− باس شۋجي شي جينپيڭنىڭ نەگىزگى تاقىرىپتىق تاربيە قىزمەت ماجىلىسىندە سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
پارتيا 20 - قۇرىلتايىنىڭ ورنالاستىرۋى بويىنشا، اۋدان، باسقارما دارەجەلىدەن جوعارى باسشى كادرلاردى ءتۇيىن ەتىپ، بۇكىل پارتيادا شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ىشكەرىلەي ورىستەتىپ، پارتيانىڭ جاسامپاز نازارياسىنان پايدالانىپ، يدەيانى بىرلىككە كەلتىرىپ، ەرىك - جىگەردى بىرلىككە كەلتىرىپ، ارەكەتتى بىرلىككە كەلتىرىپ، پارتيا قۇرۋ ۇلى رۋحىن اسقاقتاتىپ، ”ءۇش ءسوز جوقتى“ ەستە بەرىك ساقتاپ، بۇكىل پارتيانىڭ جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جاساۋىن ىلگەرىلەتۋ كەرەك.
4 - ايدىڭ 3 - كۇنى شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى قىزمەت ءماجىلىسى بەيجيڭدە اشىلدى، باس شۋجي شي جينپيڭ ماجىلىسكە قاتىناستى ءارى ماڭىزدى ءسوز سويلەدى. باس شۋجي شي جينپيڭ جاڭا ءداۋىردىڭ جاڭا جورىعىنداعى پارتيا مەن مەملەكەت ىستەرى دامۋىنىڭ جالپى جاعدايى ستراتەگيالىق تۇرعىسىنان نەگىزگى تاقىرىپتىق تاربيەنى ورىستەتۋدىڭ كەلەلى ماڭىزى مەن نىسانا - تالاپتارىن تەرەڭ پايىمداپ، نەگىزگى تاقىرىپتىق تاربيەنىڭ ءتۇرلى قىزمەتتەرىنە جاپپاي ورنالاستىرۋ جاسادى. باس شۋجي شي جينپيڭنىڭ ماڭىزدى ءسوزى بيىكتە تۇرىپ الىستى بولجاعان، كوز اياسى كەڭ، يدەياسى تەرەڭ، مازمۇنى باي، وتە كۇشتى ساياسي سيپاتقا، يدەيالىق سيپاتقا، جەتەكشىلىك سيپاتقا يە بولىپ، بۇكىل پارتيانىڭ نەگىزگى تاقىرىپتىق تاربيەنى ورىستەتۋىنە ءتۇبىرلى بويسۇنۋ ولشەمىن ازىرلەدى، بۇل − ماركسيزمدىك تۇعىرنامالىق حۇجات.
شي جينپيڭ جاڭا ءداۋىر جۇڭگوشا سوتسياليزم يدەياسى − زامانىمىزداعى جۇڭگو ماركسيزمى، 21 - عاسىر ماركسيزمى، جۇڭحۋا مادەنيەتى مەن جۇڭگو رۋحىنىڭ داۋىرلىك جاۋھارى، پارتيا مەن حالىقتىڭ امالياتتىق تاجىريبەسى مەن كوللەكتيۆ اقىل - پاراساتىنىڭ جاۋھارى، جۇڭگوشا سوتسياليزم نازاريالىق جۇيەسىنىڭ ماڭىزدى قۇرامداس بولىگى، بۇكىل پارتيانىڭ، بۇكىل ەلدەگى ءار ۇلت حالقىنىڭ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا كۇرەس جاساۋىنىڭ ارەكەت باعدارناماسى، ءسوز جوق، ۇزاق ۋاقىت تاباندى بولۋ ءارى ۇزدىكسىز دامىتۋ كەرەك. پارتيانىڭ نازاريالىق جاسامپازدىعى ءبىر قادام العا ىلگەرىلەسە، نازاريامەن قارۋلانۋى دا ءبىر قادام العا باسادى. جاڭا داۋىردەگى 10 جىلدان بەرى، ءبىز قاجىماي - تالماي وسى جاسامپار نازاريادان پايدالانىپ وي - سانانى قارۋلاندىرىپ، امالياتقا جەتەكشىلىك ەتىپ، قىزمەتتەردى ىلگەرىلەتىپ، جاڭا داۋىردەگى پارتيا مەن مەملەكەت ىستەرىنىڭ دامۋىنا ءتۇبىرلى بويسۇنۋ ولشەمىن ازىرلەدىك. جاڭا ءداۋىردىڭ 10 جىلىنداعى ۇلى وزگەرىس بۇكىل پارتيانىڭ، بۇكىل ەلدەگى ءار ۇلت حالقىنىڭ بىرگە قۇلشىنۋىنان كەلدى، ەڭبەك ەتۋىنەن كەلدى، كۇرەس جۇرگىزۋىنەن كەلدى، تۇپتەپ كەلگەندە، باس شۋجي شي جينپيڭنىڭ رول ۇستاپ، جول باستاۋىنان، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنەن بولدى. ”ەكىنى تۇراقتاندىرۋ“ − پارتيانىڭ جاڭا داۋىردە قول جەتكىزگەن كەلەلى ساياسي جەتىستىگى، پارتيا مەن مەملەكەت ىستەرىندە تاريحي تابىسقا قول جەتكىزۋدى، تاريحي وزگەرىس تۋىلۋدى ىلگەرىلەتەتىن شەشۋشى فاكتور، جاپا - ماشاقات، قيىنشىلىق، حاۋىپ - قاتەر، كەدەرگى اتاۋلىنى جەڭۋدەگى، ايقىنسىزدىق اتاۋلىعا توتەپ بەرۋدەگى ەڭ زور ايقىندىلىق، ەڭ زور سەنىم، ەڭ زور كەپىلدىك ەكەندىگىن، جاڭا داۋىردەگى پارتيا مەن مەملەكەت ىستەرىنىڭ دامۋىندا، جۇڭحۋا ۇلتىنىڭ ۇلى گۇلدەنۋىنىڭ تاريحي ۇردىسىن ىلگەرىلەتۋدە شەشۋشى ءمان الاتىندىعىن اماليات تولىق دالەلدەدى. ماركسيزم عىلمي نازارياسىنىڭ جەتەكشىلىگىنە يە بولۋ − پارتيامىزدىڭ نانىمدى، سەنىمدى بەكەمدەۋىنىڭ، تاريحي ىرىقتىلىقتى يگەرۋىنىڭ ءتۇبىرلى تياناعى، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ جاڭا ءداۋىردىڭ جاڭا جورىعىندا ىستەر دامۋىنىڭ جاڭا جاعدايىن اشۋدىڭ ءتۇبىرلى تالابى ەكەندىگىن اماليات تولىق دالەلدەدى.
بۇكىل پارتيادا شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ىشكەرىلەي ورىستەتۋ − پارتيا ورتالىق كوميتەتىنىڭ پارتيا 20 - قۇرىلتايىنىڭ رۋحىن جاپپاي دايەكتىلەندىرۋ، بۇكىل پارتياداعى جولداستاردى پارتيانىڭ وزەكتى مىندەتىن ورىنداۋ جولىندا ىنتىماقتاسا كۇرەس جۇرگىزۋگە جۇمىلدىرۋ ءۇشىن جاساعان كەلەلى ورنالاستىرۋى، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ىشكەرىلەي ىلگەرىلەتۋدەگى كەلەلى ورنالاستىرۋ. جاڭا ءداۋىردىڭ جاڭا جورىعىندا قىم - قۋىت تا كۇردەلى حالىقارا، ەل ءىشى جاعدايى، جاپالى دا اۋىر رەفورما، دامۋ، ورنىقتىلىق مىندەتى، ايقىنسىز، بولجاۋسىز حاۋىپ - قاتەرلەر، سىن - سايىستار الدىندا، پارتيانىڭ 20 - قۇرىلتايىندا بەلگىلەنگەن ستراتەگيالىق نىسانانى جۇزەگە اسىرۋ قالىڭ پارتيا مۇشەلەرىنىڭ، كادرلاردىڭ، اسىرەسە، ءار دارەجەلى باسشى كادرلاردىڭ شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋىن، دايەكتىلەندىرۋىن شۇعىل قاجەت ەتەدى، بۇل پارتيا ورتالىق كوميتەتىنىڭ بۇكىل پارتيادا وسى رەتكى نەگىزگى تاقىرىپتىق تاربيەنى ورىستەتۋدى بەلگىلەۋدەگى باستى تولعانىسى بولىپ تابىلادى. بۇكىل پارتيا، ءسوز جوق، مىنانى تەرەڭ تانىپ جەتۋى كەرەك: وسى رەتكى نەگىزگى تاقىرىپتىق تاربيەنى ورىستەتۋ − بۇكىل پارتيانىڭ يدەياسىن، ەرىك - جىگەرىن، ارەكەتىن بىرلىككە كەلتىرۋدىڭ، پارتيانىڭ قۇدىرەتتى ۇيىستىرۋ قۋاتىن، جاۋىنگەرلىك قۋاتىن باستان - اياق ساقتاۋىنىڭ قاجەتتى تالابى، بۇكىل پارتيانىڭ بەلسەندى تۇردە جاۋاپكەرشىلىك ارقالاپ، ىسكەرلىك كورسەتۋىن ىلگەرىلەتۋدىڭ، ىستەر دامۋىنىڭ جاڭا جاعدايىن ۇزدىكسىز اشۋدىڭ قاجەتتى تالابى، پارتيانى جاپپاي قاتاڭ جونگە سالۋدى ىشكەرىلەي ىلگەرىلەتۋدىڭ، پارتيانىڭ وزىنە - ءوزى توڭكەرىس جاساۋى ارقىلى قوعامدىق توڭكەرىستى جەتەكتەۋدىڭ قاجەتتى تالابى. وسى رەتكى نەگىزگى تاقىرىپتىق تاربيەنى ورىستەتىپ، بۇكىل پارتيانىڭ، اسىرەسە، باسشى كادرلاردىڭ شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى ۇزدىكسىز تەرەڭدەتۋىن ىلگەرىلەتۋ − بۇكىل پارتيانىڭ يدەياسىن بىرلىككە كەلتىرۋ، پارتيا ىشىندە ورىن تەۋىپ وتىرعان كورنەكتى ماسەلەلەردى شەشۋ، پارتيانىڭ حالىق بۇقاراسىمەن ەتەنە بايلانىسىن باستان - اياق ساقتاۋ، پارتيا مەن مەملەكەت ىستەرىنىڭ دامۋىن ىلگەرىلەتۋ جونىنەن ماڭىزدى مانگە يە.
ماركسيزم ءبىزدىڭ پارتيا قۇرۋداعى، مەملەكەت قۇرۋداعى، پارتيانى گۇلدەندىرۋدەگى، مەملەكەتتى گۇلدەندىرۋدەگى ءتۇبىرلى جەتەكشى يدەيامىز. اماليات بىزگە جۇڭگو كوممۋنيستىك پارتياسىنىڭ نەلىكتەن ىسكەر بولۋى، جۇڭگوشا سوتسياليزمنىڭ نەلىكتەن جاقسى بولۋى، سايىپ كەلگەندە، ماركسيزمنىڭ جارامدى بولۋىندا، جۇڭگوشالانعان، زامانالانعان ماركسيزمنىڭ جارامدى بولۋىندا ەكەندىگىن ۇعىندىردى. وسى رەتكى نەگىزگى تاقىرىپتىق تاربيەنى ورىستەتۋدە شي جينپيڭ جاڭا ءداۋىر جۇڭگوشا سوتسياليزم يدەياسىمەن قاجىماي - تالماي زەيىن - زەردەنى ۇيىستىرىپ، رۋحتى سومداپ، بۇكىل پارتيانىڭ ”ەكىنى تۇراقتاندىرۋدىڭ“ شەشۋشى ءمانىن اناعۇرلىم سانالىلىقپەن تەرەڭ ءتۇسىنۋىن ىلگەرىلەتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيادا، ساياسيدا، ارەكەتتە باستان - اياق شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ؛ پارتيا 20 - قۇرىلتايىنىڭ رۋحىن جاپپاي ۇيرەنىپ، جاپپاي يگەرىپ، جاپپاي تياناقتاندىرىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋ؛ پارتيانىڭ وزىنە - ءوزى توڭكەرىس جاساۋىن ىلگەرىلەتىپ، قاي - قاشان دا ءىرى پارتياعا عانا ءتان قيىن ماسەلەلەردى شەشەتىن سەرگەكتىك پەن تاباندىلىقتى ساقتاپ، قاشاندا حالىقپەن جۇرەكتەس بولىپ، پارتيانىڭ العاباسارلىعى مەن كىرشىكسىزدىگىن ساقتاپ، بۇكىل پارتيانى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاستىرىپ، جاڭا جورىقتا ەكپىندەي ىلگەرىلەۋگە، جاڭا داۋىردە ەسەلى ۇلەس قوسۋعا قۋاتتى دا پارمەندى ساياسي جەتەكشىلىك جانە ساياسي قامتاماسىزدىق ازىرلەۋ كەرەك. وسى رەتكى نەگىزگى تاقىرىپتىق تاربيەدە شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى تەرەڭدەتۋدى، ناقتىلاندىرۋدى ىلگەرىلەتۋ جاعىنا كۇش سالىپ، پارتيا مۇشەلەرىن، كادرلاردى يدەيالىق جاقتان توركىنىن تۇزەپ، قاينارىن تازالاپ، وزەكتى بەكەمدەپ، نەگىزدى جەتىلدىرىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، ويدى ءبىر اراعا شوعىرلاندىرىپ، كۇشتى ءبىر اراعا جۇمساپ، بىرلىكتە پارتيانى الماس قامالى جوق، قاشاندا جەڭىسكە جەتەتىن بەرىك قۇرىش ەتىپ شىڭداۋعا تاربيەلەۋ، جەتەكتەۋ كەرەك. قالىڭ پارتيا مۇشەلەرىن، كادرلاردى يدەيانى ۇيرەنىپ، ارەكەتتە ايگىلەپ، دۇرىس ۇقىق كوزقاراسىن، ناتيجە كوزقاراسىن، كاسىپ كوزقاراسىن ورناتىپ، جاۋاپكەرشىلىك سەزىم مەن بورىشتىلىق سەزىمدى كۇشەيتىپ، جوعارى ساپالى دامۋدى ىلگەرىلەتۋ قابىلەتىن، بۇقاراعا قىزمەت وتەۋ قابىلەتىن، حاۋىپ - قاتەردەن ساقتانۋ جانە ونى جويۋ قابىلەتىن ۇزدىكسىز جوعارىلاتىپ، كۇرەسكەرلىك رۋح پەن كۇرەسكەرلىك قابىلەت جەتىلدىرۋدى كۇشەيتىپ، قايراتتانا العا ىلگەرىلەيتىن، جاۋاپكەرشىلىك ارقالاپ، ءىس تىندىراتىن قايرات - جىگەرىن ۇشتاۋعا تاربيەلەۋ، جەتەكتەۋ كەرەك. ءار دارەجەلى پارتيا ۇيىمدارى مەن قالىڭ پارتيا مۇشەلەرىن، كادرلاردى ماسەلەنى باعدار ەتۋدى كورنەكتىلەندىرىپ، جەتەرسىزدىكتەردى تەكسەرىپ، پارىقتاردى تاۋىپ، باعداردى ايقىنداپ، ساياسي جاقتان ”دەنساۋلىق تەكسەرۋدى“ قابىلداپ، ساياسي شاڭ - توزاڭدى تازالاپ، ارەكەتتەگى اۋىتقۋشىلىقتى تۇزەتىپ، يدەيا كىرشىكسىز بولماۋ، ۇيىم كىرشىكسىز بولماۋ جاقتارىندا ورىن تەۋىپ وتىرعان كورنەكتى ماسەلەلەردى شەشىپ، پارتيانىڭ ءوزىن - ءوزى كىرشىكسىزدەندىرۋ، ءوزىن - ءوزى كەمەلدەندىرۋ، ءوزىن - ءوزى جاڭارتۋ، ءوز دەڭگەيىن جوعارىلاتۋ قابىلەتىن ۇزدىكسىز كۇشەيتىپ، پارتيامىزدىڭ باستان - اياق جالىندى تىرشىلىك تىنىسى مەن تاسقىنداعان ومىرشەڭدىك كۇشكە تولى بولۋىنا، باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسىنا اينالۋىنا مۇمكىندىك جاساۋعا تاربيەلەۋ، جەتەكتەۋ كەرەك.
پارتيانىڭ 20 - قۇرىلتايى جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدىڭ ۇلى جوباسىن كەسكىندەپ، جاڭا جورىقتا ەكپىندەي ىلگەرىلەۋدىڭ ءداۋىر دابىلىن قاقتى. ”مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ ايبىندى نىساناسى ادامدى جەلپىندىرەدى، ەكپىندەي ىلگەرىلەۋگە جىگەرلەندىرەدى، ءبىز وسى ۇرپاق كوممۋنيستەردىڭ بورىشى داڭقتى، جاۋاپكەرشىلىگى زور“. باس شۋجي شي جينپيڭ بىلاي دەپ باسا دارىپتەدى: ”ءبىز وسى رەتكى نەگىزگى تاقىرىپتىق تاربيەنى وراي ەتىپ، پارتيانىڭ جاسامپاز نازارياسىمەن قارۋلانۋدى كۇشەيتىپ، بۇكىل پارتيانىڭ ماركسيزمدىك دەڭگەيىن ۇزدىكسىز جوعارىلاتىپ، پارتيانىڭ بيلىك جۇرگىزۋ قابىلەتى مەن باسشىلىق ورەسىن ۇزدىكسىز جوعارىلاتىپ، جاڭا جورىقتا ەكپىندەي ىلگەرىلەۋ ءۇشىن زەيىن - زەردەنى، كۇش - قۋاتتى ۇيىستىرىپ، جىگەرلەنە ۇمتىلىپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋىمىز كەرەك“. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىمەن بۇكىل پارتيانى قارۋلاندىرۋعا تاباندى بولىپ، تاريحي سەنىمدى بەكەمدەپ، تاريحي ىرىقتىلىقتى كۇشەيتىپ، تۋراشىلدىقتان اينىماي، جاڭالىق اشۋعا تاباندى بولىپ، ستراتەگيالىق تاباندىلىقتى ساقتاپ، كۇرەس رۋحىن ساۋلەلەندىرىپ، باتىلدىقپەن قامال الىپ، قيىندىقتاردى جەڭسەك، ءسوزسىز، جاڭا جورىقتا ءداۋىردىڭ، تاريحتىڭ، حالىقتىڭ ءۇمىتىن اقتايتىن ناتيجە جاراتىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋدى ىلگەرىلەتۋگە ءبىز وسى ۇرپاق ادامداردىڭ تيەسىلى ۇلەسىن قوسا الامىز!
(شينحۋا اگەنتتىگىنىڭ 4 - ايدىڭ 4 - كۇنى بەيجيڭنەن بەرگەن حابارى)
