− باس شۋجي شي جينپيڭنىڭ نەگىزگى تاقىرىپتىق تاربيە قىزمەت ماجىلىسىندەگى ماڭىزدى ءسوزىن ۇيرەنۋ، دايەكتىلەندىرۋ جونىندە
□ حالىق گازەتىنىڭ شولۋشىسى
”وسى رەتكى نەگىزگى تاقىرىپتىق تاربيە − جالپى جاعدايعا ساياتىن ءىرى ءىس، ۋاقىت تىعىز، مىندەت اۋىر، تالاپ جوعارى“. شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى قىزمەت ماجىلىسىندە باس شۋجي شي جينپيڭ نەگىزگى تاقىرىپتىق تاربيەنىڭ ءتۇرلى قىزمەتتەرى جونىندە جاپپاي ورنالاستىرۋ جاساپ، ايقىن تالاپ قويىپ، ”ءار دارەجەلى پارتكومدار (پارتيا باسشىلىق گرۋپپاسى) تۇلعالىق جاۋاپكەرشىلىكتى ارقالاپ، نەگىزگى تاقىرىپتىق تاربيەنى ويداعىداي جوبالاۋى، ويداعىداي ۇيىمداستىرۋى، ويداعىداي تياناقتاندىرۋى كەرەك“ دەپ باسا دارىپتەدى.
ءارقانداي ءبىر قىزمەتتى ورىستەتۋدە الدىمەن پوزيتسياعا قاراۋ، تەتىگى ارەكەتكە قاراۋ، ەڭ سوڭىندا ناتيجەسىنە قاراۋ كەرەك. بۇكىل پارتيادا شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ىشكەرىلەي ورىستەتۋ − پارتيا ورتالىق كوميتەتىنىڭ پارتيا 20 - قۇرىلتايىنىڭ رۋحىن جاپپاي دايەكتىلەندىرۋ، بۇكىل پارتياداعى جولداستاردى پارتيانىڭ وزەكتى مىندەتىن ورىنداۋ جولىندا ىنتىماقتاسا كۇرەس جۇرگىزۋگە جۇمىلدىرۋ ءۇشىن جاساعان كەلەلى ورنالاستىرۋى، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ىشكەرىلەي ىلگەرىلەتۋدەگى كەلەلى ورنالاستىرۋ، بۇكىل پارتيانىڭ يدەياسىن بىرلىككە كەلتىرۋ، پارتيا ىشىندە ورىن تەۋىپ وتىرعان كورنەكتى ماسەلەلەردى شەشۋ، پارتيانىڭ حالىق بۇقاراسىمەن ەتەنە بايلانىسىن باستان - اياق ساقتاۋ، پارتيا مەن مەملەكەت ىستەرىنىڭ دامۋىن ىلگەرىلەتۋ جونىنەن ماڭىزدى مانگە، تەرەڭ ىقپالعا يە. ءبىز وسى رەتكى نەگىزگى تاقىرىپتىق تاربيەنى ورىستەتۋدىڭ كەلەلى ماڭىزىن جەتە تانىپ، ”يدەيانى ۇيرەنۋ، پارتيالىلىقتى كۇشەيتۋ، امالياتقا ءمان بەرۋ، جاڭا ۇلەس قوسۋ“ باس تالابىن مىقتاپ يگەرىپ، نىسانا - مىندەتتەردى ايرىقشا قاداعالاپ، ءتۇيىندى شارالاردى جاپپاي تياناقتاندىرىپ، نەگىزگى تاقىرىپتىق تاربيەگە باسشىلىقتى شىنايى كۇشەيتىپ، نەگىزگى تاقىرىپتىق تاربيەنىڭ ءتۇرلى مىندەتتەرىن تابىسپەن ورىنداۋعا شىنايى كەپىلدىك ەتۋىمىز كەرەك.
شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ جاڭا داۋىردەگى جاڭا جورىقتا ىستەردى دامىتۋدىڭ جاڭا جاعدايىن اشۋدىڭ ءتۇبىرلى تالابى. ءار دارەجەلى پارتكومدار (پارتيا باسشىلىق گرۋپپاسى) ايرىقشا ءمان بەرىپ، دەن قويا ۇيىمداستىرىپ، نەگىزگى تاقىرىپتىق تاربيەنى ويداعىداي جوبالاپ، ويداعىداي ۇيىمداستىرىپ، ويداعىداي تياناقتاندىرىپ، پارتيانىڭ جاسامپاز نازارياسىن يگەرۋدى، قولدانۋدى كۇشەيتىپ، تەكسەرۋ - زەرتتەۋ جەتىستىكتەرىن كادەگە جاراتۋدى ويداعىداي يگەرىپ، بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن شەشىپ، كورنەكتى ماسەلەلەردى ارناۋلى رەتتەپ - وڭاپ، ەڭ سوڭىندا بۇقارانىڭ رازى بولعان - بولماعاندىعىن ءتۇبىرلى تۇجىرىمداۋ ولشەمى ەتۋى كەرەك. شىندىققا جۇگىنىپ، ناقتى ءىس تىندىرۋعا، شىنايى يگەرىپ، ناقتى ىستەۋگە تاباندى بولىپ، فورماشىلدىققا باتىل قارسى تۇرىپ جانە ودان ساقتانىپ، ناقتى ونىمدىلىككە قول جەتكىزۋ كەرەك. باس شۋجي شي جينپيڭ العا قويعان ايقىن تالاپتى ناقتاپ تياناقتاندىرۋدا پارتكومداعى (پارتيا باسشىلىق گرۋپپاسى) نەگىزگى جاۋاپتى جولداستار ءبىرىنشى جاۋاپتى ادام مىندەت جاۋاپكەرشىلىگىن شىنايى اتقارىپ، ءوزى جوسپارلاپ، الدا ءجۇرىپ قولباسشىلىق ىستەپ، قۋزاۋ - جەتەكشىلىك ەتۋى؛ ورتالىق جەتەكشىلىك ەتۋ گرۋپپاسىن جىبەرىپ، نەگىزگى تاقىرىپتىق تاربيەنىڭ ورىستەتىلۋ احۋالىنا قۋزاۋشىلىق، جەتەكشىلىك ەتۋى؛ ولكەلىك، اۆتونوميالى رايوندىق، قالالىق پارتكومدار مەن كاسىپ جۇيەسىن باسقارۋشى تاراۋلاردىڭ پارتيا باسشىلىق گرۋپپالارى (پارتكوم) ارالاپ جەتەكشىلىك ەتۋ گرۋپپاسىن جىبەرىپ، قاراستى وڭىرلەرگە، تاراۋلارعا جانە ورىندارعا قۋزاۋ - جەتەكشىلىك ەتۋدى كۇشەيتۋى؛ وڭىرلەر، تاراۋلار، ورىندار وزەكتى ارقاۋ ەتۋگە، كەلەلى جاعدايعا قىزمەت وتەۋگە تاباندى بولىپ، نەگىزگى تاقىرىپتىق تاربيەنى ورىستەتۋدى پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋمەن، تياناقتاندىرۋمەن ۇشتاستىرىپ، ءوز ءوڭىرىنىڭ، ءوز تاراۋىنىڭ، ءوز ورنىنىڭ وزەكتى قىزمەتىن ىلگەرىلەتۋمەن ۇشتاستىرىپ، ەكى جاعىن دا يگەرىپ، ەكى جاعىن دا جەبەپ، پارتيا مۇشەلەرىنىڭ، كادرلاردىڭ تاسقىنداعان ۇيرەنۋ، قىزمەت ىنتاسىن قامال الىپ، قيىندىقتى جەڭۋدىڭ، ءىس تىندىرىپ، ناتيجە شىعارۋدىڭ قۋاتتى قوزعاۋشى كۇشىنە اينالدىرۋدى ىلگەرىلەتۋى كەرەك.
باسشى كادرلاردىڭ ءارقايسى جاقتاردا ءوز باسىنان ونەگە كورسەتۋگە، جوعارى ارقىلى تومەندى باستاۋعا تاباندى بولۋى ءونىمدى باسشىلىق ءادىسى جانە قىزمەت ءادىسى بولىپ تابىلادى. باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 4 - رەتكى توپتىق ۇيرەنۋىندە ”وسى رەتكى نەگىزگى تاقىرىپتىق تاربيەدە ورتالىق كوميتەتتىڭ ساياسي بيۋروسىنداعى جولداستار اناعۇرلىم جوعارى ولشەممەن، اناعۇرلىم قاتاڭ تالاپپەن، اناعۇرلىم ناقتى شارالارمەن بۇكىل پارتياعا ۇلگى بولىپ، ونەگە كورسەتىپ، ويداعىداي باستاماشى بولۋى كەرەك“ دەپ اتاپ كورسەتتى. ”نازاريا ۇيرەنۋدى باستاماشىلدىقپەن ويداعىداي يگەرىپ، بۇكىل پارتيانى جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى تەرەڭدەتۋگە جەتەكتەۋ جانە ونى ىلگەرىلەتۋ كەرەك. تەكسەرۋ - زەرتتەۋدى باستاماشىلدىقپەن ويداعىداي يگەرىپ، امالياتقا ىشكەرىلەي ارالاسىپ، بۇقارانى ىشكەرىلەي ارالاپ، ماسەلە تانىمىن كۇشەيتىپ، شىن مانىندە احۋالدى انىقتاپ، ماسەلەنى ءدال تاۋىپ، ءادىس - شارانى ناقتى ورتاعا قويىپ، ماسەلەنى شەشۋدىڭ جاڭا وي جەلىسىن، جاڭا ءادىسىن العا قويىپ، بۇكىل پارتيادا تەكسەرۋ - زەرتتەۋ ستيلىن بارىنشا ساۋلەلەندىرۋگە جەتەكشىلىك ەتۋ جانە ونى ىلگەرىلەتۋ كەرەك. ماسەلەنى قاداعالاۋ مەن رەتتەۋ - تۇزەتۋدى باستاماشىلدىقپەن ويداعىداي يگەرىپ، جاڭا جاعدايمەن، جاڭا مىندەتپەن، جاڭا قىزمەت جاۋاپكەرشىلىگىمەن تىعىز ۇشتاستىرىپ، ۇيرەنۋدى، تەكسەرۋدى، تۇزەتۋدى ورگانيكالى ساباقتاستىرىپ، وزىندەگى جەتەرسىزدىكتەر مەن قىزمەتتەردەگى اۋىتقۋدى جاپپاي تاۋىپ، پارتيانىڭ ءىشى - سىرتىنداعى باقىلاۋعا دۇرىس قاراپ جانە ونى سانالىلىقپەن قابىلداپ، سىن جانە ءوز - وزىنە سىندى مۇقيات ورىستەتىپ، يدەيالىق ءتۇپ قاينار مەن تۇزىمدىك مەحانيزم تۇرعىسىنان ماسەلەلەردى شەشۋگە كۇش سالىپ، بۇكىل پارتيانىڭ ىشكەرىلەي تەكسەرىپ، ناقتى تۇزەتۋىنە باستاماشىلدىق ەتىپ، رەتتەۋ - تۇزەتۋدىڭ ءىس جۇزىندىك ناتيجەسى ارقىلى حالىقتىڭ سەنىمىنە يە بولۋ كەرەك. تۇرعان ءوڭىرىنىڭ، جاۋاپتى سالاسىنىڭ نەگىزگى تاقىرىپتىق تاربيەسىن باستاماشىلدىقپەن ويداعىداي يگەرىپ، باسشىلىق جاۋاپكەرشىلىكتى ناقتىلاندىرىپ، ىلگەرىلەۋ احۋالىن جالپى بارىس بويىنشا يگەرىپ، نىشاندىق، نىسايلىق ماسەلەلەردى كۇش سالا بايقاپ جانە شەشىپ، قىزمەتتى ناقتى يگەرىپ، ىشكەرىلەي يگەرىپ، بەتالىستىڭ اۋىتقىماۋىنا، سەرپىننىڭ كەمەيمەۋىنە شىنايى كەپىلدىك ەتىپ، نەگىزگى تاقىرىپتىق تاربيەنىڭ تىڭعىلىقتى ورىستەتىلۋىن ىلگەرىلەتىپ، ناقتى ونىمدىلىككە قۇلشىنا قول جەتكىزۋ كەرەك“ دەپ باسا دارىپتەدى. بۇل بۇكىل پارتيانىڭ نەگىزگى تاقىرىپتىق تاربيەنى تىڭعىلىقتى ورىستەتۋى، ۇيرەنۋ ارقىلى رۋحتى سومداۋى، ۇيرەنۋ ارقىلى پاراساتتى ارتتىرۋى، ۇيرەنۋ ارقىلى ستيلدى دۇرىستاۋى، ۇيرەنۋ ارقىلى ىستەۋدى جەبەۋى جونىنەن ماڭىزدى ۇلگىلىك رولعا يە. نەگىزگى تاقىرىپتىق تاربيەدە ءار دارەجەلى باسشى كادرلار ءوز باسىنان ونەگە كورسەتۋگە، جوعارى ارقىلى تومەندى باستاۋعا تاباندى بولىپ، نازاريامەن قارۋلانۋدى جاپپاي كۇشەيتىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن قاجىماي - تالماي زەيىن - زەردەنى ۇيىستىرىپ، رۋحتى سومداۋى؛ تەكسەرۋ - زەرتتەۋ ستيلىن بارىنشا ساۋلەلەندىرىپ، پارتيانىڭ جاسامپاز نازارياسىنان پايدالانىپ جاڭا جاعدايلاردى زەرتتەۋى، جاڭا ماسەلەلەردى شەشۋى، جاڭا تاجىريبەلەردى قورىتىندىلاۋى؛ ماسەلەنى رەتتەۋ - تۇزەتۋدى نەگىزگى تاقىرىپتىق تاربيەنىڭ تۇتاس بارىسىنا ءسىڭىرىپ، ماسەلەگە بەتپە - بەت كەلىپ، ماسەلەنى بەتكە الىپ ۇيرەنىپ، ماسەلەنى كوزدەي وتىرىپ تۇزەتۋى؛ بىلەك سىبانا شىنايى يگەرىپ، ناقتى ىستەپ، جوعارى ساپالى دامۋدى ىلگەرىلەتۋدە تىڭ تابىستارعا قول جەتكىزۋى؛ جاڭا داۋىردەگى پارتيانىڭ بۇقارالىق لۋشيانىمەن ويداعىداي ءجۇرىپ، اشىق تاربيە جۇرگىزۋگە تاباندى بولىپ، بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن شەشىپ، بۇقارانى ناقتى يگىلىككە كەنەلدىرۋگە كۇش سالۋى كەرەك.
جورىق ۇزاق بولعانىمەن قايراتىمىز تاسقىنداپ تۇر، اۋىر مىندەت ارقالاپ تاعى دا اتتاندىق. مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا جىگەرلەنە ەكپىندەي ىلگەرىلەگەن ءبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا تاريحتاعى ءارقانداي كەزدەگىدەن دە اناعۇرلىم جاقىنداي تۇستىك، مۇنى جۇزەگە اسىرۋعا سەنىمىمىز ءتىپتى دە كامىل جانە قۋاتىمىز دا قاپتال جەتەدى، سونىمەن بىرگە، ءسوز جوق، اناعۇرلىم اۋىر، اناعۇرلىم جاپالى قۇلشىنىس كورسەتۋگە دايىن تۇرۋىمىز كەرەك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن مۇراتتى بەكەمدەۋدىڭ، پارتيالىلىقتى شىڭداۋدىڭ جانە امالياتقا جەتەكشىلىك ەتۋدىڭ، قىزمەتتى ىلگەرىلەتۋدىڭ مىعىم كۇشىنە اينالدىرىپ، ءبىر تۇتاس يدەيانى، بەرىك ەرىك - جىگەردى، سايكەستى ارەكەتتى، قۇدىرەتتى جاۋىنگەرلىك قۋاتتى باستان - اياق ساقتاپ، پارتيا قۇرۋ ۇلى رۋحىن اسقاقتاتىپ، ”ءۇش ءسوز جوقتى“ ەستە بەرىك ساقتاپ، جىگەرلەنە ۇمتىلىپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزەيىك!
(شينحۋا اگەنتتىگىنىڭ 4 - ايدىڭ 8 - كۇنى بەيجيڭنەن بەرگەن حابارى)
