ەگجەي - تەگجەيلى قىزمەت كورسەتىپ، جۇمىس ورنىن ىرىقتىلىقپەن ۇسىندى
− رايونىمىز الۋان ءتۇرلى ءادىس - امال قولدانىپ، بازارلانعان جۇمىستاندىرۋ نەگىزگى ارناسىن كەڭەيتتى
□ انار بۇلت \ شينجياڭ گازەتىنىڭ ءتىلشىسى جاۋ چۇنحۋا
وسى كوكتەمدە جۇمىستاندىرۋ دەگەن ءسوز تاعى دا قولامتالى تۇيىنگە اينالدى. مەملەكەتتىك ەكى ءماجىلىستىڭ قىزۋ تالقى تاقىرىبىنان بۇكىل شينجياڭنىڭ جەر - جەرىندەگى ادام ءيىن تىرەسكەن قىزمەتكەر قابىلداۋ بازارلارىنا دەيىن؛ جوعارى مەكتەپتەن وقۋ تاۋىسقانداردى جۇمىسقا قابىلداۋعا اكەلگەن - اپارعان جالدامالى اۆتوكولىكتەردەن ۆوگزالدىڭ پويەز كۇتۋ زالىندا جۇمىس ورنى ينفورماتسيالارىن جەتكىزۋگە دەيىن، بارلىعىندا ”جۇمىستاندىرۋ − ەڭ نەگىزگى حالىق تۇرمىسى“ دەگەنگە جاندى تۇسىنىك قوسىلدى.
اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ساندى مالىمەتىندە كورسەتىلۋىنشە، بيىل جىل باسىنان بەرى، رايونىمىزداعى ءار دارەجەلى ادام كۇشى بايلىعى جانە قوعامدىق قامتاماسىزداندىرۋ تاراۋلارى ۇيىمداستىرعان ءتۇرلى جۇمىسقا قابىلداۋ قيمىلدارى 1317 رەت بولىپ، 591 مىڭ ەڭبەكشىنىڭ جۇمىستانۋى ءۇشىن 406 مىڭ جۇمىس ورنىن ازىرلەگەن.
قىزمەت تۇعىرى الدىندا، ۇلاسپالى جەلىدە، رەستورانداردىڭ اس ۇيىندە، ساياحاتتىق كورىنىس وڭىرلەرىندە... جوعارى مەكتەپتەردەن وقۋ تاۋىسقاندار، اۋىل - قىستاق ەڭبەككۇشتەرى، جۇمىستانۋى قيىن بولعاندار ءوز جۇمىس ورىندارىندا تەر توگىپ، رايونىمىزدىڭ ەكونوميكاسىنىڭ، قوعامىنىڭ جوعارى ساپالى دامۋىنا سارقىلماس قوزعاۋشى كۇش ۇستەدى.
الدا ءجۇرىپ قىزمەت وتەپ، سۇرانىس ولشەمىنە تۋرالاپ، ناقتى شارا قولداندى
كاسىپورىن − بازارلانعان جۇمىستاندىرۋدى ىلگەرىلەتۋدىڭ نەگىزگى بۋىنى، جۇمىستاندىرۋ قىزمەتىنىڭ ساپاسىنا باعا بەرۋدە، ەڭ اۋەلى، كاسىپورىننىڭ قاجەتىن ءدال بىلگەن - بىلمەگەندىگىنە قاراۋ كەرەك.
ءشوپ كۇركەگە ءۇش رەت بارۋ دەگەن بۇرىنعىلاردان قالعان ءسوز بار، ءبىراق كاسىپورىندارعا بارىپ قاجەتسىنۋ جاعدايىن ۇعىسۋ جاعىندا ساۋان قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ جۇمىستاندىرۋعا قىزمەت وتەۋ ورتالىعىنىڭ مەڭگەرۋشىسى دىڭ رۇيجياڭ 3 رەت بارۋدى ازىرقاندى.
ءوندىرىس جەلىسى ءبىر - بىرلەپ اينالىمعا ءتۇسىپ، ساۋان قالاسىنداعى جۇمىسشى ىستەتۋ كولەمى ەڭ ۇلكەن ەڭبەككۇش شوعىرلانعان كاسىپورىن سانالاتىن شينجياڭ شيڭتاي تالشىق عىلىم - تەحنيكاسى شەكتى سەرىكتەستىگىنىڭ جۇمىسشى ىستەتۋ قاجەتى دە بارعان سايىن زورايىپ، دىڭ رۇيجياڭ كاسىپورىننىڭ تۇراقتى قوناعىنا اينالدى.
كەم بولىپ تۇرعان جۇمىسشى سانى (جۇمىس ءتۇرى)، جۇمىسشى ىستەتۋ قاجەتى، جۇمىس ورنىنا كەلۋ تالابى... ءار جولى كاسىپورىنعا بارعاندا دىڭ رۇيجياڭنىڭ ەستەلىك داپتەرىنە جاڭا مازمۇندار ەستەلىككە الىنادى. قىزمەت ورنىنا قايتىپ بارعاننان كەيىن، تاعى ”ءبىر كاسىپورىنعا ءبىر شارا قولدانۋ“ ولشەمى بويىنشا باعىتتامالى قىزمەت وتەۋ شارالارىن زەرتتەيدى.
ءوندىرىستىڭ قاۋىرت مەزگىلىندە كاسىپورىنداردا ادام جەتىسپەيدى، دىڭ رۇيجياڭ ۇگىت كىتاپشالارى مەن جۇمىسشى قابىلداۋ ينفورماتسياسىن سىچۋان، حىنان سياقتى ەڭبەككۇش شىعاراتىن ءىرى ولكەلەرگە الا بارىپ تانىستىردى. ءوندىرىس جەلىسىندە تىكە تاراتۋ ارقىلى جۇمىس ورىندارىن تانىستىرىپ، ەڭبەكشىلەرگە كاسىپورىنداردىڭ ءوندىرىس مازمۇنى مەن قىزمەت ورتاسىن اناعۇرلىم كورنەكتى ءتۇسىندىردى... كۇتۋشى ۇلگىسىندەگى بارلىعىن قامتىعان قىزمەت وتەۋ ارقىلى كاسىپورىنداردىڭ ءوندىرىس جەلىسىن دەر كەزىندە 303 اداممەن تولىقتاپ، جۇمىس مەرزىمىن ءبىر كۇن دە كەشەۋىلدەتپەدى.
التاي ايماعى تۇرعىن ءۇي جانە قالا - اۋىل قۇرىلىسى، مادەنيەت - ساياحات، ونەركاسىپ جانە ينفورماتسيالاندىرۋ سياقتى كاسىپتىك تاراۋلارمەن ىرىقتىلىقپەن ۇشتاسىپ، جۇمىسشى ىستەتۋ سۇرانىسى ءتىزىمىن قالىپتاستىردى. قاشقار ايماعى جۇمىس ورنى ينفورماتسياسىن ۇدايىلاندىرا جەتكىزۋ مەن ارناۋلى جۇمىسقا قابىلداۋ جينالىسىن ءوزارا ۇشتاستىرۋعا تاباندى بولىپ، كاسىپورىنداردىڭ جۇمىس ورنى ينفورماتسيالارىن كوپ ارنامەن توپتادى. تارباعاتاي ايماعى جەرگىلىكتى ورىنداعى ەڭبەككۇش شوعىرلانعان كاسىپورىنداردى ارالاپ، كاسىپورىنداردىڭ ىزدەپ كەلۋىن قىزمەت وتەۋدى جەتكىزىپ بەرۋگە وزگەرتتى. ءۇرىمجى قالاسى تەكسەرۋ - زەرتتەۋ گرۋپپاسىن قۇرىپ، 3 دارەجەلى الەۋمەتتىك جۇمىستاندىرۋعا قىزمەت وتەۋ قۇرىلىمدارىن، شاعىن، ۇساق كاسىپورىنداردى، جەكە ساۋدا - ونەركاسىپشىلەردى جانە تۇرعىندار اۋماعىن ارالاپ، ساتىلارعا، كاسىپتەرگە، تۇرلەرگە ايىرىپ، كاسىپورىندارداعى ادام كەمشىل بولعان جۇمىس ورىندارىنىڭ ءتىزىمىن شىعاردى... بۇكىل شينجياڭنىڭ جەر - جەرى كاسىپورىنداردىڭ قاجەتىن ارقاۋ ەتە شىنايى كۇش سالىپ، ناقتى ءادىس - امال قولدانىپ، كاسىپورىنداردىڭ دامۋ سەنىمىن بەكەمدەدى.
”ءار اپتانىڭ جۇما كۇنى ءبىز قۇلجا قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى تاراتقان جۇمىسشى قابىلداۋ سۇرانىسى كەستەسىن تاپسىرىپ الامىز، جۇمىسقا قابىلداۋ جينالىسى بولا قالسا، ادام كۇشى بايلىعى جانە قوعامدىق قامتاماسىزداندىرۋ مەكەمەسى اۆتوكولىك جىبەرىپ ءبىزدى اپارىپ - اكەلىپ قويادى، اۋەلى، تاماق اقىسىن دا ءوزىمىز تولەمەيمىز، ۇكىمەتتىڭ ءوزى وسىلاي جىنىگىپ جاتقاندا، ءبىزدىڭ قۇلشىنبايتىن نە ءجونىمىز بار“! - دەدى ىلە حۇيچاڭ ينفورماتسيا عىلىم - تەحنيكاسى شەكتى سەرىكتەستىگىنىڭ باس ديرەكتورى حان ۋيۋي.
اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ قاتىستى جاۋاپتىسى بىلاي دەپ تانىستىردى: سوڭعى جىلدارى رايونىمىز جۇمىستاندىرۋعا قىزمەت وتەۋ ساپاسىن جوعارىلاتۋ ينجەنەرياسىن ىشكەرىلەي اتقاردى، ءار دارەجەلى ادام كۇشى بايلىعى جانە قوعامدىق قامتاماسىزداندىرۋ كادرلارى نەگىزگى ساتى ءبىرىنشى شەبىنە ىشكەرىلەي بارىپ، جۇمىستاندىرۋ قىزمەت وتەۋىن دالمە - ءدال ورىستەتىپ، جۇمىس ورىندارىن ورنىقتىرۋدىڭ، جۇمىستاندىرۋدى جەبەۋدىڭ مىقتى تۇتقاسىنا اينالدى.
وڭىرلەر بىرلەسىپ قيمىلداپ، دارىندى قابىلداۋ ۇلكەن ارناسىن كەڭەيتتى
بيىل جىل باسىنان بەرى، كاسىپورىنداردىڭ جۇمىسشى قابىلداۋداعى قاجەتسىنۋ مولشەرى ۇزدىكسىز ارتىپ، جۇمىستاندىرۋ بازارىندا قۋاتتى جالىندى كۇش جارىققا شىقتى. رايونىمىزدىڭ الەۋمەتتىك جۇمىستاندىرۋعا قىزمەت وتەۋدەگى 24 ارناۋلى قيمىلىنىڭ ۇزدىكسىز تەرەڭدەۋىنە، ناقتىلانۋىنا بايلانىستى بۇكىل رايوننىڭ جەر - جەرى تۇرلەر بويىنشا جۇمىسقا قابىلداۋ جينالىسىن وتكىزىپ، جۇمىسقا قابىلداۋ جينالىسىن بۇقارانىڭ ەسىك الدىندا اشىپ، ينتەرنەت جەلىسىندە جۇمىسقا قابىلداۋ، تىكە تاراتىلىمدا جۇمىس ورنىن تانىستىرۋ ارقىلى جۇمىستاندىرۋ ارناسىن كەڭەيتۋ قالىپتى كۇيگە اينالدى. ال وڭىرلىك شەكتەمەنى بۇزىپ، بىرلەسىپ قيمىلداۋدى كۇشەيتىپ، جوعارى جيىلىكتە ءوڭىر اتتاپ، ولكە اتتاپ دارىندىلاردى قابىلداۋ وسى رەتكى تالاسا - تارماسا ادام قابىلداۋدىڭ ناق شارىقتاۋ شەگى بولدى.
قارامايلى قالاسى توڭىرەكتەگى ايماق - وبلىستارعا جۇمىسقا قابىلداۋ جينالىسىنا شاقىرۋ حاتىن جولداپ، اۆتوكولىك جالداۋ ارقىلى شينجياڭ كولەمىندەگى جوعارى مەكتەپتەردەن بيىل وقۋ تاۋىساتىن وقۋشىلاردان جۇمىسقا قابىلداۋ جينالىسىنا قاتىناسۋشىلاردى اپارىپ - اكەلىپ قانا قويماي، بيىل تاعى شىحىزى داشۋەسىمەن «جۇمىستاندىرۋ سەلبەستىك كەلىسىمىن» جاساسىپ، دارىندىلار باسىمدىعى جانە كاسىپ سالاسى باسىمدىعى سىندى قوس باعىتتا كىرىسۋ ارقىلى جۇمىستاندىرۋ قىزمەتىنىڭ باياندى دامۋىن جەبەدى.
”كاسىپورىندار مەن دارىندىلاردىڭ اۋىس - كۇيىس قامالىن بۇزۋ ءبىر تۇلعالانعان ادام كۇشى بايلىعى بازارىن قالىپتاستىرۋعا اناعۇرلىم ءتيىمدى بولىپ، ءار ۇلت بۇقاراسىنىڭ اناعۇرلىم تولىق، اناعۇرلىم جوعارى ساپالى جۇمىستانۋىن جەبەيدى“، - دەدى اۆتونوميالى رايوندىق الەۋمەتتىك جۇمىستاندىرۋعا قىزمەت وتەۋ ورتالىعى شارۋاشىلىق قۇرۋعا قىزمەت وتەۋ ءبولىمىنىڭ باستىعى جاڭ وۋ.
بۇكىل رايوننىڭ جەر - جەرى وڭىرلىك بىرلەسۋدى ىرىقتىلىقپەن كۇشەيتىپ، جۇمىستاندىرۋ بازارىن ونان ارى جانداندىرىپ، بايلىقتىڭ قوس باعىتتا جىلجۋىن جەبەۋمەن بىرگە، ولكە اتتاعان جۇمىسشى قابىلداۋدى جەدەلدەتۋ تەتىگىن ىركەس - تىركەس باسىپ، شالعايدان سۋ باستاۋ ارقىلى كاسىپورىنداردىڭ ءشولىن قاندىردى.
توقىماشىلىق جۇمىسشىلارى، قىزىل بۇرىش جينايتىن ماۋسىمدىق جۇمىسشىلار، باعىمشىلىق تەحنيكتەرى، قۇرىلىس جۇمىسشىلارى... تارباعاتاي ايماعى 2 - ايدىڭ 25 - كۇنىنەن 3 - ايدىڭ 9 - كۇنىنە دەيىن قاشقاردان، حوتاننان شاندۇڭنىڭ ۋيفاڭىنا، سىچۋاننىڭ جۋنيڭىنا، گانسۋدىڭ لۇڭنانىنا ويىسىپ، ەڭبەككۇشتەردى ءتۇيىلىستىرۋ قىزمەتىن ورىستەتىپ، 642 ادامنىڭ جۇمىستانۋ ويى بويىنشا كەلىسۋىن جەبەپ قانا قويماي، 13 ەڭبەك كەلىسىمىن جاساستى.
”شينجياڭنىڭ ءىشى - سىرتىنداعى ءار جەرمەن ەڭبەككۇشتەردى ءتۇيىلىستىرۋ ءبىزدىڭ ەڭبەككۇش شىعارۋ جاعىنداعى پايدالى تاجىريبەلەردى توپتاۋىمىزعا مۇمكىندىك اپەردى“. تارباعاتاي ايماقتىق ادام كۇشى جانە قوعامدىق قامتاماسىزداندىرۋ مەكەمەسى پارتيا باسشىلىق گرۋپپاسىنىڭ شۋجيى شيا جيانجۇن بىلاي دەدى: بۇدان بىلاي تارباعاتاي ايماعى تاعى اۋىل - قىستاق ارتىق ەڭبەككۇشتەرىن جاقىن ماڭدا، سول جەردە جۇمىستاندىرۋدى جەبەۋ، كۇندىكشىلەر بازارىن جوعارى ساپالى جوبالاپ تۇلعالاۋ، شارۋاشىلىق سيپاتتى ەڭبەككۇش قۇرىلىمدارىن ارناعا ءتۇسىرۋدى جەبەۋ سياقتىلار توڭىرەگىندە ءىس تىندىرادى.
سانجى حۇيزۋ اۆتونوميالى وبلىسى ەڭبەككۇش شىعارىلاتىن باستى ولكە - قالالارعا ارناۋلى ادام جىبەرىپ، سول جەرلەردىڭ ەڭبەككۇش بايلىعىنىڭ جاعدايىن ءبىلدى ءارى جۇمىسقا قابىلداۋ ۇگىتىن دالمە - ءدال ورىستەتتى. قارامايلى قالاسى شوجوۋ قالالىق جوعارى دارەجەلى شىفان ارناۋلى تەحنيكۋم مەكتەبىمەن پراكتيكا سەلبەستىك قارىم - قاتىناسىن ورناتىپ، مەكتەپتەگى وقۋشىلاردىڭ قارامايلى قالاسىنداعى جۇمىس ورىندارىندا پراكتيكا جاساۋىنا قولداۋ كورسەتتى. قۇمىل قالاسى قۇمىلعا كەلىپ تۇراقتى جۇمىس ىستەپ جاتقان قۇمىل نوپوسىندا جوق ەڭبەككۇشتەرگە قاتىناس، تۇرمىس، تۇرعىن ءۇي، باۋلۋ سياقتى جاقتاردا قوسىمشا قاراجات بەردى جانە قولداۋ كورسەتتى... بۇكىل رايوننىڭ جەر - جەرىندەگى ادام كۇشى بايلىعى جانە قوعامدىق قامتاماسىزداندىرۋ تاراۋلارى جۇمىستاندىرۋ توتە كولىگىن جۇرگىزىپ، جۇمىستاندىرۋ بويىنشا قىزمەت كورسەتۋ شاعىن اترەتىن جىبەرىپ، الۋان ءتۇرلى ءادىس - امال قولدانۋ ارقىلى جۇمىس ورىندارىن ورنىقتىرىپ، جۇمىس ورىندارىن مولايتۋمەن بىرگە، الەۋمەتتىك جۇمىستاندىرۋ بويىنشا قىزمەت كورسەتۋدەگى جارامدىلىق پەن ريزالىقتى ۇزدىكسىز جوعارىلاتتى.
3 - ايدىڭ 21 - كۇنى شينجياڭ شيڭتاي تالشىق عىلىم - تەحنيكاسى شەكتى سەرىكتەستىگىندە جۇمىسقا شىعۋدان بۇرىن ءوندىرىس حاۋىپسىزدىگى سياقتى ءبىر قىدىرۋ مازمۇنداعى باۋلۋدان وتكەننەن كەيىن، گانسۋلىق قىزمەتشى ۋاڭ لياڭ رەسمي جۇمىسقا شىقتى. ”ۇيدەن شىعۋ، كولىككە وتىرۋ، زاۆودقا قابىلدانۋ، جالپى بارىسىندا تۇگەلدەي ادام كۇشى بايلىعى جانە قوعامدىق قامتاماسىزداندىرۋ كادرلارى تۇيىلىستىرەدى، سونداي - اق كاسىپورىن بىزگە اقىسىز جاتاق ازىرلەپ بەرىپ، ءبىزدى مەيىرگە بولەدى جانە الاڭسىز ەتتى“! - دەدى ۋاڭ لياڭ.
ساياساتتى الدىمەن اتقارىپ، ءتۇيىندى قاۋىمنىڭ ورنىقتى جۇمىستانۋىنا دەم بەردى
بيىل 2 - ايدا شينجياڭ جول - كوپىر قۇرىلىسى توبى سولتۇستىك شينجياڭ ينجەنەريا قۇرىلىسى شەكتى سەرىكتەستىگى جوعارى مەكتەپتەن وقۋ تاۋىسقاندار اراسىنان جاڭادان قابىلدانعان 52 ادامنىڭ ءارقايسىسىنا 1500 يۋاندىق جۇمىس ورنىن مولايتۋ تولىقتاما قاراجاتىن ءوتىنىش ەتتى.
”وسى جۇمىس ورنى تولىقتاما قاراجاتى ارقىلى جاڭا قىزمەتشىلەرگە باعىتتالعان ۇدايىلانعان باۋلۋ قامتاماسىز ەتىلدى، سونداي - اق بۇل ءبىزدىڭ اۋىرتپالىعىمىزدى جەڭىلدەتتى ءارى ءبىزدى جوعارى مەكتەپ تۇلەكتەرىن كوبىرەك قابىلداۋعا شابىتتاندىردى“، - دەدى شينجياڭ جول - كوپىر قۇرىلىسى توبى سولتۇستىك شينجياڭ ينجەنەريا قۇرىلىسى شەكتى سەرىكتەستىگى ادام كۇشى بايلىعى ءبولىمىنىڭ ديرەكتورى ۋاڭ ياچيۇڭ.
جوعارى مەكتەپتەن وقۋ تاۋىسقاندار، كەدەيلىكتەن ارىلعان حالىق سياقتى جۇمىستاندىرۋداعى ءتۇيىندى قاۋىمنىڭ شارپيتىن ادام سانى كوپ، بۇلار ورنىقتى جۇمىستاندىرۋ قىزمەتىندەگى ماڭىزدىنىڭ ماڭىزدىسى بولىپ تابىلادى.
”ءبىز 2020 - جىلى 7 - ايدان كەيىن جۇمىستانباعان جوعارى مەكتەپ تۇلەكتەرى مەن 16 − 24 جاستاعى تىزىمگە الىنعان جۇمىسسىز جاستاردى قابىلداعان كاسىپورىندارعا ءار ادام ءۇشىن 1500 يۋاندىق ولشەم بويىنشا جۇمىس ورنىن مولايتۋ ءبىر رەتتىك تولىقتاما قاراجاتىن تاراتىپ، جاستاردىڭ، اسىرەسە، جوعارى مەكتەپ وقۋ تاۋىسقانداردىڭ جۇمىستانۋ جولىن كەڭەيتەمىز“، - دەدى اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ قاتىستى جاۋاپتىسى.ەڭبەككۇشتەر ىستەستىگى مەحانيزمىن اقاۋسىزداندىرىپ، اۋىل - قىستاقتاعى كەدەيلىكتەن ارىلعان حالىقتىڭ ورنىقتى جۇمىستانۋىن كوپ ارنامەن جەبەدى. ينتەرنەت جەلىسىندەگى جانە جەلىدەن تىس جۇمىسسىزدىقتى تىزىمگە الۋ ارناسىن ىركىلىسسىزدەندىرىپ، جۇمىستانۋى قيىن بولعانداردىڭ بارلىعىن جاردەم بەرۋ كولەمىنە دەر كەزىندە ەنگىزدى... سوڭعى جىلدارى رايونىمىز جۇمىستاندىرۋعا الدىمەن ءمان بەرۋ ستراتەگياسىن تاباندىلىقپەن اتقارىپ، جۇمىستاندىرۋعا الدىمەن ءمان بەرۋ ساياساتىن اناعۇرلىم ناقتى، ەگجەي - تەگجەيلى تياناقتاندىرىپ، ءتۇيىندى قاۋىمدى جۇمىستاندىرۋ بويىنشا كومەكتەسۋ - سۇيەمەلدەۋ سەرپىنىن ۇزدىكسىز ارتتىردى.
بىلەك سىبانىپ، بالاق تۇرە ىسكە كىرىستى... 3 - ايدىڭ 27 - كۇنى شينجياڭ جيڭحى توقىماشىلىق عىلىم - تەحنيكاسى شەكتى سەرىكتەستىگىنىڭ كيىم - كەشەك سەحىندا زۇليمان ابدۇحالەل تىگىلگەن كيىمدەردى ءبىر - بىرلەپ مۇقيات تەكسەرىپ جاتتى. ”زاۆودقا قابىلدانعان سوڭ، 3 − 6 اي ۇيلەسۋ مەرزىمى بولادى، تەحنيكا تىرەكتىلەرى قالاي ىستەۋ كەرەكتىگىن قولما - قول ۇيرەتتى، ءار ايدا ەڭ تومەنگى جالاقى قامتاماسىزدىعى بار، مۇنان سىرت، ىشەر اس، جاتار ورىن ازىرلەپ بەرەدى، سونىمەن كوڭىل قويا تەحنيكا ۇيرەنىپ ءجۇرمىن“، - دەدى زۇليمان.
بيىل زۇليمان سياقتى كەدەيلىكتەن ارىلعان 73 ادام شينجياڭ جيڭحى توقىماشىلىق عىلىم - تەحنيكاسى شەكتى سەرىكتەستىگىنە قابىلدانىپ، ونەركاسىپ جۇمىسشىسىنا اينالدى. ”جاڭا قىزمەتشى قابىلداعان سوڭ، ءبىز حوتان قالاسىنىڭ ادام كۇشى بايلىعى جانە قوعامدىق قامتاماسىزداندىرۋ تاراۋىنان ءار ادام ءۇشىن 2400 يۋاندىق توقىماشىلىق، كيىم - كەشەك بويىنشا جۇمىسقا شىعۋدان بۇرىنعى باۋلۋ قوسىمشا قاراجاتىن ءوتىنىش ەتۋىمىزگە بولادى، بۇل اۋىرتپالىقتى جەڭىلدەتۋمەن بىرگە، كاسىپورىننىڭ بەلسەندىلىگىن جۇمىلدىردى“، - دەدى وسى سەرىكتەستىكتىڭ ادام كۇشى بايلىعى ءبولىمىنىڭ باستىعى كۇڭ ليڭجۇڭ.
ىلە قازاق اۆتونوميالى وبلىسى قالا - اۋىلدارداعى الەۋمەتتىك يگىلىك سيپاتتى جۇمىس ورىندارىن بەلسەنە اشىپ، شارتقا ۇيلەسەتىن جۇمىستانۋى قيىن ادامداردى جۇمىسقا شىعۋعا الدىمەن ورنالاستىرىپ، ەڭبەككۇش دەلدالدارىنىڭ رولىن ساۋلەلەندىرىپ، اۋىل - قىستاق ەڭبەككۇشتەرى سياقتى جۇمىستانۋى قيىن ادامداردىڭ اۋىل شارۋاشىلىعى وندىرىسىنە، قالا - اۋىل نەگىزدىك قۇرىلعى قۇرىلىسىنا جانە قارجىلاي كومەكتەسۋدىڭ ورنىنا جۇمىس تاۋىپ بەرۋ نىسانىنا قاتىناسۋعا ۇيىمداستىردى. اقسۋ ايماعى تىزىمگە الىنعان جۇمىسسىزدار، كەدەيلىكتەن ارىلعاندار، مەكتەپتەن كەتكەن سوڭ جۇمىستانباعان جوعارى مەكتەپ تۇلەكتەرى سياقتىلاردان كوز جازباي، جۇمىستانۋ ويى، جۇمىستانۋ ورنى سىندى ەكى ءتىزىم شىعارىپ، ءبىر ادامعا ءبىر شارا بويىنشا دالمە - ءدال كومەكتەسۋ - سۇيەمەلدەۋدى كۇشەيتتى... بۇكىل رايوننىڭ جەر - جەرى حالىق تۇرمىسىنىڭ تومەنگى شەگىن بەرىك ساقتاۋعا كوبىرەك كۇش سالىپ، ءتۇيىندى قاۋىمنىڭ كوڭىلىن ورنىقتىرىپ، تىڭعىلىقتى جۇمىستاندىرۋ جاۋاپناماسى ارقىلى سان مىڭداعان وتباسى اڭساعان تاماشا تۇرمىستى جاقىنداتا ءتۇستى.
