تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ فرانسيا زۇڭتۇڭى ماكرونمەن گۋاڭجوۋدا بەيرەسمي ديدارلاستى

  4 - ايدىڭ 7 - كۇنى تۇستەن كەيىن مەملەكەت ءتوراعاسى شي جينپيڭ گۋاڭدۇڭ ولكەسى گۋاڭجوۋ قالاسىنىڭ سۇڭيۋان باقشاسىندا فرانسيا زۇڭتۇڭى ماكرونمەن بەيرەسمي ديدارلاستى. ەكى ەلدىڭ مەملەكەت باسشىلارى سۋ جاعاسىندا وتىرىپ، كورىنىستى تاماشالاپ، شايدان اۋىز ءتيىپ، ەجەلگى زاماننان قازىرگە دەيىنگى ىستەر جونىندە اقتارىلا اڭگىمەلەستى.

□ سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

  شينحۋا اگەنتتىگىنىڭ 4 - ايدىڭ 7 - كۇنى گۋاڭجوۋدان بەرگەن حابارى (ءتىلشى ياڭ يجۇن). 4 - ايدىڭ 7 - كۇنى تۇستەن كەيىن مەملەكەت ءتوراعاسى شي جينپيڭ گۋاڭدۇڭ ولكەسى گۋاڭجوۋ قالاسىنىڭ سۇڭيۋان باقشاسىندا فرانسيا زۇڭتۇڭى ماكرونمەن بەيرەسمي ديدارلاستى.

  كوكتەم ماۋسىمىنداعى گۋاڭجوۋدا كوكتەم لەبى ەسىپ، كورىنىس كوز تارتىپ، الۋان ءتۇرلى گۇلدەر قۇلپىرا اشىلعان ەدى. باييۇن تاۋى باۋرايىنداعى تاۋ جاستانىپ، وزەن جاعالاي ورنالاسقان سۇڭيۋان باقشاسىندا سايالىقتار مەن ساتىلى سارقىرامالار وزگەشە كورىنىسىمەن كوز تارتادى.

  شي جينپيڭ ماكروننىڭ گۋاڭجوۋعا ساپارلاي كەلگەندىگىن ىستىق ىقىلاسپەن قارسى الىپ، ماكرون زۇڭتۇڭمەن تاعى ءبىر رەت باس قوسىپ، اقتارىلا اڭگىمەلەسكەندىگىنە وتە قۋانىشتى ەكەندىگىن ءبىلدىردى.

  ەكى ەلدىڭ مەملەكەت باسشىلارى باقشالى اۋلادا سەيىلدەپ، جۇرە اڭگىمەلەسىپ، ءالسىن - ءالى ايالداپ، ليڭنان باۋ - باقشاسىنىڭ وزگەشە اسەم كورىنىسىن قىزىعا تاماشالادى.

  ەكى ەل باسشىلارى سۋ جاعاسىندا وتىرىپ، كورىنىستى تاماشالاپ، شايدان اۋىز ءتيىپ، ەجەلگى زاماننان قازىرگە دەيىنگى ىستەر جونىندە اقتارىلا اڭگىمەلەستى.

  شي جينپيڭ بىلاي دەپ اتاپ كورسەتتى: بۇگىنگى جۇڭگونى تۇسىنۋدە جۇڭگونىڭ تاريحىن تۇسىنۋدەن باستاۋ كەرەك. گۋاڭجوۋ − جۇڭگو دەموكراتيالىق توڭكەرىسىنىڭ وشاعى جانە جۇڭگونىڭ رەفورما جاساۋداعى، ەسىك اشۋداعى باستاماشىسى. 1000 نەشە جىلدىڭ الدىندا، گۋاڭجوۋ تەڭىزدەگى جىبەك جولىنىڭ ءبىر باستالۋ ءتۇيىنى بولاتىن. 100 نەشە جىلدىڭ الدىندا تاياۋ زامانعى، وسى زامانعى جۇڭگونىڭ العا باسۋداعى ۇلكەن قاقپاسى ءدال وسى ارادا اشىلدى. 40 نەشە جىلدىڭ الدىندا، ەكونوميكالىق ەرەكشە رايون قۇرۋ جولى دا ءدال وسى ارادا ەڭ الدىمەن سىناق رەتىندە اشىلدى. قازىر گۋاڭجوۋ گۋاڭدۇڭ − شياڭگاڭ − اۋمىن ۇلكەن شىعاناق رايونى قۇرىلىسىن بەلسەنە ىلگەرىلەتىپ، جوعارى ساپالى دامۋ جاقتارىندا سەركەلىك جانە باستاماشىلدىق رولىن ۇزدىكسىز ساۋلەلەندىرۋدە.

  شي جينپيڭ ماكرونعا جۇڭگو ۇلگىسىندەگى وسىزامانداندىرۋدىڭ ماندىك ەرەكشەلىگى مەن وزەكتى ءمانىن تانىستىرا كەلىپ، باسا دارىپتەپ مىنالاردى اتاپ كورسەتتى: جۇڭگو قازىر جۇڭگو ۇلگىسىندەگى وسىزامانداندىرۋدى جاپپاي ىلگەرىلەتۋدە، بۇل جۇڭگونىڭ قايتا - قايتا رەفورما جاساۋ، ەسىك اشۋ جانە جاڭالىق اشا دامۋ ارقىلى بىرتىندەپ قالىپتاستىرعان ءارى وسىزامانداندىرۋدىڭ جالپى زاڭدىلىعىنا ۇيلەسەتىن، ءارى وزگەشە ەرەكشەلىككە يە بولعان جۇڭگوشا سوتسياليستىك وسىزامانداندىرۋ نازارياسى مەن امالياتى. ءبىز جۇڭگونىڭ دامۋ بولاشاعىنا مىعىم سەنىمدەمىز. فرانسيا جاقتىڭ گۋاڭجوۋ جارمەڭكەسىنە، شاڭحاي يمپورت كورمەسىنە جانە جۇڭگو حالىقارالىق قىزمەت وتەۋ ساۋداسى جارمەڭكەسىنە ۇزدىكسىز بەلسەنە قاتىناسىپ، جۇڭگو بازارىن ونان ارى كەڭەيتۋىن قارسى الامىز.

  ماكرون مىنالاردى ءبىلدىردى: شىنايى دوستىق ءوزارا ءتۇسىنۋ، ءوزارا قۇرمەت ەتۋ دەگەندىك. فرانسيا جاق جۇڭگو جاقتىڭ فرانسيا مەن ەۆروپانىڭ دەربەس، وزىنە - ءوزى قوجايىن بولۋعا جانە ىنتىماققا، بىرلىككە تاباندى بولعاندىعىن باستان - اياق قولداعاندىعىن القايدى، جۇڭگو جاقپەن ءبىر - ءبىرىنىڭ يەلىك ۇقىعى مەن تەرريتوريا تۇتاستىعى سياقتى وزەكتى مۇددەلەرىنە ءوزارا قۇرمەت ەتىپ، تەحنيكا، ونەركاسىپ سەلبەستىگىن كۇشەيتىپ، ءوزارا بازار اشىپ، جاساندى زەردە سياقتى عىلىم - تەحنيكا سەلبەستىگىن كۇشەيتىپ، وزدەرىنىڭ دامۋدى، گۇلدەنۋدى جۇزەگە اسىرۋىنا كۇش ۇستەۋدى قالايدى.

  ”اسقار تاۋ، اعىندى سۋدىڭ “ قۇيقىلجىعان اسەم اۋەنىنە ىلەسە، شي جينپيڭ مەن ماكرون باييۇن زالىنا كەلدى، ەجەلگى اسپاپتان توگىلگەن بايىرعى كەرەمەت كۇيدى تىڭداپ، ۇزاق تاريحقا يە شاي مادەنيەتىنىڭ مايەگىن سەزىنىپ، تاريحتاعى كوركەيۋ - قۇلدىراۋعا قاتىستى ىستەر جونىندە ەركىن اڭگىمەلەستى.

  شي جينپيڭ ماكروندى كەشكى اسقا ۇسىنىس ەتتى، ەكى جاق ۋكراينا داعدارىسى سياقتى ورتاق كوڭىل بولگەن ماسەلەلەر جونىندە ۇزدىكسىز ىشكەرىلەي پىكىر اۋىستىردى.

  شي جينپيڭ بىلاي دەپ اتاپ كورسەتتى: ۋكراينا داعدارىسىنىڭ تۋىلۋ سەبەبى كۇردەلى، سوزىلا تۇسسە ءار جاققا دا ءتيىمسىز، تەز ارادا ۇرىستى توقتاتىپ، سوعىستى اياقتاتۋ قاتىستى ءارقايسى جاقتىڭ جانە تۇتاس دۇنيە ءجۇزىنىڭ مۇددەسىنە ۇيلەسەدى، ساياسي جولمەن شەشۋ بىردەن - ءبىر دۇرىس شىعار جول. ۋكراينا ماسەلەسىندە جۇڭگو جاق استە جەكە مۇددەسىن كوزدەپ ماسەلەنى ءبىر جاقتى ەتپەيدى، قايتا باستان - اياق ادىلدىك، تۋراشىلدىق تۇرعىسىندا تۇرادى. ءارقايسى قاتىستى جاقتار تۇگەلدەي جاۋاپكەرشىلىك ارقالاپ، بىردەي بەتالىسپەن ءجۇرىپ، ساياسي جولمەن شەشۋگە شارت - جاعداي جاراتۋلارى ءتيىس. فرانسيا جاقتىڭ داعدارىستى ساياسي جولمەن شەشۋ جونىندە ناقتى جوبانى العا قويۋىن قارسى الامىز، جۇڭگو جاق قولداۋ كورسەتۋگە پەيىل ءارى سىندارلى رول اتقارۋدى قالايدى.

  ماكرون مىنالاردى ءبىلدىردى: فرانسيا جاق تا ۋكراينا داعدارىسىن ساياسي جولمەن شەشۋدە ءارقايسى جاقتىڭ ۇيلەسىمدى ءجىتى قاداعالاپ وتىرعان ىستەرىنە بىردەي ءمان بەرۋ قاجەت دەپ قارايدى. فرانسيا جاق جۇڭگو جاقتىڭ حالىقاراداعى ىقپالىنا ەرەكشە ءمان بەرەدى، جۇڭگو جاقپەن تىعىز تىلدەسىپ، سەلبەسىپ، داعدارىستى تەز ارادا ساياسي جولمەن شەشۋدى ىلگەرىلەتۋ ءۇشىن بىرگە قۇلشىنۋدى قالايدى.

  بىرتە - بىرتە ءتۇن قاراڭعىلىعى ءتۇستى. شي جينپيڭ مەن ماكرون قوشتاستى.

  شي جينپيڭ بىلاي دەپ اتاپ كورسەتتى: وسى 2 كۇندە ءبىز بەيجيڭدە جانە گۋاڭجوۋدا ىشكەرىلەي، جوعارى ساپالى پىكىر اۋىستىرىپ، ءتۇسىنىسۋ مەن ءوزارا سەنىمدىلىكتى ارتتىرىپ، جۇڭگو − فرانسيا ەكى ەلدىڭ الداعى جەردەگى ەكى جاقتى جانە حالىقارالىق دەڭگەيدەگى سەلبەستىگىنىڭ بەتالىسىن ايقىندادىق. ءبىزدىڭ جۇڭگو − فرانسيا، جۇڭگو − ەۆروپا وداعى قارىم - قاتىناسى جانە كوپتەگەن حالىقارالىق جانە وڭىرلىك ماسەلەلەردە كوپتەگەن ۇقساس نەمەسە قارايلاس كوزقاراستارىمىزدىڭ بار ەكەندىگىنە وتە قۋانىشتىمىن، بۇل جۇڭگو − فرانسيا قارىم - قاتىناسىنىڭ جوعارى دەڭگەيى مەن ستراتەگيالىق سيپاتىن ايگىلەيدى. مەن سىزبەن تىعىز ستراتەگيالىق بايلانىستى ۇزدىكسىز ساقتاپ، جۇڭگو − فرانسيا جان - جاقتى ستراتەگيالىق سەرىكتەستىك قارىم - قاتىناسىن تىڭ بەلەسكە كوتەرۋدى قالايمىن.

  ماكرون مىنالاردى ءبىلدىردى: ءتوراعا شي جينپيڭنىڭ مەنىڭ وسى رەتكى ساپارىم ءۇشىن ىقىلاستى تۇردە دەن قويا ورنالاستىرۋ جاساعاندىعىنا ەرەكشە العىس ايتامىن. وسى 2 كۇندە ءبىز دوستىق رايمەن ىشكەرىلەي پىكىر اۋىستىردىق، مەن جۇڭگونىڭ ۇزاق، شۇعىلالى تاريحي مادەنيەتىن ونان ارى ۇعىندىم، وسى زامانعى جۇڭگونىڭ ەل باسقارۋ ۇستانىمى جونىندەگى تۇسىنىگىم ارتتى. وسى رەتكى ساپارىم ەرەكشە ءساتتى بولىپ، سۇبەلى جەتىستىككە قول جەتكىزدى، مۇنىڭ فرانسيا − جۇڭگو قارىم - قاتىناسىنىڭ اناعۇرلىم زور دامۋعا قول جەتكىزۋىن پارمەندى تۇردە ىلگەرىلەتەتىندىگى ءشۇباسىز. مەن ءتوراعا شي جينپيڭمەن تىعىز ستراتەگيالىق بايلانىستى ۇزدىكسىز ساقتاۋدى قالايمىن، ءتوراعا شي جينپيڭنىڭ كەلەر جىلى فرانسيادا تاعى دا ساپاردا بولۋىن كۇتەمىن ءارى قارسى الامىن.

  ەكى جاق جۇڭگو − فرانسيا بىرلەسكەن مالىمدەمەسىن جاريالادى.

  ۋاڭ ي، چين گاڭ قاتارلىلار جوعارىداعى قيمىلدارعا قاتىناستى.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.