سۋىق بايلىق، قىزۋ بەينە
− شينجياڭداعى 3 جەر 2 جىلدا قايتىپ شاڭعى تەبۋ، ساياحاتتاۋ، دەمالۋ ورنى اتاعىنا يە بولدى
□ انار بۇلت \ شينجياڭ گازەتىنىڭ ءتىلشىسى ياۋ گاڭ
تاياۋدا مادەنيەت جانە ساياحات مينيسترلىگى، دەنە تاربيە باس مەكەمەسى 2 - توپتاعى مەملەكەت دارەجەلى شاڭعى تەبۋ، ساياحاتتاۋ، دەمالۋ ورىندارىنىڭ ءتىزىمىن جاريالادى، كوكتوعاي اۋدانى كوكتوعاي شاڭعى تەبۋ، ساياحاتتاۋ، دەمالۋ ورنى اتالعان تىزىمگە ەندى، بىلتىر التاي شاڭعى تەبۋ، ساياحاتتاۋ، دەمالۋ ورنى، ءۇرىمجى نانشان شاڭعى تەبۋ، ساياحاتتاۋ، دەمالۋ ورنى دا وسى مەملەكەتتىك اتاققا يە بولعان.
شينجياڭداعى 3 جەردىڭ 2 جىلدا مەملەكەت دەڭگەيلى شاڭعى تەبۋ، ساياحاتتاۋ، دەمالۋ ورنى اتاعىن الۋىنىڭ استارىندا ساياحاتقا سايكەستى قىزمەت وتەۋ قۇرىلعىلارىنىڭ بارعان سايىن كەمەلدەنۋى، جالاڭ قار ماۋسىمى تيجاراتىنان ءتورت ماۋسىمدىق ساياحات، دەمالىس تيجاراتىنا قاراي دامۋ، شاڭعى تەبۋ، ساياحاتتاۋ، دەمالۋ، سەيىل - سەرۋەن رايىنىڭ ۇزدىكسىز ارتۋى، ساياحاتشىلاردى ءتىپتى دە كاسىبي دەمالىس قىزمەت وتەۋىمەن قامداۋ سىندى سۋىق بايلىقتىڭ قىزۋ بەينەسى جاتىر.
بيىل 3 - ايدىڭ 1 - كۇنىنە دەيىن شينجياڭداعى S دارەجەلى 36 شاڭعى الاڭى جيىنى 993 مىڭ 321 ساياحاتشى (رەت) قابىلداپ، ساياحات كىرىسى 105 ميلليون يۋانعا جەتتى. مۇنىڭ ىشىندە 5S، 4S شاڭعى الاڭى جيىنى 765 مىڭ 179 ساياحاتشى (رەت) قابىلدادى، بۇل S دارەجەلى شاڭعى الاڭىنىڭ قابىلداعان جالپى ادام سانىنىڭ ％03. 77ىن ۇستاپ، ساياحات كىرىسى 89 ميلليون يۋان بولدى. ”ساندى مالىمەتكە تالداۋ جاساۋ ارقىلى 5S، 4S شاڭعى الاڭدارىن ارقاۋ ەتە قۇرىلعان التاي، ءۇرىمجى نانشان شاڭعى تەبۋ، ساياحاتتاۋ، دەمالۋ ورىندارىنىڭ كوپتەگەن ساياحاتشىلاردى باۋراعانىن، شاڭعى الاڭى جانە ونىڭ ماڭىنداعى حالىقتىق تۇسەلحانا، قوناق ءۇي، اس - سۋ، كوڭىل اشۋ سياقتى سايكەستى قۇرىلعىلاردىڭ كەمەلدەنۋى جۇرتشىلىقتىڭ شاڭعى تەبۋ، ساياحاتتاۋ، دەمالۋ جاعىنداعى قاجەتىن قاناعاتتاندىرعانىن بايقادىق “، - دەدى اۆتونوميالى رايوندىق مادەنيەت جانە ساياحات مەڭگەرمەسى بازار باسقارۋ باسقارماسىنىڭ باستىعى ساۋ جىحۇي.
3 - ايدىڭ 4 -، 5 - كۇندەرى 2022 − 2023 - جىلعى ءۇرىمجى قالاسى قالا تۇرعىندارىنىڭ قىسقى سپورت جارىسىنىڭ جاس وسپىرىمدەردىڭ تاۋ شاڭعى جارىسى جىبەك جولى حالىقارالىق دەمالىس اۋماعىندا وتكىزىلدى. بۇل دەمالىس اۋماعى ءۇرىمجى نانشان شاڭعى تەبۋ، ساياحاتتاۋ، دەمالۋ ورنىنا ورنالاسقان، بىلتىر قىس پەن بيىل كوكتەمدە شاڭعى مارافونى، جاس وسپىرىمدەردىڭ تاۋ شاڭعى جارىسى، سىڭار تاقتايلى شاڭعىمەن ونەر كورسەتۋ جارىسى سياقتى 10 تۇرگە جۋىق جارىس وتكىزىلدى. ”قىستا شاڭعى تەبۋ، قاردا ويناۋ، اراسانعا ءتۇسۋ، جازدا سەرۋەندەۋ، جاياۋ ءجۇرۋ، دالادا تۇنەۋ“ وسى دەمالىس اۋماعىنىڭ ماركا جالپىلاستىرۋ ءبولىمىنىڭ ديرەكتورى جاي تيڭفي بىلاي دەدى: دەمالىس اۋماعىندا شاڭعى تەبۋ، اس - سۋ، قوناق ءۇي، اراسان، تاماشالاۋ سياقتى ءبىرسىپىرا دەمالىس تۇرلەرى قالىپتاستى.
ءۇرىمجى قالاسى نانشان كورىنىس ءوڭىرىن باسقارۋ كوميتەتىنىڭ ورىنباسار مەڭگەرۋشىسى، ءۇرىمجى اۋداندىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ شۋجيى ۋي جيانيە تانىستىرىپ بىلاي دەدى: ءۇرىمجى نانشان شاڭعى تەبۋ، ساياحاتتاۋ، دەمالۋ ورنى قار - مۇز بايلىعىن ارقاۋ ەتىپ، قار - مۇز ەرەكشەلىگىنە يە شاعىن قالاشىققا سۇيەنىپ، قىسقى قار - مۇز سپورتىن، ساياحاتتى دامىتىپ، كوكتەم، جاز، كۇز ماۋسىمدارىندا ەكولوگيالىق تاماشالاۋ، سەيىل - سەرۋەن، دەنە تاربيە جارىسى، دەنساۋلىقتى كۇتىمدەۋ، ساۋدا ىستەرى، ەكسپەدەتسيا، اتا - انا مەن بالا ساياحاتى، مادەنيەت سەزىنۋ، جەكە كولىكپەن ساياحاتتاۋ سياقتى ساياحات ونىمدەرىن اشادى.
”قار - مۇز ساياحات بايلىعىن بىرىكتىرىپ، قار - مۇز بايلىعىمەن ۇشتاستىرىپ، كوپ نەگىزدەنگەن قار - مۇز ساياحات ونىمدەرىن اشىپ، وسى جاعىندا قار - مۇز، ساياحاتتاۋ، دەمالۋ ورىندارىنىڭ كولەمدەنگەن شوعىرلانۋ اسەرىن ساۋلەلەندىرەمىز“، - دەدى شينجياڭ قار - مۇز دەنە تاربيە سپورت قوعامىنىڭ ورىنباسار باستىعى ۋاڭ جيڭ.
كەزەكتە شينجياڭنىڭ جەر - جەرى اۆتونوميالى رايوننىڭ «بوگەتتىك شەكتەمەلەردى ىشكەرىلەي ارىلتىپ، اۆتونوميالى رايوننىڭ قار - مۇز سپورتى مەن قار - مۇز ساياحاتىن جوعارى ساپالى دامىتۋدى ىلگەرىلەتۋ جونىندەگى ارەكەت جوباسىنا (2022 − 2025 - جىل)» ساي، قار - مۇز ساياحات، دەمالىس ورنى قۇرىلىسىن جەدەل ورنالاستىردى. اۆتونوميالى رايوندىق مادەنيەت جانە ساياحات مەڭگەرمەسى بايلىق اشۋ باسقارماسىنىڭ ورىنباسار باستىعى جوۋ حاۋ تانىستىرىپ بىلاي دەدى: ىلە قازاق اۆتونوميالى وبلىسى، التاي ايماعى، بۇراتالا موڭعۇل اۆتونوميالى وبلىسى، سانجى حۇيزۋ اۆتونوميالى وبلىسى، ءۇرىمجى قالاسى سياقتى ءتۇيىندى وڭىرلەردە مەملەكەت دارەجەلى 1 − 2 شاڭعى تەبۋ، ساياحاتتاۋ، دەمالۋ ورنى، 1 − 2 مەملەكەتتىك دەنە تاربيە ساياحاتىنان ۇلگى كورسەتۋ بازاسى تىڭنان قوسىلادى.
”شاڭعى تەبۋ، ساياحاتتاۋ، دەمالۋ ورنىن جوبالاۋ، ورنالاستىرۋمەن بىرگە، وسى ماڭدايشالىقتى ءتىپتى دە ويداعىداي قورعاۋ، ويداعىداي پايدالانۋ كەرەك“. شينجياڭ قازىنا - ەكونوميكا داشۋەسى ساياحات شۋەيۋانىنىڭ تەتە اعا زەرتتەۋشىسى شۇي شياۋلياڭ مىنالاردى ۇسىندى: شاڭعى تەبۋ، ساياحاتتاۋ، دەمالۋ ورنى حالىقارالىق شاڭعى تەبۋ، ساياحاتتاۋ، دەمالۋ ورنىنىڭ دامۋ جاڭا بەتالىسىنا تۋرالانىپ، جەرگىلىكتى جاعدايعا قاراي ىستەپ، جالاڭ قار ماۋسىمى تيجاراتىن ءتورت ماۋسىم بويى ساياحاتتاۋ، دەمالۋ تيجاراتىنا قاراي دامىتۋ جولى مەن ۇلگىسىن ىسكە اسىرۋ جونىندە بەلسەنە ىزدەنىس جاساپ، ”ءتۇرلى كاسىپ كۇيلەرى، ءتۇرلى ارنالار بويىنشا سەلبەسۋدى كەڭەيتىپ، قار - مۇز جارىس ويىندارى، شاڭعى تەبۋ، ساياحاتتاۋ، دەمالۋ، بۇيىرتىلعان كوڭىل اشۋ قيمىلدارى، ەرەكشە مەرەكە - مەيرامدار، قار - مۇز تاربيە كۋرستارى سياقتى كوپ ولشەمدى قار - مۇز ساياحات ونىمدەرىندە، سونداي - اق شاڭعى تەبۋ ساياحاتىنىڭ ۇزارتىلعان ءتورت ماۋسىمدىق دەمالىس ونىمدەرىندە جاڭالىق اشىپ، شاڭعى تەبۋ، ساياحاتتاۋ، دەمالۋ، سەيىل - سەرۋەن ورتاسىن كورنەكتىلەندىرۋ كەرەك.
