گازەتىمىزدىڭ 3 - ايدىڭ 29 - كۇنى تاشكەنتتەن بەرگەن حابارى. اۆتونوميالى رايوندىق پارتكومنىڭ شۋجيى ما شيڭرۇي جۇڭگو شينجياڭ دوستىق اۋىس - كۇيىس ساپارلاۋ ۇيىرمەسىن باستاپ وزبەكستانعا ساپارلاي بارعان كەزىندە، 3 - ايدىڭ 29 - كۇنى تاشكەنتتە وزبەكستاننىڭ زۇڭليى اريپوۆپەن كەزدەستى.
ما شيڭرۇي مىنانى ءبىلدىردى: جۇڭگو مەن وزبەكستان تۇگەلدەي بايىرعى جىبەك جولىنداعى وركەنيەتتى بايىرعى ەلدەر، شىعىس - باتىس اۋىس - كۇيىسى مەن بارىس - كەلىسىنىڭ، ءوزارا ۇيرەنىپ، ءبىر - بىرىنەن ۇلگى الۋدىڭ دوستىق دانەكەرىن بىرگە جالعاعان. سوڭعى جىلدارى ءتوراعا شي جينپيڭ مەن ميرزيويەۆ زۇڭتۇڭ ءجيى ىقپالداسىپ، ەكى ەل قارىم - قاتىناسىنىڭ دامۋىنا جول باستاپ، باعدار بەلگىلەپ، جوبا كەسكىندەپ، جۇڭگو − وزبەكستان قارىم - قاتىناسىن ۇزدىكسىز تەرەڭدەۋگە، ناقتىلانۋعا باستادى. جۇڭگونىڭ شينجياڭى مەن وزبەكستان ءداستۇرلى دوستىق سەلبەستىك سەرىكتەر، اۋىل شارۋاشىلىعى، ەكونوميكا - ساۋدا، عىلىم - تەحنيكا، وقۋ - اعارتۋ سياقتى سالالارداعى اۋىس - كۇيىسى، سەلبەستىگى جان - جاقتىلى تەرەڭدەدى. ەكى جاقتىڭ ەكى ەل باسشىلارى كەلىسكەن ماڭىزدى ورتاق تانىمدى مۇقيات تياناقتاندىرىپ، ”ءبىر بەلدەۋ، ءبىر جول“ باستاماسىنىڭ ”جاڭا وزبەكستان“ ستراتەگياسىمەن ءتۇيىلىسۋىن بىرگە ىلگەرىلەتىپ، ساۋدا، قارجى قوسۋ، قاتىناس، ەنەرگيا، نەگىزدىك قۇرىلعىلار، عىلىم - تەحنيكا، وقۋ - اعارتۋ، گۋمانيتارلىق ىستەر سياقتى سالالارداعى سەلبەستىكتى تەرەڭدەتىپ، ەكى جاقتىڭ كاسىپورىندارى اراسىنداعى سەلبەستىكتى، ءتۇيىلىسۋدى كۇشەيتىپ، جۇڭگو − قىرعىزستان − وزبەكستان تەمىر جولى سياقتى ءتۇيىندى نىسانداردىڭ قۇرىلىسىن جەدەل ىلگەرىلەتىپ، جوعارى دەڭگەيدە ەسىك اشۋ، سەلبەستىك جاساۋ ارقىلى ەكى جاقتىڭ حالقىنا اناعۇرلىم كوپ ناقتى قۇت - ىرىس اكەلۋىن ءۇمىت ەتەمىن.
ساپارلاي بارعان كەزدە جۇڭگونىڭ شينجياڭ ۇيعۇر اۆتونوميالى رايونى مەن وزبەكستاننىڭ تاشكەنت وبلىسى، سامارقان وبلىسى دوس قالا بولۋ نيەتناماسىنا قول قويىستى. ەكى جاقتىڭ قاتىستى كاسىپورىندارى سەلبەستىك نىساندارىنا قول قويۋ سالتىن وتكىزدى.
چىن ۋيجۇن، قادەن كابەن، سۇن حۇڭمەي، ياڭ شيۋلي، جۇڭگونىڭ وزبەكستاندا تۇراتىن ەلشىلىگىنىڭ قاتىستى جاۋاپتىلارى قاتارلىلار قيمىلعا قاتىناستى.
