياسى مەن ورىندارىنا بارىپ، 5 كۇن ءبىلىم اسىرىپ، عىلىمي ورەسىن كەڭەيتىپ، عىلىم وي جەلىسىن جەبەپ، عىلمي وقۋ - اعارتۋ، وقىتۋ دەڭگەيىن جوعارىلاتادى. ءبىلىم اسىرۋدا ”عىلمي اماليات“، ”ارناۋلى تاقىرىپتا بايانداما جاساۋ“ سياقتى ۇقساماعان تاقىرىپتار جوبالانعان، ۇلگىسى الۋان ءتۇرلى، مازمۇنى باي. كۋرسكە قاتىناسقان وقىتۋشىلار جۇڭگو عىلىم اكادەمياسىنىڭ عىلىم - تەحنيكا تابىس كورمەسى، مەملەكەتتىك عارىش تاجىريبەحاناسى، ۇقساتىلمالى ينجەنەريا ورتالىعى، ”ەسەپتەۋدىڭ اياق الىسى“ كورمە زالى،سونداي-اق جۇمساق بولشەك ورنى كورمە زالىن ەكسكۋرسيالاپ، جۇڭگو عىلىم اكادەمياسىنىڭ الدىڭعى قاتارداعى عىلىمدارىنىڭ ىلگەرىلەۋشىلىكتەرى جانە ماڭىزدى عىلىم - تەحنيكا تابىستارىمەن تانىسادى؛ ”ماشينالىق ۇيرەنۋ نەگىزدىك ەسەپتەۋ امالىنىڭ امالياتى“، ”مي ەلەكتر تولقىنىمەن زەيىندى مەڭگەرۋ جاتتىعۋى“ سياقتى عىلىمي تاجىريبەلەرگە قاتىناسىپ، نازاريالىق تۇسىنىكتەن پروگراممالاپ جاتتىعۋعا دەيىنگى، ودان قاتتى بولشەك قۇرۋعا دەيىنگى جالپى بارىستى سەزىنەتىن بولادى؛ مامانداردىڭ بايانداماسىن ەستىپ، جاساندى زەردەنىڭ دامۋ بەتالىسى مەن زەردەلى عىلىم - تەحنيكانىڭ ءبىزدىڭ تۇرمىسىمىزبەن بولعان قويۋ بايلانىسىن ۇعىنادى؛ عىلىم سالاسىنىڭ ماماندارىمەن بىرگە ”قيال - عاجايىپتار ارقىلى عىلمي وقۋ - اعارتۋعا دەم بەرۋ“ سياقتى تاقىرىپتار جونىندە تالقى ورىستەتىپ، عىلمي وقۋ - اعارتۋدىڭ جاڭا جولدارىن بىرگە قاراستىرادى، ءبىلىم اسىرۋدىڭ ساباق قورى مەملەكەتتىك زەردەلى وقۋ - اعارتۋ الەۋمەتتىك قىزمەت وتەۋ تەكشەسى ارقىلى بۇكىل مەملەكەتتەگى ورتا - باستاۋىش مەكتەپ وقىتۋشىلارىنا اشىق تاراتىلادى.
تۇڭعىش كەزەكتى ”ەرەكشە عىلىم وقىتۋشىلارىنىڭ ءبىلىم اسىرۋ كلاسى“ بەيجيڭ، شاڭحاي، شىنجىن، كۇنميڭ قاتارلى 4 قالادا 6 كەزەك ورنالاستىرىلادى. وسى كەزەكتى ءبىلىم اسىرۋ كۋرسى تۇڭعىش كەزەكتى ”ەرەكشە عىلىم وقىتۋشىلارىنىڭ ءبىلىم اسىرۋ كلاسىنىڭ“ سوڭعى مارەسى سانالادى. (باس ستانسيا ورتالىق تەلەۆيزياسىنىڭ ءتىلشىسى جوۋ پەيپەي)
