شي جينپيڭ وڭتۇستىك بولىك سوعىس رايونى تەڭىز ارمياسىن كوزدەن كەشىرگەندە بىلاي دەپ باسا دارىپتەدى
اسكەري جاتتىعۋدى، سوعىس دايىندىعىن تەرەڭدەتىپ، تيپ وزگەرتۋ قۇرىلىسىن جەدەلدەتىپ، اسكەري ءبولىمنىڭ وسىزاماندانۋ دەڭگەيىن جاپپاي جوعارىلاتۋ كەرەك
4 - ايدىڭ 11 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ وڭتۇستىك بولىك سوعىس رايونىنا بارىپ، تەڭىز ارمياسىن كوزدەن كەشىرىپ، تەكسەرۋ - زەرتتەۋ جۇرگىزدى. سۋرەتتە: شي جينپيڭ وڭتۇستىك بولىك سوعىس رايونى تەڭىز ارمياسىنىڭ قاتىستى قىزمەت مالىمەتىن تىڭداعاننان كەيىن ماڭىزدى ءسوز سويلەۋدە.
□ سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن
4 - ايدىڭ 11 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ وڭتۇستىك بولىك سوعىس رايونىنا بارىپ، تەڭىز ارمياسىن كوزدەن كەشىرىپ، تەكسەرۋ - زەرتتەۋ جۇرگىزدى. سۋرەتتە: شي جينپيڭ وڭتۇستىك بولىك سوعىس رايونى تەڭىز ارمياسىنىڭ كوماندير - جاۋىنگەرلەر ۋاكىلدەرىن ىستىق ىقىلاسپەن قابىلداۋدا.
□ سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن
شينحۋا اگەنتتىگىنىڭ 4 - ايدىڭ 12 - كۇنى جانجياڭنان بەرگەن حابارى (ءتىلشى مەي چاڭۋي). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 4 - ايدىڭ 11 - كۇنى وڭتۇستىك بولىك سوعىس رايونىنا بارىپ، تەڭىز ارمياسىن كوزدەن كەشىرىپ، تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: پارتيا 20 - قۇرىلتايىنىڭ رۋحىن مۇقيات دايەكتىلەندىرىپ، جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن دايەكتىلەندىرىپ، اسكەري جاتتىعۋدى، سوعىس دايىندىعىن تەرەڭدەتىپ، تيپ وزگەرتۋ قۇرىلىسىن جەدەلدەتىپ، اسكەري ءبولىمنىڭ وسىزاماندانۋ دەڭگەيىن جاپپاي جوعارىلاتىپ، پارتيا مەن حالىق جۇكتەگەن ءتۇرلى مىندەتتى بۇلجىتپاي ورىنداۋ كەرەك.
4 - ايداعى جانجياڭ وزەنىندە كوگىلدىر تولقىن شىمىرلاپ، كوكتەم لەبى ەسۋدە. تۇستەن بۇرىن ساعات 10 مولشەرىندە شي جينپيڭ وڭتۇستىك بولىك سوعىس رايونىنىڭ تەڭىز ارمياسى ورگانىنا باردى. قىزۋ قول شاپالاق ءۇنى ىشىندە شي جينپيڭ وڭتۇستىك بولىك سوعىس رايونىنداعى تەڭىز ارمياسى كوماندير - جاۋىنگەرلەرىنىڭ ۋاكىلدەرىن ىقىلاسپەن قابىلداپ، كوپشىلىكپەن بىرگە ەستەلىك سۋرەتكە ءتۇستى.
وسىدان كەيىن شي جينپيڭ وڭتۇستىك بولىك سوعىس رايونىنداعى تەڭىز ارمياسى قۇرىلىسىنىڭ جاعدايىن بەينەلەيتىن كوپ مەديالى فيلمدى كورىپ، قاتىستى قىزمەت مالىمەتىن تىڭدادى. شي جينپيڭ پارتيا 18 - قۇرىلتايىنان بەرگى وڭتۇستىك بولىك سوعىس رايونىنداعى تەڭىز ارمياسىنىڭ اسكەري ءبولىم قۇرىلىسى مەن مىندەتتى ورىنداۋ جاعدايىن تولىق تۇراقتاندىردى.
شي جينپيڭ بىلاي دەپ باسا دارىپتەدى: اسكەري ىستەر ماسەلەسىنە ساياسي دەڭگەيدەن وي جۇگىرتۋگە جانە ونى ءبىر جاقتى ەتۋگە تاباندى بولىپ، اسكەري ىستەر كۇرەسىن باتىل، يكەمدى ورىستەتىپ، كۇردەلى جاعدايلارعا دەر كەزىندە، ۇيلەسىمدى توتەپ بەرۋ قابىلەتىن جوعارىلاتىپ، ەلىمىزدىڭ تەرريتوريا يەلىك ۇقىعى مەن تەڭىز - مۇحيت ۇقىق - مۇددەسىن باتىل قورعاۋ، توڭىرەكتەگى كەلەلى جاعدايدىڭ ورنىقتىلىعىن قۇلشىنا قورعاۋ كەرەك.
شي جينپيڭ بىلاي دەپ اتاپ كورسەتتى: ناقتى سوعىستىق اسكەري ىستەر جاتتىعۋىن كۇشەيتىپ، سوعىس ارقىلى جاتتىعۋعا جەتەكشىلىك ەتۋگە تاباندى بولىپ، سوعىس جانە سوعىس جۇرگىزۋ ماسەلەلەرىن زەرتتەۋدى تەرەڭدەتىپ، سوعىس جۇرگىزۋ ۇعىمى مەن سوعىس ادىسىندە، جاتتىعۋ ادىسىندە جاڭالىق اشۋ كەرەك. ناقتىلانعان قارسىلاسۋ جاتتىعۋىن كۇشەيتىپ، ءتۇيىندى تاقىرىپتاعى ارناۋلى شابۋىل جاتتىعۋىن كورنەكتى تۇردە ويداعىداي يگەرىپ، جاتتىعۋ دەڭگەيى مەن ناقتى سوعىس قابىلەتىن جوعارىلاتۋ كەرەك.
شي جينپيڭ بىلاي دەپ باسا دارىپتەدى: جاڭاشا سوعىس جۇرگىزۋ كۇشتەرى مەن تاسىلدەرىن زور كۇشپەن دامىتىپ، جاڭا سيپاتتى جاۋىنگەرلىك قابىلەت قۇرىلىسىنىڭ ەرەكشەلىگىن، زاڭدىلىعىن يگەرىپ، جاڭا جابدىق، جاڭا كۇش جاعىندا ناقتى سوعىس قابىلەتىنىڭ جەدەل قالىپتاسۋىن ىلگەرىلەتۋ كەرەك. جۇيە قۇرىلىسىنا، جۇيەنى قولدانۋعا تاباندى بولىپ، ولقىلىقتاردى، ءالسىز تۇستاردى ىشكەرىلەي شەشىپ، سوعىس جۇرگىزۋ جۇيەسى دارەجەسىنىڭ تۇلعالىق جاقتان جوعارىلاتۋىن ىلگەرىلەتۋ كەرەك.
شي جينپيڭ بىلاي دەپ اتاپ كورسەتتى: اسكەري بولىمدە پارتيانىڭ باسشىلىعى مەن پارتيا قۇرىلىسىن كۇشەيتىپ، پارتيانى جاپپاي قاتاڭ باسقارۋدى، ارميانى جاپپاي قاتاڭ باسقارۋدى مىقتى يگەرۋ كەرەك. پارتيا 20 - قۇرىلتايىنىڭ رۋحىن ۇيرەنۋدى، دايەكتىلەندىرۋدى ىشكەرىلەي، ويداعىداي يگەرىپ، جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن دەن قويا ۇيىمداستىرىپ، اتقارىپ، ”ارميانى قۇدىرەتتەندىرۋ يدەياسىن ۇيرەنۋ، ارميانى قۇدىرەتتەندىرۋ ىسىنە ۇلەس قوسۋ“ تاربيەسىن امالياتتا ايگىلەۋ قيمىلىن ءبىر تۇتاس جوسپارلاپ، ويداعىداي يگەرىپ، مىزعىماس نيەتپەن پارتياعا ىلەسۋ يدەيالىق نەگىزىن بەكەمدەپ، ىنتىماقتاسا ەكپىندەي ىلگەرىلەيتىن رۋحاني كۇشتى تاسقىنداتۋ كەرەك. دارىندىلار قىزمەتىن جاپپاي كۇشەيتىپ، دارىندىلار قوسىنىن زورايتۋ كەرەك. ساياسي جاقتان رەتتەۋ - تاربيەلەۋدى ۇدايىلاندىرۋدى، تۇزىمدەندىرۋدى ىلگەرىلەتىپ، ستيلدى دۇرىستاپ، ءتارتىپتى قاتايتۋعا، شىرىكتەسۋگە قارسى تۇرۋعا مىزعىماي تاباندى بولۋ كەرەك. اسكەري بولىمدەردى تاربيەلەۋدى، باسقارۋدى كۇشەيتىپ، بوساڭسىماي تاباندىلىقپەن نەگىزگى ساتىنى يگەرىپ، نەگىز قالاپ، اسكەري ءبولىمنىڭ حاۋىپسىزدىگىنە، ورنىقتىلىعىنا شىنايى كەپىلدىك ەتۋ كەرەك. ءار دارەجەدەگىلەر، اسىرەسە، باسشى كادرلار تەكسەرۋ - زەرتتەۋدى بارىنشا ورىستەتىپ، اسكەري ءبولىم قۇرىلىسىنداعى كورنەكتى قايشىلىقتار مەن ماسەلەلەردى مۇقيات شەشىپ، بەلسەندى، ىرىقتى تۇردە كوماندير - جاۋىنگەرلەردى ۋايىمنان ارىلتىپ، ولاردىڭ قيىنشىلىعىن شەشىپ، قالىڭ كوماندير - جاۋىنگەرلەردى باستاپ وڭتۇستىك بولىك سوعىس رايونى تەڭىز ارمياسى قۇرىلىسىنىڭ جاڭا جاعدايىن ۇزدىكسىز اشۋى كەرەك.
جاڭ يوۋشيا قاتارلىلار قيمىلعا قاتىناستى.
