□ گازەتىمىزدىڭ شولۋشىسى
4 - ايدىڭ 11 - كۇنى اشىلعان بۇكىل رايوننىڭ جوعارى ساپالى دامۋ (شىعىس شينجياڭ اۋماعى) جۇمىس باسى ءماجىلىسى جۇيە كوزقاراسىنا تاباندى بولىپ، ماسەلەنى باعدار ەتۋدەن جازباي، ىشكەرىلەي تەكسەرۋ - زەرتتەۋ ورىستەتىپ، كوپتىڭ پاراساتىن ساۋلەلەندىرىپ، كوپ بولىپ كۇش سالىپ، شىعىس شينجياڭ اۋماعىنىڭ جوعارى ساپالى دامۋىندا ورىن تەۋىپ وتىرعان كورنەكتى ماسەلەلەر مەن كىلتەڭ شەكتەمەلەردى شەشىپ، بايلىق باسىمدىعى مەن وڭىرلىك ورىن ارتىقشىلىعىن تياناق ەتىپ، شىعىس شينجياڭنىڭ جوعارى ساپالى دامۋىن ىلگەرىلەتتى.
قۇمىل قالاسىنىڭ، تۇرپان قالاسىنىڭ، بايىنعولين موڭعۇل اۆتونوميالى وبلىسىنىڭ، بيڭتۋان 2 - شىسى تيەمىنگۋان قالاسىنىڭ، 13 - شى شينشيڭ قالاسىنىڭ ەنەرگيا بايلىعى مول، مەملەكەتتىڭ ”ءۇش بازا، ءبىر ارناسىنىڭ“ ماڭىزدى فۋنكتسيالىق تىرەك ءوڭىرى سانالادى. قازىر شىعىس شينجياڭ اۋماعى ەنەرگيا بايلىعىن اشىپ پايدالانۋدى ءتۇيىن ەتكەن وسىزاماندانعان كاسىپ سالاسى جۇيەسىن قالىپتاستىردى، جاڭا داۋىردەگى مەملەكەتتىڭ ”ءۇش بازا، ءبىر ارنا“ قۇرىلىسىنىڭ جاپپاي ىلگەرىلەتىلۋىنە ىلەسە، كاسىپ سالاسىنىڭ ورنالاسىمىن ونان ارى ساپالىلاندىرىپ، كاسىپ سالاسىنىڭ دەڭگەيىن كوتەرىپ، كاسىپ سالالارىن شوعىرلاندىرۋ جانە جەتەكشى كاسىپورىنداردى جەتەكتەۋ ونىمدىلىگىن تولىق ساۋلەلەندىرىپ، وسىزاماندانعان كاسىپ سالاسى دامۋىنىڭ ۇلگى كورسەتۋ، باستاۋ ءوڭىرىن كۇش سالا تۇلعالاۋ كەزەك كۇتتىرمەيدى. ستراتەگيالىق جانە جالپى جاعداي تۇرعىسىن نەگىزگە الىپ، مۇناي - تابيعي گازدى تەتىك ەتۋگە، كومىردى نەگىز ەتۋگە، جاڭا ەنەرگيانى بەتالىس ەتۋگە، كەن ونىمدەرى بايلىعىن ءتۇيىن ەتۋگە، سۋ بايلىعىن تىرەك ەتۋگە تاباندى بولىپ، بۇكىل رايوننىڭ ەنەرگيا بايلىعى كاسىپ سالاسى دامۋىنىڭ كەلەلى جاعدايىمەن بەلسەنە توعىسىپ، شينجياڭنىڭ مەملەكەتتىڭ ەنەرگيا بايلىعى ستراتەگيالىق قامتاماسىزداندىرۋ بازاسىن جەدەل تۇلعالاۋىن ىلگەرىلەتىپ، مەملەكەتتىڭ ەنەرگيا بايلىعى حاۋىپسىزدىگىن قامتاماسىز ەتۋگە اناعۇرلىم ويداعىداي قىزمەت ەتۋ كەرەك.
شىعىس شينجياڭ اۋماعى شينجياڭنان ەل ىشىندەگى باسقا ولكە - رايوندارعا قاتىناۋداعى ماڭىزدى ارنا، ”باتىستان ەنگىزىپ، شىعىستان اكەلۋ“، ”شىعىسپەن بىرلەسىپ باتىسقا شىعارۋ“ وڭىرلىك ورىن باسىمدىعى كورنەكتى، ”تابيعي گازدى باتىستان شىعىسقا جەتكىزۋ“، ”شينجياڭنىڭ كومىرىن سىرتقا تاسىمالداۋ“، ”شينجياڭنىڭ ەلەكترىن سىرتقا جەتكىزۋ“ سياقتى قۇبىر، جەلى، لەنيا، جولدار تۇگەلدەي وسى اۋماقتان شىعىسقا اپارىلادى، لانجوۋ − شينجياڭ جوعارى جىلدامدىقتى تەمىر جولى، G30 ليانيۇنگاڭ − قورعاس جوعارى جىلدامدىقتى تاس جولى، G7 بەيجيڭ − شينجياڭ جوعارى جىلدامدىقتى تاس جولى، يەتىمبۇلاق − چارقىلىق جوعارى جىلدامدىقتى تاس جولى سياقتى ماڭىزدى جول تورى كۇرە تامىرلارى كەسىپ وتەدى، وزگەشە ءارى ماڭىزدى وڭىرلىك ورىن شارت - جاعدايى بار. ”ءبىر بەلدەۋ، ءبىر جولدى“ بىرگە قۇرۋ، بۇكىل ەلدە ءبىر تۇتاس ءىرى بازار قۇرۋ سياقتى كەلەلى شارالاردىڭ، كەلەلى ورنالاستىرۋلاردىڭ ىشكەرىلەي ىلگەرىلەتىلۋىنە ىلەسە، ”شينجياڭعا كىرىپ - شىعۋدى تەزدەتۋ“ نىساناسىن ارقاۋ ەتىپ، سىرتقا ىركىلىسسىز، ىشپەن تۇتاسقان، قولايلى، جوعارى ءونىمدى تاسىمال ارناسىن جىلدام قۇرۋ توتەنشە قاجەت بولىپ وتىر. قاتىناس نەگىزدىك قۇرىلعىلارى قۇرىلىسىن جەدەلدەتىپ، ارنانىڭ تۇتاسۋ ورەسىن ۇزدىكسىز جوعارىلاتىپ، قۇرلىقتاعى ەنەرگيا ۇلكەن ارناسى قۇرىلىسىن جاپپاي جەدەلدەتىپ، مۇناي - تابيعي گاز، كومىر، ەلەكتردى سىرتقا جونەلتۋ قابىلەتىن زور كولەمدە جوعارىلاتىپ، وسى زامانعى زات اينالىمى جۇيەسى قۇرىلىسىن ءبىر تۇتاس جوسپارلاپ ىلگەرىلەتىپ، زات اينالىمى تاسىمال ونىمدىلىگىن جوعارىلاتىپ، سايكەستى بىرلەسىپ قيمىلداۋ مەحانيزمىن ورناتىپ، توڭىرەكتەگى ولكە - رايوندارمەن بايلانىسۋدى، ءتۇيىلىسۋدى ۇزدىكسىز كۇشەيتۋ كەرەك. وڭىرلىك ورىن باسىمدىعى مەن توراپتىق رولدى ساۋلەلەندىرىپ، جالپىلىق ستەرەولدى نەگىزدىك قۇرىلعىلار تورىن جەدەل قالىپتاستىرىپ، ازيا − ەۆروپا التىن ارناسىنىڭ جوعارى ءونىمدى، ىركىلىسسىز بولۋىن قامتاماسىزداندىرۋ كەرەك، بۇل شىعىس شينجياڭنىڭ جەدەل دامۋىنىڭ كەلەلى ورايى، سونداي - اي شينجياڭنىڭ جوعارى ساپالى دامۋىنىڭ ىشكى تالابى.
جوعارى ساپالى دامۋ − جاپپاي سوتسياليستىك وسىزاماندانعان مەملەكەت قۇرۋدىڭ ماڭداي الدى مىندەتى، جوعارى ساپالى دامۋدى ىلگەرىلەتۋدىڭ شارپيتىن اۋماعى كەڭ، بايلانىسۋ دارەجەسى جوعارى، كاسىپتىك سيپاتى كۇشتى، ساياسيدا ىسىلعان، جاڭا ءداۋىردىڭ تالابىنا ۇيلەسەتىن، وسىزامانداندىرۋ قۇرىلىسىنا باسشىلىق ەتۋ قابىلەتىن ازىرلەگەن جوعارى ساپالى مامانداندىرىلعان ءار ۇلت كادرلار قوسىنىن قاجەت ەتەدى. شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ورىستەتۋدى وراي ەتىپ، ءار دارەجەلى پارتيا مۇشەلەرىن، كادرلاردى شي جينپيڭ جاڭا ءداۋىر جۇڭگوشا سوتسياليزم يدەياسىنىڭ نەگىزگى كوزقاراسىن، عىلمي جۇيەسىن جۇيەلى ۇيرەنىپ، وسى يدەيانىڭ دۇنيەگە كوزقاراسىن، ادىستەمەسىن جانە وندا قامتىلعان تۇرعىنى، كوزقاراستى، ءادىستى جاپپاي يگەرىپ، يدەيانىڭ ۇلى كۇشىن شىن مانىندە امالياتقا جەتەكشىلىك ەتەتىن، قىزمەتتەردى ىلگەرىلەتەتىن پارمەندى قوزعاۋشى كۇشكە اينالدىرىپ، جوعارى ساپالى دامۋدى ىلگەرىلەتۋدىڭ قابىلەتىن، ورەسىن جاپپاي جوعارىلاتۋعا تاربيەلەۋ، باستاۋ كەرەك. قابىلەت داعدارىسىن جەڭىپ، رەفورما جاساۋدى، جاڭالىق اشۋدى تەرەڭدەتىپ، دامۋ مەن حاۋىپسىزدىكتى ءبىر تۇتاس جوسپارلاپ، تاڭداۋلى ستيلدى اسقاقتاتىپ، ەكونوميكانىڭ، قوعامنىڭ جوعارى ساپالى دامۋىن ءىس جۇزىندىك ارەكەتپەن ىلگەرىلەتۋ كەرەك.
ءبىز جوعارى ساپالى دامۋدىڭ نەگىزگى تاقىرىبىمەن تىعىز بايلانىستىرىپ، بۇكىل شينجياڭ ”ءبىر تۇتاس جۇيە“ يدەياسىن ورناتىپ، وسىزامانداندىرۋ قۇرىلىسىنداعى ورنىن ءدال تاۋىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىنا قىزمەت وتەپ جانە ونىمەن توعىسىپ، شىنايى يگەرىپ ناقتى ىستەپ، شىندىققا جۇگىنىپ ناقتى ءىس تىندىرىپ، شىعىس شينجياڭنىڭ جوعارى ساپالى دامۋىنىڭ جاڭا تاراۋىن ۇزدىكسىز جازۋىمىز كەرەك.
