شينجياڭ مەملەكەت بويىنشا ورمان باستىعى ءتۇزىمىن باقىلاۋ - تەكسەرۋدە، باعالاۋدا ۇزدىك بولىپ باعالاندى
انار بۇلت \ شينجياڭ گازەتىنىڭ ءتىلشىسى ساۋ حۋا 3 - ايدىڭ 29 - كۇنى ۇرىمجىدەن حابارلايدى. اۆتونوميالى رايوندىق ورمان شارۋاشىلىعى جانە جايلىم مەكەمەسىنەن ۇعىسۋىمىزشا، تاياۋدا مەملەكەتتىك ورمان شارۋاشىلىعى جانە جايلىم مەكەمەسى مەملەكەت بويىنشا 2022 - جىلعى ورمان باستىعى ءتۇزىمىنىڭ تياناقتانۋ جاعدايىن باقىلاۋ - تەكسەرۋ، باعالاۋ ناتيجەسىن حابارلاعان، مەملەكەت بويىنشا جيىنى 12 ولكە ۇزدىك، 20 ولكە دارەجەلى ورىن جاقسى بولىپ باعالانعان. شينجياڭ ۇزدىك بولىپ باعالانىپ، مەملەكەت بويىنشا 5 - ورىندى يەلەگەن.
حابارلاندىرۋدا مىنالار اتاپ كورسەتىلدى: ءبىر جىلدان بەرى، شينجياڭ ورمان باستىعى ءتۇزىمىنىڭ ۇيىمدىق، جاۋاپكەرشىلىك، ءتۇزىم جۇيەسىن جاپپاي ورناتىپ، پارتيا مەن ۇكىمەت بىردەي جاۋاپكەرشىلىك ارقالايتىن، قاراستى جەر جاۋاپتى بولاتىن، تاراۋلار سايكەسەتىن، قاينارىنان جونگە سالاتىن، تۇتاس ءوڭىردى قامتىعان باياندى مەحانيزمدى العاشقى قادامدا ورناتتى. اۆتونوميالى رايوننىڭ ءبىرىنشى باس ورمان باستىعى باستاماشىلدىقپەن مىندەتتى اتقارىپ، جاۋاپكەرشىلىكتى ادا ەتىپ، ورمان باستىعى ءتۇزىمىنىڭ جەتەكشىلىك رولىن تولىق ساۋلەلەندىرىپ، ورمان، جايلىم ءتۇيىندى قىزمەتىندە كورنەكتى ونىمدىلىككە قول جەتكىزدى.
2022 - جىلى شينجياڭنىڭ ورمان باستىعى ءتۇزىمى ”مەحانيزم ورناتۋدان“ ”ونىمدىلىك كورسەتۋگە“ بۇرىلىس جاساپ، كەزەڭدىك تابىسقا قول جەتكىزدى. بۇكىل رايوندا 30 نەشە مىڭ ورمان باستىعى 247 مىڭنان استام رەت ورمان شارلاپ، 67 مىڭ ماسەلەنى بايقادى جانە شەشتى؛ ءبىر ميلليون 570 مىڭ 900 مۋ جەردى ورمان ءوسىرىپ جاسىلداندىردى، بۇل مەملەكەت تۇسىرگەن جوسپاردان ％3. 9 ارتىق بولىپ، مەملەكەتتىك ورمان شارۋاشىلىعى جانە جايلىم مەكەمەسىنىڭ حابارلاندىرۋ شىعارىپ ماداقتاۋىنا يە بولدى؛ قۇمايتتانعان 6 ميلليون 989 مىڭ 800 مۋ جەردى وڭاپ، جىلدىق جوسپاردان ％74 اسىردى، وڭاۋ كولەمى بۇكىل ەل بويىنشا الدىڭعى قاتاردا بولىپ، شولەيتتەنۋ، قۇمايتتانۋ اۋماعىن ”بىردەي ازايتۋ“ جۇزەگە اسىرىلىپ، بۇكىل ەلدەگى بىردەن - ءبىر قۇمايتتانعان جەرى كەڭەيگەن ولكە - رايون بولۋ تاريحى اياقتالدى.
شينجياڭنىڭ جەر - جەرى ءىس جۇزىندىك جاعدايمەن ۇشتاستىرىپ، ورمان باستىعى ءتۇزىمى مەحانيزمىن اتقارۋ جونىندە ۇزدىكسىز ىزدەنىس جاسادى. بۇراتالا موڭعۇل اۆتونوميالى وبلىسى، سانجى حۇيزۋ اۆتونوميالى وبلىسى، ونسۋ اۋدانى ورمان باستىعى ءتۇزىمىن اتقارۋ جاعدايىن 3 - جاق باعالاۋىن الدىمەن تۇيىندە سىناق رەتىندە جۇرگىزدى؛ اقسۋ ايماعى، بايىنعولين موڭعۇل اۆتونوميالى وبلىسى، بۇراتالا وبلىسى، قۇمىل قالاسى، تۇرپان قالاسى سياقتى ايماق، وبلىس، قالالار جانە اۆتونوميالى رايونعا توتە قاراستى 3 مەملەكەت مەنشىگىندەگى ورمان باسقارۋ مەكەمەسى رايون جاعدايىنا ۇيلەسەتىن ورمان مەن جايلىمنىڭ ”بيڭتۋان مەن جەرگىلىكتى ورىننىڭ توعىسۋى“، ”ورمان باستىعى + باس پروكۋرور“، ”ورمان باستىعى + وزەن (كول) باستىعى“ سياقتى سايكەستى، بىرلەسىپ ارەكەتتەنۋ جاڭا مەحانيزمدەرى جونىندە بەلسەنە ىزدەنىس جاسادى. ونسۋ اۋدانى مەملەكەتتىك ورمان باستىعى ءتۇزىمى قىزمەتىندە شابىتتاندىرىلعان 8 قالا، اۋداننىڭ ءبىرى بولىپ باعالانىپ، مەملەكەتتىك كەڭەستىڭ ماداقتاۋىنا، شابىتتاندىرۋىنا يە بولدى. التاي ايماقتىق ورمان شارۋاشىلىعى جانە جايلىم مەكەمەسى، ءۇرىمجى قالاسى تيانشان رايوندىق باۋ - باقشا باسقارۋ مەكەمەسى سياقتى 9 ورىن ”مەملەكەتتىك جاسىلداندىرۋ قىزمەتىندەگى وزات كوللەكتيۆ“ اتاعىنا يە بولدى.
2023 - جىلى شينجياڭ ءار دارەجەلى پارتكومدار مەن ۇكىمەتتەردىڭ ورمان، جايلىم بايلىعىن قورعاۋ، دامىتۋ نەگىزگى تۇلعالىق جاۋاپكەرشىلىگىن ونان ارى قاتايتىپ، ورمان باستىعى ءتۇزىمىنىڭ جىلدىق باقىلاۋ - تەكسەرۋ، باعالاۋ قىزمەتىن ويداعىداي ىستەپ، جاسىلدانۋ مولشەرىن جوعارىلاتۋ، جاسىل جامىلعى مولشەرىن كوبەيتۋ، جاسىل جامىلعىمەن كومكەرۋ، جاسىل ءتۇستى قالپىنا كەلتىرۋ، جاسىل تۇستەن پايدالانۋ، جاسىل ءتۇستى جانداندىرۋ، جاسىل ءتۇستى قورعاۋ جاعىندا شىنايى ەڭبەك كورسەتىپ، ناقتى ونىمدىلىككە قول جەتكىزىپ، اسپانى اشىق، جەرى جاسىل، سۋى تۇنىق كورىكتى شينجياڭ قۇرۋعا تىڭ دا اناعۇرلىم زور ۇلەس قوسادى.
