− نەگىزگى تاقىرىپتىق تاربيەنى وسكەلەڭ ساياسي سانالىلىقپەن تىڭعىلىقتى، ويداعىداي ورىستەتۋ جونىندە
□ گازەتىمىزدىڭ شولۋشىسى
”يدەيانى ۇيرەنۋ، پارتيالىلىقتى كۇشەيتۋ، امالياتقا ءمان بەرۋ، جاڭا ۇلەس قوسۋ“، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى قىزمەت ماجىلىسىندە باس شۋجي شي جينپيڭ نەگىزگى تاقىرىپتىق تاربيەنىڭ باس تالابىن ايقىن العا قويدى. وسى باس تالاپ ىقشام بولعانىمەن، ماعىناسى تەرەڭ، ءمانى زور، ايقىن داۋىرلىك سيپاتقا جانە ەرەكشە كۇشتى رەال جەتەكشىلىك سيپاتقا يە، نەگىزگى تاقىرىپتىق تاربيەنى تىڭعىلىقتى ورىستەتۋگە ماڭىزدى بويسۇنۋ ولشەمىن ازىرلەدى.
جالپى جاعدايدى مەڭگەرگەندە بەتالىستى تۇزەتۋگە، نەگىزدى مىقتى يگەرگەندە باسقالارىن جونگە سالۋعا بولادى. ”يدەيانى ۇيرەنۋ، پارتيالىلىقتى كۇشەيتۋ، امالياتقا ءمان بەرۋ، جاڭا ۇلەس قوسۋ“ نەگىزگى تاقىرىپتىق تاربيەنىڭ ءتۇرلى مىندەتتەرىن، ءارقايسى جاقتارىن قامتىعان، پارتيامىزدىڭ تانىم مەن امالياتتى ۇشتاستىرۋ، نازاريا مەن ءىس جۇزىندىكتى بايلانىستىرۋ، سۋبيەكتيۆ دۇنيەنى وزگەرتۋ مەن وبيەكتيۆ دۇنيەنى وزگەرتۋدى ءوزارا بىرلىككە كەلتىرۋ سىندى داعدىلى تالابىن بەينەلەگەن، تىعىز بايلانىسقان، ءوزارا ساباقتاستىرىلعان، ىشكى جاقتا بىرلىككە كەلگەن جالپى تۇلعا. وسى باس تالاپتى جالپى تۇلعالىق جاقتان مىقتى يگەرىپ، ۇيرەنۋدى، وي جۇگىرتۋدى، قولدانۋدى ساباقتاستىرۋعا، تانىمدى، سەنىمدى، ارەكەتتى بىرلىككە كەلتىرۋگە تاباندى بولعاندا عانا، نەگىزگى تاقىرىپتىق تاربيەنىڭ بەتالىسىنىڭ اۋىتقىماۋىنا، سەرپىنىنىڭ السىرەمەۋىنە، ناقتى ونىمدىلىككە قول جەتكىزۋىنە شىنايى كەپىلدىك ەتۋگە بولادى.
پارتيانىڭ نازاريالىق جاسامپازدىعى ءبىر قادام العا ىلگەرىلەسە، نازاريامەن قارۋلانۋى دا ءبىر قادام العا باسادى. شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي ۇيرەنىپ، ءتۇسىنىپ، وسى يدەيانىڭ نەگىزگى كوزقاراسىن، عىلمي جۇيەسىن جاپپاي، جۇيەلى يگەرىپ، وسى يدەيانىڭ دۇنيەگە كوزقاراسىن، ادىستەمەسىن ويداعىداي يگەرىپ، وعان سىڭىرىلگەن تۇرعىعا، كوزقاراسقا، ادىسكە ويداعىداي تاباندى بولىپ، ودان ويداعىداي پايدالانىپ، پارتيانىڭ جاسامپاز نازارياسىن ساياسي جاقتان شىنايى مويىنداۋدى، يدەيالىق جاقتان شىنايى مويىنداۋدى، نازاريالىق جاقتان شىنايى مويىنداۋدى، سۇيىسپەنشىلىك جاقتان شىنايى مويىنداۋدى ۇزدىكسىز كۇشەيتىپ، ماركسيزمدىك ەرەن قابىلەتتى شىن مانىندە جەتە يگەرىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن سانالى تۇردە ءتۇرلى قىزمەتتەرگە جەتەكشىلىك ەتۋ كەرەك.
پارتيالىلىق − پارتيا مۇشەلەرىنىڭ، كادرلاردىڭ ءوزىن تۇلعالاۋىنىڭ، ناتيجە جاراتۋىنىڭ، بەدەلگە يە بولۋىنىڭ، ءمورال جەتىلدىرۋىنىڭ ىرگە تاسى. شي جينپيڭ جاڭا ءداۋىر جۇڭگوشا سوتسياليزم يدەياسىمەن سانالى تۇردە سۋبيەكتيۆ دۇنيەنى وزگەرتىپ، وسى يدەيانىڭ مۇرات - سەنىمدى بەكەمدەۋ، يدەيالىق دەڭگەيدى جوعارىلاتۋ، پارتيالىلىق شىڭدالۋدى كۇشەيتۋ سياقتىلار جونىندەگى ءبىر قىدىرۋ تالاپتارىن تەرەڭ ءتۇسىنىپ، جۇرەككە ۇيالاتىپ، ارەكەتتە كورسەتىپ، كوممۋنيستەردىڭ ساياسي قاسيەتىن باستان - اياق ساقتاۋ كەرەك.
امالياتتىق سيپات − ماركسيزم نازارياسىنىڭ وزگە نازاريالاردان پارىقتالاتىن كورنەكتى ەرەكشەلىگى. شي جينپيڭ جاڭا ءداۋىر جۇڭگوشا سوتسياليزم يدەياسىن سانالى تۇردە امالياتتا ايگىلەپ، ونى وبيەكتيۆ دۇنيەنى وزگەرتۋگە، ىستەردى دامىتۋدى ىلگەرىلەتۋگە پايدالانىپ، ءداۋىردى باعامداۋعا، ءداۋىردى يگەرۋگە، داۋىرگە جەتەكشىلىك ەتۋگە پايدالانىپ، شينجياڭنىڭ باياندى تىنىشتىعىنا قاتىستى ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى ىلگەرىلەتۋگە جەتەكشىلىك ەتۋگە پايدالانىپ، بەلسەندى تۇردە وزگەرىستى تانىپ، وزگەرىسكە توتەپ بەرىپ، وزگەرىسكە ۇمتىلىپ، ەكونوميكالىق، قوعامدىق دامۋدا جانە پارتيا قۇرىلىسىندا ورىن تەۋىپ وتىرعان ءتۇرلى قايشىلىقتاردى، ماسەلەلەردى شەشىپ، ەلەۋلى حاۋىپ - قاتەرلەردەن ساقتانىپ جانە ونى جويىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىنىڭ تىڭ ىلگەرىلەۋشىلىككە، تىڭ ناتيجەگە قول جەتكىزۋىن ىلگەرىلەتۋ كەرەك.
”ەڭبەك ماعان جازىلماسا دا بولادى، ەڭبەك سىڭىرۋدە مەن بولماسام بولمايدى“ دەۋ − جۇڭگو كوممۋنيستەرىنىڭ ساياسي ناتيجە كوزقاراسى. ءبىز شي جينپيڭ جاڭا ءداۋىر جۇڭگوشا سوتسياليزم يدەياسىنان جىگەرلەنە العا ىلگەرىلەيتىن اقىل - پاراسات جانە كۇش - قۋات قابىلداپ، وندا قامتىلعان باسشىلىق ءادىستى، يدەيالىق ءادىستى، قىزمەت ءادىسىن قانىق يگەرىپ، مىندەت وتەپ، جاۋاپكەرشىلىكتى ادا ەتۋ قابىلەتى مەن ورەسىن ۇزدىكسىز جوعارىلاتىپ، اسىرەسە، پارتيانىڭ جاسامپاز نازارياسىنان پايدالانىپ جوعارى ساپالى دامۋدى ىلگەرىلەتۋگە تاباندى بولىپ، تاريح پەن حالىقتىڭ سىناعىنان سۇرىنبەي وتەتىن ناقتى ناتيجە جاراتۋعا قۇلشىنۋىمىز كەرەك.
وسى رەتكى نەگىزگى تاقىرىپتىق تاربيەنى ويداعىداي ورىستەتۋدە تۇرلىشە مەكەمە - ورىندار ءدوپ كەلەتىن جاعداي ۇقسامايدى، شەشۋگە ءتيىستى ماسەلە دە ۇقساپ كەتپەيدى، ايتسەدە ءبارى، ءسوزسىز، باس تالاپتى ارقاۋ ەتىپ، باس تالاپتى دايەكتىلەندىرىپ، باس تالاپقا بويسۇنىپ، باس تالاپتى نەگىزگى تاقىرىپتىق تاربيەنىڭ تۇتاس بارىسىمەن ساباقتاستىرىپ، نەگىزگى تاقىرىپتىق تاربيەنىڭ ناقتى ونىمدىلىككە قول جەتكىزۋىن ىلگەرىلەتىپ، قۋاتتى ەل قۇرىلىسىنىڭ، ۇلتتى گۇلدەندىرۋدىڭ شينجياڭ تاراۋىن جازۋ كەرەك.
