جۇڭگو شينجياڭ دوستىق اۋىس - كۇيىس ساپارلاۋ ۇيىرمەسى قازاقستاندا ساپاردا بولدى
ما شيڭرۇي قازاقستاننىڭ زۇڭتۇڭى توقايەۆپەن كەزدەستى
گازەتىمىزدىڭ 3 - ايدىڭ 27 - كۇنى استانادان بەرگەن حابارى. اۆتونوميالى رايوندىق پارتكومنىڭ شۋجيى ما شيڭرۇي جۋىقتا جۇڭگو شينجياڭ دوستىق اۋىس - كۇيىس ساپارلاۋ ۇيىرمەسىن باستاپ قازاقستاندا ساپاردا بولدى. 3 - ايدىڭ 27 - كۇنى ما شيڭرۇي استانادا قازاقستاننىڭ زۇڭتۇڭى توقايەۆپەن كەزدەستى.
ما شيڭرۇي كەزدەسۋدە ءتوراعا شي جينپيڭنىڭ ىقىلاستى سالەمىن جانە ىزگى تىلەگىن جەتكىزدى. ما شيڭرۇي مىنالاردى ءبىلدىردى: ءتوراعا شي جينپيڭ مەن مارتەبەلى زۇڭتۇڭنىڭ بىرگە جەتەكشىلىك ەتۋىندە، جۇڭگو مەن قازاقستاننىڭ ماڭگىلىك جان - جاقتى ستراتەگيالىق سەرىكتەستىك قارىم - قاتىناسى تىڭ دەڭگەيگە كوتەرىلدى. جۇڭگو كوممۋنيستىك پارتياسىنىڭ 20 - قۇرىلتايىندا جاپپاي سوتسياليستىك وسىزاماندانعان مەملەكەت قۇرۋدىڭ ۇلى جوباسى جاسالدى. تاياۋدا جۇڭگونىڭ مەملەكەتتىك ەكى ءماجىلىسى جەڭىسپەن اشىلدى، ءتوراعا شي جينپيڭ تاعى دا تولىق داۋىسپەن جۇڭگونىڭ مەملەكەت ءتوراعاسى بولىپ ۇزدىكسىز سايلاندى. جۇڭگوداعى ءار ۇلت حالقى شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ جولىندا ىنتىماقتاسا كۇرەس جۇرگىزىپ، جۇڭگو ۇلگىسىندەگى وسىزامانداندىرۋ قۇرىلىسىنىڭ تىڭ تابىستارى ارقىلى دۇنيە جۇزىندەگى ءار ەلدىڭ بىرگە دامۋىنا تىڭ وراي الا كەلدى. قازاقستان جۇڭگونىڭ شينجياڭىنىڭ سىرتقا ەسىك اشۋداعى جانە سەلبەسۋدەگى ماڭىزدى وبيەكتىسى. ءبىز ەكى ەلدىڭ مەملەكەت باسشىلارى كەلىسكەن ماڭىزدى ورتاق تانىمدى مۇقيات تياناقتاندىرىپ، قازاقستاننىڭ جەرگىلىكتى ورىندارىمەن ءار سالاداعى سەلبەستىكتى اناعۇرلىم كۇشەيتىپ، ەكونوميكا - ساۋدا ناقتى سەلبەستىگىن جاپپاي تەرەڭدەتىپ، نەگىزدىك قۇرىلعىلاردى ۇلاستىرۋ - تۇتاستىرۋدى ىلگەرىلەتىپ، گۋمانيتارلىق اۋىس - كۇيىس پەن دوس قالا سەلبەستىگىن كۇشەيتىپ، جۇڭگو − قازاقستان قارىم - قاتىناسىنىڭ كەلەسى ”التىن 30 جىلىن“ تۇلعالاۋعا، جۇڭگو − قازاقستان تاعدىرلاس ورتاق تۇلعاسىن تەرەڭدەتۋگە كۇش - قۋات ارناۋدى قالايمىز.
چىن ۋيجۇن، قادەن كابەن، سۇن حۇڭمەي، ياڭ شيۋلي، جۇڭگونىڭ قازاقستاندا تۇراتىن باس ەلشىسى جاڭ شياۋ قاتارلىلار قاتىستى قيمىلدارعا قاتىناستى.
