شينحۋا اگەنتتىگىنىڭ 4 - ايدىڭ 10 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى «شي جينپيڭ شىعارمالارىنان تاڭدامالىلاردىڭ» 1 - تومىن، 2 - تومىن ۇيرەنۋ جونىندە حابارلاندىرۋ تاراتتى. تولىق مازمۇنى تومەندەگىدەي:
«شي جينپيڭ شىعارمالارىنان تاڭدامالىلاردى» رەداكسيالاپ، باسپادان شىعارۋ − پارتيا ورتالىق كوميتەتى جاساعان كەلەلى ۇيعارىم. قازىر «شي جينپيڭ شىعارمالارىنان تاڭدامالىلاردىڭ» 1 - تومى، 2 - تومى باسپادان شىعىپ، تاراتىلدى، بۇل پارتيا مەن مەملەكەتتىڭ ساياسي ومىرىندەگى ءىرى ءىس.
«شي جينپيڭ شىعارمالارىنان تاڭدامالىلارعا» باس شۋجي شي جينپيڭنىڭ 2012 - جىلى 11 - ايدان 2022 - جىلى 10 - ايعا دەيىنگى مەزگىلدەگى ماڭىزدى شىعارمالارى ەنگىزىلگەن. وسى ماڭىزدى شىعارمالاردا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ۇلى كۇرەس جۇرگىزىپ، ۇلى ينجەنەريا اتقارىپ، ۇلى ىستەردى ىلگەرىلەتىپ، ۇلى ارماندى جۇزەگە اسىرىپ، پارتيا مەن مەملەكەت ىستەرىندە تاريحي جەتىستىكتەرگە قول جەتكىزۋدى، تاريحي وزگەرىستەردىڭ جارىققا شىعۋىن ىلگەرىلەتىپ، جۇڭگوشا سوتسياليزمنىڭ جاڭا ءداۋىرىن اشقان تاريحي ءۇردىسى جاندى ەستەلىككە الىنىپ، پارتيامىزدىڭ حالىققا باسشىلىق ەتىپ، جاپپاي دوڭگەلەك داۋلەتتى قوعامدى ۋاعىندا ورناتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن ىلگەرىلەتكەن قۇندى تاجىريبەلەرى عىلمي قورىتىندىلانىپ، پارتيامىزدىڭ ماركسيزمنىڭ نەگىزگى قاعيدالارىن جۇڭگونىڭ ناقتى ءىس جۇزىندىگىمەن ۇشتاستىرۋعا، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋعا تاباندى بولىپ، ماركسيزمنىڭ جۇڭگوشالانۋىن، زامانالانۋىن ىلگەرىلەتۋدە قول جەتكىزگەن كەلەلى نازاريالىق جاسامپاز جەتىستىكتەرى شوعىرلى بەينەلەنگەن، بۇكىل پارتيانىڭ، بۇكىل ەلدەگى ءار ۇلت حالقىنىڭ شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋدەگى، دايەكتىلەندىرۋدەگى بەدەلدى وقۋلىعى بولىپ تابىلادى. «شي جينپيڭ شىعارمالارىنان تاڭدامالىلاردى» مۇقيات ۇيرەنۋ بۇكىل پارتيانىڭ، بۇكىل ەلدەگى ءار ۇلت حالقىنىڭ ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، سانالىلىقپەن يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، جاڭا داۋىردەگى جۇڭگوشا سوتسياليزم ىستەرىن قۇلشىنا العا ىلگەرىلەتۋى جونىنەن توتەنشە كەلەلى ماڭىز الادى.
باس شۋجي شي جينپيڭ − شي جينپيڭ جاڭا ءداۋىر جۇڭگوشا سوتسياليزم يدەياسىنىڭ باستى جاراتۋشىسى. بۇكىل پارتيانىڭ، بۇكىل ەلدەگى ءار ۇلت حالقىنىڭ جۇڭگوشا سوتسياليزمگە تاباندى بولۋىنا جانە ونى دامىتۋىنا باسشىلىق ەتۋ ۇلى امالياتىندا، باس شۋجي شي جينپيڭ ماركسيزمدىك ساياساتكەرگە، ويشىلعا، ستراتەگكە ءتان تاريحي ىرىقتىلىق رۋحى، وزگەشە نازاريالىق باتىلدىعى، ەرەن ساياسي اقىل - پاراساتى، كۇشتى بورىش ارقالاۋى ارقىلى جاڭا داۋىردەگى پارتيا مەن مەملەكەت ىستەرىنىڭ دامۋىنا ساياتىن ءبىر قىدىرۋ كەلەلى نازاريالىق جانە امالياتتىق ماسەلەلەرگە تەرەڭ وي جۇگىرتىپ جانە عىلمي تۇجىرىم جاساپ، ءبىر قىدىرۋ ءتول جاسامپازدىق سيپاتتى جاڭا ۇستانىمداردى، جاڭا يدەيالاردى، جاڭا ستراتەگيالاردى العا قويىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جاراتىلۋى مەن دامۋى ءۇشىن شەشۋشى رول اتقارىپ، شەشۋشى ۇلەس قوستى.
«شي جينپيڭ شىعارمالارىنان تاڭدامالىلاردى» ۇيرەنۋدە حالىقارالىق، ەل ءىشى جاعدايىنىڭ دامۋىمەن، وزگەرىسىمەن تىعىز بايلانىستىرىپ، جاڭا ءداۋىردىڭ جاڭا جورىعىندا پارتيانىڭ بورىشىن، مىندەتىن جۇزەگە اسىرۋدى كوزدەپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن يدەيانى بىرلىككە كەلتىرۋ، ەرىك - جىگەردى بىرلىككە كەلتىرۋ، ارەكەتتى بىرلىككە كەلتىرۋ سانالىلىعىن جانە تاباندىلىعىن كۇشەيتىپ، وي - سانانى قارۋلاندىرۋعا، امالياتقا جەتەكشىلىك ەتۋگە، قىزمەتتەردى ىلگەرىلەتۋگە كۇش سالۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىنىڭ زامانىمىزداعى جۇڭگو ماركسيزمى، 21 - عاسىر ماركسيزمى ەكەندىگىن، جۇڭحۋا مادەنيەتى مەن جۇڭگو رۋحىنىڭ داۋىرلىك جاۋھارى ەكەندىگىن، ماركسيزمنىڭ جۇڭگوشالانۋىنىڭ، زامانالانۋىنىڭ تىڭ شارىقتاۋىن جۇزەگە اسىرعاندىعىن تەرەڭ ءتۇسىنىپ، وسى يدەيانىڭ ماركسيزم - لەنينيزمگە، ماۋ زىدۇڭ يدەياسىنا، دىڭ شياۋپيڭ نازارياسىنا، ”ۇشكە ۋاكىلدىك ەتۋ“ ماڭىزدى يدەياسىنا، عىلمي دامۋ كوزقاراسىنا مۇراگەرلىك ەتىپ جانە ولاردى دامىتىپ، شىت جاڭا نازارمەن كوممۋنيستىك پارتيانىڭ بيلىك جۇرگىزۋ زاڭدىلىعى، سوتسياليستىك قۇرىلىس زاڭدىلىعى، ادامزات قوعامىنىڭ دامۋ زاڭدىلىعى جونىندەگى تانىمدى تەرەڭدەتىپ، ماركسيزمنىڭ جۇڭگوشالانۋىنىڭ، زامانالانۋىنىڭ تىڭ ءورىسىن اشقاندىعىن تولىق تانۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىنىڭ كەلەلى ءمانىن تەرەڭ ءتۇسىنىپ، وسى يدەيانىڭ ماركسيزمدى بايىتۋعا، دامىتۋعا ءتول جاسامپازدىق سيپاتتى ۇلەس قوسىپ، جۇڭحۋانىڭ تاڭداۋلى ءداستۇرلى مادەنيەتىن جالعاستىرۋعا، دامىتۋعا تاريحي سيپاتتى ۇلەس قوسىپ، ادامزات وركەنيەتىنىڭ العا باسۋىن ىلگەرىلەتۋگە دۇنيە جۇزىلىك سيپاتتى ۇلەس قوسقاندىعىن تولىق تانۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىنىڭ نەگىزگى مازمۇنىن تەرەڭ ءتۇسىنىپ، وسى يدەيانىڭ دۇنيەگە كوزقاراسىن، ادىستەمەسىن جانە وعان سىڭىرىلگەن تۇرعىنى، كوزقاراستى، ءادىستى جاپپاي يگەرىپ، وسى يدەيانىڭ ماركسيزمدىك فيلوسوفيانى، ماركسيزمدىك ساياسي ەكونوميانى، عىلمي سوتسياليزمدى ساباقتاستىرعان، تاريحتى، قازىرگىنى، بولاشاقتى ساباقتاستىرعان، رەفورما، دامۋ، ورنىقتىلىق، ىشكى ىستەر، ديپلوماتيا، مەملەكەت قورعانىسى، پارتيانى باسقارۋ، مەملەكەتتى باسقارۋ، ارميانى باسقارۋ سياقتى سالالاردى ساباقتاستىرعان، لوگيكاسى بەرىك، مازمۇنى باي، جۇيەلى دە جان - جاقتى، دارقان دا شۇرايلى عىلمي جۇيە ەكەندىگىن تولىق تانۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىنىڭ اقيقاتتىق كۇش - قۋاتى مەن امالياتتىق ۇلى كۇشىن تەرەڭ ءتۇسىنىپ، وسى يدەيانىڭ جاڭا داۋىردەگى ۇلى امالياتتى ىلگەرىلەتەتىن، جاڭا داۋىردەگى ۇلى وزگەرىسكە باستاماشىلدىق ەتەتىن قۇدىرەتتى يدەيالىق قارۋ ەكەندىگىن، جاپپاي سوتسياليستىك وسىزاماندانعان قۇدىرەتتى مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋ ءۇشىن عىلمي نازاريالىق جەتەكشىلىك ازىرلەگەندىگىن تولىق تانۋ كەرەك.
«شي جينپيڭ شىعارمالارىنان تاڭدامالىلاردى» ۇيرەنۋدە، ءسوز جوق، نازاريانى امالياتپەن بايلانىستىرۋ سىندى ماركسيزمدىك ۇيرەنۋ ستيلىن زور كۇشپەن اسقاقتاتىپ، ۇيرەنۋدى، وي جۇگىرتۋدى، قولدانۋدى ساباقتاستىرۋدى، تانىمدى، سەنىمدى، ارەكەتتى بىرلىككە كەلتىرۋدى ورىنداۋ كەرەك. ماسەلەنى باعدار ەتۋدى، امالياتتى باعدار ەتۋدى، سۇرانىستى باعدار ەتۋدى كۇشەيتىپ، قىزمەت امالياتىمەن جانە يدەيا امالياتىمەن تىعىز بايلانىستىرىپ، شىن مانىندە ۇيرەنۋ ونىمدىلىگىن مۇراتتى بەكەمدەۋدەگى، پارتيالىلىقتى شىڭداۋداعى وسكەلەڭ سانالىلىققا اينالدىرۋ، تيەسىلى قىزمەتتى ويداعىداي ىستەۋدىڭ، ىستەردىڭ دامۋىن ىلگەرىلەتۋدىڭ جاندى امالياتىنا اينالدىرۋ كەرەك.
«شي جينپيڭ شىعارمالارىنان تاڭدامالىلاردى» ۇيرەنۋ − شي جينپيڭ جاڭا ءداۋىر جۇڭگوشا سوتسياليزم يدەياسىمەن زەيىن - زەردەنى ۇيىستىرىپ، رۋحتى سومداۋداعى كەلەلى ساياسي مىندەت. ءار دارەجەلى پارتكومدار (پارتيا باسشىلىق گرۋپپالارى) «شي جينپيڭ شىعارمالارىنان تاڭدامالىلاردى» ۇيرەنۋدى ماڭىزدى ورىنعا قويىپ، پارتيا 20 - قۇرىلتايىنىڭ رۋحىن ۇيرەنۋمەن، دايەكتىلەندىرۋمەن تىعىز ۇشتاستىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ورىستەتۋمەن ۇشتاستىرىپ، پارتيا مۇشەلەرىن، كادرلاردى قاز - قالپىندا ۇيرەنىپ، مۇقيات ءتۇسىنىپ، ءسوزدى ءتۇسىنىپ، ونان دا ماڭىزدىسى، ءمانىن ۇعىنۋدى، سولاي ەكەنىن ءبىلىپ، ونان دا ماڭىزدىسى، نە ءۇشىن سولاي ەكەنىن ۇعىنۋدى ورىنداۋعا ۇيىمداستىرۋى كەرەك. ءار دارەجەلى پارتكومداردىڭ (پارتيا باسشىلىق گرۋپپاسى) نازاريا ۇيرەنۋ وزەكتى گرۋپپاسى «شي جينپيڭ شىعارمالارىنان تاڭدامالىلاردى» ۇيرەنۋدى ۇيرەنۋ جوسپارىنا ەنگىزىپ، تەرەڭدەي ۇيرەنىپ، ەگجەي - تەگجەيلى ۇعىنىپ، شىنايى اتقارىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتۋى كەرەك. ءار دارەجەلى پارتيا مەكتەپتەرى (اكىمشىلىك شۋەيۋانى)، كادرلار شۋەيۋاندارى «شي جينپيڭ شىعارمالارىنان تاڭدامالىلاردى» ۇيرەنۋدى تاربيەنىڭ، وقىتۋدىڭ ماڭىزدى مازمۇنىنا ەنگىزىپ، زەرتتەۋ - تالقى كۋرستارىن، تاربيەلەۋ كۋرستارىن، ۇيرەنۋ كۋرستارىن وتكىزىپ، ۇيرەنۋدىڭ كوپ فورمالى، كوپ ساتىلى، جاپپاي قامتىپ ورىستەتىلۋىن ىلگەرىلەتۋى كەرەك. ءارقايسى جوعارى مەكتەپتەر «شي جينپيڭ شىعارمالارىنان تاڭدامالىلاردى» وقىتۋشى - وقۋشىلاردىڭ نازاريا ۇيرەنۋ وقۋلىعى ەتىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ وقۋلىققا ەنۋىن، ساباقحاناعا كىرۋىن، وي - ساناعا ۇيالاۋىن اناعۇرلىم ويداعىداي ىلگەرىلەتۋى كەرەك. ءار دارەجەلى پارتكومداردىڭ ۇگىت تاراۋلارى، ۇيىمداستىرۋ تاراۋلارى ۇيرەنۋگە جەتەكشىلىكتى جانە قۋزاۋ - تەكسەرۋدى كۇشەيتىپ، ۇگىتتەۋدى، حابارلاۋدى ويداعىداي ىستەپ، ۇگىت لەكسيانى، ۇگىتتەۋ - تانىستىرۋدى ويداعىداي ۇيىمداستىرىپ، ۇيرەنۋدى ۇزدىكسىز تەرەڭدەتۋى كەرەك.
بۇكىل پارتيا، بۇكىل ەلدەگى ءار ۇلت حالقى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، پارتيا قۇرۋ ۇلى رۋحىن اسقاقتاتىپ، ”ءۇش، ءسوز جوقتى“ ەستە بەرىك ساقتاپ، وزىنە سەنىپ، ءوزىن الۋەتتەندىرىپ، تۋراشىلدىقتان اينىماي، جاڭالىق اشىپ، اسقاق جىگەرمەن العا ۇمتىلىپ، ەرلىكپەن العا ىلگەرىلەپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ءۇشىن ىنتىماقتاسا كۇرەس جاساۋى كەرەك!
