بيىل ٴۇرىمجى قالاسى اۋىل ـ قىستاقتاعى 17 مىڭ 612 وتباسىنىڭ شاعىن وتىندىق كومىر جاعىپ جىلۋمەن قامداۋ قۇرىلعىسىن تازا ەنەرگياعا وزگەرتۋدى جوسپارعا الىپ وتىر، وزگەرتىپ بولعاننان كەيىن، تۇتاس قالا تازا ەنەرگيا ارقىلى جىلۋمەن قامداۋدى تولىق قامتۋدى جۇزەگە اسىراتىن بولادى.
2012 ـ جىلى ٴۇرىمجى قالاسى ”كومىردىڭ ورنىنا گاز ىستەتۋ“ ينجەنەريا قۇرىلىسىن جۇرگىزىپ، سول جىلى ورتالىق قالا رايونىندا تازا ەنەرگيا ارقىلى جىلۋمەن قامداۋدى تولىق قامتۋدى جۇزەگە اسىردى. 2017 ـ جىلدان باستاپ، تازا ەنەرگيامەن جىلۋمەن قامداۋ قالا مەن اۋىلدىڭ تۇيىلىسكەن جەرىنە جانە اۋىل ـ قىستاق رايوندارىنا بىرتىندەپ كەڭەيدى. 2022 ـ جىلعا دەيىن ٴۇرىمجى قالاسى قالا، اۋىل ـ قىستاق توعىسقان ورىن مەن اۋىل ـ قىستاق رايوندارىنداعى جيىنى 92 مىڭنان استام وتباسىنىڭ شاعىن وتىندىق كومىر جاعىپ جىلۋمەن قامداۋ قۇرىلعىلارىن جاڭالاۋدى ىسكە اسىردى. بيىل اتقارىلاتىن اۋىل ـ قىستاق رايوندارىنداعى شاعىن وتىندىق كومىر جاعىپ جىلۋمەن قامداۋ قۇرىلعىلارى تيانشان رايونىن، ميدۇڭ رايونىن، ەكونوميكالىق - تەحنيكالىق اشۋ رايونىن (توۋتۇنحى رايونى)، دابانچىڭ رايونىن جانە ٴۇرىمجى اۋدانىن قامتيدى.
