ٴتىلشىنىڭ 4 - ايدىڭ 10 - كۇنى جۇڭگو عارىش عىلىم - تەحنيكا توبىنان ۇعىسۋىنشا، ەلىمىزدەگى العاشقى جاڭا ۇرپاق ادام الىپ ۇشاتىن تاسىمالداۋشى راكاتانىڭ 8 ولشەمدى قىسىم ساقتاۋىش اسپابى تاياۋدا سۋىتقىش سوققى سىناعى جانە 1.4 مەگاپاسكال سۇيىقتىق قىسىمى سىناعىنان ٴساتتى وتكەن، بۇل وسى توپتىڭ 1 - اكادەمياسى 211 زاۆودىنىڭ 8 ولشەمدى قىسىم ساقتاۋىشتى زەرتتەپ جاساۋداعى ءتۇيىندى تەحنيكادا ەلەۋلى، كەزەڭدىك ناتيجەگە قول جەتكىزگەندىگىن ايگىلەدى.
ەلىمىزدىڭ جاڭا ۇرپاق ادام الىپ ۇشاتىن تاسىمال راكەتاسىنىڭ 1 - ساتىسى 5 مەترلىك راكەتا ديامەترىنىڭ ىشىنە 7 موتور ورناتادى. 8 ولشەمدى قىسىم ساقتاۋىش − جاڭا ۇرپاق ادام الىپ ۇشاتىن تاسىمال راكەتاسىنىڭ امبەباپ وزەگى 1 - دارەجەلى وتتەگىن جەتكىزۋ جۇيەسىنىڭ شەشۋشى بولشەگى، قۇرىلىمى جاڭا، ديامەترى ۇلكەن، دانەكەرلەنگەن ساڭلاۋى تىعىز، ناشار جاعدايدا اسكەري مىندەت وتەي الاتىن بولىپ، ەلىمىزدىڭ تاسىمال راكەتاسىندا تۇڭعىش رەت پايدالانىلدى.
ەكى جىل بارىسىندا، 1 - اكادەمياداعى 211 زاۆودى مەن 1 - اكادەميانىڭ 1 - ٴبولىمى 2 - كەڭسەسى وسى ٴونىمنىڭ قۇرىلىمى مەن جالپى تۇلعالىق زەرتتەپ جاساۋ تەحنيكالىق جوباسىن جۇيەلى تۇردە ساپالىلاندىرۋ، دالەلدەۋگە كۇش سالىپ، جوعارىلاپ، تومەندەيتىن شارعا سۇيىقتىق تولتىرىپ سوزىلۋ جاعدايىن قالىپتاستىرۋ، ارالاستىرۋ ۇيكەلىسىمەن دانەكەرلەۋ، ەلەكترون شوعىرىمەن دانەكەرلەۋ، تىرەۋسىز اسپالى دانەكەرلەۋ سياقتىلاردى نەگىز ەتكەن وزىق اۆتوماتتى جاساۋ تەحنيكاسىن جالپى بەتتىك قولدانىپ، ٴونىمنىڭ جالپى تۇلعالىق دانەكەرلەۋ ساپاسى مەن قۋاتىن زور دارەجەدە جوعارىلاتتى.
