جۋىردا ليشۇي شينجياڭعا كومەكتەسۋ قولباسشىلىق شتابى كاسىپ سالاسى بويىنشا ساۋداگەر شاقىرۋ گرۋپپاسىنىڭ دانەكەرلىگىمەن، جىجياڭ ولكەسىندەگى 7 مەيىرلى كاسىپورىن توقسۋ اۋدانى وگەن اۋىلدىق باستاۋىش مەكتەبىندە مەيىر جەتكىزۋ ارقىلى وقۋعا كومەكتەسۋ قيمىلىن ورىستەتتى، وتباسىندا ەكونوميكالىق قيىنشىلىعى بار ءمورالدى، وقۋعا ىنتالى 10 وقۋشى كومەككە يە بولدى.
قيمىلدىڭ ناق مايدانىندا كومەككە يە بولعان وقۋشىلار كەزەك بويىنشا وزدەرىن تانىستىردى، ءارى مەيىرلى كاسىپورىنشىلارعا قىزىل گالستۋك تاعىپ، شينجياڭنىڭ ەرەكشە ەستەلىك بۇيىمدارىن ۇسىندى. ءارقايسى مەيىرلى كاسىپورىنشىلار كومەككە يە بولعان وقۋشىلارعا وقۋ كومەك قاراجاتىن بەرىپ، سومكا ۇسىندى. سونىمەن قاتار مەكتەپكە ۇستەل دوپ، باسكەتبول سياقتى دەنە تاربيە بۇيىمدارىن اتادى.
مەيىرلى كاسىپورىنشىلاردىڭ ۋاكىلى كۋاڭ شياۋلين بىلاي دەدى: ”شينجياڭعا كومەكتەسكەن كادرلار ارقىلى توقسۋ اۋدانىنداعى ءىشىنارا وقۋشىلاردىڭ وتباسىندا قيىنشىلىق بار ەكەنىن ۇعىستىق، سونىمەن ولارعا كومەكتەسىپ ولاردىڭ قيىنشىلىقتارىن ەڭسەرۋىنە مۇمكىندىك جاساۋدى ويلاستىردىق“.
جىجياڭ ولكەسىندەگى 7 مەيىرلى كاسىپورىننىڭ ۇزاق جول باسىپ شينجياڭنىڭ توقسۋ اۋدانىنا كەلىپ، قيىنشىلىعى بار وقۋشىلارعا قول ۇشىن بەرۋى ليشۇي حالقىنىڭ توقسۋدىڭ وقۋ - اعارتۋ ىستەرىن دامىتۋعا دەگەن قولداۋىن تولىق بەينەلەيدى. كومەككە يە بولعان وقۋشىلاردىڭ تاماشا ۋاقىتتى قاستەرلەپ، اسقاق ارمان ورناتىپ، ارمانشىل، مۇراتشىل، وقۋعا شوگەل، ءۇمىتشىل جاقسى وقۋشى بولۋعا ۇمتىلۋىنا جەبەۋشى بولىپ، شابىت بەرەتىن بولادى.
شينجياڭعا كومەكتەسۋ قىزمەتى ورىستەتىلگەلى جىجياڭ ولكەسى ليشۇي قالاسى اقىل - پاراسات جاعىنان شينجياڭعا كومەكتەسۋدە جۇڭحۋا ۇلتىنىڭ وقۋعا كومەكتەسۋگە باسا ءمان بەرەتىن ءداستۇرلى تاماشا ءمورالىن بار كۇشپەن ساۋلەلەندىرىپ، بايلىقتارعا بەلسەنە قول جەتكىزىپ، شارت - جاعداي جاراتىپ، ليشۇي حالقىنىڭ جۇرەك قالاۋى ارقىلى توقسۋداعى وتباسىندا قيىنشىلىعى بار وقۋشىلاردىڭ ارمان - تىلەگىنىڭ الاۋىن جارقىراتىپ، توقسۋ وقۋ - اعارتۋىنىڭ اناعۇرلىم مەيىرلى بولۋىنا مۇمكىندىك جاراتتى. (توقسۋ اۋداندىق توعىسپالى مەديا ورتالىعىنىڭ ەرىكتى ءتىلشىسى ۋ ۋيجۇن)
