جۇڭگو شينجياڭ دوستىق اۋىس-كۇيىس ساپارلاۋ ۇيىرمەسى قىرعىزستانعا جەتتى
ما شيڭرۇي قىرعىزستاننىڭ زۇڭتۇڭى جاپاروۆپەن كەزدەستى
گازەتىمىزدىڭ 3 - ايدىڭ 30 - كۇنى بىشكەكتەن بەرگەن حابارى. جۇڭگو شينجياڭ دوستىق اۋىس - كۇيىس ساپارلاۋ ۇيىرمەسى 3 - ايدىڭ 30 - كۇنى بىشكەككە جەتىپ، قىرعىزستاندا ساپارلاۋ قيمىلىن ورىستەتتى. اۆتونوميالى رايوندىق پارتكومنىڭ شۋجيى ما شيڭرۇي قىرعىزستاننىڭ زۇڭتۇڭى جاپاروۆپەن كەزدەستى.
ما شيڭرۇي جاپاروۆقا ءتوراعا شي جينپيڭنىڭ سالەمىن جانە تىلەگىن جەتكىزدى. ول بىلاي دەدى: ءتوراعا شي جينپيڭ جۇڭگو − قىرعىزستان قارىم - قاتىناسىنا ايرىقشا ءمان بەرىپ، مارتەبەلى زۇڭتۇڭمەن بىرگە ەكى ەلدىڭ قارىم - قاتىناس دەڭگەيىن ۇزدىكسىز جوعارىلاتۋعا، ءار سالاداعى ناقتى ىستەر سەلبەستىگىن ۇزدىكسىز تەرەڭدەتۋگە بىرگە جەتەكشىلىك ەتتى. جۇڭگو كوممۋنيستىك پارتياسىنىڭ 20 - قۇرىلتايى جاپپاي سوتسياليستىك وسىزاماندانعان قۇدىرەتتى ەل قۇرۋدىڭ ۇلى جوباسىن كەسكىندەپ، جۇڭگو حالقىن باقىتقا كەنەلتەتىن ءارى دۇنيە ءجۇزىنىڭ بىرگە دامۋىن جەبەيتىن جۇڭگو ۇلگىسىندەگى وسىزامانداندىرۋ جولىن ايقىن كورسەتىپ، جۇڭگو مەن قىرعىزستاننىڭ جان - جاقتى ستراتەگيالىق سەرىكتەستىك قارىم - قاتىناسىنىڭ ونان ارى دامۋىنا، ءوزارا تيىمدىلىك جەتكىزىپ، بىرگە يگىلىككە كەنەلىپ، دامۋ دەڭگەيىن جوعارىلاتۋعا جاڭا وراي اكەلدى. جۇڭگونىڭ شينجياڭى − جۇڭگو مەن قىرعىزستاننىڭ سەلبەسىپ دامۋىنداعى الدىڭعى تەرەزەسى، سوڭعى جىلدارى قىرعىزستاننىڭ جەرگىلىكتى ورىندارىمەن ەكونوميكا - ساۋدا سەلبەستىگىندە جەتىستىك مول بولدى، كەلەسى قادامدا سەلبەستىك سالالارىن اناعۇرلىم كەڭەيتىپ، سەلبەستىك مازمۇنىن تەرەڭدەتۋدىڭ بولاشاعى نۇرلى. ءبىز وسى رەتكى ساپارلاۋ ارقىلى ەكى ەل باسشىلارى كەلىسكەن ماڭىزدى ورتاق تانىمدى ونان ارى ويداعىداي تياناقتاندىرىپ، ەكى جاقتىڭ ءار سالاداعى سەلبەستىگىن ۇزدىكسىز كۇشەيتىپ، سەلبەستىك مەحانيزمىن كەمەلدەندىرىپ، ەكونوميكا - ساۋدا، نەگىزدىك قۇرىلعىلار، عىلىم - تەحنيكا، وقۋ - اعارتۋ، گۋمانيتارلىق ىستەر، حاۋىپسىزدىك سياقتى سالالارداعى اۋىس - كۇيىس، سەلبەستىك دەڭگەيىن جوعارىلاتىپ، جۇڭگو − قىرعىزستان قارىم - قاتىناسىنىڭ اناعۇرلىم تاماشا بولاشاق اشۋىنا تىڭ قوزعاۋشى كۇش ۇستەۋدى قالايمىز.
چىن ۋيجۇن، قادەن كابەن، سۇن حۇڭمەي، جۇڭگونىڭ قىرعىزستاندا تۇراتىن باس ەلشىسى دۋ دىۋىن قاتارلىلار قاتىستى قيمىلعا قاتىناستى.
