تيانشان تورى
تيانشان تورى   ›   ۇيرەنۋ   ›   شولۋ

”يدەيانى ۇيرەنۋ، پارتيالىلىقتى كۇشەيتۋ، امالياتقا باسا ءمان بەرۋ، جاڭا ۇلەس قوسۋ“ باس تالابىن مىقتاپ يگەرۋ كەرەك

− باس شۋجي شي جينپيڭنىڭ نەگىزگى تاقىرىپتىق تاربيە قىزمەت ماجىلىسىندە سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

□ حالىق گازەتىنىڭ شولۋشىسى

  ”وسى رەتكى نەگىزگى تاقىرىپتىق تاربيەدە ’يدەيانى ۇيرەنۋ، پارتيالىلىقتى كۇشەيتۋ، امالياتقا باسا ءمان بەرۋ، جاڭا ۇلەس قوسۋ‘ باس تالابىن مىقتاپ يگەرۋ كەرەك“. شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى قىزمەت ماجىلىسىندە باس شۋجي شي جينپيڭ نەگىزگى تاقىرىپتىق تاربيەنى ورىستەتۋدىڭ باس تالابىنا تەرەڭ بايىمداۋ جاسادى. يدەيانى ۇيرەنۋ، پارتيالىلىقتى كۇشەيتۋ، امالياتقا باسا ءمان بەرۋ، جاڭا ۇلەس قوسۋ پارتيامىزدىڭ تانىم مەن امالياتتى ءوزارا ۇشتاستىرۋ، نازاريا مەن امالياتتى ءوزارا بايلانىستىرۋ، سۋبيەكتيۆتىك دۇنيەنى وزگەرتۋ مەن وبيەكتيۆتىك دۇنيەنى وزگەرتۋدى ءوزارا بىرلىككە كەلتىرۋ سىندى دايەكتى تالابىن ايگىلەدى، بۇل تىعىز بايلانىسقان، ءوزارا ساباقتاسقان، ىشكى ءبىر تۇتاستىققا يە تۇتاس تۇلعا، وسى باس تالاپتى بۇل رەتكى نەگىزگى تاقىرىپتىق تاربيەنىڭ جالپى بارىسىنا ءسىڭىرۋ كەرەك.

  پارتيانىڭ نازاريالىق جاسامپازدىعى ءبىر قادام العا ىلگەرىلەسە، نازاريامەن قارۋلانۋى دا ءبىر قادام العا باسادى. شي جينپيڭ جاڭا ءداۋىر جۇڭگوشا سوتسياليزم يدەياسى ماركسيزمنىڭ جۇڭگوشالانۋىنىڭ، زامانالانۋىنىڭ تىڭ سەكىرۋىن جۇزەگە اسىرىپ، ماركسيزمنىڭ جۇڭگوشالانۋىنىڭ، زامانالانۋىنىڭ جاڭا ءورىسىن اشتى، مازمۇنى رەفورما، دامۋ، ورنىقتىلىق، ىشكى ساياسات، ديپلوماتيا، مەملەكەت قورعانىسى، پارتيانى باسقارۋ، مەملەكەتتى باسقارۋ، ارميانى باسقارۋ سياقتى سان سالانى قامتىپ، كەمەلدى عىلمي جۇيە قالىپتاستىردى. پارتيا 20 - قۇرىلتايىنىڭ بايانداماسى ”وندى ايقىنداۋدى“، ”14كە تاباندى بولۋدى“، ”13 جاقتاعى تابىستى“ ايقىن اتاپ كورسەتىپ، وسى يدەيانىڭ باستى مازمۇنىن جيناقتادى. پارتيا 20 - قۇرىلتايىنىڭ بايانداماسى نازاريادا جاڭالىق اشۋدى ۇزدىكسىز ىلگەرىلەتۋدىڭ عىلمي ءادىسىن العا قويدى، ياعني، ءسوز جوق، حالىقتى بارىنەن جوعارى قويۋعا تاباندى بولۋ، ءسوز جوق، وزىنە سەنىپ، ءوزىن الۋەتتەندىرۋگە تاباندى بولۋ، ءسوز جوق، تۋراشىلدىقتان اينىماي، جاڭالىق اشۋعا تاباندى بولۋ، ءسوز جوق، ماسەلەنى باعدار ەتۋگە تاباندى بولۋ، ءسوز جوق، جۇيە كوزقاراسىنا تاباندى بولۋ، ءسوز جوق، كۇللى الەمدى كوكەيگە ساقتاۋعا تاباندى بولۋ. وسى ”التى، ءسوز جوق، تاباندى بولۋ“ − شي جينپيڭ جاڭا ءداۋىر جۇڭگوشا سوتسياليزم يدەياسىنىڭ تۇرعىسىنىڭ، كوزقاراسىنىڭ، ءادىسىنىڭ ماڭىزدى بەينەسى. يدەيانى ۇيرەنۋدە شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي ۇيرەنىپ، ءتۇسىنىپ، وسى يدەيانىڭ نەگىزگى كوزقاراسىن، عىلمي جۇيەسىن جاپپاي، جۇيەلى يگەرىپ، وسى يدەيانىڭ دۇنيەگە كوزقاراسىن، ادىستەمەسىن ويداعىداي يگەرىپ، وعان سىڭىرىلگەن تۇرعىعا، كوزقاراسقا، ادىسكە ويداعىداي تاباندى بولىپ، ودان ويداعىداي پايدالانىپ، پارتيانىڭ جاسامپاز نازارياسىن ساياسي جاقتان شىنايى مويىنداۋدى، يدەيالىق جاقتان شىنايى مويىنداۋدى، نازاريالىق جاقتان شىنايى مويىنداۋدى، سۇيىسپەنشىلىك جاعىنان شىنايى مويىنداۋدى ۇزدىكسىز كۇشەيتىپ، ماركسيزمدىك ەرەن قابىلەتتى شىن مانىندە جەتە يگەرىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن سانالى تۇردە ءتۇرلى قىزمەتتەرگە جەتەكشىلىك ەتۋ كەرەك.

  بيلىك جۇرگىزۋدە ءوزىن تاربيەلەۋ نەگىز ەسەپتەلەدى. پارتيالىلىق − پارتيا مۇشەلەرىنىڭ، كادرلاردىڭ ءوزىن تۇلعالاۋىنىڭ، ناتيجە جاراتۋىنىڭ، بەدەلگە يە بولۋىنىڭ، ءمورال جەتىلدىرۋىنىڭ ىرگە تاسى. ساياسيداعى تاباندىلىق، پارتيالىلىقتاعى تاباندىلىقتىڭ ءبارى دە نازارياداعى تاباندىلىقتان ايرىلا المايدى. پارتيا مۇشەلەرى، كادرلار ءوسىپ - جەتىلۋ ءۇشىن، ءسوز جوق، ماركسيزم نازارياسىمەن قارۋلانۋدى كۇشەيتۋى كەرەك. شي جينپيڭ جاڭا ءداۋىر جۇڭگوشا سوتسياليزم يدەياسى پارتيانىڭ ەل باسقارۋ جونىندەگى ماڭىزدى يدەياسىن قامتىپ قانا قويماي، وعان جۇڭگو كوممۋنيستەرىنىڭ ساياسي قاسيەتى، قۇن تالپىنىسى، رۋحاني دەڭگەيى، ستيلدىك ءمورالى تۋرالى تالاپ تا سىڭىرىلگەن. پارتيالىلىقتى كۇشەيتۋدە شي جينپيڭ جاڭا ءداۋىر جۇڭگوشا سوتسياليزم يدەياسىمەن سانالى تۇردە سۋبيەكتيۆتىك دۇنيەنى وزگەرتىپ، وسى يدەيانىڭ مۇرات - سەنىمدى بەكەمدەۋ، يدەيالىق دەڭگەيدى جوعارىلاتۋ، پارتيالىلىق شىڭدالۋدى كۇشەيتۋ سياقتىلار جونىندەگى ءبىر قىدىرۋ تالاپتارىن تەرەڭ ءتۇسىنىپ، كوممۋنيستەردىڭ ساياسي قاسيەتىن باستان - اياق ساقتاۋ كەرەك.

  ماركسيزم نازارياسى امالياتتان كەلگەن ءارى امالياتقا جەتەكشىلىك ەتەدى. شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدىڭ ماقساتى بۇكىلدەي ونى قولدانۋدا، وسى يدەيانى سۋبيەكتيۆتىك دۇنيە مەن وبيەكتيۆتىك دۇنيەنى وزگەرتۋدەگى قۇدىرەتتى يدەيالىق قارۋعا اينالدىرۋدا. پارتيا مۇشەلەرى، كادرلار، اسىرەسە، ءار دارەجەلى باسشى كادرلار وسى يدەيانىڭ دۇنيەگە كوزقاراسىن، ادىستەمەسىن جانە وعان سىڭىرىلگەن تۇرعىنى، كوزقاراستى، ءادىستى ءوزىنىڭ يدەيالىق قارۋىنا اينالدىرىپ، جۇرەككە ۇيالاتقاندا، ارەكەتتە كورسەتكەندە عانا ىستەر دامۋىنىڭ جاڭا جاعدايىن ۇزدىكسىز اشا الادى. امالياتقا باسا ءمان بەرۋدە شي جينپيڭ جاڭا ءداۋىر جۇڭگوشا سوتسياليزم يدەياسىن سانالى تۇردە امالياتتا ايگىلەپ، ونى وبيەكتيۆتىك دۇنيەنى وزگەرتۋگە، ىستەردىڭ دامۋىن ىلگەرىلەتۋگە پايدالانىپ، ءداۋىردى باعامداۋعا، ءداۋىردى يگەرۋگە، داۋىرگە جەتەكشىلىك ەتۋگە پايدالانىپ، بەلسەندى تۇردە وزگەرىستى تانىپ، وزگەرىسكە توتەپ بەرىپ، وزگەرىسكە ۇمتىلىپ، ەكونوميكالىق، قوعامدىق دامۋدا جانە پارتيا قۇرىلىسىندا ورىن تەۋىپ وتىرعان ءتۇرلى قايشىلىقتاردى، ماسەلەلەردى شەشىپ، كەلەلى حاۋىپ - قاتەرلەردەن ساقتانىپ جانە ونى جويىپ، جۇڭگو ۇلگىسىندەگى وسىزامانداندىرۋدىڭ تىڭ ىلگەرىلەۋشىلىككە، تىڭ ناتيجەگە قول جەتكىزۋىن ىلگەرىلەتۋ كەرەك.

  زامانىمىزداعى جۇڭگو ادامزات تاريحىنداعى ەڭ ايبىندى دا وزگەشە امالياتتىق جاسامپازدىقتى باستان كەشىرۋدە، رەفورما، دامۋ، ورنىقتىلىق مىندەتىنىڭ اۋىرلىعى، قايشىلىقتىڭ، حاۋىپ - قاتەردىڭ، سىن - سايىستىڭ كوپتىگى، ەل باسقارۋ سىناعىنىڭ كۇشتىلىگى بۇرىن بولىپ كورمەگەن دارەجەدە بولىپ وتىر. ءبىز باسىمدىققا، ىرىقتىلىققا، بولاشاققا قول جەتكىزۋ ءۇشىن، ءسوز جوق، ماركسيزمدى قولدانا وتىرىپ ءىس جۇزىندىك ماسەلەلەرگە تالداۋ جاساۋ جانە ونى شەشۋ قابىلەتىمىزدى ۇزدىكسىز جوعارىلاتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن قولدانىپ ەلەۋلى سىن - سايىستارعا توتەپ بەرۋگە، ەلەۋلى حاۋىپ - قاتەرگە قارسى تۇرۋعا، ەلەۋلى كەدەرگىلەردى جەڭۋگە، ەلەۋلى قايشىلىقتاردى جويۋعا، ەلەۋلى ماسەلەلەردى شەشۋگە جەتەكشىلىك ەتۋ قابىلەتىمىزدى ۇزدىكسىز جوعارىلاتۋىمىز كەرەك. جاڭا ۇلەس قوسۋدا شي جينپيڭ جاڭا ءداۋىر جۇڭگوشا سوتسياليزم يدەياسىنان جىگەرلەنە العا ىلگەرىلەيتىن اقىل - پاراسات جانە كۇش - قۋات قابىلداپ، وندا قامتىلعان باسشىلىق ءادىستى، يدەيالىق ءادىستى، قىزمەت ءادىسىن قانىق يگەرىپ، مىندەت وتەپ، جاۋاپكەرشىلىكتى ادا ەتۋ قابىلەتىمىز بەن ورەمىزدى ۇزدىكسىز جوعارىلاتىپ، زەيىن - زەردەمىز بەن كۇش - قۋاتىمىزدى ۇيىستىرا وتىرىپ دامۋدى جەبەپ، دامىل الماي تياناقتاندىرۋدى يگەرىپ، قىزمەت ورنىمىزدى تياناق ەتىپ ۇلەس قوسىپ، تاريح پەن حالىقتىڭ سىناعىنان سۇرىنبەي وتەتىن ناقتى ناتيجە جاراتۋعا قۇلشىنۋىمىز كەرەك.

  ماركسيزمنىڭ جۇڭگوشالانۋىنىڭ، زامانالانۋىنىڭ ەڭ جاڭا جەتىستىگىمەن بۇكىل پارتيانى قارۋلاندىرۋعا، امالياتقا جەتەكشىلىك ەتۋگە، قىزمەتتەردى ىلگەرىلەتۋگە تاباندى بولۋ − پارتيامىزدىڭ تاريح جاراتىپ، شۇعىلالى تابىسقا جەتۋدەگى ماڭىزدى تاجىريبەسى. شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ىشكەرىلەي ورىستەتۋدە ”يدەيانى ۇيرەنۋ، پارتيالىلىقتى كۇشەيتۋ، امالياتقا باسا ءمان بەرۋ، جاڭا ۇلەس قوسۋ“ باس تالابىن مىقتى يگەرىپ، پارتيانىڭ جاسامپاز نازارياسىن پارتيانىڭ 20 - قۇرىلتايىندا العا قويىلعان كەلەلى ستراتەگيالىق ورنالاستىرۋلاردى دايەكتىلەندىرۋدە، تياناقتاندىرۋدا قولدانىپ، نەگىزگى تاقىرىپتىق تاربيەنىڭ ناقتى ونىمدىلىككە قول جەتكىزۋىن ىلگەرىلەتىپ، جاڭا جورىقتا ەكپىندەي ىلگەرىلەۋگە زەيىن - زەردەنى، كۇش - قۋاتتى ۇيىستىرىپ، اسقاق جىگەرمەن قايراتتانا ۇمتىلىپ، ەرلىكپەن العا ىلگەرىلەسەك، ءسوزسىز، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ءىسى ءۇشىن ۇزدىكسىز كۇش قوسىپ، داڭق اپەرە الامىز!

(شينحۋا اگەنتتىگىنىڭ 4 - ايدىڭ 5 - كۇنى بەيجيڭنەن بەرگەن حابارى)

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.