يۋان گودۇڭ:
”ەڭبەكشىل بولساڭ، ەرتە مە - كەش پە شۇعىلا شاشاسىڭ“
− جۇندۇڭ اشۋ رايونىنداعى جاستار ④
□ انار بۇلت \ شينجياڭ گازەتىنىڭ ءتىلشىسى شى شين
3 - ايدىڭ 21 - كۇنى يۋان گودۇڭ 4 - دارەجەلى جىلدىق ەڭبەكاقى الاتىن بان باستىعى بولۋ ەمتيحانىنا قاتىناستى. ەگەر ءساتتى وتەتىن بولسا، ونىڭ قىزمەت ورىن ەڭبەكاقىسى 150 مىڭ يۋانعا جەتەدى.
وسىدان ءبىر كۇن بۇرىن شينجياڭ يحۋا حيميا ونەركاسىپ شەكتى سەرىكتەستىگى 2023 - جىلعى جىلدىق ەڭبەكاقى تۇزىمىندەگى بانجاڭداردى ۇسىنىس ەتۋ، تەكسەرۋ جانە باعالاۋ قىزمەتىن باستادى، سەرىكتەستىك بويىنشا 50 بانجاڭ ءوتىنىش ەتىپ تىزىمدەلدى.
نەگىزگى ساتى قىزمەتكەرلەرىنىڭ جىلدىق ەڭبەكاقى الۋى كوپتەگەن ادامنىڭ ويى جەتپەيتىن ءىس بولعانىمەن، الايدا جۇندۇڭ ەكونوميكالىق، تەحنيكالىق اشۋ رايونىندا الدەقاشان رەالدىققا اينالعان.
يۋان گودۇڭ انە سول جىلدىق ەڭبەكاقى الاتىن نەگىزگى ساتى قىزمەتكەرى ەدى. بيىل 31 جاستاعى ول شينجياڭ يحۋا 3 - دارەجەلى جىلدىق ەڭبەكاقى الاتىن بان باستىعى، ەلەكتروليزدەۋ 3 - بانىنىڭ بانجاڭى.
3 - ايدىڭ 22 - كۇنى يۋان گودۇڭ جايشىلىقتاعىداي قىزمەت ورنىندا ەلەكتروليزدەۋ جۇمىس بولىگىنە قاراستى جابدىقتاردىڭ قابىلەتى مەن اينالىم پارومەترىن تەكسەردى. 2012 - جىلى شينجياڭ ينجەنەريا شۋەيۋانى حيميا ونەركاسىپ ماماندىعىنان وقۋ تاۋىسقان ول مەكتەپ اۋلاسىنداعى قىزمەتكەر قابىلداۋ ارقىلى شينجياڭ يحۋاعا جۇمىسقا قابىلداندى.
”ءۇيىمىز گانسۋدا، ونىڭ ۇستىنە ءۇيدىڭ جالعىز بالاسىمىن، وعان قوسا جۇندۇڭنىڭ كليماتىنا ۇيلەسە المادىم، بۇل ارانىڭ قىسى قاقاعان سۋىق، جازى شىلىڭگىر ىستىق بولادى، سول كەزدە ۇزاق ىستەۋدى ويلاماعام، ءبىر مەزگىل وتكەننەن كەيىن كەتەمىن دەپ جوسپارلاعان ەدىم“، - دەدى يۋان گودۇڭ كۇلىپ.
10 نەشە جىل وتە شىقتى، يۋان گودۇڭ ەڭ العاشقى حلور ءسىلتىسىن ەلەكتروليزدەۋ جۇمىس بولىگىندەگى ەلەكتروليزدەۋ جۇمىس ورنىنداعى جۇمىس جۇرگىزۋشىدەن جابدىق باسقارۋشى، جۇمىس ورنىنىڭ گرۋپپا باستىعى، بانجاڭى بولىپ، ءالى دە شينجياڭ يحۋادا ىستەپ جاتىر.
ونىڭ وسىندا قالۋىنا نە سەبەپ بولدى؟
”جىلدىق ەڭبەكاقىمدى الامىن، الايدا ەڭ نازار اۋداراتىنىم بۇل ەمەس، ونان دا ماڭىزدىسى، ىستەرىمىزدىڭ دامۋى. تەك ەڭبەكشىل، ۇيرەنۋگە پەيىل بولساڭ بولعانى، نەگىزگى ساتىداعى ءاربىر قىزمەتكەر باسشىلىق ورىنعا شىعۋى مۇمكىن“. يۋان گودۇڭ بىلاي دەدى: سەرىكتەستىك دارىندىلارعا قۇرمەت ەتىپ، دارىندىلاردى ايالاپ، دارىندىلاردان پايدالانىپ، ”100 دارىندى“ ينجەنەرياسىن باستاپ، قىزمەت ورنىن تۇراقتاندىرىپ شىنىقتىرۋ، قىزمەت ورنىن اۋىستىرىپ باۋلۋ، شوعىرلى باۋلۋ، جۇپ قۇراپ كومەكتەسۋ، جەتەكتەۋ جۇرگىزىپ، قابىلەتتى جاستارعا دارىنىن ايگىلەيتىن ساحنا ازىرلەدى.
ماعلۇماتىنا، ستاجىنا عانا قاراپ قالماستان، جەرگىلىكتى ورىنداعى جاس كادرلاردان ءبىرسىپىراسى شينجياڭ يحۋانىڭ وزەكتى تىرەكتى كادرلارى بولىپ جەتىلىپ، جەرگىلىكتى كادرلار سالىستىرماسى ％79كە جوعارىلادى.
2020 - جىلى شينجياڭ يحۋا جىلدىق ەڭبەكاقى تۇزىمىندەگى بانجاڭدى قىزمەتكە شاقىرۋ ۇلگىسىن جۇرگىزدى، بان - گرۋپپالاردىڭ ”سەركەلەرىنەن“ باستاپ ىسكە كىرىسىپ، نەگىزگى ساتى بان - گرۋپپالارىنىڭ ”جاۋىنگەرلىك قۋاتىن“ جوعارىلاتتى. باعالاۋ ولشەمىنە جەتكەن نەگىزگى ساتى بانجاڭدارىن جىلدىق ەڭبەكاقى تۇزىمىندەگى بانجاڭدىققا ۇسىنىس ەتىپ، مامىلە جاعىندا 6 دارەجە بويىنشا جىلدىق ەڭبەكاقى ولشەمىن بەلگىلەپ، ءبىر جىلدا ءبىر رەت ۇسىنىس ەتۋدى جولعا قويدى.
”بۇل مەحانيزم نەگىزگى ساتىداعى جاس جۇمىسشى - قىزمەتكەرلەردىڭ ۇيرەنۋ جانە قىزمەت ىنتاسىن قوزعاپ، ءاربىر ادام جىلدىق ەڭبەكاقى تۇزىمىندەگى بانجاڭ بولۋعا تالپىنىپ، سالىستىرۋ، ۇيرەنۋ، قۋىپ جەتۋ، كومەكتەسۋ، باسىپ وزۋ سىندى تاماشا راي قالىپتاستىردى. سوندىقتان جىلدىق ەڭبەكاقى تۇزىمىندەگى بانجاڭ ءوزىنىڭ ەڭبەكاقى مامىلەسىن جوعارىلاتىپ قانا قويماي، كاسىپتىك شەبەرلىگىن دە اناعۇرلىم كۇشەيتىپ، بان - گرۋپپالاردىڭ ۇيىسۋ قۋاتىن دا اناعۇرلىم كۇشەيتتى“. سول جىلى ناتيجەسى كورنەكتى بولعاندىقتان، يۋان گودۇڭ دارەجە اتتاتىپ ۇسىنىس ەتىلىپ، شينجياڭ يحۋاداعى ەڭ العاشقى توپتاعى جىلدىق ەڭبەكاقى تۇزىمىندەگى بانجاڭ بولدى.
يۋان گودۇڭ بۇكپەسىز تۇردە وسى رەتكى دارەجە اتتاتىپ ۇسىنىس ەتۋ ونىڭ جۇندۇڭعا تامىر تارتىپ، جۇندۇڭعا ۇلەس قوسۋ بەكىمىن بەكەمدەۋىنە مۇمكىندىك جاساعاندىعىن ايتتى، ”ءارى تۇتقيىل سەزىلدى، ءارى اسەرلەندىم، قىزمەت قابىلەتىمدى كوردى جانە مويىندادى، سول ءبىر وراسان زور تابىس سەزىمىن قانشا اقشامەن دە سالىستىرۋعا كەلمەيدى“.
قازىر يۋان گودۇڭ باستاعان ەلەكتروليزدەۋ 3 - بانى كاسىپورىننىڭ ءوندىرىس حاۋىپسىزدىگى قىزمەتىندە ۇزدىك بولۋعا ۇمتىلىپ، كاسىپورىن قۇرىلىسىن دامىتۋ بارىسىندا كۇش قوسىپ، اقىل - كەڭەس بەرىپ، بىرتىندەپ سەحتىڭ نەگىزگى ءوندىرىس ”شولپان“ توبىنا اينالدى.
”ماڭىزدىسى، ءتىپتى دە كوپ جاستاردىڭ وسى ارادا كوڭىلدى قىزمەت ىستەۋىنە مۇمكىندىك جاساپ، ولارعا بۇل ارادا ىستەۋگە پەيىل بولساڭ بولعانى، ەرتە مە - كەش پە شۇعىلا شاشاسىڭ دەگەندى سەزىندىردى“، - دەدى يۋان گودۇڭ.
