جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى ءماجىلىس اشتى
بۇكىل پارتيادا شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ىشكەرىلەي ورىستەتۋ قىزمەتىن اقىلداستى، ورنالاستىردى، «باسشى كادرلاردىڭ جەكەلىك قاتىستى ىستەرىن مالىمدەۋ بەلگىلەمەسىن» قارادى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى
شينحۋا اگەنتتىگىنىڭ 3 - ايدىڭ 30 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 3 - ايدىڭ 30 - كۇنى ءماجىلىس اشىپ، بيىل 4 - ايدان باستاپ بۇكىل پارتيادا جوعارىدان تومەنگە دەيىن ەكى توپقا ءبولىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ورىستەتۋدى ۇيعاردى. ءماجىلىس «باسشى كادرلاردىڭ جەكەلىك قاتىستى ىستەرىن مالىمدەۋ بەلگىلەمەسىن» قارادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.
ءماجىلىس مىنانى اتاپ كورسەتتى: پارتيا 20 - قۇرىلتايىنىڭ ورنالاستىرۋى بويىنشا، اۋدان، باسقارما دارەجەلىدەن جوعارى باسشى كادرلاردى ءتۇيىن ەتىپ، بۇكىل پارتيادا شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ىشكەرىلەي ورىستەتىپ، پارتيانىڭ جاسامپاز نازارياسىمەن يدەيانى بىرلىككە كەلتىرىپ، ەرىك - جىگەردى بىرلىككە كەلتىرىپ، ارەكەتتى بىرلىككە كەلتىرىپ، پارتيا قۇرۋ ۇلى رۋحىن اسقاقتاتىپ، ”ءۇش، ءسوز جوقتى“ ەستە بەرىك ساقتاپ، بۇكىل پارتيانىڭ جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋىن ىلگەرىلەتۋ كەرەك.
ءماجىلىس مىنانى باسا دارىپتەدى: بۇكىل پارتيادا شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ىشكەرىلەي ورىستەتۋ − پارتيا ورتالىق كوميتەتىنىڭ پارتيا 20 - قۇرىلتايىنىڭ رۋحىن جاپپاي دايەكتىلەندىرۋ، بۇكىل پارتياداعى جولداستاردى پارتيانىڭ وزەكتى مىندەتىن ورىنداۋ جولىندا ىنتىماقتاسا كۇرەس جۇرگىزۋگە جۇمىلدىرۋ ءۇشىن جاساعان كەلەلى ورنالاستىرۋى، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ىشكەرىلەي ىلگەرىلەتۋدەگى كەلەلى ورنالاستىرۋ، وسى ارقىلى شي جينپيڭ جاڭا ءداۋىر جۇڭگوشا سوتسياليزم يدەياسىمەن زەيىن - زەردەنى ۇيىستىرىپ، رۋحتى سومداپ، بۇكىل پارتيانىڭ اناعۇرلىم سانالىلىقپەن ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيادا، ساياسيدا، ارەكەتتە پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋىن ىلگەرىلەتۋ؛ پارتيا 20 - قۇرىلتايىنىڭ رۋحىن جاپپاي ۇيرەنىپ، جاپپاي يگەرىپ، جاپپاي تياناقتاندىرىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋ؛ پارتيانىڭ وزىنە - ءوزى توڭكەرىس جاساۋىن ىلگەرىلەتىپ، قاي - قاشان دا ءىرى پارتياعا عانا ءتان قيىن ماسەلەلەردى شەشەتىن سەرگەكتىك پەن تاباندىلىقتى ساقتاپ، قاشاندا حالىقپەن جۇرەكتەس بولىپ، پارتيانىڭ العاباسارلىعى مەن كىرشىكسىزدىگىن ساقتاپ، بۇكىل پارتيانى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاستىرىپ، جاڭا جورىقتا ەكپىندەي ىلگەرىلەۋگە، جاڭا داۋىردە ەسەلى ۇلەس قوسۋعا قۋاتتى دا پارمەندى ساياسي جەتەكشىلىك جانە ساياسي قامتاماسىزدىق ازىرلەۋ كەرەك.
ءماجىلىس مىنانى اتاپ كورسەتتى: وسى رەتكى نەگىزگى تاقىرىپتىق تاربيەنى ورىستەتۋدىڭ باستى تالابى − ”يدەيانى ۇيرەنۋ، پارتيالىلىقتى كۇشەيتۋ، امالياتقا ءمان بەرۋ، جاڭا ۇلەس قوسۋ“، ءتۇبىرلى مىندەتى − ۇيرەنۋدى، وي جۇگىرتۋدى، قولدانۋدى ساباقتاستىرىپ، تانىمدى، سەنىمدى، ارەكەتتى بىرلىككە كەلتىرۋگە تاباندى بولىپ، شي جينپيڭ جاڭا ءداۋىر جۇڭگوشا سوتسياليزم يدەياسىن مۇراتتى بەكەمدەيتىن، پارتيالىلىقتى شىڭدايتىن جانە امالياتقا جەتەكشىلىك ەتەتىن، قىزمەتتەردى ىلگەرىلەتەتىن قۇدىرەتتى كۇش - قۋاتقا اينالدىرىپ، بۇكىل پارتيانىڭ قاشاندا ءبىر تۇتاس يدەيانى، بەرىك ەرىك - جىگەردى، سايكەستى ارەكەتتى، قۇدىرەتتى جاۋىنگەرلىك قۋاتتى ساقتاۋىنا مۇمكىندىك جاساپ، ۇيرەنۋ ارقىلى رۋحتى سومداۋ، ۇيرەنۋ ارقىلى پاراساتتى ارتتىرۋ، ۇيرەنۋ ارقىلى ستيلدى دۇرىستاۋ، ۇيرەنۋ ارقىلى ىستەۋدى جەبەۋ جاقتارىندا ناقتى ناتيجەگە قول جەتكىزۋگە قۇلشىنۋ. ناقتاپ ايتقاندا، زەيىن - زەردەنى ۇيىستىرىپ، رۋحتى سومداپ، ءتۇبىردى بەكەمدەۋ، مىنەز - قۇلىق شىڭداپ، ادالدىقتى كۇشەيتۋ، ناقتى ىستەپ، جاۋاپكەرشىلىك ارقالاپ، دامۋدى جەبەۋ، باس ماقساتتى امالياتتا ايگىلەپ، حالىقتى باقىتقا كەنەلتۋ، كىرشىكسىز ءارى كوپشىل بولىپ، جاڭا سالت ورناتۋ سىندى نىساناعا جەتىپ، نازاريالىق ۇيرەنۋ، ساياسي ساپا، قابىلەت پەن شەبەرلىك، جاۋاپكەرشىلىك ارقالاپ، ىسكەرلىك كورسەتۋ، قىزمەت ستيلى، كىرشىكسىز، تارتىپشەڭ بولۋ سياقتى 6 جاقتاعى ماسەلەنى كۇش سالا شەشۋ كەرەك. نەگىزگى تاقىرىپتىق تاربيە كەزەڭگە جىكتەلمەيدى، بۋىنعا بولىنبەيدى، نازاريا ۇيرەنۋ، تەكسەرۋ - زەرتتەۋ، دامۋدى ىلگەرىلەتۋ، قاداعالاپ تۇزەتۋ ساباقتاستىرىلىپ، ورگانيكالى توعىستىرىلىپ، ءبىر تۇلعالى ىلگەرىلەتىلەدى.
ءماجىلىس مىنالاردى تالاپ ەتتى: ءار دارەجەلى پارتكومدار (پارتيا باسشىلىق گرۋپپاسى) وسكەلەڭ ءمان بەرىپ، دەن قويا ۇيىمداستىرىپ، پارتيانىڭ جاسامپاز نازارياسىن يگەرۋدى، قولدانۋدى كۇشەيتىپ، تەكسەرۋ - زەرتتەۋ جەتىستىكتەرىن كادەگە جاراتۋدى ويداعىداي يگەرىپ، بۇقارانىڭ شۇعىل، قيىن، الاڭداعان، ءزارۋ ماسەلەلەرىن شەشىپ، كورنەكتى ماسەلەلەردى ارناۋلى رەتتەپ - وڭاپ، ەڭ سوڭىندا بۇقارانىڭ رازى بولعان - بولماعاندىعىن ءتۇبىرلى تۇجىرىمداۋ ولشەمى ەتۋى كەرەك. نەگىزگى تاقىرىپتىق تاربيەنى ورىستەتۋدى وزەكتى قىزمەتتى ىلگەرىلەتۋمەن ۇشتاستىرىپ، ”ەكى بولەك“ بولىپ قالۋدان ساقتانۋ كەرەك. ۇگىتتەۋدى، جەتەكتەۋدى كۇشەيتىپ، تاماشا قوعامدىق پىكىر رايىن قالىپتاستىرۋ كەرەك. شىندىققا جۇگىنىپ، ناقتى ءىس تىندىرۋعا، شىنايى يگەرىپ، ناقتى ىستەۋگە تاباندى بولىپ، فورماشىلدىققا باتىل قارسى تۇرىپ جانە ونان ساقتانىپ، ناقتى ونىمدىلىككە قول جەتكىزۋ كەرەك. نەگىزگى تاقىرىپتىق تاربيەنى تەرەڭدەتۋ جەتىستىگىن بەكەمدەۋدىڭ باياندى مەحانيزمىن جاساپ، پارتيانىڭ جاسامپاز نازارياسىن ۇيرەنۋدىڭ، دايەكتىلەندىرۋدىڭ ءتۇزىمىن، مەحانيزمىن اقاۋسىزداندىرىپ، ۇدايىلانۋىنا، باياندى بولۋىنا شىنايى كەپىلدىك ەتۋ كەرەك.
ءماجىلىس مىنالاردى اتاپ كورسەتتى: پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى باسشى كادرلاردىڭ جەكەلىك قاتىستى ىستەرىن مالىمدەۋ ءتۇزىمىن قاتاڭ اتقارۋدى پارتيانى جاپپاي قاتاڭ جونگە سالۋ ستراتەگيالىق ورنالاستىرۋىنا ەنگىزىپ، پارتيانىڭ ءتارتىبىن، قاعيداسىن قاتايتۋدىڭ، كادرلاردى قاتاڭ باسقارۋدىڭ، باقىلاۋدىڭ ماڭىزدى شاراسى ەتىپ، پارتيانى باسقارۋدىڭ، ءمانساپتىلاردى جونگە سالۋدىڭ ىشكەرىلەپ، ناقتىلانىپ، تياناقتانىپ، ونىمدىلىك كورسەتۋىن پارمەندى ىلگەرىلەتتى. «باسشى كادرلاردىڭ جەكەلىك قاتىستى ىستەرىن مالىمدەۋ بەلگىلەمەسىنە» وزگەرىس ەنگىزۋ پارتيا 20 - قۇرىلتايىنىڭ رۋحىن ىشكەرىلەي دايەكتىلەندىرىپ، جۇڭگوشا باسشى كادرلاردىڭ جەكەلىك قاتىستى ىستەرىن مالىمدەۋ ءتۇزىمىن اقاۋسىزداندىرىپ، پارتيانىڭ وزىنە - ءوزى توڭكەرىس جاساۋ ءتۇزىمى، بەلگىلەمەسى جۇيەسىن كەمەلدەندىرىپ، باسشى كادرلاردى باسقارۋدى جانە باقىلاۋدى ونان ارى كۇشەيتۋ جونىنەن كەلەلى ماڭىز الادى.
ءماجىلىس مىنانى باسا دارىپتەدى: باسشى كادرلاردىڭ جەكەلىك قاتىستى ىستەرىن مالىمدەۋ ءتۇزىمى نۇسقاۋ سۇراۋ، مالىمدەۋ ءتۇزىمىنىڭ ماڭىزدى قۇرامداس بولىگى، ۇيىمعا جەكەلىك قاتىستى ىستەرىن شىنايى مالىمدەۋ باسشى كادرلار، ءسوز جوق، بويسۇناتىن ساياسي ءتارتىپ جانە ۇيىمدىق ءتارتىپ. باسشى كادرلار ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتياعا ادال دا شىنايى، رياسىز دا بۇكپەسىز بولىپ، شىنايى سويلەپ، ناقتى ىستەپ، شىنايى ادام بولىپ، جەكەلىك قاتىستى ىستەرىن شىنايى مالىمدەپ، ۇيىمنىڭ باقىلاۋىن سانالىلىقپەن قابىلداۋ كەرەك. جوعارى دارەجەلى كادرلار باستاماشىلدىقپەن اتقارىپ، ونەگەلىكپەن بويسۇنىپ، جوعارى ارقىلى تومەندى جەتەكتەۋ كەرەك.
ءماجىلىس مىنانى تالاپ ەتتى: ءار دارەجەلى پارتكومدار (پارتيا باسشىلىق گرۋپپاسى) پارتيانى جاپپاي قاتاڭ باسقارۋ تۇلعالىق جاۋاپكەرشىلىگىن مۇقيات اتقارىپ، قاتاڭدىق سىندى نەگىزگى اۋەن، قاتاڭ شارا، قاتاڭ راي ارقىلى دايەكتىلەندىرىپ اتقارۋدى ويداعىداي يگەرىپ، مالىمدەۋ ءتارتىبىن قاتايتىپ، ءىشىنارا تەكسەرىپ انىقتاۋدى كۇشەيتىپ، مالىمدەۋ ءتۇزىمىنىڭ قاتاڭدىعى مەن بەدەلىن باتىل قورعاپ، مالىمدەۋ ءتۇزىمىنىڭ پارتيانى جاپپاي قاتاڭ باسقارۋدا اناعۇرلىم زور رول اتقارۋىن ىلگەرىلەتۋى كەرەك.
ءماجىلىس باسقا دا ىستەردى اقىلداستى.
