ما شيڭرۇي قاتىناستى
ۋاڭ گوشىڭ، لي يفي ءسوز سويلەدى
گازەتىمىزدىڭ 4 - ايدىڭ 8 - كۇنى ۇرىمجىدەن بەرگەن حابارى. 4 - ايدىڭ 8 - كۇنى بيڭتۋاننىڭ شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى قىزمەت ءماجىلىسى ۇرىمجىدە اشىلدى. ءماجىلىس باس شۋجي شي جينپيڭنىڭ ورتالىقتىڭ نەگىزگى تاقىرىپتىق تاربيە قىزمەت ماجىلىسىندەگى ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ ورنالاستىرۋلارىنا، تالاپتارىنا ساي، بيڭتۋاننىڭ نەگىزگى تاقىرىپتىق تاربيەنى ىشكەرىلەي ورىستەتۋى جونىندە جۇمىلدىرۋ، ورنالاستىرۋ جاسادى. اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ءبىرىنشى شۋجيى، ءبىرىنشى جىڭۋيى ما شيڭرۇي ماجىلىسكە قاتىناستى.
شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى بويىنشا ورتالىق 15 - جەتەكشىلىك ەتۋ گرۋپپاسىنىڭ باستىعى ۋاڭ گوشىڭ، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي ماجىلىسكە قاتىناستى ءارى ءسوز سويلەدى. اۆتونوميالى رايوننىڭ ورىنباسار ءتوراعاسى، بيڭتۋاننىڭ سىليڭيۋانى شۋە بين ءماجىلىستى باسقاردى، ورتالىق 15 - جەتەكشىلىك ەتۋ گرۋپپاسىنىڭ ورىنباسار باستىعى شاۋ لين ماجىلىسكە قاتىناستى.
ۋاڭ گوشىڭ باس شۋجي شي جينپيڭنىڭ ماڭىزدى ءسوزىنىڭ رۋحىن جانە پارتيا ورتالىق كوميتەتىنىڭ ورنالاستىرۋلارىن، تالاپتارىن ۇيرەنۋدى، دايەكتىلەندىرۋدى ارقاۋ ەتىپ، ورتالىق جەتەكشىلىك ەتۋ گرۋپپاسىنىڭ قىزمەت جاۋاپكەرشىلىگىمەن ۇشتاستىرىپ، نەگىزگى تاقىرىپتىق تاربيەنىڭ ءتۇرلى مىندەتتەرىن تياناقتاندىرۋ جونىندە تالاپ قويدى. ول بىلاي دەپ باسا دارىپتەدى: ساياسي دەڭگەيدى جوعارىلاتىپ، تياناقتاندىرۋدى ىلگەرىلەتىپ، باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دالمە - ءدال يگەرىپ، نەگىزگى تاقىرىپتىق تاربيەنى ورىستەتۋدىڭ كەلەلى ساياسي ءمانىن، نازاريالىق ءمانىن جانە امالياتتىق ءمانىن تەرەڭدەي تانىپ، قالىڭ پارتيا مۇشەلەرىن، كادرلاردى يدەيا مەن ارەكەتتى باس شۋجيدىڭ ماڭىزدى ءسوزىنىڭ رۋحىمەن بىرلىككە كەلتىرۋگە، شي جينپيڭ جاڭا ءداۋىر جۇڭگوشا سوتسياليزم يدەياسىمەن زەيىن - زەردەنى ۇيىستىرىپ، رۋحتى سومداۋعا، ”ەكىنى تۇراقتاندىرۋدىڭ“ شەشۋشى ءمانىن اناعۇرلىم تەرەڭ تۇسىنۋگە، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ورىنداۋعا، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن اناعۇرلىم سانالى تۇردە وسكەلەڭ ءبىر اۋىزدىلىقتى ساقتاۋعا تاربيەلەۋ، جەتەكتەۋ كەرەك. باس تالاپتى يگەرىپ، تياناقتاندىرۋدى ىلگەرىلەتىپ، نەگىزگى تاقىرىپتىق تاربيە ورىستەتۋدى وزەكتى ارقاۋ ەتۋمەن، كەلەلى جاعدايعا قىزمەت وتەۋمەن ۇشتاستىرىپ، پارتيا 20 - قۇرىلتايىندا جاسالعان ءتۇرلى ستراتەگيالىق ورنالاستىرۋلاردى دايەكتىلەندىرۋمەن، تياناقتاندىرۋمەن تىعىز بايلانىستىرىپ، باس شۋجي شي جينپيڭنىڭ شينجياڭ جانە بيڭتۋان قىزمەتى جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن مۇقيات دايەكتىلەندىرىپ، تياناقتاندىرىپ، پارتيا ورتالىق كوميتەتى جۇكتەگەن بورىشتى، مىندەت وتەۋدى ارقاۋ ەتە وتىرىپ، پارىقتى تاۋىپ، تياناقتاندىرۋدى يگەرىپ، ەكونوميكالىق، قوعامدىق دامۋدى ىلگەرىلەتۋگە، وزەكتى مىندەتتى ورىنداۋعا قۋاتتى قوزعاۋشى كۇش ازىرلەۋ كەرەك. ءتۇبىرلى مىندەتتى ءجىتى قاداعالاپ، تياناقتاندىرۋدى ىلگەرىلەتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى نەگىزگى جەلى ەتىپ، ۇيرەنۋدى، وي جۇگىرتۋدى، قولدانۋدى ساباقتاستىرۋعا، تانىمدى، سەنىمدى، ارەكەتتى بىرلىككە كەلتىرۋگە تاباندى بولىپ، قالىڭ پارتيا مۇشەلەرىنىڭ، كادرلاردىڭ شىنايى ۇيرەنۋىن، شىنايى ءتۇسىنۋىن، شىنايى سەنۋىن، شىنايى قولدانۋىن ىلگەرىلەتىپ، دايەكتىلەندىرۋ، تياناقتاندىرۋ جاعىندا جاڭا ىلگەرىلەۋشىلىككە، جاڭا تابىسقا قول جەتكىزىپ، اناعۇرلىم مۇراتتى بەكەمدەۋ، پارتيالىلىقتى شىڭداۋ، امالياتقا جەتەكشىلىك ەتۋ، قىزمەتتى ىلگەرىلەتۋ كەرەك. ناقتى نىسانانى ارقاۋ ەتىپ تياناقتاندىرۋدى ىلگەرىلەتىپ، نىسانانى باعدار ەتۋ مەن ماسەلەنى باعدار ەتۋدى ۇشتاستىرۋعا تاباندى بولىپ، ناقتى نىسانانى جەتەكشى، ماسەلەنى شەشۋدى تۇتقا ەتىپ، ءار دارەجەلى پارتيا ۇيىمدارىنىڭ سانالى تۇردە تالاپقا، ولشەمگە تۋرالانۋىن، اۋىتقۋشىلىقتاردى دەر كەزىندە تۇزەتۋىن ىلگەرىلەتىپ، نىسانالى ىستەۋ، دالمە - ءدال كۇش سالۋ ارقىلى ءتۇرلى مىندەتتەردىڭ تياناقتانۋىن، ناقتىلانۋىن ىلگەرىلەتۋ كەرەك. ءتۇيىندى شارالاردى ساباقتاستىرىپ، تياناقتاندىرۋدى ىلگەرىلەتىپ، جۇيە كوزقاراسىن قولدانۋعا تاباندى بولىپ، نازاريالىق ۇيرەنۋدى، تەكسەرۋ - زەرتتەۋدى، دامۋدى ىلگەرىلەتۋدى، قاداعالاۋدى جانە رەتتەۋ - تۇزەتۋدى، ەرەجە - ءتۇزىم ورناتۋدى ساباقتاستىرۋعا تاباندى بولىپ، جاندى تۇردە توعىستىرىپ، ءبىر تۇلعالى ىلگەرىلەتىپ، قىزمەتتى تىڭعىلىقتى ىستەۋگە، تىندىرىمدى ىستەۋگە قۇلشىنىپ، نەگىزگى تاقىرىپتىق تاربيە ساپاسىن ۇزدىكسىز جوعارىلاتۋ كەرەك. جەتەكشىلىك ەتۋ گرۋپپاسى پارتيا ورتالىق كوميتەتىنىڭ ورنالاستىرۋلارىنا، تالاپتارىنا ساي، بيڭتۋان پارتكومىمەن بىرگە ۇقساس ماسەلەگە ۇقساس جاۋاپ بەرىپ، جەتەكشىلىك ەتۋ قىزمەتىندە كومەكتەسۋدى، قىزمەت وتەۋدى قامتىپ، قىزمەت جاۋاپكەرشىلىگىن مۇقيات وتەپ، جاعدايدى ىشكەرىلەي ۇعىسىپ، قىزمەت ۇسىنىسىن ورتاعا قويىپ، ءوز قۇرىلىسىن كۇشەيتىپ، بيڭتۋان پارتكومىمەن بىرگە نەگىزگى تاقىرىپتىق تاربيەنىڭ دۇرىس، پارمەندى، تىڭعىلىقتى، ءونىمدى ورىستەتىلۋىن ىلگەرىلەتىپ، پارتيا ورتالىق كوميتەتى تاپسىرعان كەلەلى ساياسي مىندەتتى ويداعىداي ورىندايدى.
لي يفي سوزىندە بىلاي دەپ اتاپ كورسەتتى: بۇكىل پارتيادا شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ىشكەرىلەي ورىستەتۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيا 20 - قۇرىلتايىنىڭ رۋحىن جاپپاي دايەكتىلەندىرۋ، بۇكىل پارتيانى پارتيانىڭ وزەكتى مىندەتىن ورىنداۋ جولىندا ىنتىماقتاسا كۇرەس جاساۋعا جۇمىلدىرۋ ءۇشىن جاساعان كەلەلى ورنالاستىرۋى، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ىشكەرىلەي ىلگەرىلەتۋدەگى كەلەلى ورنالاستىرۋى. باس شۋجي شي جينپيڭ ورتالىقتىڭ نەگىزگى تاقىرىپتىق تاربيەسى قىزمەت ماجىلىسىندەگى ماڭىزدى ءسوزى جاڭا ءداۋىردىڭ جاڭا جورىعىندا پارتيا مەن مەملەكەت ىستەرىنىڭ دامۋ جالپى جاعدايىنىڭ ستراتەگيالىق بيىگى تۇرعىسىنان نەگىزگى تاقىرىپتىق تاربيە ورىستەتۋدىڭ كەلەلى ءمانى مەن نىسانا - تالاپتارىن تەرەڭدەي پايىمداپ، نەگىزگى تاقىرىپتىق تاربيە قىزمەتتەرى جونىندە جاپپاي ورنالاستىرۋ جاساپ، بۇكىل پارتيادا نەگىزگى تاقىرىپتىق تاربيە ورىستەتۋگە ءتۇبىرلى بويسۇنۋ ولشەمىن ازىرلەدى، بۇل − ماركسيزمدىك تۇعىرنامالىق حۇجات. بيڭتۋانداعى ءار دارەجەلى ورىندار، تاراۋلار جانە قالىڭ پارتيا مۇشەلەرى نەگىزگى تاقىرىپتىق تاربيە ورىستەتۋدىڭ كەلەلى ءمانىن جىعا تانىپ، يدەيانى، ەرىك - جىگەردى، ارەكەتتى پارتيا ورتالىق كوميتەتىنىڭ ورنالاستىرۋلارىمەن، تالاپتارىمەن ونان ارى بىرلىككە كەلتىرىپ، ”ەكىنى تۇراقتاندىرۋدىڭ“ شەشۋشى ءمانىن اناعۇرلىم جەتە ءتۇسىنىپ، اناعۇرلىم سانالى تۇردە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاپ، ”ءۇش ءسوز جوقتى“ ەستە بەرىك ساقتاپ، پارتيا قۇرۋ ۇلى رۋحىن اسقاقتاتىپ، بيڭتۋان رۋحى مەن توراڭعى رۋحىن، ساقا اسكەرلەر رۋحىن جالعاستىرىپ، ساۋلەلەندىرىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىنا قىزمەت وتەپ جانە وعان توعىسىپ، جوعارى ساپالى دامۋدى ىلگەرىلەتىپ، جاڭا داۋىردەگى بيڭتۋاننىڭ قىزمەت جاۋاپكەرشىلىگىن، بورىشىن ادالدىقپەن وتەپ، وسىزامانداندىرۋ قۇرىلىسىن جەدەل ىلگەرىلەتىپ، وزىنە - ءوزى توڭكەرىس جاساۋدى ىلگەرىلەتىپ، كىرشىكسىزدىكتى، العاباسارلىقتى ساقتاپ، باس شۋجي مەن پارتيا ورتالىق كوميتەتىنىڭ قالاۋىنان شىعاتىن، تاريح پەن حالىقتىڭ قالاۋىنان شىعاتىن بيڭتۋان ۇلەسىن قوسۋعا قۇلشىنۋى كەرەك.
لي يفي بىلاي دەپ باسا دارىپتەدى: نەگىزگى تاقىرىپتىق تاربيەنىڭ نىسانا - تالاپتارىن مىقتاپ يگەرىپ، نەگىزگى تاقىرىپتىق تاربيەنىڭ ناقتى تابىسقا قول جەتكىزۋىن ىلگەرىلەتۋ كەرەك. ۇيرەنۋ ارقىلى بۇلجىماي رۋحتى سومداپ، مۇرات - سەنىمدى بەكەمدەپ، ساياسي ادالدىقتى بەرىك ورناتىپ، جەتىستىكتەردى كادەگە جاراتۋعا باسا ءمان بەرىپ، كوممۋنيستەردىڭ اۋەلگى ماقساتىن، بورىشىن شىڭداپ، سانالى تۇردە شي جينپيڭ جاڭا ءداۋىر جۇڭگوشا سوتسياليزم يدەياسىنىڭ بەرىك سەنۋشىلەرى جانە ادالدىقپەن امالياتتا ايگىلەۋشىلەرى بولۋ كەرەك. ۇيرەنۋ ارقىلى بۇلجىماي پاراساتتى ارتتىرىپ، عىلمي جۇيەنى يگەرىپ، عىلمي ءادىستى مەڭگەرىپ، قىزمەت باعدارىن ءدال تاۋىپ، ماركسيزمدىك ەرەكشە قابىلەتتى جوعارىلاتىپ، پارتيا 20 - قۇرىلتايىنىڭ ءتۇرلى كەلەلى ورنالاستىرۋلارىنىڭ بيڭتۋاندا تياناقتانىپ، تامىر تارتۋىن، گۇل اشىپ، جەمىس بەرۋىن جاپپاي ىلگەرىلەتۋ كەرەك. ۇيرەنۋ ارقىلى بۇلجىماي ستيلدى دۇرىستاپ، جاڭا داۋىردەگى بۇقارالىق لۋشيانمەن ويداعىداي ءجۇرىپ، قىزمەتتى جۇمىسشى - قىزمەتكەرلەردىڭ، بۇقارانىڭ كوڭىلىنەن شىعاتىنداي شىنايى ىستەپ، تەكسەرۋ - زەرتتەۋدى بارىنشا ورىستەتىپ، جاعدايدى قانىق ءبىلىپ، ماسەلەنى دالمە - ءدال تاۋىپ، شارانى ناقتى العا قويىپ، ستيلى پاك، سالتى دۇرىس ساياسي ەكولوگيانى جەتىلدىرىپ، پارتيانىڭ العاباسارلىعىن، كىرشىكسىزدىگىن باستان - اياق ساقتاپ، تاماشا پارتيا ستيلىن، ۇكىمەت ستيلىن، قوعامدىق سالتتى قالىپتاستىرۋ كەرەك. ۇيرەنۋ ارقىلى بۇلجىماي ىستەۋدى جەبەپ، يدەيانى ازات ەتىپ، رەفورما جاساپ، جاڭالىق اشىپ، سايىسقا تۋرا قاراپ، حاۋىپ - قاتەردەن ساقتانىپ، باتىلدىقپەن كۇرەس جۇرگىزىپ، شەبەرلىكپەن كۇرەس جۇرگىزىپ، جاڭا ءداۋىردىڭ جاڭا جورىعىندا پارتيانىڭ وزەكتى مىندەتىن مىقتاپ ارقاۋ ەتىپ، جوعارى ساپالى دامۋ سىندى ماڭداي الدى مىندەتتى ارقاۋ ەتىپ، شىنايى يگەرىپ، ناقتى ىستەپ، باستاما جىلدا جاۋاپكەرشىلىك ارقالاۋدى، ىسكەرلىك كورسەتۋدى ايگىلەۋ كەرەك.
لي يفي بىلاي دەپ باسا دارىپتەدى: جان - جاقتى ورنالاستىرۋ جاساپ، دەن قويا ۇيىمداستىرىپ، اتقارىپ، نەگىزگى تاقىرىپتىق تاربيەنى جوعارى ولشەممەن، جوعارى ساپامەن ويداعىداي ورىستەتۋ كەرەك. باسشىلىق جاۋاپكەرشىلىكتى ناقتىلاندىرۋ كەرەك، ءار دارەجەلى پارتكومدار (پارتيا باسشىلىق گرۋپپاسى) نەگىزگى تۇلعالىق جاۋاپكەرشىلىكتى شىنايى ارقالاۋى كەرەك، نەگىزگى جاۋاپتى جولداستار ءبىرىنشى جاۋاپتى ادام بولۋ قىزمەت جاۋاپكەرشىلىگىن شىنايى وتەپ، ءوزى جوسپارلاۋى، الدا ءجۇرىپ قولباسشىلىق ەتۋى، قۋزاۋ - جەتەكشىلىك ەتۋى كەرەك. دەن قويا قۋزاۋ - جەتەكشىلىك ەتۋ كەرەك، بيڭتۋاننىڭ ارالاپ جەتەكشىلىك ەتۋ گرۋپپاسى جالپى بارىستىق قۋزاۋ - جەتەكشىلىك ەتۋدى قاتاڭ، شىنايى، تۇرگە ايىرىپ دالمە - ءدال اتقارىپ، نەگىزگى تاقىرىپتىق تاربيەنىڭ تەرەڭدەۋىن، ناقتىلانۋىن ىلگەرىلەتۋى كەرەك. ناقتى ونىمدىلىككە قول جەتكىزۋگە شىنايى كەپىلدىك ەتىپ، نەگىزگى تاقىرىپتىق تاربيە ورىستەتۋدى وزەكتى قىزمەتتى ىلگەرىلەتۋمەن ۇشتاستىرىپ، نازاريا ۇيرەنۋدى، تەكسەرۋ - زەرتتەۋدى، دامۋدى ءبىر تۇتاس جوسپارلاۋدى، قاداعالاۋدى جانە رەتتەۋ - تۇزەتۋدى ويداعىداي يگەرىپ، نەگىزگى تاقىرىپتىق تاربيەنىڭ جەتىستىكتەرىن بەكەمدەۋدىڭ، تەرەڭدەتۋدىڭ ۇزاق ءونىمدى مەحانيزمىن ورناتۋ كەرەك. ۇگىت ارقىلى جەتەكتەۋدى كۇشەيتىپ، پارتيا ورتالىق كوميتەتىنىڭ ورنالاستىرۋلارىن ىشكەرىلەي ۇگىتتەپ، نەگىزگى تاقىرىپتىق تاربيە ورىستەتۋدىڭ كەلەلى ءمانى مەن نىسانا - تالاپتارىن، ىلگەرىلەتۋدىڭ تابىستارىن تەرەڭدەي بايانداپ، قويۋ قوعامدىق پىكىر رايىن قالىپتاستىرۋ كەرەك.
ليۋ جيانميڭ، لي جىنگو، ليۋ شينجيان، جاڭ ۋىنشىڭ، جياڭ شينجۇن، حا زىڭيوۋ، لي يۇڭحۇڭ، لي شۇي، جۋ شۋەبيڭ جانە ورتالىق جەتەكشىلىك ەتۋ گرۋپپاسىنىڭ باسقا دا مۇشەلەرى ماجىلىسكە قاتىناستى. ءماجىلىس بەينە ەكران فورماسىندا اشىلدى، بيڭتۋانداعى پارتيا 20 - قۇرىلتايىنىڭ ۋاكىلدەرى، بيڭتۋان پارتكومىنىڭ مۇشەلەرى، كانديدات مۇشەلەرى، بيڭتۋاننىڭ اسكەري ىستەر ءبولىمى، قارۋلى ساقشى بيڭتۋان باس اترەتىنىڭ اسكەري - ساياسي نەگىزگى باسشىلارى، بيڭتۋان پارتكومىنىڭ، بيڭتۋاننىڭ ورىنباسار باس حاتشىلارى، بيڭتۋان ورگانىنىڭ ءارقايسى تاراۋلارىنداعى، ءارقايسى توتە قاراستى قۇرىلىمدارىنداعى نەگىزگى جاۋاپتى جولداستار، بيڭتۋانعا توتە قاراستى كاسىپورىندارداعى نەگىزگى جاۋاپتى جولداستار، دەموكراتيالىق پارتيا - توپتاردىڭ جانە پارتيادا، توپتا جوق قايراتكەرلەردىڭ ۋاكىلدەرى، بيڭتۋاننىڭ نەگىزگى تاقىرىپتىق تاربيە 1 - توپتاعى ارالاپ جەتەكشىلىك ەتۋ گرۋپپاسىنىڭ باستىعى، ورىنباسار باستىقتارى، ءارقايسى شى - قالالاردىڭ، مەكتەپتەردىڭ، تۋان - الاڭداردىڭ پارتيا، ۇكىمەت ورىندارىنداعى نەگىزگى جاۋاپتى جولداستار قاتارلىلار ماجىلىسكە قاتىناستى.
