انار بۇلت \ شينجياڭ گازەتىنىڭ ءتىلشىسى رىن حۋا 3 - ايدىڭ 30 - كۇنى ۇرىمجىدەن حابارلايدى. 3 - ايدىڭ 30 - كۇنى تۇستەن بۇرىن اۆتونوميالى رايوننىڭ ”2023 · ارداقتاۋ · چيڭميڭ كۇنى قاھارمان قۇرباندارعا ازا ءبىلدىرۋ“ قيمىلى ءۇرىمجى قالاسى قۇرباندار قابىرستانىندا باستالدى.
اۆتونوميالى رايوندىق قوسىننان قايتقان اسكەريلەر ىستەرى مەڭگەرمەسى ماراپاتتاۋ، ەسكە الۋ باسقارماسىنىڭ باستىعى سۇن لي بىلاي دەپ تانىستىردى، بيىل «جۇڭحۋا حالىق رەسپۋبليكاسىنىڭ قاھارمان قۇربانداردى قورعاۋ زاڭى» جاريالانعانىنا 5 جىل بولادى. تۇتاس رايون كولەمىندە ”2023 · ارداقتاۋ ·چيڭميڭ كۇنى قاھارمان قۇرباندارعا ازا ءبىلدىرۋ“ قيمىلىن ورىستەتۋدەگى ماقسات − توڭكەرىستىك اعا بۋىنداردىڭ ءىزىن باسىپ، داڭقتى جىلداردى قايتا ەسكە الىپ، تۇتاس قوعامدا قاھارمان قۇربانداردى ارداقتايتىن، قاھارمان قۇربانداردى ساعىنا ەسكە الاتىن، قاھارمان قۇربانداردىڭ رۋحىنان ۇيرەنەتىن قويۋ راي قالىپتاستىرۋ.
چيڭميڭ كەزىندە رايونىمىزداعى ءار دارەجەلى قۇربانداردى ەسكە ءتۇسىرۋ قۇرىلعىلارىن باسقارۋ ورىندارى ينتەرنەتتە ازا بىلدىرۋگە، قاۋىرت كەزگە شوعىرلانباي ازا بىلدىرۋگە، وكىلەتتى ازا بىلدىرۋگە بەلسەنە جەتەكشىلىك ەتىپ، كورنەكتىلىگى، ىقپالداستىعى، اۋىسپالى سەزىمى كۇشتى بۇلتتا ازا ءبىلدىرۋ ءتاسىلى جونىندە ىزدەنىس جاساپ، ازا ءبىلدىرۋ سەزىنۋىن ۇزدىكسىز بايىتادى ەكەن. سونىمەن بىرگە ينتەرنەت جەلىسىنەن تىسقارىدا بار ىنتا - پەيىلىمەن، سۇيىسپەنشىلىكپەن قىزمەت وتەپ، ماڭىزدى ەسكە ءتۇسىرۋ ۋاقىت تۇيىندەرىندە كۇنى بۇرىن قۇرباندار قابىرىنا گۇل قويىپ، قۇلپىتاستاردى ءسۇرتىپ، قۇربانداردىڭ ءۇي - ىشىندەگىلەر اتىنان وكىلەتتى ازا بىلدىرەدى ەكەن.
بىلتىر 3 - ايدا شينجياڭنىڭ قاھارمان قۇرباندار سايتى اشىلىپ، ساياسات، زاڭ ەرەجەلەر، ەسكە ءتۇسىرۋ قۇرىلعىسى، قۇربانداردىڭ قۇرمەتتى ەسىمدىگى، ينتەرنەت جەلىسىندە ازا ءبىلدىرۋ، قۇربانداردىڭ تۋىسىن ىزدەۋ، قىزىل اڭگىمە سىندى 6 ايدارشا اشىلدى. ينتەرنەت جەلىسىندە ازا ءبىلدىرۋ ايدارشاسى ينتەرنەت جەلىسىندە ازا بىلدىرۋگە قىزمەت وتەۋمەن قامدادى. ءار ۇلت كادرلارى مەن بۇقاراسىنىڭ جۇڭحۋا قاھارمان قۇرباندار سايتىنا، شينجياڭ قاھارمان قۇرباندار سايتىنا كىرىپ جەلىدە ازا ءبىلدىرىپ، قاھارمان قۇرباندارعا گۇل ۇسىنىپ، لەبىز قالدىرىپ، قاھارمان قۇرباندارعا بولعان قۇرمەتى مەن ساعىنىشىن بىلدىرۋىنە بولادى.
قازىر شينجياڭ قوسىننان قايتقان اسكەريلەر ۋيشين الەۋمەتتىك ءنومىرى ”قاھارمان قۇرباندارعا قۇرمەت ءبىلدىرۋ“ ارناۋلى ستونىن اشىپ، قاھارمان قۇربانداردىڭ اڭگىمەلەرىن بايانداپ، قاھارمان قۇربانداردىڭ ىزگى ىستەرىن كورسەتىپ، تاراتىپ، قاھارمان قۇربانداردىڭ رۋحىن اسقاقتاتتى؛ ءۇرىمجى قالاسى قۇرباندار قابىرستانى ينتەرنەتتە قاھارمان قۇرباندارعا ازا ءبىلدىرۋ تۇعىرىن اشتى؛ جەر - جەردەگى قوسىننان قايتقان اسكەريلەر ىستەرى تاراۋلارى دا قۇرباندارعا ازا ءبىلدىرۋ قىزمەتىن بەلسەندىلىكپەن ۇيىمداستىرىپ، ازا ءبىلدىرۋ قيمىلىن تاماشا ورتامەن قامداپ، ساپالى قىزمەت وتەدى.
