سوڭعى جىلدارى ۋحان ەمدەۋ ارقىلى شينجياڭعا كومەكتەسۋ قىزمەت تاسىلىندە ۇزدىكسىز جاڭالىق اشىپ، ٴتۇرلى اقىسىز دياگنوز قويۋ جانە باۋلۋ قيمىلدارىن ورىستەتىپ، بۇراتالا موڭعۇل اۆتونوميالى وبلىسى بۇراتالا قالاسىنىڭ دەنساۋلىق ساقتاۋ، سالاماتتىق ىستەرىنىڭ دامۋىنا دەم بەردى. تاياۋدا ۋحان قالالىق رۋحاني سالاماتتىق ورتالىعىنىڭ ورىنباسار باستىعى جوۋ جياڭ 3 رۋحاني دەنساۋلىق ساقتاۋ مامانىن باستاپ بۇراتالا قالالىق حالىق شيپاحاناسىنا كەلىپ، دياگنوز قويۋ جانە رۋحاني سالاماتتىققا قىزمەت وتەۋدى باسقارۋ ارناۋلى تاربيەلەۋ قيمىلىن ورىستەتىپ، بۇراتالا قالالىق حالىق شيپاحاناسىنىڭ رۋحاني سالاماتتىقا قىزمەت وتەۋ دەڭگەيىن اناعۇرلىم جوعارىلاتتى.
ۋحان قالالىق رۋحاني سالاماتتىق ورتالىعىنىڭ ماماندارى ناۋقاستاردان سۇراۋ سۇراپ تەكسەرۋ جۇرگىزۋدە. سۋرەتتى جۋ چيڭجيە تۇسىرگەن
بۇراتالا قالالىق حالىق شيپاحاناسىنىڭ امبۋلاتوريا ارناۋلى بولىمىندە ۋحان قالالىق رۋحاني سالاماتتىق ورتالىعىنىڭ 3 مامانى دياگنوز قويۋ قيمىلىن ورىستەتىپ، ٴار ۇلت بۇقاراسىن ساپالى رۋحاني پسيحيكالىق ەمدەۋ قىزمەت وتەۋىمەن قامدادى. ۋحان قالاسىنىڭ رۋحاني سالاماتتىق ماماندارىنىڭ ناۋقاس كورگەلى كەلگەندىگىن ەستىپ، كەي ناۋقاستار ارنايى اقىل كەڭەس الۋعا كەلدى، ماماندار ناۋقاستىڭ اۋرۋ جاعدايى، ٴدارى ٴىشۋ جاعدايى سياقتىلاردى سابىرلىلىقپەن سۇراپ، ناۋقاستارعا پسيحيكالىق جاقتان جەتەكشىلىك ەتىپ، ٴدارىنى تەڭشەپ ىستەتۋدى ٴارى وتباسىنداعىلارعا ناۋقاستى ۋاعىندا اكەلىپ قايتالاي دياگنوز قويعىزۋدى، ۋاعىندا ٴدارى ٴىشۋدى، اۋرۋدىڭ قايتالانۋىنىڭ الدىن الۋدى، مەيىرگە تولى، باقىتتى، جاراسىمدى تۇرمىس ورتاسىن جاراتۋدى تاپسىردى.
ۋحان قالاسى رۋحاني سالاماتتىق ورتالىعىنىڭ ماماندارى عىلمي لەكسيا جاساۋدا. سۋرەتتى جۋ چيڭجيە تۇسىرگەن
شيپاحانا جانە ەمدەۋ ورتاق تۇلعاسى ورىندارىنىڭ رۋحاني سالاماتتىقا قىزمەت وتەۋ قابىلەتى مەن باسقارۋ ورەسىن جوعارىلاتۋ ٴۇشىن، بۇراتالا قالالىق حالىق شيپاحاناسى رۋحاني سالاماتتىق قىزمەت وتەۋىن باسقارۋ ارناۋلى كۋرسىن وتكىزىپ، ۋحان قالالىق رۋحاني سالاماتتىق ورتالىعىنىڭ ماماندارى جوۋ جياڭ، ليۋ شيۋجۇن، جياۋ شۋفىندى ساباق وتۋگە ۇسىنىس ەتتى، مازمۇنى رۋحاني سالاماتتىق قۇرىلىمدارىن باسقارۋ، اۋىر رۋحاني كەدەرگىگە شالدىققانداردى جان-جاقتىلى باسقارۋ، رۋحاني اۋرۋلاردى كۇتىمدەۋ حاۋىپ - قاتەرىن باسقارۋ سياقتىلاردى قامتيدى. ساباق ٴوتۋ مازمۇنىنىڭ شارپيتىن كولەمى كەڭ، مازمۇنى ەگجەي ـ تەگجەيلى بولىپ، قىزمەت وي جەلىسىن كەڭەيتۋدى، ٴبىلىم دەڭگەيىن بايىتۋدى، قىزمەت قابىلەتىن جوعارىلاتۋدى نىسانا ەتىپ، بۇراتالا قالاسىنىڭ رۋحاني سالاماتتىق قىزمەتكەرلەرىنىڭ تەحنيكاسى مەن باسقارۋ دەڭگەيىن اناعۇرلىم جوعارىلاتتى. (ەرىكتى ٴتىلشى جۋ چيڭجيە)
