تيانشان تورى
تيانشان تورى   ›   جاڭالىقتار   ›   شينجياڭ حابارلارى

سىرتقى ساۋدانىڭ ارتۋ قارقىنى نەگە بۇكىل ەل بويىنشا اعالاپ العا شىقتى

    سىرتقى ساۋدانىڭ ارتۋ قارقىنى نەگە بۇكىل ەل بويىنشا اعالاپ العا شىقتى

    − الدىڭعى 2 ايداعى شينجياڭنىڭ سىرتقى ساۋداسىنداعى جارقىن تۇيىندەرگە نازار

    انار بۇلت \ شينجياڭ گازەتىنىڭ ءتىلشىسى چىن چياڭۋي

  اۆتوكولىكتەر قاشقار كەشەندى قورعامالى باجى رايونىنان شىعىپ كەلەدى (3 - ايدىڭ 15 - كۇنى تۇسىرىلگەن). بيىل جىل باسىنان بەرى، قاشقار ايماعى كەشەندى قورعامالى باجى رايونى قۇرىلىسىن جەدەل ىلگەرىلەتىپ، اشىق ەكونوميكانى دامىتۋدىڭ بيىك بەلەسىن تۇلعالادى. الدىڭعى 2 ايدا قاشقار ايماعىنىڭ يمپورت - ەكسپورت ساۋداسىنىڭ جالپى قۇنى 9 ميلليارد 390 ميلليون يۋان بولىپ، سايكەس مەزگىلدگىدەن %8. 76 ارتتى.

  □ سۋرەتتى انار بۇلت \ شينجياڭ گازەتىنىڭ ءتىلشىسى ساي زىڭلى تۇسىرگەن

  تاياۋدا ءۇرىمجى كەدەنى شينجياڭنىڭ الدىڭعى 2 ايداعى سىرتقى ساۋداسىنىڭ ساندى مالىمەتتەرىن جاريالادى، شينجياڭنىڭ سىرتقى ساۋدا يمپورت - ەكسپورت جالپى قۇنى 44 ميلليارد 390 ميلليون يۋان بولىپ، سايكەس مەزگىلدەگىدەن %4. 86 ارتىپ، ارتۋ قارقىنى بويىنشا سايكەس مەزگىلدەگىدەن ۇزدىكسىز بۇكىل ەل كولەمىندە اعالاپ العا شىعىپ، 1 - ورىنعا جايعاسقان. بىلتىر جىل باسىنان بەرى، شينجياڭنىڭ سىرتقى ساۋداسى ارتۋدى ساقتاپ، بيىل جىل باسىندا تاعى دا ”جاقسى باستاما“ اشىپ، تاماشا كۇيدى جالعاستىردى.

    شەكارا وتكەلدەرىنىڭ ىركىلىسسىزدىگى جوعارى قارقىنمەن ارتۋعا تىرەك بولدى

  3 - ايدىڭ 23 - كۇنى ءبىر توپ كۇندەلىكتى بۇيىمدار التاي كەدەنىندە ءساتتى ءوتىنىش ەتىلگەننەن كەيىن، جۇك كولىگىنە تيەلىپ، تايكەشكەن شەكارا وتكەلى ارقىلى شەكارادان شىعىپ، گەرمانياعا جونەلتىلدى. بۇل − تايكەشكەن شەكارا وتكەلىنەن گەرمانياعا تۇڭعىش رەت تاۋار ەكسپورت ەتىلۋى.

  بيىل جىل باسىندا جاڭا تيپتى ايدارشا ۆيرۋسپەن جۇعىمدالۋعا ”B تۇردەگى B باسقارۋ“ اتقارىلعاننان بەرى، شينجياڭنىڭ قۇرلىقتىق جول شەكارا وتكەلىنىڭ باسىمدىعى تولىق ساۋلەلەنىپ، يمپورت - ەكسپورت جۇك تاسىمالى مولشەرىندە ارتۋ بەتالىسى بايقالدى.

  ءۇرىمجى كەدەنىنىڭ ساناعىنا قاراعاندا، الدىڭعى 2 ايدا شينجياڭنىڭ شەكارا وتكەلدەرىنىڭ يمپورت - ەكسپورت جۇك تاسىمالى مولشەرى 9 ميلليون 733 مىڭ توننا بولىپ، سايكەس مەزگىلدەگىدەن %2. 1 ارتقان، مۇنىڭ ىشىندە ەكسپورت ءبىر ميلليون 909 مىڭ توننا بولىپ، سايكەس مەزگىلدەگىدەن %22 ارتقان.

  شەكارا وتكەلىنىڭ ىركىلىسسىزدىگى حالىقارالىق جۇك تاسىمالى مولشەرىنىڭ ارتۋىن جەبەپ قالماستان، تاعى كوپتەگەن كاسىپورىنداردىڭ جاڭا كاسىپتەردى كەڭەيتۋىنە مۇمكىندىك جاسادى. شۋفان حالىقارالىق تاسىمال بويىنشا قىزمەت وتەۋ (بەيجيڭ) شەكتى سەرىكتەستىگى قۇرلىقتىق تاسىمال ءبولىمىنىڭ جاۋاپتىسى لي شياۋشىڭ مىنانى ءبىلدىردى: وسى كاسىپورىن ەل ىشىندەگى قۇرلىقتىق جول شەكارا وتكەلى بار كوپتەگەن ولكەلەرمەن سەلبەستىك ورىستەتكەن، شينجياڭ قۇرلىقتىق جول شەكارا وتكەل سانى كوپ ولكە رەتىندە، ولاردىڭ سەلبەستىگىنىڭ ءتۇيىنى بولىپ تابىلادى. بيىل جىل باسىنان بەرى، وسى كاسىپورىن شينجياڭنىڭ شەكارا وتكەلدەرىنىڭ كومەسكى كۇشىن ۇزدىكسىز اشىپ، وسى رەت تايكەشكەن شەكارا وتكەلىنەن گەرمانياعا تۇڭعىش رەت تاۋار ەكسپورت ەتىلۋىن جەبەدى.

  ءۇرىمجى كەدەنى پارتكومىنىڭ مۇشەسى، ورىنباسار كەدەن باستىعى لي چيڭحۋا مىنانى ءبىلدىردى: شەكارا وتكەلىندەگى زات اينالىمىنىڭ ىركىلىسسىزدىگى شينجياڭنىڭ يمپورت - ەكسپورت جالپى قۇنىنىڭ جوعارى جىلدامدىقپەن ارتۋىنا تىرەك بولاتىن ماڭىزدى فاكتورلاردىڭ ءبىرى. بيىل جىل باسىنان بەرى، حالىقارالىق بازاردىڭ قاجەتسىنۋى كورنەكتى باسەيگەن، ەلىمىزدىڭ سىرتقى ساۋداسىنىڭ قۇلدىراۋ قىسىمى ۇزدىكسىز ارتقان جاعدايدا، رايونىمىز شەكارا وتكەلدەرىنىڭ وتكىزۋگە، ىركىلىسسىزدىككە كەپىلدىك ەتۋىن ۇزدىكسىز كۇشەيتىپ، سىرتقى ساۋدانىڭ، شەتەل قارجىسىنىڭ ورنىقتىلىعىن ساقتاپ، ساپاسىن جوعارىلاتۋدىڭ 23 تارماق شاراسىن تياناقتاندىرىپ، شينجياڭنىڭ سىرتقى ساۋداسى ءبىرشاما كۇشتى سەرپىمدىلىك كورسەتتى.

    حالىقتىق كاسىپورىندار تىڭ ومىرشەڭدىك ايگىلەدى

  ”سەرىكتەستىگىمىزدىڭ العاشقى وندىرىلگەن جەر كۋالىگىن باسىپ شىعارۋعا ساياتىن كاسىپتەرى ءبىرشاما كوپ. بۇرىن الدىمەن كەدەنگە بارىپ بوس كۋالىك ءوتىنىش ەتىپ، سودان كەيىن ينتەرنەتتە جولداپ، تەكسەرۋدەن وتكەننەن كەيىن باسىپ شىعارىپ، ەڭ سوڭىندا كەدەنگە قايتىپ بارىپ قول قويدىرىپ، تاڭبا باستىراتىنبىز. قازىر كوپ قولايلى بولدى، العاشقى وندىرىلگەن جەر جالپىلىق اۆتوماتتى قىزمەت وتەۋ تەرمينالىندا اۆتوماتتى باسىپ شىعارۋعا بولادى، بۇل ءبىزدىڭ 2 كۇندىك ءوتىنىش ەتىپ الۋ ۋاقىتىمىزدى ۇنەمدەپ قالدى“، - دەدى شينجياڭ شينداياڭ قامداۋ تىزبەگى شەكتى سەرىكتەستىگىنىڭ جاۋاپتىسى لي جياحاۋ.

  العاشقى وندىرىلگەن جەر جالپىلىق اۆتوماتتى قىزمەت وتەۋ تەرمينالى − قاشقار كەدەنى كاسىپورىنداردىڭ كاسىپتەردى جەدەل بىتىرۋىنە قولايلىلىق جاساۋ ءۇشىن شىعارعان جاڭا شاراسى، العاشقى وندىرىلگەن جەر كۋالىگى ”زەردەلى تەكسەرىپ بەكىتۋ“ جانە ”اۆتوماتتى باسىپ شىعارۋ“ سياقتى قولايلىلانعان شارالاردى قاباتتاستىرۋ ارقىلى العاشقى وندىرىلگەن جەر كۋالىگىن ”تەگىن ءبىتىرۋدى، قالاعان ۋاقىتتا ءبىتىرۋدى، كەز كەلگەن جەردە ءبىتىرۋدى“ جۇزەگە اسىردى.

  قاشقار كەشەندى قورعامالى باجى رايونىنىڭ جوعارى ساپالى دامۋىن ىلگەرىلەتىپ، تاماشا شارۋاشىلىق - ساۋدا ورتاسىن قالىپتاستىرۋ ءۇشىن، قاشقار كەدەنى ”بىرگە ءبىر“، ”ءبىر كاسىپورىنعا ءبىر ساياسات“ بويىنشا دالمە - ءدال كومەكتەسۋ - سۇيەمەلدەۋ مەحانيزمى، «كاسىپورىندار ءۇشىن ىستەلەتىن 10 ناقتى ءىس ءتىزىمى» سياقتى ءبىر قىدىرۋ قىزمەت وتەۋ كەشەندى شارالارىن شىعاردى. شارۋاشىلىق - ساۋدا ورتاسىنىڭ ۇزدىكسىز ساپالىلاندىرىلۋىنىڭ ارقاسىندا، قاشقار ايماعىنداعى الدىڭعى 2 ايداعى حالىقتىق كاسىپورىنداردىڭ يمپورت - ەكسپورت قۇنى سايكەس مەزگىلدەگىدەن %2. 72 ارتتى.

  ”الدىڭعى 2 ايدا شينجياڭنىڭ حالىقتىق كاسىپورىندارىنىڭ يمپورت - ەكسپورت قۇنى بۇكىل شينجياڭنىڭ يمپورت - ەكسپورت جالپى قۇنىنىڭ %2. 96ىن يەلەدى. بۇدان شينجياڭنىڭ حالىقتىق كاسىپورىندارىنىڭ بەينەسى تەبىندى بولىپ، سىرتقى ساۋدانىڭ دامۋ ومىرشەڭدىگىن ايگىلەگەندىگىن ايقىن كورۋگە بولادى“، - دەدى شينجياڭ قوعامدىق عىلىمدار اكادەمياسىنىڭ زەرتتەرمەنى سۋ چىڭ.

  بىلتىر جىل سوڭىندا «اۆتونوميالى رايوننىڭ شارۋاشىلىق - ساۋدا ورتاسىن ساپالىلاندىرۋ، دەڭگەيىن جوعارىلاتۋ 3 جىلدىق ارەكەتىن اتقارۋ جوباسى (2022 − 2025 - جىل)» شىعارىلىپ، 11 جاقتاعى جاڭالىق اشۋ شاراسىن العا قويىپ، شارۋاشىلىق - ساۋدا ورتاسىنىڭ بازارلانۋىن، زاڭمەن باسقارىلۋىن، قولايلىلانۋىن، حالىقارالانۋىن ۇزدىكسىز ىلگەرىلەتتى.

  كوكتەمدە سۋدىڭ جىلىعانىن الدىمەن ۇيرەك بىلەدى، ەڭ تەبىندى كۇيدەگى حالىقتىق كاسىپورىندار ساندى مالىمەتتەر ارقىلى دامۋ سەنىمىن دالەلدەدى. بيىل 2 - ايدىڭ سوڭىنا دەيىن شينجياڭدا ناقتى ەستەلىككە الىنعان سىرتقى ساۋدا كاسىپورنى 15 مىڭ 308 بولىپ، سايكەس مەزگىلدەگىدەن %3. 7 ارتتى، يمپورت - ەكسپورت ناتيجەسى بار سىرتقى ساۋدا كاسىپورنى سايكەس مەزگىلدەگىدەن %9. 13 ارتتى.

    ءتۇيىندى كاسىپ سالالارىن ورنالاستىرۋ جەدەل ىلگەرىلەتىلدى

  الاتاۋ كەشەندى قورعامالى باجى رايونىنا ورنالاسقان الاتاۋ جينمۋ بيولوگيالىق عىلىم - تەحنيكا شەكتى سەرىكتەستىگى استىقتى جىنتىكتەي مانەرلەۋ كاسىپورنى، نەگىزىنەن، استىق، ماي، جەم - ءشوپتى جىنتىكتەي مانەرلەۋمەن اينالىسادى. قازىر سەرىكتەستىك كۇنىنە 100 توننا ازىقتىق ماي وندىرەدى، جىلدىق مانەرلەۋ قۋاتى 400 مىڭ توننا، بازارداعى ساتىلۋ جولى كەڭ.

  ”ءبىز، نەگىزىنەن، قازاقستاننان شيكىزات يمپورت ەتىپ، ءوندىرىپ وڭدەيمىز، ونىمدەر، نەگىزىنەن، ەل ىشىندەگى باسقا ولكە، رايون، قالالارعا ساتىلادى. جەتەرلىكتەي شيكىزات بولسا، كۇندىك مانەرلەۋ، ءوندىرۋ مولشەرىمىزدى 700 توننا اينالاسىندا ساقتاۋعا بولادى“، - دەدى الاتاۋ جينمۋ بيولوگيالىق عىلىم - تەحنيكا شەكتى سەرىكتەستىگىنىڭ ورىنباسار باس ديرەكتورى ياڭ حايچۋان. بيىل وسى سەرىكتەستىك 3 - مەرزىمدىك نىساندى كەڭەيتىپ سالۋدى باستاپ، جاڭا مانەرلەۋ، ءوندىرۋ جەلىسىن قوسىپ، يمپورت ەتۋ، مانەرلەۋ، ءوندىرۋ كولەمىن ونان ارى كەڭەيتەدى.

  بىلتىر جىل باسىنان بەرى، اۆتونوميالى رايون نازاردى ”8 ءىرى كاسىپ سالاسى شوعىرى“ قۇرىلىسىنا شوعىرلاندىرىپ، شينجياڭنىڭ بايلىق ارتىقشىلىعىن تولىق ساۋلەلەندىرىپ، ءتۇيىندى بايلىقتار مەن كاسىپ سالالارىنىڭ اناعۇرلىم زور رول اتقارۋىن ىلگەرىلەتتى. اۆتونوميالى رايونداعى ءارقايسى قاتىستى ورىندار، تاراۋلار ”8 ءىرى كاسىپ سالاسى شوعىرى“ قۇرىلىسىن توڭىرەكتەي وتىرىپ جوسپارلاپ، ورنالاستىرىپ، كورنەكتى ناتيجەگە قول جەتكىزدى. الدىڭعى 2 ايدا شينجياڭنىڭ مانەرلەۋ ساۋداسى تاسىلىندەگى يمپورت - ەكسپورت قۇنى سايكەس مەزگىلدەگىدەن %5. 465 ارتتى.

  لي چيڭحۋا بىلاي دەدى: شينجياڭ بۇكىل ەلدەگى العاشقى توپتاعى ىشكى - سىرتقى ساۋدانى ءبىر تۇلعالاندىرۋدى تۇيىندە سىناق ەتەتىن ولكەلەردىڭ ءبىرى، وسى ءبىر ورايدان پايدالانىپ، شينجياڭنىڭ ءوڭىر، ساياسات، بايلىق باسىمدىعىن جانە شينجياڭنىڭ سىرتقى ساۋدا يمپورت - ەكسپورت تاۋارلارىنىڭ باستى ەرەكشەلىكتەرىن ارقاۋ ەتە وتىرىپ، توقىماشىلىق، كيىم - كەشەك، ءۇي ەلەكتر جيھازدارى، اۋىل شارۋاشىلىعى ونىمدەرىن مانەرلەۋ، ەنەرگيا، كەن ونىمدەرىن جىنتىكتەي مانەرلەۋ سياقتى كاسىپورىنداردى زور كۇشپەن ەنگىزىپ، ىشكى - سىرتقى ساۋدا ءبىر تۇلعالاندىرىلعان مانەرلەۋ كاسىپ سالالارى شوعىرىن جەتىلدىرىپ، ”كاسىپ سالاسى ارقىلى سىرتقى ساۋدانى جەبەۋ، سىرتقى ساۋدا ارقىلى كاسىپ سالالارىن كۇشەيتۋ“ سىندى ەل ءىشى، حالىقارا قوس اينالىمدى دامۋ ارناسىن قالىپتاستىرۋعا بولادى. بۇل شينجياڭنىڭ سىرتقى ساۋداسىنىڭ وتكەل ەكونوميكاسىنان كاسىپ سالاسى ەكونوميكاسىنا قاراي بۇرىلىس جاساۋىن ونان ارى جەدەل ىلگەرىلەتىپ، جىبەك جولى ەكونوميكالىق بەلدەۋى وزەكتى رايونىنىڭ جوعارى ساپالى دامۋىن جۇزەگە اسىرادى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.