انار بۇلت \ شينجياڭ گازەتىنىڭ ءتىلشىسى لي شيڭ 3 - ايدىڭ 30 - كۇنى ۇرىمجىدەن حابارلايدى. 3 - ايدىڭ سوڭىنا دەيىن اۆتونوميالى رايون ورتالىقتىڭ ەكولوگيالىق ورتانى قورعاۋ بويىنشا 2 - كەزەكتى قۋزاۋ - تەكسەرۋىنە قاتىستى 13 ءتۇرلى رەتتەۋ - تۇزەتۋ مىندەتىن ورىنداپ، ۋاقىت ءتارتىبى بويىنشا ىلگەرىلەۋ تالابىنا جەتتى، باسقا مىندەتتەر تۇگەلدەي بەلسەندى تۇردە جوسپار بويىنشا تارتىپپەن ىلگەرىلەتىلۋدە.
13 ءتۇرلى رەتتەۋ - تۇزەتۋ مىندەتى ەنەرگيانى كوپ سارىپ ەتەتىن كاسىپتەردى جونگە سالۋ، اتموسفەرانىڭ لاستانۋىن وڭاۋ، سۋ بايلىعىن باسقارۋ سياقتى جاقتارعا سايادى.
ەنەرگيانى كوپ سارىپ ەتەتىن كاسىپتەردى جونگە سالۋ جاعىندا، سانجى حۇيزۋ اۆتونوميالى وبلىسى جۇندۇڭ ەكونوميكالىق - تەحنيكالىق اشۋ رايونىنداعى ”كەن قازاتىن“ 6 كاسىپورىن زاڭ بويىنشا توقتاتىلدى. سانجى وبلىسى ۇلكەن ساندى مالىمەت ارقىلى كاسىپورىنداردىڭ ەلەكتردەن پايدالانۋ ساندى مالىمەتىنە تالداۋ جاساۋ، ناق مايداندا قۋزاۋ - انىقتاۋ سياقتى تاسىلدەرمەن باقىلاۋ - باسقارۋدى كۇشەيتىپ، 6 كاسىپورىنعا مەرزىمسىز ۋاقىتتا ۇستىندە باقىلاۋ - باسقارۋ، تەكسەرۋ جۇرگىزدى، تاعى دا بەلەڭ بەرۋ جايتى بايقالمادى. 2022 - جىلى سانجى وبلىسى جۇندۇڭ ەكونوميكالىق - تەحنيكالىق اشۋ رايونىنىڭ قازىرگى ونەركاسىپ نىساندارى مەن ىرگە تەپپەكشى بولعان ونەركاسىپ نىساندارىن جان - جاقتى سالالاپ، ”ەكى جوعارى، ءبىر تومەن“ نىسان ءتىزىمىن جاسادى، تەكسەرۋ ارقىلى قازىرگى جانە ىرگە تەپپەكشى بولعان نىساندار تۇگەلدەي مەملەكەتتىڭ، اۆتونوميالى رايوننىڭ كاسىپ سالاسى ساياساتى مەن اشۋ رايونىنىڭ كاسىپ سالاسى ورنىن تۇراقتاندىرۋىنا ۇيلەسەتىندىگى انىقتالدى.
قۇمىل قالاسىنداعى ءىشىنارا كوك كومىر كاسىپورىندارىنىڭ شاعىن قۇرىلىستى بەكىتتىرىپ الىپ، قۇرىلىستى ۇلكەيتىپ سالۋى، ءوندىرىس قۋاتىن ءوز بەتىنشە ارتتىرۋى سياقتى ماسەلەلەرگە مەڭزەس، كاسىپورىنداردىڭ ارتىق ءوندىرىس قۋاتىنا يە كوكستەندىرۋ پەشى شاعىلدى، بەكىتتىرمەي تۇرىپ الدىمەن سالىنعان نىساندار وندىرىستەن توقتاتىلعاننان كەيىن، 2022 - جىلعى نىسانداردىڭ قورشاعان ورتاعا جاسايتىن ىقپالىن باعالاۋ، حاۋىپسىزدىكتى باعالاۋ سياقتى راسمياتتارى ورىندالدى. رەتتەۋ - تۇزەتۋ بارىسىندا قۇمىل قالاسى ”ەكى جوعارى“ نىسانداردى كىرگىزۋگە رۇقسات ەتۋ وتكەلىن قاتاڭ يگەرىپ، كومىردىڭ حيميا ونەركاسىبىنىڭ شيكىزاتى رەتىندە، كەشەندى پايدالانىلۋ ونىمدىلىگىن ۇزدىكسىز جوعارىلاتىپ، كومىر حيميا ونەركاسىبىنىڭ جوعارى دەڭگەيلەنۋ، كوپ نەگىزدەنۋ، تومەن كومىر قىشقىل گازدەنۋ بەتالىسىنا قاراي دامۋىن جەبەدى. سونىمەن بىرگە، اۆتونوميالى رايوندىق ەكولوگيالىق قورشاعان ورتا مەڭگەرمەسى بۇكىل رايوننىڭ قورشاعان ورتاعا جاسايتىن ىقپالىن باعالاۋدا بەكىتىلمەي تۇرىپ الدىمەن سالۋ، بەكىتىپ سالعاننان كەيىن ولشەمگە ۇيلەسپەۋ جاعدايىن سالالاپ، زاڭ بويىنشا، بەلگىلەمە بويىنشا ارناۋلى اداقتاۋ، رەتتەۋ - وڭاۋ جۇمىستارىن ورىستەتتى.
اتموسفەرانىڭ لاستانۋىن وڭاۋ جاعىندا، بىرگە ساقتانۋ، بىرگە وڭاۋ تالابىن تياناقتاندىرۋدا دارمەنسىزدىك كورسەتۋگە مەڭزەس، اۆتونوميالى رايوندىق ەكولوگيالىق قورشاعان ورتا مەڭگەرمەسى «ءۇرىمجى، سانجى، شىحىزى، ۋجياچۇي ءوڭىرىنىڭ اتموسفەرا ورتاسىنىڭ لاستانۋىنان بىرگە ساقتانۋ، بىرگە وڭاۋدى اناعۇرلىم كۇشەيتۋ جونىندەگى پىكىردى» شىعارىپ، بيڭتۋان مەن جەرگىلىكتى ورىننىڭ ەكولوگيالىق قورشاعان ورتاسىنىڭ لاستانۋىنان بىرگە ساقتانۋ، بىرگە وڭاۋ جۇلگەلىك كەلىسىمىن جاسادى. شينجياڭ ءۇرىمجى قالاسىنىڭ، سانجى وبلىسىنىڭ، بيڭتۋان 6 - شىسىنىڭ، 8 - شىسىنىڭ، 12 - شىسىنىڭ ەكولوگيالىق قورشاعان ورتا بىرلەسكەن مەحانيزمىن ورناتىپ، ”ءۇرىمجى − سانجى − شىحىزى“ وڭىرىندە اتموسفەرانىڭ لاستانۋىندا لاس زاتتاردى ەرەكشە شىعارۋ شەگى مەن ەرەكشە تىزگىندەۋ تالابىن جاپپاي اتقارىپ، وڭىرلىك اتموسفەرانىڭ لاستانۋىنان بىرگە ساقتانۋدى، بىرگە وڭاۋدى اناعۇرلىم كۇشەيتتى.
سۋ بايلىعىن باسقارۋ جاعىندا ورىن تەپكەن ولقىلىقتارعا مەڭزەس، اۆتونوميالى رايوندىق سۋ يگىلىگى مەڭگەرمەسى «2022 - جىلعى سۋ بايلىعىن باسقارۋدىڭ ەڭ قاتاڭ تۇزىمدىك باعالاۋ جوباسىن» جاسادى ءارى جىلدىق باعالاۋدى ورىندادى. سونىمەن بىرگە اۆتونوميالى رايون سۋ بايلىعىن باسقارۋدىڭ ەڭ قاتاڭ تۇزىمدىك باعالاۋىن اتقارۋداعى سۋدان پايدالانۋ جالپى مولشەرى، جەر استى سۋىنىڭ جالپى مولشەرى قاتارلى نىسانالاردىڭ قۇن ارا سالماعىن ايقىنداپ، سۋ بايلىعىن ەڭ ۇلكەن بۇلجىماس شەكتەمە ەتۋگە تاباندى بولىپ، سۋ بايلىعىن ۇنەمدەۋدى، قورعاۋدى ەكونوميكالىق، قوعامدىق دامۋدىڭ جانە ەكولوگيالىق وركەنيەت قۇرىلىسىنىڭ ءار جاعىمەن توعىستىردى.
مۇنان سىرت، ورتالىقتىڭ قورشاعان ورتانى قورعاۋدى قۋزاۋ - تەكسەرۋىندە بىتىرۋگە تاپسىرىلعان بۇقارانىڭ ارىز - ارمان، اشكەرەلەۋ ماسەلەسى سانالاتىن 2087 ماسەلەدەن (اۆتونوميالى رايوننان 1755 ماسەلە، بيڭتۋاننان 332 ماسەلە) 2019 ماسەلە (اۆتونوميالى رايوننان 1702 ماسەلە، بيڭتۋاننان 317 ماسەلە) نەگىزىنەن ءبىتىرىلىپ بولعان نەمەسە ساتىلى تۇردە بىتىرىلگەن، ءبىتىرىلۋ مولشەرى ％7. 96 بولعان.
