ەركىن تۇنياز بايىنعولين موڭعۇل اۆتونوميالى وبلىسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
باسىمدىقتى تياناق ەتىپ، وسىزاماندانعان كاسىپ سالاسى جۇيەسىن جەدەل ورناتۋ كەرەك
انار بۇلت \ شينجياڭ گازەتىنىڭ ءتىلشىسى لي ياڭ 3 - ايدىڭ 30 - كۇنى چارقىلىقتان حابارلايدى. تاياۋدا اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز بايىنعولين موڭعۇل اۆتونوميالى وبلىسىنىڭ چارقىلىق اۋدانىنا، لوپنۇر اۋدانىنا، كورلا قالاسىنا بارىپ، ەرەكشەلىككە، باسىمدىققا يە كاسىپ سالاسى، ەكولوگيالىق ورتانى قورعاۋ، كەلەلى نىساندار قۇرىلىسى، اۋىل شارۋاشىلىعى، اۋىل - قىستاق، شارۋالار قىزمەتى سياقتىلارعا تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: پارتيا 20 - قۇرىلتايىنىڭ رۋحىن جانە مەملەكەتتىك ەكى ءماجىلىستىڭ رۋحىن ىشكەرىلەي دايەكتىلەندىرىپ، اۆتونوميالى رايوندىق پارتكوم ايقىنداعان سوتسياليستىك وسىزاماندانعان قۇدىرەتتى مەملەكەت قۇرۋداعى شينجياڭنىڭ ستراتەگيالىق ورنىنا ساي، بايلىق، وڭىرلىك ورىن، ساياسات جاعىنداعى باسىمدىقتاردى ونان ارى ساۋلەلەندىرىپ، وسىزاماندانعان كاسىپ سالاسى جۇيەسىن جەدەل ورناتىپ، رايونىمىزدىڭ ناقتى ەكونوميكا نەگىزىن ۇزدىكسىز بەكەمدەۋ، نىعايتۋ كەرەك.
لوپنۇردان چارقىلىققا دەيىنگى تەمىر جول نىسانى − تارىم ويپاتىن اينالعان تەمىر جول تورابىنىڭ ماڭىزدى قۇرامداس بولىگى. چارقىلىق ۆوگزالىندا ەركىن تۇنياز نىساننىڭ ىلگەرىلەتىلۋ جاعدايىن ەگجەي - تەگجەيلى ۇعىسىپ، وسى تەمىر جول قۇرىلىسىنىڭ ماڭىزدى ءمانىن ستراتەگيالىق دەڭگەيدەن تولىق تانىپ، مەملەكەتتىك دامۋ جانە رەفورما كوميتەتى سياقتى قاتىستى تاراۋلارمەن ۇشتاسۋدى، سايكەسۋدى جەدەلدەتىپ، نىسانداردىڭ ەرتە جۇمىس باستاۋىن، ەرتە قۇرىلىس جۇرگىزۋىن، ەرتە ونىمدىلىك كورسەتۋىن ىلگەرىلەتىپ، ”شينجياڭ ىشىندە شەڭبەر قالىپتاستىرۋ، شينجياڭعا كىرىپ - شىعۋدى تەزدەتۋ“ سىندى جول تورى ورنالاسىمىن ۇزدىكسىز كەمەلدەندىرۋدى باسا دارىپتەدى.
چارقىلىق اۋدانى جاڭا ماتەريالدار كاسىپ سالاسى باقشاسىندا ەركىن تۇنياز ەرەكشە ترانسفورماتور سەرىكتەستىگىنىڭ جىلۋ مەن ەلەكتردى بىرلەستىرىپ ءوندىرۋ جانە جوعارى ساپتىققا يە كرەمني، جىسۇن ليتي كاسىبىنىڭ باتەريا دەڭگەيىندەگى كومىر قىشقىل ليتي سياقتى نىساندارىنىڭ ىلگەرىلەۋ جاعدايىن جۇمىس باسىندا ۇعىسىپ، كاسىپورىننىڭ تالاپ - تىلەگىنە قۇلاق ءتۇرىپ، قيىنشىلىقتاردى سايكەستىرىپ شەشتى. مەيكى حيميا ونەركاسىبى، جۇڭتاي حىڭحۇي سياقتى كاسىپورىندار مەن تارىم مۇناي الابىنىڭ زەردەلى جۇمىس ورتالىعىندا ەركىن تۇنياز كاسىپورىننىڭ ءوندىرىس اينالىمى، مۇناي - تابيعي گاز بايلىعىن بارلاۋ - اشۋ سياقتى جاعدايلاردى ەگجەي - تەگجەيلى ۇعىستى. ول بىلاي دەپ باسا دارىپتەدى: شينجياڭنىڭ ەنەرگيا بايلىعى باسىمدىعىن تياناق ەتىپ، مۇناي - تابيعي گاز زاپاسىن مولايتىپ، ءونىمىن ارتتىرۋدى زور كۇشپەن جەبەپ، نازىك حيميا ونەركاسىبى مەن مۇناي ايىرۋدى، حيميا ونەركاسىبىن، توقىماشىلىقتى ءبىر تۇلعالاندىرۋعا قاراي بۇرىلىس جاساۋدى جەدەلدەتىپ، ونەركاسىپتىڭ نەگىزىن كۇشەيتىپ، ونىمدىلىگىن ارتتىرۋدى جانە تيبىن جاڭالاپ، دارەجەسىن ءوسىرۋدى ىلگەرىلەتۋ كەرەك.
تەتىما كولىندە ەركىن تۇنياز تارىم وزەنىنىڭ تومەنگى اعارىنىڭ ەكولوگيالىق سۋ جىبەرۋ جانە ەكولوگيانى وڭاۋ جاعدايىن جۇمىس باسىندا تەكسەرىپ، تەتىما كولىنىڭ ەكولوگيالىق ورتاسىن كوز قاراشىعىنداي قورعاپ، وڭتۇستىك شينجياڭداعى ماڭىزدى ەكولوگيالىق قالتقىنى شىن مانىندە ويداعىداي قورعاۋدى باسا دارىپتەدى. لوپنۇر اۋدانىنىڭ ءشول دالا قۇرىلعىلى اۋىل شارۋاشىلىعى كاسىپ سالاسى باقشا رايونىندا تەكسەرۋ - زەرتتەۋ جۇرگىزگەندە، ول بىلاي دەپ اتاپ كورسەتتى: جەرگىلىكتى ورىننىڭ ەگىستىك جەر جەتىسپەۋ، ەكولوگيالىق ورتاسى ءالسىز بولۋ سياقتى ناقتى جاعدايىن تياناق ەتىپ، اشۋعا بولاتىن بوس جەرلەر مەن تاستاندى ەتىلگەن جەرلەردەن پايدالانۋ جونىندە ىزدەنىس جاساپ، ءشول دالا قۇرىلعىلى اۋىل شارۋاشىلىعىن زور كۇشپەن دامىتىپ، يەن قايراڭدى قۇنارلى اتىزعا اينالدىرۋعا قۇلشىنۋ كەرەك.
ەركىن تۇنياز بىلاي دەپ باسا دارىپتەدى: ەكىنشى ماۋسىمداعى ءتۇرلى كەلەلى نىساندار قۇرىلىسىن بار كۇشپەن ويداعىداي يگەرىپ، كەلەلى نىسانداردىڭ جەتەكتەۋ، باستاماشىلدىق ەتۋ جانە ءونىمدى قارجى قوسۋداعى شەشۋشى رولىن ۇزدىكسىز ساۋلەلەندىرۋ كەرەك. جاڭا ەنەرگيا، جاڭا ماتەريال سياقتى ستراتەگيالىق جاڭادان گۇلدەنگەن كاسىپ سالالارىن زور كۇشپەن دامىتىپ، ساۋدا ارقىلى ساۋداگەر شاقىرۋدى، كاسىپورىن ارقىلى كاسىپورىندى جەتەكتەۋدى كورنەكتىلەندىرىپ، كاسىپ سالاسى تىزبەگىنىڭ شەشۋشى بۋىندارىن، جوعارعى، تومەنگى بۋىندارداعى سايكەستى كاسىپورىنداردى ىرگە تەبۋگە جەتەكتەپ، كاسىپ سالاسى كولەمىن ونان ارى زورايتىپ، كاسىپ فورماتسياسىن بايىتىپ، كاسىپ سالاسى دەڭگەيىن جوعارىلاتۋ كەرەك. نازاردى كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ، كومىر قىشقىل گازىن بەيتاراپتاندىرۋ نىساناسىنا شوعىرلاندىرىپ، تازا ەنەرگيا، جاسىل كەن شارۋاشىلىعى سياقتىلاردى زور كۇشپەن دامىتىپ، دامۋ ءتاسىلىن جاسىل تيپكە وزگەرتۋدى جەدەلدەتۋ كەرەك. عىلىم - تەحنيكادا جاڭالىق اشۋ، كاسىپ سالاسىن توعىستىرۋ، شارۋالاردى جەتەكتەۋ، شارۋالارعا پايدا جەتكىزۋ سياقتى جاقتاردا كۇش سالىپ، جاسىل، ورگانيكالى جەمىس - جيدەك، كوكونىس كاسىپ سالاسى شوعىرىن نىعايتىپ، كۇشەيتىپ، ءتىپتى دە كوپ شارۋالاردى كىرىستى ارتتىرىپ، بايۋعا جەتەكتەۋ كەرەك. سۋ ۇنەمدەۋدى الدىڭعى ورىنعا قويۋعا تاباندى بولىپ، سۋ بايلىعىن ساپالى ورنالاستىرۋ قابىلەتىن جوعارىلاتىپ، سۋ بايلىعىنان ۇنەمدى، شوعىرلى، جوعارى ءونىمدى پايدالانۋدى جەبەۋ كەرەك. وزەن - كول باستىعى ءتۇزىمىن ىشكەرىلەي ىلگەرىلەتىپ، ەكولوگيانى قورعاۋ مەن قالپىنا كەلتىرۋدەگى ءتۇيىندى ينجەنەريالار قۇرىلىسىن كۇشەيتىپ، ەكولوگيالىق ورتانىڭ ساپاسىن ۇزدىكسىز جوعارىلاتۋ كەرەك. دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، كاسىپورىندى قامتىعان ءار جاقتىڭ بەلسەندىلىگىن تولىق جۇمىلدىرىپ، ءوندىرىس حاۋىپسىزدىگى جاۋاپكەرشىلىگىن تياناقتاندىرىپ، جوعارى ساپالى دامۋعا بەرىك نەگىز قالاۋ كەرەك.
