قاراۋىلعا الۋ، كوزدەۋ، اتۋ ... 3 - ايدىڭ 28 - كۇنى تۇستەن بۇرىن ساعات 9 دا، حۋبەي يچاڭ وليمپيادا دەنە تاربيە ورتالىعىنىڭ نىسانا اتۋ سارايىندا 2023 - جىلعى مەملەكەتتىك جاستار مەن ورەندەر نىسانا اتۋ جۇلدەلى جارىسى (مىلتىق ٴتۇرى) رەسمي باستالدى. قيان - كەسكى سايىسۋ ارقىلى بيڭتۋاننىڭ نىسانا اتۋ سپورتشىسى دۋ شان قىسىمعا توتەپ بەرىپ، ايەلدەردىڭ جەكە 10 مەترلىك ارالىقتا گاز مىلتىقپەن نىسانا اتۋ شەشۋشى جارىسىندا كۇمىس مەدال الدى، ٴارى 632 شەڭبەرلىك ناتيجەمەن مەملەكەت دارەجەلى سپورت ساڭلاعى ولشەمىنە جەتىپ، بيڭتۋاننىڭ نىسانا اتۋ ٴتۇرى بويىنشا 2 - سپورت ساڭلاعىنا اينالدى.
2023 - جىلعى مەملەكەتتىك جاستار مەن ورەندەر نىسانا اتۋ جۇلدەلى جارىسىندا بيڭتۋاننىڭ نىسانا اتۋ سپورتشىسى دۋ شان ايەلدەردىڭ 10 مەترلىك ارالىقتا گاز مىلتىقپەن نىسانا اتۋ شەشۋشى جارىسىندا ٴبىر كۇمىس مەدال ەنشىلەدى. سۋرەتتى شۇي شين تۇسىرگەن
دۋ شان بيڭتۋان باسەكەلىك دەنە تاربيە مەكتەبىنىڭ 2019 ـ جىلدىق وقۋشىسى، ونى 12 جاسىندا 8 ـ شى شىحىزى قالالىق كاسىپتەن سىرتقى دەنە تاربيە مەكتەبىنىڭ نىسانا اتۋ جاتتىقتىرۋشىسى سۇڭ حاۋچيان تاڭداپ العان. نىسانا اتۋ (مىلتىق) تۇرىندەگى جاتتىعۋىن باستاپ، ۇزدىكسىز قاجىرلىلىقپەن ۇيرەنۋ، قاجىرلىلىقپەن جاتتىعۋ ارقىلى ۇزدىك ناتيجەگە قول جەتكىزدى. 2022 – جىلى 9-ايدا دۋ شان مەملەكەتتىك نىسانا اتۋ كومانداسىنىڭ B گرۋپپاسىنىڭ شوعىرلى جاتتىعۋ تىزىمدىگىنە كىردى.
2023 - مەملەكەتتىك جاستار مەن ورەندەر نىسانا اتۋ جۇلدەلى جارىسىندا بيڭتۋاننىڭ نىسانا اتۋ سپورتشىسى دۋ شان ايەلدەردىڭ 10 مەترلىك ارالىقتا گاز مىلتىقپەن نىسانا اتۋ شەشۋشى جارىسىندا ٴبىر كۇمىس مەدال الدى. سۋرەتتى شۇي شين تۇسىرگەن
ۇعىسۋعا قاراعاندا، مەملەكەتتىك جاستار مەن ورەندەردىڭ نىسانا اتۋ جۇلدەلى جارىسى مەملەكەتتىك نىسانا اتۋ ٴتۇرىنىڭ جىلدىق ماڭىزدى جارىستارىنىڭ ٴبىرى ەكەن، بۇكىل ەلدىڭ جەر ـ جەرىنەن كەلگەن 30 ۋاكىلدەر قۇراماسىنان 300 گە جۋىق سپورتشى جارىسقا قاتىناسقان. (بيڭتۋان گازەتىنىڭ جالپىلىق اقپارات قۇرالدارى ٴتىلشىسى شۇي مين، ەرىكتى ٴتىلشى شۇي شين)
