تيانشان تورى
تيانشان تورى   ›   جاڭالىقتار   ›   ماڭىزدى حابارلار

ورمان ءوسىرىپ، جاسىلداندىرۋ قىزۋ ورلەۋىن كوتەرىپ، كورىكتى جۇڭگونىڭ اناعۇرلىم جاڭا كارتيناسىن سالۋ كەرەك

شي جينپيڭ استاناداعى مىندەتتى اعاش ەگۋ قيمىلىنا قاتىناسقاندا بىلاي دەپ باسا دارىپتەدى

ورمان ءوسىرىپ، جاسىلداندىرۋ قىزۋ ورلەۋىن كوتەرىپ، كورىكتى جۇڭگونىڭ اناعۇرلىم جاڭا كارتيناسىن سالۋ كەرەك

لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتىناستى

  4 - ايدىڭ 4 - كۇنى پارتيا مەن مەملەكەت باسشىلارىنان شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار جاۋىپ تۇرعان جاڭبىرعا قاراماي، بەيجيڭ قالاسى چاۋياڭ رايونى دۇڭبا ورتالىق باقشاسىندا استاناداعى مىندەتتى اعاش ەگۋ قيمىلىنا قاتىناستى. سۋرەتتە: شي جينپيڭ كوپشىلىكپەن بىرگە اعاش ەگۋدە.

□ سۋرەتتى شينحۋا اگەنتتىگىنىڭ ءتىلشىسى جۇي پىڭ

  شينحۋا اگەنتتىگىنىڭ 4 - ايدىڭ 4 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 4 - ايدىڭ 4 - كۇنى تۇستەن بۇرىن استاناداعى مىندەتتى اعاش ەگۋ قيمىلىنا قاتىناسقاندا بىلاي دەپ باسا دارىپتەدى: ەڭبەكشىلدىڭ كوكتەمى ەرتە كەلەر، قازىر جاسىلداندىرۋدىڭ ءدال كەزى. ءار جىلى وسى كەزدە ەلىمىزدە وڭتۇستىكتەن سولتۇستىككە قاراي ورمان ءوسىرىپ، جاسىلداندىرۋ قىزۋ ورلەۋى بىرتىندەپ كوتەرىلەدى. بۇگىن ءبىزدىڭ اعاش ەگۋگە بىرگە قاتىناسۋىمىز، اتاپ ايتقاندا، كوپشىلىكتى اتتانىسقا كەلىپ، ءارى وتانىمىزدىڭ ۇلان - بايتاق دالاسىنا جاسىل جامىلعى ەگۋگە، ءارى قالىڭ حالىقتىڭ جۇرەگىنە جاسىل تۇقىم سەۋىپ، ۇمىتكە تولى كوكتەمدى بىرگە قارسى الىپ، كورىكتى جۇڭگونى بىرگە قۇرۋعا ۇندەۋ ءۇشىن بولىپ تابىلادى.

  بەيجيڭ قالا ماڭىنداعى كەڭ القاپتا كوكتەم جاڭبىرى سەبەزگىلەپ، كوكتەم لەبى ەستى. تۇستەن بۇرىن ساعات 10نان 30 مينۋت مولشەرىندە، پارتيا مەن مەملەكەت باسشىلارىنان شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار اۆتوكولىككە وتىرىپ، جاۋىپ تۇرعان جاڭبىرعا قاراماي، بەيجيڭ قالاسى چاۋياڭ رايونى دۇڭبا ورتالىق باقشاسىنداعى اعاش ەگۋ تۇيىنىنە بارىپ، استاناداعى بۇقارامەن بىرگە مىندەتتى اعاش ەگۋگە قاتىناستى.

  اعاش ەگۋ ءتۇيىنى بەيشياۋحى وزەنى مەن باحى وزەنىنىڭ تۇيىلىسىندەگى دۇڭبا ورتالىق باقشاسىندا، اۋدانى شامامەن 300 مۋ. بۇل جەر ءاسىلى دۇڭبا اۋىلى دۇڭفىڭ قىستاعى تۇرعان جەر بولاتىن، مۇندا كوشىرۋ، بوساتۋ جانە قورشاعان ورتانى وڭاۋ ارقىلى ورگانيزمدەردىڭ الۋان تۇرلىلىگىن ەرەكشەلىك ەتكەن ەكولوگيالىق كەڭىستىك قۇرۋ جوبالانعان. دۇڭبا ورتالىق باقشاسىندا مىندەتتى اعاش ەگۋگە قاتىناسقان استاناداعى كادرلار مەن بۇقارا، پيونەرلەر قاۋىرت جۇمىس ىستەپ جاتتى.

  باس شۋجيدىڭ كەلگەنىن كورگەن كوپشىلىك تۇس - تۇستان باس شۋجيگە امانداستى. شي جينپيڭ جاڭبىرلىق كيىپ، قولىنا كۇرەك الىپ اعاش ەگەتىن جەرگە بارىپ، بەيجيڭ قالاسىنداعى، مەملەكەتتىك ورمان شارۋاشىلىعى جانە جايلىم مەكەمەسىندەگى جاۋاپتى جولداستارمەن بىرگە اعاش ەگۋشىلەر قاتارىنا قوسىلدى.

  توپىراق كۇرەپ شۇڭقىر قازدى، توپىراق قومداپ بوگەن جاسادى، شەلەك كوتەرىپ اعاش سۋاردى... شي جينپيڭ ماي قاراعاي، شيفۋ تاس الما اعاشى، گوحۋاي، قۇرما اعاشى، حۇڭرۇيمۋ سياقتى اعاش قالامشارىن وتىرعىزدى، جۇمىس باسى قاربالاستىققا ءتۇسىپ، قىزۋ مەرەيگە شومدى. شي جينپيڭ ەڭبەك ىستەي ءجۇرىپ، بالالارعا اعاش ەگۋ ءادىسىن ۇيرەتتى ءارى بالالارمەن ۇيرەنۋ، تۇرمىس جاعدايى جونىندە اڭگىمەلەسىپ، ولاردىڭ اكە - شەشەلەرىنىڭ قانشا جاستا ەكەنىن، باستاۋىش مەكتەپتە بيولوگيا ساباعىن ورنالاستىرعان - ورنالاستىرماعانىن، وسىمدىكتى قانشالىق بىلەتىنىن، قازىر تاپسىرمانىڭ كوپ - ازدىعىن، ساباقتان تىس پىسىقتاۋ جاساۋدىڭ كوپ - ازدىعىن سۇراپ، ولارعا كىشكەنتايىنان ەڭبەكتى قىزۋ ءسۇيىپ، احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلۋدى تاپسىردى. شي جينپيڭ بىلاي دەپ باسا دارىپتەدى: بالا تاربيەسى اعاش ەگۋمەن ۇقساس، تۋ باستا - اق ءتۇزۋ بولۋ كەرەك، ايتپەگەندە قيسىق وسەدى.

  اعاش ەككەننەن كەيىن، سول جەردەگى ورتا، باستاۋىش مەكتەپ وقۋشىلارى جانە كادرلار مەن بۇقارا قاۋمالاي كەلدى. شي جينپيڭ كوپشىلىككە بىلاي دەدى: ەلىمىزدىڭ ەكپە ورمان ءوسىرۋ كولەمى دۇنيە ءجۇزى بويىنشا 1 - ورىندا، ونىڭ ۇستىنە ءالى دە ءۇرتىس ورمان وسىرۋدەمىز. جەر شارىن جاسىلداندىرۋعا، بۇكىل جەر شارىنىڭ كليمات وزگەرىسىن جاقسارتۋعا جۇڭگو زور ەڭبەك ءسىڭىردى، جۇڭگو حالقى زور ەڭبەك ءسىڭىردى. ورمان ءارى سۋ قويماسى، اقشا قامباسى، استىق قامباسى، ءارى كومىرتەگى قامباسى. اعاش ەگىپ، ورمان ءوسىرۋ ەرەكشە مانگە يە ءىس، قازىر ەڭبەك ەتىپ، بولاشاقتا يگىلىگىن كورەتىن ارداقتى ءىس، ونى باستان - اياق جالعاستىرۋ، ۇزدىكسىز ىستەۋ كەرەك.

  شي جينپيڭ اعاش ەگىپ، ورمان وسىرۋگە قاتىناسۋ بارىسىن ەسكە الدى. ول بىلاي دەدى: بۇل مەنىڭ پارتيانىڭ باس شۋجيى بولعاننان بەرى اعاش ەگۋ قيمىلىنا 11 - رەت قاتىناسۋىم، ورتالىققا كەلىپ قىزمەت ىستەگەننەن بەرى 16 رەت قاتىناستىم، ونىڭ ۇستىنە فۋجياندا، جىجياڭدا، شاڭحايدا قىزمەت ىستەگەن كەزىمدە اعاش ەگۋ قيمىلىنا تۇگەلدەي قاتىناستىم. ول سول جەردەگى ورتا، باستاۋىش مەكتەپ وقۋشىلارىنا بىلاي دەدى: سەندەر دە كەيىن اتا - انا بولعاندارىڭدا، ۇل - قىزدارىڭا، ۇرپاقتارىڭا ۇزدىكسىز اعاش ەكتىرىپ، ۇرپاقتان - ۇرپاققا جالعاستىرىڭدار، كورىكتى جۇڭگو مىنە وسىلاي قۇرىلعان.

  شي جينپيڭ كوپشىلىككە بىلاي دەدى: مەن بەيجيڭدە ەسەيدىم، اۋىل ساعىنىشىمنىڭ كوبى اعاشپەن قاتىستى. بۇرىن ەجەلگى بەيجيڭدەگى تورتكىل اۋلادا ۇيەڭكى، قۇرما اعاشى نەمەسە تاس الما، انار، شىلان اعاشى سياقتىلار ەگىلەتىن. بەيجيڭدە بۇرىن كوبىرەك ەگىلگەنى تەرەك - تال اعاشى بولاتىن، ويتكەنى بەيجيڭ تەرەك - تال اعاشىن ەگۋگە ۇيلەسەدى، سونىمەن بىرگە قىلتان جاپىراقتى ورمان مەن كەڭ جاپىراقتى ورماننىڭ سالىستىرماسىن ويداعىداي ۇشتاستىرۋعا نازار اۋدارىپ، ونى بيولوگيالىق تىزبەك، ەكولوگيالىق تىزبەك تالابىنا اناعۇرلىم ۇيلەستىرۋ كەرەك. جاسىلداندىرۋ نەگىزىندە كورىكتەندىرۋدى كۇشەيتىپ، الۋان ءتۇستى اعاش تۇرلەرىن كوبىرەك ەگىپ، تۇتاس وڭىرلىك ورماندى قالا قۇرۋعا قۇلشىنىپ، بەيجيڭدى ءتىپتى دە كوركەم ەتىپ قۇرىپ شىعۋ كەرەك.

  شي جينپيڭ بىلاي دەپ باسا دارىپتەدى: قازىرگى جانە بۇدان بىلايعى ءبىر مەزگىلدە جاسىل دامۋ − ەلىمىز دامۋىنىڭ كەلەلى ستراتەگياسى بولادى. جالپى حالىقتىق مىندەتتى اعاش ەگۋدى ورىستەتۋ − مەملەكەت جەرىن جاسىلداندىرۋدى ىلگەرىلەتۋدىڭ، كورىكتى جۇڭگو قۇرۋدىڭ جاندى امالياتى. جەر - جەر، تاراۋلار ءىس جۇزىندىك جاعدايمەن ۇشتاستىرىپ، مىندەتتى اعاش ەگۋدى ۇيىمداستىرىپ ورىستەتۋى كەرەك. ۇيىمداستىرۋ تاسىلىندە جاڭالىق اشىپ، جاۋاپكەرشىلىكتى ادا ەتۋ فورماسىن مولايتىپ، قالىڭ بۇقارانىڭ مىندەتتى اعاش ەگۋگە قاتىناسۋىنا اناعۇرلىم كوپ قولايلىلىق جاراتىپ، ”جاۋاپكەرشىلىكتى تۇتاس جىل بويىنشا ادا ەتۋدى، جاۋاپكەرشىلىكتى ادا ەتۋ فورماسىن الۋان تۇرلىلەندىرۋدى، جاۋاپكەرشىلىكتى ادا ەتۋگە قولايلىلىق جاساۋدى“ جۇزەگە اسىرۋ كەرەك. بەلسەنە اتتانىسقا كەلىپ، اعاش ەگۋدەن باستاپ، كوپشىلىككە ءتان تۇنىق سۋ، جاسىل تاۋ مەن باعالى بايلىقتى سومداپ، كورىكتى جۇڭگونىڭ اناعۇرلىم جاڭا كارتيناسىن سالايىق.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ بەيجيڭدەگى مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك كەڭەستىڭ مۇشەلەرى قاتارلىلار اعاش ەگۋ قيمىلىنا قاتىناستى.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.