گازەتىمىزدىڭ 3 - ايدىڭ 30 - كۇنى بىشكەكتەن بەرگەن حابارى. اۆتونوميالى رايوندىق پارتكومنىڭ شۋجيى ما شيڭرۇي جۇڭگو شينجياڭ دوستىق اۋىس - كۇيىس ساپارلاۋ ۇيىرمەسىن باستاپ 3 - ايدىڭ 30 - كۇنى قىرعىزستانعا ساپارلاي بارعان كەزىندە بىشكەكتە قىرعىزستاننىڭ زۇڭليى ا. جاپاروۆپەن كەزدەستى.
ما شيڭرۇي مىنانى ءبىلدىردى: جۇڭگو − قىرعىزستان ەكى ەل ىرگەلەس كورشى، ءداستۇرلى دوستىقتىڭ تامىرى تەرەڭدە، اتى زاتىنا ساي جاقسى كورشىلەر، جاقسى سەرىكتەر، جاقسى باۋىرلاستار. ءتوراعا شي جينپيڭ مەن جاپاروۆ زۇڭتۇڭنىڭ بىرگە جەتەكشىلىك ەتۋىندە، ەكى ەل قارىم - قاتىناسى جان - جاقتى ستراتەگيالىق سەرىكتەستىك قارىم - قاتىناس دەڭگەيىنە كوتەرىلىپ، ۇزدىكسىز جاڭا دامۋعا قول جەتكىزىپ، تىڭ ساتىعا قادام تاستادى. قازىرگى ۋاقىتتا جۇڭگونىڭ شينجياڭى ءتوراعا شي جينپيڭ نۇسقاعان دۇرىس بەتالىسپەن ىنتىماقتاسا العا ىلگەرىلەپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن كۇش سالا جازۋدا. جۇڭگونىڭ شينجياڭى مەن قىرعىزستاننىڭ تاۋ - سۋى ىرگەلەس، حالقى تۋىستاس، مادەنيەتى جاقىن، ەكى جاقتىڭ اۋىس - كۇيىسى تىعىز، بارىس - كەلىسى تەبىندى، ءارقايسى سالاداعى سەلبەستىك دامۋ جاعدايى ارىندى، بولاشاعى نۇرلى. ەكى جاقتىڭ ەكى ەل باسشىلارىنىڭ كەلىسكەن ماڭىزدى ورتاق تانىمىن ويداعىداي تياناقتاندىرىپ، جەرگىلىكتى ورىنداردىڭ اۋىس - كۇيىسىن، بارىس - كەلىسىن كۇشەيتىپ، نەگىزدىك قۇرىلعىلاردىڭ ۇلاسۋىن، تۇتاسۋىن، اشىق تۇعىردى بىرگە قۇرىپ، بىرگە يگىلىكتەنۋدى ىلگەرىلەتىپ، ەكونوميكا - ساۋدا، اۋىل شارۋاشىلىعى، عىلىم - تەحنيكا، وقۋ - اعارتۋ، ەمدەۋ، ساياحات سياقتى سالالارداعى سەلبەستىكتى ۇزدىكسىز تەرەڭدەتىپ، جۇڭگو − قىرعىزستان − وزبەكستان تەمىر جولى نىسانىنىڭ الدىڭعى مەرزىمدىك قىزمەتتەرىن جەدەل ىلگەرىلەتىپ، شەكارا وتكەلى قۇرىلىسى دەڭگەيىن جانە كەدەننەن وتكىزۋ قابىلەتىن كۇش سالا جوعارىلاتىپ، ەكى جاق سەلبەستىگىنىڭ اناعۇرلىم تاماشا، اناعۇرلىم نۇرلى بولاشاعىن قول ۇستاسا اشۋدى ءۇمىت ەتەمىن.
كەزدەسۋدەن كەيىن ما شيڭرۇي مەن ا · جاپاروۆ جۇڭحۋا حالىق رەسپۋبليكاسى شينجياڭ ۇيعۇر اۆتونوميالى رايونى مەن قىرعىزستان رەسپۋبليكاسى مينيسترلەر كەڭەسىنىڭ نيەت ەسكەرتپە حاتىنا قول قويىسىپ، جۇڭگونىڭ شينجياڭ ۇيعۇر اۆتونوميالى رايونى مەن قىرعىزستاننىڭ ىستىقكول وبلىسىنىڭ دوس قالا بولۋ نيەتناماسىنا قول قويۋ سالتىنا، جۇڭگونىڭ شينجياڭى − قىرعىزستان كاسىپكەرلەر كوميتەتىن قۇرۋ جۇلگەلىك كەلىسىمىنە قول قويۋ سالتىنا، ەكى جاقتىڭ قاتىستى كاسىپورىندارىنىڭ سەلبەستىك نىسانى بويىنشا شارت جاساسۋ سالتىنا بىرگە قاتىناستى.
چىن ۋيجۇن، قادەن كابەن، سۇن حۇڭمەي، ياڭ شيۋلي، جۇڭگونىڭ قىرعىزستاندا تۇراتىن باس ەلشىسى دۋ دىۋىن قاتارلىلار قاتىستى قيمىلعا قاتىناستى.
