□ گازەتىمىزدىڭ شولۋشىسى
4 - ايدىڭ 4 - كۇنى اشىلعان بۇكىل رايوننىڭ جوعارى ساپالى دامۋ (وڭتۇستىك شينجياڭ اۋماعى) جۇمىس باسى ءماجىلىسى بۇكىل رايون كەلەلى جاعدايىنىڭ بيىگىندە جانە ۇزاق بولاشاقتىق دامۋ تۇرعىسىندا تۇرىپ، وڭتۇستىك شينجياڭ اۋماعىنىڭ جوعارى ساپالى دامۋىنا ىقپال جاسايتىن كىلتەڭ شەكتەمەلەرگە ىشكەرىلەي تالداۋ جاساپ، وڭىرلەردى سايكەستى دامىتۋدىڭ وي جەلىسىن، شارالارىن، ادىستەرىن، جولدارىن جانە ءتۇيىندى قىزمەتتەرىن ءبىر تۇتاس جوسپارلاپ، وڭتۇستىك شينجياڭ ءوڭىرىنىڭ جوعارى ساپالى دامۋ جولىمەن ويداعىداي ءجۇرۋىن بار كۇشپەن ىلگەرىلەتتى.
باس شۋجي شي جينپيڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە: ”وڭتۇستىك شينجياڭنىڭ ەكونوميكالىق، قوعامدىق دامۋىن جانە حالىق تۇرمىسىنىڭ جاقسارۋىن زور كۇشپەن ىلگەرىلەتۋ كەرەك“، - دەپ باسا دارىپتەگەن بولاتىن. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى بيىكتە تۇرىپ الىسقا كوز تاستاپ، مەملەكەت دەڭگەيىندە وڭتۇستىك شينجياڭنىڭ دامۋىن جوعارى دەڭگەيدە جوبالاپ، قازىنا، قارجى قوسۋ، فينانس، دارىندىلار جاقتارىنداعى ءبىر قىدىرۋ ەرەكشە ساياسات سياقتىلاردى وڭتۇستىك شينجياڭداعى 4 ايماق، وبلىسقا بەيىمدەدى، تەبىننىڭ زور بولۋى تاريحتا بولماعان دەڭگەيگە جەتىپ، قامقورلىقتىڭ تەرەڭدىگى جۇرت كوڭىلىنەن وشپەستەي ورىن الىپ، وڭتۇستىك شينجياڭنىڭ بايتاق دالاسىندا جاڭالىقتىڭ سامالى ەسىپ، بارلىق جەردە جاڭا كەلبەت، جاڭا بەت - بەينە ايگىلەندى.
شينجياڭ شاحمات تاقتاسى بولسا، وڭتۇستىك شينجياڭ شاحمات كوزى سانالادى. وسى ”شاحمات كوزىن“ جانداندىرعاندا عانا، بۇكىل بارىستا جەڭىسكە جەتۋگە بولادى. ءبىز وڭتۇستىك شينجياڭدى دامىتۋدىڭ بۇكىل رايوننىڭ جوعارى ساپالى دامۋىنداعى ەرەكشە ماڭىزدى ءمانىن ىشكەرىلەي يگەرىپ، دامۋ مەن ورنىقتىلىقتىڭ، دامۋ مەن حالىق تۇرمىسىنىڭ، دامۋ مەن جۇرت تىلەگىنىڭ تىعىز بايلانىسىن تەرەڭ تانىپ، ەكونوميكالىق، قوعامدىق دامۋعا اناعۇرلىم كوپ ساياسي ءمان ۇستەۋىمىز، دامۋ ارقىلى ىنتىماقتى اناعۇرلىم كۇشەيتىپ، جۇرت تىلەگىن ۇيىستىرۋىمىز، دامۋ ارقىلى شينجياڭ قىزمەتىنىڭ باس نىساناسىن جۇزەگە اسىرۋعا بەرىك زاتتىق نەگىز قالاۋىمىز كەرەك.
قازىر وڭتۇستىك شينجياڭنىڭ ەكونوميكالىق، قوعامدىق دامۋى جالپى جاقتان ءالى دە ءبىرشاما مەشەۋ، ەكونوميكالىق جالپى مولشەرى وڭىرلىك كولەممەن ۇيلەسپەيدى، كاسىپ سالاسىنىڭ دەڭگەيى جالپى جاقتان ءبىرشاما تومەن، نەگىزدىك قۇرىلعىلار سالاسىندا ءالى دە كوپتەگەن ولقىلىقتار بار. سونىمەن بىرگە وڭتۇستىك شينجياڭنىڭ ەنەرگيا بايلىعى مول، وڭىرلىك ورىن باسىمدىعى وزگەشە، ەڭبەككۇش سانى ءبىرشاما كوپ، ەرەكشە كاسىپ سالاسىنىڭ كومەسكى كۇشى ءبىرشاما زور، شينجياڭعا باعىتتامالى كومەكتەسۋدىڭ باسىمدىعى كورنەكتى ەكەنىن، جوعارى ساپالى دامۋدى جۇزەگە اسىرۋدىڭ نەگىزى، شارت - جاعدايى، نەداۋىر زور كومەسكى كۇشى جانە باسىمدىعى بار ەكەنىن كورە ءبىلۋىمىز كەرەك. ولقىلىقتاردى تولىقتاپ، ءالسىز تۇستاردى كۇشەيتىپ، باسىمدىقتى ايگىلەپ، شەگە قاعۋ رۋحىن ساۋلەلەندىرىپ، ءۇرتىس كۇش سالىپ، جان - جاقتىلى شارا قولدانساق، جوعارى ساپالى دامۋدى، ءسوزسىز، جۇزەگە اسىرا الامىز.
وڭتۇستىك شينجياڭنىڭ جوعارى ساپالى دامۋىن ىلگەرىلەتۋدە ماسەلەنى باعدار ەتۋگە، جەرگىلىكتى جاعدايعا قاراي ىستەۋگە، زاڭدىلىققا بويسۇنۋعا تاباندى بولىپ، نازاردى ءتۇيىندى مىندەتتەرگە شوعىرلاندىرىپ، عىلمي، دالمە - ءدال كۇش سالۋ كەرەك. اۆتونوميالى رايوننىڭ ”8 ءىرى كاسىپ سالاسى شوعىرى“ قۇرىلىسىمەن تەرەڭ توعىسىپ، وسىزاماندانعان كاسىپ سالاسى جۇيەسىن سومداۋ، نەگىزدىك قۇرىلعىلار قۇرىلىسىن كۇشەيتىپ، دامۋداعى ولقىلىقتاردى كۇش سالا تولىقتاۋ، جىبەك جولى ەكونوميكالىق بەلدەۋى وزەكتى رايون قۇرىلىسىن جەدەلدەتىپ، سىرتقا ەسىك اشۋدىڭ كەڭدىگى مەن تەرەڭدىگىن ۇزدىكسىز ۇلعايتۋ، وڭىرلەردىڭ سايكەستى تۇردە بىرگە ارەكەتتەنۋىن ىلگەرىلەتىپ، دامۋدىڭ تۇتاس تۇلعالىق سايكەسىمىن شىن مانىندە كۇشەيتۋ، نازاردى كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋ جانە جۇمىستاندىرۋدى جەبەۋ سىندى 2 ءىرى ىسكە شوعىرلاندىرىپ، ءار ۇلت بۇقاراسىنىڭ قۇت - ىرىسىن ءۇرتىس ارتتىرۋ، تىڭعىلىقتى، پارمەندى شارالار ارقىلى وڭتۇستىك شينجياڭدى جوعارى ساپالى دامىتۋدىڭ جاڭا قوزعاۋشى قۋاتىن ۇزدىكسىز كۇشەيتۋ كەرەك.
جوعارى ساپالى دامۋدىڭ تەتىگى ادامدا، جوعارى ساپالى، ماماندانعان ءار ۇلت كادرلار قوسىنىندا. شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ورىستەتۋدى وراي ەتىپ، يدەيانى ۇيرەنىپ، پارتيالىلىقتى كۇشەيتىپ، امالياتقا باسا ءمان بەرىپ، جاڭا ۇلەس قوسىپ، ۇيرەنۋ ارقىلى رۋحتى سومداپ، ۇيرەنۋ ارقىلى پاراساتتى ارتتىرىپ، ۇيرەنۋ ارقىلى ستيلدى دۇرىستاپ، ۇيرەنۋ ارقىلى ىستەۋدى جەبەپ، ۇيرەنۋ جەتىستىگىن جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋدەگى ءىس جۇزىندىك ارەكەتتە ايگىلەۋ، كەلەلى جاعدايدى كوزدەۋدەگى، ورنىقتىلىقتى قورعاۋداعى، حاۋىپ - قاتەردەن ساقتانۋداعى، رەفورمانى جەبەۋدەگى، دامۋدى يگەرۋدەگى قىزمەت دەڭگەيىن جوعارىلاتۋ بارىسىندا ايگىلەۋ كەرەك. تەكسەرۋ - زەرتتەۋ ستيلىن بارىنشا ساۋلەلەندىرىپ، قىزمەت ستيلىن شىن مانىندە جاقسارتىپ، شينجياڭدى زاڭمەن باسقارۋدى جاپپاي ىلگەرىلەتىپ، وڭتۇستىك شينجياڭنىڭ جوعارى ساپالى دامۋىن جۇزەگە اسىرۋعا بەرىك كەپىل ازىرلەۋ كەرەك.
جوعارى ساپالى دامۋ − جاپپاي سوتسياليستىك وسىزاماندانعان مەملەكەت قۇرۋدىڭ ماڭداي الدى مىندەتى، جۇڭگو ۇلگىسىندەگى وسىزامانداندىرۋدىڭ ماندىك تالابى. جوعارى ساپالى دامۋ دەگەنىمىز وڭىرلەردىڭ سايكەستى، جوعارى ءونىمدى، بىركەلكى دامۋ. بۇكىل شينجياڭداعى ايماق، وبلىس، قالالار ىرىقتى تۇردە قىسىمدى كۇشەيتىپ، قايراتتانا ىسكەرلىك كورسەتۋى كەرەك، وڭتۇستىك شينجياڭ دا بۇدان قاعىس قالمايدى. جوعارى ساپالى دامۋدى جۇزەگە اسىرۋ بارىسىنداعى ورىندى، ءسوزسىز، دالمە - ءدال تۇراقتاندىرىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، بايلىق ەرەكشەلىگىن، وڭىرلىك باسىمدىقتى، دامۋ شارت - جاعدايىن تياناق ەتىپ، يدەيانى ازات ەتىپ، كوزقاراسقا بۇرىلىس جاساپ، جاۋاپكەرشىلىك ارقالاپ، ىسكەرلىك كورسەتىپ، داعدىلى قاعيدانى بۇزىپ، ەرەكشە جۇمىستى ەرەكشە ءبىتىرىپ، وڭتۇستىك شينجياڭ سىندى ”شاحمات كوزىن“ بار كۇشپەن جانداندىرىپ، جۇڭگو ۇلگىسىندەگى وسىزامانداندىرۋ جولىندا وڭتۇستىك شينجياڭنىڭ قاتاردان قالماۋىن، قوسىننان قالماۋىن ىلگەرىلەتۋ كەرەك.
