بالاسىنىڭ كوشە اۆتوبۋسىنان قۋانا ٴتۇسىپ كەلە جاتقانىن كورگەندە شاپشال سىبە اۆتونوميالى اۋدانى لاڭعا قىستاعىنىڭ تۇرعىنى گۇلسىناس ۇلىسبايدىڭ كوڭىلىندەگى قيىن ماسەلە تۇبەگەيلى شەشىلدى، بۇرىن ول تاماعىن ىستەپ جاتىپ، بالاسىنىڭ مەكتەپتەن تۇسەتىن ۋاعى بولعاندا دەرەۋ مەكتەپكە بارىپ بالانى الىپ قايتاتىن، قايتىپ كەلگەننەن كەيىن جالعاستى تاماق ىستەيتىن، ونان بالاسىن قايتادان مەكتەپكە اپارىپ، مۇرنىنا سۋ جەتپەي قاتتى قاربالاستاپ كەتەتىن.
3 ـ ايدىڭ 20 ـ كۇنى تۇستەن بۇرىن ساعات 8دەن 50 مينۋت وتكەندە قىستاق تۇرعىندارى لاڭعا قىستاعى قىستاق تۇرعىندار كوميتەتىنىڭ ەسىك الدىنا جينالدى، ولار كوپتەن كۇتكەن الەۋمەتتىك اۆتوبۋس قىستاقتىڭ اۋزىندا توقتاپ تۇرعان، قارتتار تاياققا سۇيەنىپ، بالالار ۇلكەندەردىڭ باستاۋىمەن قىستاق اۋىزىنا كەلىپ، لاڭعا قىستاعىنا الەۋمەتتىك اۆتوبوس قاتىناۋىن قارسى الۋ سىندى حالىق تۇرمىسىنا قاتىستى ناقتى ٴىستى كورۋگە جينالدى.
لاڭعا قىستاعى جاعىستاي قالاشىعىنان 3 كيلومەتر قاشىقتىقتا، 3 كيلومەتر قانشالىق جەر؟ ادەتتە، ادامدار جاياۋ 50 مينۋت شاماسىندا ٴجۇرىپ ارەڭ جەتەدى، وسى 3 كيلومەتردەگى جول بۇل اراداعى قىستاق تۇرعىندارىن قاتتى مازالاپ كەلگەن ەدى. قىستاقتاعى 40 قانشا وقۋشى جەكە ـ جەكە جاعىستاي قالاشىعى سەنترلى مەكتەبىندە، اقجار سياقتى مەكتەپتەردە وقيدى، كوپ ساندى اتا ـ انا موتوتسيكلمەن بالالارىن مەكتەپكە اپارىپ ـ اكەلەدى، بۇل وتە قولايسىز بولاتىن. قىستاق تۇرعىندارىنىڭ ٴجۇرىس ـ تۇرىسى قيىن بولۋ ماسەلەسىن شەشۋ ٴۇشىن، قالاشىق، قىستاق ەكى دارەجەلى كادرلار اۋدانداعى قاتىستى تاراۋلارمەن بەلسەنە سايكەسىپ، اقىلداسۋ ارقىلى شاپشال اۋداندىق حۇيتۇڭ شەكتى سەرىكتەستىگى 6 ـ جول الەۋمەتتىك اۆتوبۋسىنىڭ قاتىناس جەلىسىن ۇزارتىپ، الەۋمەتتىك اۆتوبۋستى لاڭعا قىستاعىنىڭ اۋىزىنا دەيىن جەتكىزدى.
حالىق ۇنىنە دەر كەزىندە جاۋاپ قاتىپ، دەر كەزىندە ورىنداۋ ءتيىس. لاڭعا قىستاعى ”ەكى كوميتەتى“ جانە ”ۇعىسۋ ، تيىمدىلىك جاساۋ ، توعىستىرۋ“ قىزمەت اترەتى حالىقتىڭ قيىندىقتارى مەن تىلەگىن جيناۋ بارىسىندا، جاعداي ۇعىسۋدى جاپپاي قامتۋدى جۇزەگە اسىرىپ، حالىق تۇرمىسىنداعى قيىن ماسەلەلەردى بەلسەنە جيناپ، شەشىم ەتىپ وتىردى.
