تيانشان تورى
تيانشان تورى   ›   جاڭالىقتار   ›   شينجياڭ حابارلارى

وسى رەتكى مادەنيەت - ساياحات تانىستىرۋ جينالىسى وتە ناقتى بولدى

  قوناقتاردى شينجياڭعا جول الۋعا باستادى −

  وسى رەتكى مادەنيەت - ساياحات تانىستىرۋ جينالىسى وتە ناقتى بولدى

  □ انار بۇلت \ شينجياڭ گازەتىنىڭ ءتىلشىسى ءابيبا

  3 - ايدىڭ 29 - كۇنى ”شينجياڭ − جاقسى جەر“ تاقىرىبىنداعى مادەنيەت - ساياحات تانىستىرۋ قيمىلىنىڭ شىمىلدىعى جابىلدى، گۋاڭجوۋ، شيامىن، حاڭجوۋ، نانجيڭ، شاڭحايدان ارى ءوتتى، بۇكىل شينجياڭداعى 14 ايماق، وبلىس، قالا ۇيىرمە ۇيىمداستىرىپ تانىستىردى، 1000نان استام قاتىستى مادەنيەت - ساياحات كاسىپورنى مەن ساياحات كووپەراتيۆى قاتىناستى، 30 نەشە مادەنيەت - ساياحات كاسىپورنى 100 ميلليون يۋاندىق كەلىسىمگە قول قويىستى، وسى ارقىلى شينجياڭعا 30 ميلليوننان استام ساياحاتشىنى (رەت) باۋراۋعا بولادى. وسى رەتكى تانىستىرۋ جينالىسى شينجياڭداعى كوكتەمگى، جازعى ساياحات ماۋسىمىندا اۋقىم قالىپتاستىرۋمەن بىرگە، قوناقتاردى شينجياڭعا تارتىپ وتىرۋعا باستايدى.

  كوكتەمدە گۇلدەرگە كوز مەيىرىن قاندىرىپ، جازدا كورىنىس تاماشالايدى، شينجياڭنىڭ جاراتىلىستىق كورىنىسى شەكسىز؛ كۇسان مادەنيەتى، بەيتيڭ بايىرعى قالاسى ... شينجياڭنىڭ جاراتىلىستىق كورىنىسى كوركەم، تاريحي گۋمانيتارلىق مايەگى قالىڭ. تانىستىرۋ جينالىسى الىستاعى قوناقتاردى باۋراپ قانا قويماي، كوپتەگەن سەلبەستىك جانە وراي الا كەلىپ، شينجياڭنىڭ مادەنيەت - ساياحات ىستەرىنە دەم بەردى.

  تانىستىرۋ جينالىسى اياقتالماي جاتىپ، ساياحاتشىلار جولعا شىعىپ ۇلگىردى

  ”5 بەكەتتىك تانىستىرۋ جينالىسىندا مەن ون نەشە ساياحات كووپەراتيۆىمەن ءوزارا ساياحاتشى جونەلتۋ كەلىسىمىنە قول قويىستىم، 4 - ايدىڭ باسىندا گۇل تاماشالاۋعا كەلگەن العاشقى توپتاعى شيامىندىق ساياحاتشىلار شينجياڭعا جەتەدى“. شينجياڭ ديڭفىڭ حالىقارالىق ساياحات كووپەراتيۆى شەكتى سەرىكتەستىگىنىڭ باس ديرەكتورى چىن ۋىنتيڭ بىلاي دەدى: مەن وسى رەتكى مادەنيەت - ساياحات تانىستىرۋ تۇعىرى ارقىلى اۆتونوميالى رايوننىڭ ءتۇرلى تيىمدىلىك ساياساتتارىنىڭ دەم بەرۋىندە، اناعۇرلىم كوپ ساياحاتشىنى شينجياڭدى بىرگە ساياحاتتاۋعا باستاپ كەلەمىن.

  نانجيڭنىڭ، شاڭحايدىڭ كوپ جەرىندە ”گۇل اشىلدى“، قۇلجا قالالىق مادەنيەت - ساياحات توبى باتىس بولىك حالىقارالىق ساياحات كووپەراتيۆىنىڭ باس ديرەكتورى جانە ىلە حالىقارالىق ساياحات جيناۋ - تاراتۋ ورتالىعىنىڭ القا باستىعى ني جيڭ كەز كەلگەن ۋاقىتتا ”شايقاس“ كۇيىنە وتە الادى. تانىستىرۋ جينالىسىندا كەلىسكەن نىسانداردى ەگجەي - تەگجەيلى كەڭەسۋ، اشالاۋ كەرەك. ساياحاتتىڭ قاۋىرت كەزى كەلە جاتىر، ول ۋاقىتتى مىقتى يگەرىپ، نىساندى جەدەل تياناقتاندىرۋى كەرەك. ”جياڭسۋداعى، شاڭحايداعى 10 مىڭ ادامنىڭ شينجياڭدى ساياحاتتاۋىنا قاتىناسقان ساياحاتشىلار جولعا شىقتى، ساياحاتشىلاردىڭ كوڭىلدەگىدەي ساياحاتتاپ، جاقسىلاپ تاماقتانىپ، جايلى جاتۋى ءۇشىن دەرەۋ ەگجەي - تەگجەيلى ىستەپ، جۇمىستى ءار ادامعا دەيىن ءبولۋىمىز كەرەك“، - دەدى ني جيڭ.

  شينجياڭ التاي ساياحاتتى دامىتۋ توبى شەكتى سەرىكتەستىگىنىڭ قاتىستى جاۋاپتىسى جاۋ حۇڭيان مىنانى ءبىلدىردى: توپقا قاراستى شينجياڭ يۋانشيڭۋاڭ زەردەلى مادەنيەت - ساياحات شەكتى سەرىكتەستىگى وسى جولى شاڭحاي يۋەمەي حالىقارالىق ساياحات كووپەراتيۆى شەكتى سەرىكتەستىگىمەن شاڭحايدا سەلبەستىك كەلىسىمىن جاساستى، 5 بەكەتتىك تانىستىرۋ جينالىسى قيمىلى ارقىلى سەلبەسۋ ويى بار تاعى ءبىرتالاي كاسىپورىن كەڭەس وتكىزىپ جاتىر. ”وسى رەتكى تانىستىرۋ جينالىسى ارقىلى ساياحاتشى اكەلىپ قانا قويماي، مادەنيەت - ساياحات كاسىپورىندارىنىڭ بىزگە بەرگەن ۇسىنىس - پىكىرلەرىن تىڭداپ، ينفورماتسيا الماستىرىپ قايتتىق، تابىسىمىز مول بولدى“.

  ”وسى رەتكى تانىستىرۋ جينالىسى ءدال ۋاعىندا اشىلدى“. شيامىن جيانفا حالىقارالىق ساياحات كووپەراتيۆى توبى شەكتى سەرىكتەستىگى ءونىم ارناسى ىستەرى ءبولىمىنىڭ باس ديرەكتورى لين شين مىنانى ءبىلدىردى: تانىستىرۋ جينالىسىندا جاريالانعان جەلىلەر مەن شارالار وتە جان - جاقتىلى ەكەن، جەرگىلىكتى ورىنداعى ساياحات كووپەراتيۆتەرى العا قويعان ماسەلەلەردى دە سول جەردىڭ وزىندە تىلدەسۋ تاسىلىمەن تۇيىندەر ارا شەشىم ەتتى، ”بۇل ءبىزدىڭ شينجياڭعا ساياحاتشى اكەلۋدەگى قايرات - جىگەرىمىزدى كۇشەيتە ءتۇستى، وسى بىرنەشە كۇندە ءبىز تيجاراتقا كىرىسىپ كەتتىك، ساياحاتشىلاردىڭ اڭىسى دا ايتارلىقتاي بولدى“.

  ”مادەنيەت - ساياحات تانىستىرۋ جينالىسى سىندى تۇعىردىڭ ارقاسىندا، ءبىز ’ساياحاتشىلاردى شينجياڭعا اكەلۋگە‘ كۇش سالۋمەن بىرگە، مادەنيەت - ساياحات كاسىپورىندارى مەن ساياحات كووپەراتيۆتەرىن سىرتقا شىعىپ، تاجىريبە ۇيرەنۋگە، سەلبەستىكتى كەڭەسۋگە جەتەلەپ، بايلىقتان بىرگە يگىلىكتەنۋ، باسىمدىقتار ارقىلى ءوزارا تولىقتاۋ، ءوزارا ساياحاتشى جىبەرۋ، ماركانى بىرگە قالىپتاستىرۋ، ساياحات جەلىلەرىن تۇتاستىرۋ سياقتىلاردى جۇزەگە اسىرىپ، ’شينجياڭ − جاقسى جەر‘ ماركاسىنا جان - جاقتى ءۇن قوسامىز“، - دەدى شينجياڭ مادەنيەت جانە ساياحات مەڭگەرمەسىنىڭ ورىنباسار باستىعى يۇي جيە.

  ”ساياحاتشىلاردى تالاسا باۋراۋ“ شايقاسىندا شينجياڭ قىزۋ تۇيىنگە اينالدى

  ”شينجياڭعا تالاي رەت بارعام، ايتسەدە ءار جولى جاڭالىق سەزىنىپ قايتامىن“. بەيجيڭ لۇيماما توبىنىڭ القا باستىعى، سولتۇستىك ۇلكەن رايونىنىڭ باس اتقارۋشىسى گو چيڭحۋا تانىستىرۋ جينالىسىندا ءوز اسەرىن ءبولىستى. بىلتىر 12 - ايدا ول قار - مۇز ساياحات مامانى رەتىندە التايعا بارىپ تەكسەرۋ - زەرتتەۋ جۇرگىزگەندە، شينجياڭ مادەنيەت - ساياحات بايلىعىنان كەندە ەمەس ەكەنىن، تەك ”شينجياڭ − جاقسى جەر“ ماركاسىن بۇكىل ەلدە تابان تىرەپ تۇرعىزاتىن اناعۇرلىم كوپ ساياحات ءونىمى قاجەت ەكەنىن بايقاعان ەدى.

  ”بۇكىل ەلدىڭ جەر - جەرى ’ساياحاتشىلاردى تالاسا باۋراۋ‘ شايقاسىن باستاپ كەتتى، شينجياڭ اناعۇرلىم كوپ ساپالى ساياحات ونىمدەرىن اشىپ، بىردەن - ءبىر ءارى كوشىرۋگە كەلمەيتىن مادەنيەت - ساياحات IPىن اشۋى قاجەت“، - دەدى گو چيڭحۋا.

  جياڭسۋ نانجيڭ ساياحات جيناۋ - تاراتۋ ورتالىعىنىڭ جاۋاپتىسى مياۋ پۋ مىنانى ءبىلدىردى: ءىرى ساياحات تۇعىرلارىنىڭ ۇلكەن ساندى مالىمەتتەرىندە كورسەتىلۋىنشە، شينجياڭ بيىلعى ساياحاتتاعى قىزۋ تۇيىنگە اينالعان. ساياحاتشىلار دەڭگەيىنىڭ كوبەيۋىنە بايلانىستى، ەركىن ساپار، شاعىن توپتىڭ كورىنىس تۇيىندەرىن سەزىنۋ ساپارى، سالت - سانا مادەنيەتىنە ەلىتە ىشكەرىلەي ساپارلاۋ سياقتىلارعا قاتىناسقان جوعارى دەڭگەيدەگى ساياحاتشىلار كوبەيە تۇسۋدە، ”شينجياڭ وتە ۇلكەن، مىڭ بوياۋلى مادەنيەت - ساياحات بايلىعىنان اناعۇرلىم كوپ ساياحات ءونىمىن شىعارۋعا بولادى. ساياحاتتىڭ قاۋىرت كەزى كەلىپ جەتۋدەن بۇرىن، وسىنىڭ ءبارىن دايىنداپ بولۋ كەرەك“.

  گۋاڭدۇڭ ولكەسى جۇڭگو جاستار ساياحات كووپەراتيۆى شەكتى سەرىكتەستىگى حالىقارالىق ءبولىمىنىڭ ديرەكتورى وۋياڭ ياڭ مىنانى ءبىلدىردى: شينجياڭ الدەقاشان ورتا ازيا ساياحات بازارىنىڭ ماڭىزدى وتكەرمەلەۋ ورنىنا اينالىپ كەتكەن. ”حالىقارالىق ساياحات بازارىنىڭ اشىلۋىنا ىلەسە، كەلەشەكتە شينجياڭ كاسىبيلىگى كۇشتى اناعۇرلىم كوپ ساياحات كووپەراتيۆتەرىنىڭ اناعۇرلىم كوپ جوعارى دەڭگەيدەگى بەلگىلەنگەن جەلى ۇسىنىپ، حالىقاراداعى ساياحاتشىلاردىڭ شينجياڭدا قالۋىنا مۇمكىندىك جاساۋىن ءالى دە قاجەت ەتەدى“، - دەدى وۋياڭ ياڭ.

  شاڭحاي قالالىق مادەنيەت جانە ساياحات مەكەمەسىنىڭ 2 - دارەجەلى شارلاۋشىسى شىن چاۋ مىنانى ءبىلدىردى: بۇگىنگى تاڭدا بۇكىل ەلدىڭ جەر - جەرى مادەنيەت - ساياحاتتى دامىتۋدىڭ جاڭا ارناسىن بار كۇشپەن تۇلعالاۋدا، تەك بۇكىل ەلدىڭ ساياحات بايلىعىمەن جانە ساياحات بازارىمەن تەرەڭدەي بايلانىسىپ، ەكى جەردىڭ كەڭ سالادا، تەرەڭ دەڭگەيدە سەلبەسۋىن ونان ارى ىلگەرىلەتىپ، ءىرى بازاردان، ءىرى تۇعىردان بىرگە يگىلىكتەنگەندە عانا مادەنيەت - ساياحات دامۋىنىڭ ىشكى قوزعاۋشى كۇشىن تولىق قاۋلاتۋعا بولادى.

  ”شينجياڭ − جاقسى جەر“ دەگەن التىن ءارىپتى ماڭدايشالىق ايشىقتالا ءتۇستى

  ءار بەكەتتەگى تانىستىرۋ جينالىسىندا جانە ەكى جەردىڭ قاتىستى ساياحات كووپەراتيۆى سالالارىنىڭ كەڭەسىندە حوتان ايماقتىق مادەنيەت - دەنە تاربيە، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى تۇرسۇنگۇل ءماتتوحتى كوپشىلىك ورتاعا قويعان ۇسىنىس - پىكىرلەردى ەگجەي - تەگجەيلى ەستەلىككە الدى.

  وسى رەت نەگىزىنەن حوتاننىڭ ەرەكشە ساياحاتىن تانىستىرعان تۇرسۇنگۇل مىنانى بايقادى: كوپشىلىك وسى سارا جەلىلەرگە اجەپتاۋىر قىزىعادى ەكەن، ايتسەدە جەلىنىڭ جولى ۇزاق بولعاندىقتان، ءونىم مازمۇنىنىڭ اناعۇرلىم مول بولۋىن ءۇمىت ەتەتىن كورىنەدى. ”قايتىپ بارعاننان كەيىن مەن 7 سارا جەلىگە تاعى دا كۇش سالىپ، جەلى تۇرلەرىن مولايتىپ، اناعۇرلىم كوپ كورىنىس وڭىرلەرىن، كورىنىس تۇيىندەرىن تۇتاستىرىپ، ساياحاتشىلارعا اناعۇرلىم كوپ تاڭداۋ مۇمكىندىگىن ازىرلەيمىن“، - دەدى تۇرسۇنگۇل.

  ”جۇڭگونىڭ قار قالاسىنان“ كەلگەن التاي ايماقتىق مادەنيەت - دەنە تاربيە، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى ءدىلدا ءنابي مىنانى ءبىلدىردى: بۇدان بىلاي التاي ەل ىشىندەگى قۋاتتى قار - مۇز بازارىنا سۇيەنىپ، مامىق قاردا، كوكتەمگى قاردا شاڭعى تەبۋدەن تىس، اناعۇرلىم كوپ قار - مۇز ساياحات ءونىمىن تۇلعالاپ، قار - مۇز ساياحاتىن جوعارى ساپالى دامىتۋدىڭ جاڭا ارناسىن اشادى.

  5 بەكەتتىك تانىستىرۋ جينالىسىندا اۆتونوميالى رايوندىق ساياحات كووپەراتيۆتەرى قوعامىنىڭ باستىعى ۋ فىڭ جەر - جەردەگى ساياحات كووپەراتيۆتەرى ورتاعا قويعان ساياحاتشىلار كوبەيگەن كەزدە ساياحات باستاۋشىلارى جەتىسپەي قالۋ، كىرە كولىگىنىڭ زاپاسى كەمشىل بولۋ ماسەلەلەرىن ەگجەي - تەگجەيلى ەستەلىككە الدى. ”قايتىپ بارعاننان كەيىن ساياحات كووپەراتيۆى ءوزىن تەكسەرۋ قىزمەتىن ورىستەتىپ، ’جايدارى شينجياڭ‘ ارەكەتىن بار كۇشپەن ىلگەرىلەتىپ، اۆتونوميالى رايوننىڭ ساياحات باستاۋشىلارى جارىسىنا سۇيەنىپ، ساياحاتشىلاردى باستايتىن اناعۇرلىم كوپ التىن القالى دارىندىلاردى جەتىلدىرىپ، ساياحاتشىلاردىڭ شينجياڭدى ەمىن - ەركىن ساياحاتتاۋىنا ويداعىداي دايىندالامىز“، - دەدى ۋ فىڭ.

  اۆتونوميالى رايوندىق ساياحات قوعامىنىڭ باس حاتشىسى جاڭ شياۋيۇي مىنانى ءبىلدىردى: تانىستىرۋ جينالىسىنداعى ەكى جەردىڭ مادەنيەت - ساياحات كاسىپورىندارى مەن ساياحات كووپەراتيۆتەرىنىڭ پىكىر اۋىستىرىپ، ىقپالداسۋ مازمۇندارى تۇگەلدەي شينجياڭ ساياحاتى دامۋىنىڭ ”پىكىر داپتەرىنە“ اينالدى. ”تانىستىرۋ جينالىسى شينجياڭنىڭ كوكتەمگى، جازعى ساياحاتىنىڭ شىمىلدىعىن اشتى، بۇدان بىلاي ءبىز الۋان ءتۇرلى شارانى قاتار قولدانۋ ارقىلى جەر - جەردىڭ مادەنيەت - ساياحات كاسىپورىندارىن شينجياڭعا كەلۋگە باۋراپ، ’ساياحاتشىلاردى شينجياڭعا باۋراۋ‘ ارناۋلى اۋىس - كۇيىسىن ورىستەتەمىز“، - دەدى جاڭ شياۋيۇي.

  يۇي جيە مىنانى ءبىلدىردى: شينجياڭ مادەنيەت پەن ساياحاتتىڭ تەرەڭدەي توعىسۋىن زور كۇشپەن ىلگەرىلەتىپ، ساياحاتتىڭ، مادەنيەتتىڭ وزىندىك مازمۇنى ۇزدىكسىز كۇشەيدى. مادەنيەتتىك سەزىنۋ اناعۇرلىم مولايىپ، قاتىستى كاسىپ سالالارىنىڭ تىزبەگى بىرتىندەپ ۇزارىپ، كاسىپ سالاسىنىڭ كولەمى ۇزدىكسىز كەڭەيدى. ”ەندى ءبىز كوبىرەك سىرتقا شىعىپ، سىرتتان شاقىرىپ اكەلىپ، شينجياڭنىڭ ەرەكشە سارا ساياحات جەلىلەرىن جانە مادەنيەت - ساياحات ونىمدەرىن تۇلعالاۋ ارقىلى ’شينجياڭ − جاقسى جەر‘ دەگەن التىن ءارىپتى ماڭدايشالىقتى ايشىقتاي تۇسەمىز“، - دەدى يۇي جيە.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.