تيانشان تورى
تيانشان تورى   ›   جاڭالىقتار   ›   شينجياڭ حابارلارى

باسىمدىققا يە بايلىقتى تەرەڭدەي كادەگە جاراتۋدى ىلگەرىلەتىپ، وسىزاماندانعان كاسىپ سالاسى جۇيەسىن قۇردى

  بايىنعولين وبلىسى:

  باسىمدىققا يە بايلىقتى تەرەڭدەي كادەگە جاراتۋدى ىلگەرىلەتىپ، وسىزاماندانعان كاسىپ سالاسى جۇيەسىن قۇردى

  □ انار بۇلت \ شينجياڭ گازەتىنىڭ ءتىلشىسى دۋ جيانحۇي

  3 - ايدىڭ 26 - كۇنى كورلا ەكونوميكالىق - تەحنيكالىق اشۋ رايونىنداعى شينجياڭ مەيكى حيميا ونەركاسىبى شەكتى جارنا سەرىكتەستىگىنىڭ 5 - مەرزىمدەگى جىلىنا 100 مىڭ توننا 1، 4 - بۋتاديول (BDO) ءوندىرۋ نىسانىنىڭ قۇرىلىس ورنىندا ماشينالار گۇرىلدەپ، كران، تاسىمال كولىكتەرى سياقتى ينجەنەريالىق ماشينا - كولىكتەر قايشالىسىپ، قۇرىلىسشىلار قاربالاس جۇمىس جۇرگىزۋدە.

  ”بۇل نىساننىڭ قۇرىلىس جۇمىسى بيىل 2 - ايدا باستالعان بولاتىن“. شينجياڭ مەيكى حيميا ونەركاسىبى شەكتى جارنا سەرىكتەستىگى پارتكومىنىڭ شۋجيى، القا باستىعى سۇڭ جىمين تانىستىرىپ بىلاي دەدى: BDO ءبىر ءتۇرلى ماڭىزدى ورگانيكالىق جانە نازىك حيميا ونەركاسىبى شيكىزاتى، ءدارى - دارمەك، حيميا ونەركاسىبى، توقىماشىلىق، اۆتوكولىك جانە كۇندەلىكتى حيميا ونەركاسىپ سياقتى سالالاردا كەڭىنەن پايدالانىلادى. وسى نىساننىڭ سالىنۋى نازىك حيميا ونەركاسىبى جاڭا ماتەريال كاسىپ سالاسىنداعى تىزبەكتى ۇزارتۋعا نەگىز قالايدى، وندىرىسكە قوسىلعان سوڭ بايىنعولين موڭعۇل اۆتونوميالى وبلىسىنىڭ ”مۇناي ايىرۋ، حيميا ونەركاسىبى، توقىماشىلىق“ كاسىبىن ءبىر تۇلعالاندىرۋىنا جەتكىلىكتى شيكىزات قامتاماسىزدىعىن ازىرلەيدى.

  ”بيىلعى ۇكىمەت قىزمەتىنەن باياندامادا ءداستۇرلى كاسىپ سالالارىن جاڭالاۋدى، دارەجەسىن جوعارىلاتۋدى جەبەپ، ستراتەگيالىق سيپاتتى جاڭادان گۇلدەنگەن كاسىپ سالالارىن جەتىلدىرىپ، زورايتىپ، كاسىپ سالاسى تىزبەگىنىڭ ءالسىز بۋىندارىن كۇش سالا تولىقتاۋ، كۇشەيتۋ كەرەكتىگى العا قويىلعان“. كورلا ەكونوميكالىق، تەحنيكالىق اشۋ رايونى پارتيا قىزمەت كوميتەتىنىڭ شۋجيى حۋاڭ شينحۋاي بىلاي دەدى: اشۋ رايونى كاسىپ سالاسىن دامىتۋدى نەگىزگى جەلى ەتىپ، باستاماشى كاسىپورىندار مەن جوعارعى - تومەنگى بۋىندارداعى كاسىپ سالاسى تىزبەگىنە دالمە - ءدال ساۋداگەر شاقىرىپ، تىزبەكتى كۇشەيتىپ، تولىقتاپ، نازىك حيميا ونەركاسىبىندە جانە جاڭا ماتەريال كاسىپ سالاسىندا ”مىعىم ءارى نازىك“ تىزبەك قۇرىپ، وسىزاماندانعان كاسىپ سالاسى جۇيەسى مەن كاسىپ سالاسى شوعىرىنىڭ باسىمدىعىن قالىپتاستىردى.

  كەزەكتە بايىنعولين وبلىسىنىڭ بايتاق وڭىرىندە نىسان قۇرىلىستارى دابىرالى جۇرگىزىلىپ، ءار ۇلت كادرلارى مەن بۇقارا ءىس جۇزىندىك ارەكەتتەرى ارقىلى مەملەكەتتىك ەكى ءماجىلىستىڭ رۋحىن دايەكتىلەندىرىپ، تياناقتاندىرىپ، ەكونوميكانىڭ جوعارى ساپالى دامۋىن ىلگەرىلەتۋدە.

  كورلا شاڭكۋ جوعارى، جاڭا تەحنيكالىق كاسىپ سالالارىن اشۋ رايونىنىڭ مۇناي، مۇناي حيميا ونەركاسىبى باقشاسىنا ورنالاسقان شينجياڭ جۇڭكۇن جاڭا ماتەريال شەكتى سەرىكتەستىگى جىلىنا 600 × 2 مىڭ توننالىق تابيعي گازدان ەتيلەن گليكول ءوندىرۋ نىسانىنىڭ جۇمىس باسىندا جۇمىسشىلار كاربينولدى قايتا جيناپ الۋ مۇناراسىن ورناتىپ جاتىر. قازىر وسى نىسان قۇرىلعىلاردى ورناتۋ كەزەڭىنە ءوتتى.

  ەكى مەرزىمگە ءبولىنىپ سالىناتىن وسى نىسانعا مولشەرمەن 10 ميلليارد يۋان قارجى قوسىلادى، نىسان وندىرىسكە قوسىلعاننان كەيىن جىلىنا ءبىر ميلليون 200 مىڭ توننا ەتيلەن گليكول جانە ديمەتيل كاربونات سياقتى باسقا دا قوسىمشا ونىمدەردى ءوندىرىپ، جىلدىق ساتىلىم كىرىسى 6 ميلليارد 500 ميلليون يۋان، جىلدىق پايدا باجىسىنىڭ جالپى سوماسى ءبىر ميلليارد 200 ميلليون يۋان بولىپ، 2000 ادامنىڭ جۇمىستانۋىنا تۇرتكى بولادى.

  شينجياڭ جۇڭكۇن جاڭا ماتەريال شەكتى سەرىكتەستىگىنىڭ القا باستىعى شىن چيچاۋ بىلاي دەدى: سەرىكتەستىگىمىز وندىرگەن ەتيلەن گليكول ءونىمى حيميا ونەركاسىبى، توقىماشىلىق كاسىبى شۇعىل ءزارۋ بولىپ وتىرعان شيكىزات ەسەپتەلەدى، وسى نىسان وندىرىسكە قوسىلعاننان كەيىن، وڭتۇستىك شينجياڭنىڭ وسى زامانعى ەنەرگيا حيميا وناركاسىبى نىسانىنداعى اقتاڭداقتى تولتىرادى.

  قازىر جىسۇن ليتي كاسىبى، ەرەكشە ترانسفورماتور سياقتى باستاماشىلدىق ەتۋ قابىلەتى مىعىم ءبىر توپ كاسىپورىن بايىنعولينگە ىرگە تەپتى، 200 مىڭ توننا ساپ كرەمني، 5000 توننا كومىر قىشقىل ليتي قالدىق كەندەرىن پايدالانۋ، 120 مىڭ توننالىق باتارەيا دەڭگەيىندەگى كومىر قىشقىل ليتي، 200 مىڭ توننالىق ليتيلى باتارەيانىڭ تەرىس ەلەكترود ماتەريالى سياقتى نىسانداردىڭ قۇرىلىسى جۇرگىزىلۋدە.

  بايىنعولين وبلىستىق پارتكومنىڭ شۋجيى رىن گۋاڭپىڭ مىنانى ءبىلدىردى: بايىنعولين وبلىسى نازىك حيميا ونەركاسىبىندەگى جاڭا ماتەريال كاسىپ سالاسى تىزبەگىن ونان ارى ۇزارتىپ، باسىمدىققا يە بايلىقتاردى تەرەڭدەي كادەگە جاراتۋدى ىلگەرىلەتىپ، ”قۇرىلىمى عىلمي، وزگەشەلىگى ايقىن، وزەكتى باسەكەلىك قۋاتى كۇشتى“ وسىزاماندانعان كاسىپ سالاسى جۇيەسىن جەدەل قۇرادى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.