شينحۋا اگەنتتىگىنىڭ 3 ـ ايدىڭ 27 ـ كۇنى بەيجيڭنەن بەرگەن حابارى. جۇڭگو باسكەتبول قوعامىنىڭ حابارىنا قاراعاندا، 2022 ـ جىلعى جۇڭگو باسكەتبولى ايگىلى ادام داڭق زالىنا كىرۋ سالتى 4 ـ ايدىڭ 9 ـ كۇنى تيانجين جاستار قوعامى نانكاي رايونى دۇڭما جولى كلۋبىنىڭ كونە جۇرتىندا وتكىزىلەدى ەكەن.
جۇڭگو باسكەتبول داڭق زالىنا كىرۋ سالتى جۇڭگو باسكەتبول سپورتىنىڭ داڭق تاريحى، ەلىمىزدىڭ باسكەتبول سپورتىنىڭ دامۋىنا كورنەكتى ۇلەس قوسقان جەكەلەر مەن كوللەكتيۆتى ەسكە الۋ، قۇرمەت ٴبىلدىرۋ، مۇراگەرلىك ەتۋ سارايى.
2022 – جىلى جۇڭگو باسكەتبول قوعامى جۇڭگو باسكەتبولى ايگىلى ادام داڭق زالىنا تانىستىرۋ قيمىلىن ۇيىمداستىرىپ، جارىم جىلعا جۋىق ۋاقىت جۇمساپ، ەڭ سوڭىندا 24 ادام جانە ءبىر كوللەكتيۆ داڭق زالىنا ەنگىزىلەتىن بولىپ تاڭدالدى.
ايگىلى ادام داڭق زالىنا كىرۋ سالتى مىناداي ٴۇش ساتىعا بولىنەدى: 15 ”ەرەكشە قۇرمەت بىلدىرىلگەن تۇلعا“ زالعا كىرەدى، زالعا كىرۋگە كورسەتىلگەن 9 تۇلعا زالعا كىرەدى، سونداي - اق تاڭداۋلى كوللەكتيۆ − ”جاڭا جۇڭگو باسكەتبول سپورتىنىڭ كورنەكتى ۇلەس سيلىعىمەن (50 ەگەي)“ سيلانعاندار زالعا كىرەدى.
وسى رەتكى زالعا كىرۋ سالتى زالعا كىرۋ سەرت بەلگىسى، زالعا كىرگەن تۇلعالاردىڭ لەكسياسى سياقتى بۋىندار ارقىلى ”اڭىزدىڭ جانى جالعاستىرۋ“ ۇستانىمىن تۇتاس بارىسقا سىڭىرەدى.
