انار بۇلت \ شينجياڭ گازەتىنىڭ ءتىلشىسى شى شين 4 - ايدىڭ 14 - كۇنى ۇرىمجىدەن حابارلايدى. 4 - ايدىڭ 14 - كۇنى اۆتونوميالى رايوننىڭ جاڭا ەنەرگيا نىساندارى قۇرىلسىن ىلگەرىلەتۋ جونىندەگى بەينە ەكراندىق ورنالاستىرۋ ءماجىلىسى اشىلدى. ءماجىلىس نازاردى بۇكىل ەلدىڭ ەنەرگيا بايلىعىن ستراتەگيالىق قامتاماسىزداندىرۋ بازاسىن كۇش سالا تۇلعالاۋعا شوعىرلاندىرىپ، جەر - جەردىڭ، قاتىستى كاسىپورىنداردىڭ جاڭا ەنەرگيا نىساندارىنىڭ اتقارىلۋ جاعدايىن ورنالاستىرىپ، تۇتاس جىلداعى نىسانا - مىندەتتەردى كوزدەپ، جاڭا ەنەرگيا قۇرىلىسىن بار كۇشپەن ىلگەرىلەتىپ، اناعۇرلىم كوپ ناقتى زات قىزمەت مولشەرىن جەدەل قالىپتاستىرىپ، رايونىمىزدىڭ مەملەكەتتىڭ ءىرى تازا ەنەرگيا بازاسىن قۇرۋىنا، جاڭاشا ەنەرگيا جۇيەسىن قۇرۋىنا بەرىك نەگىز قالادى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى چىن ۋيجۇن ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: شينجياڭ مەملەكەتتىڭ جوبا قۇرىلىسىنداعى ”ءۇش بازا، ءبىر ارنا“ جانە ءىرى تازا ەنەرگيا بازاسى رەتىندە، جاڭا ەنەرگيا كاسىپ سالاسىنىڭ جوعارى ساپالى دامۋىن ىلگەرىلەتۋى حالىق تۇرمىسىنا تىعىز جاناسىپ ەكونوميكانىڭ جوعارى ساپالى دامۋىن ىلگەرىلەتۋ، مەملەكەتتىڭ دامۋ كەلەلى جاعدايىنا قىزمەت وتەۋ جونىنەن توتەنشە ماڭىزدى رەالدىق مانگە يە. تۇتاس رايون جوعارىدان تومەنگە دەيىن تاريحي ورايدى يگەرىپ، جاڭا ەنەرگيا قىزمەتىن ويداعىداي ىستەۋدىڭ بورىشتىلىق سەزىمىن، جاۋاپكەرشىلىك سەزىمىن، كوكەي تەستىلىك سەزىمىن شىن مانىندە كۇشەيتۋى كەرەك.
ءماجىلىس مىنالاردى باسا دارىپتەدى: ماسەلەنى باعدار ەتۋگە تاباندى بولىپ، جۇيەلى جوسپارلاۋدى كۇشەيتىپ، جاڭا ەنەرگيانىڭ دامۋ ساپاسى مەن ونىمدىلىگىن ويداعىداي ءبىر تۇتاس جوسپارلاۋ كەرەك. جۇيەلى ويلاۋعا تاباندى بولىپ، جاڭا ەنەرگيانى دامىتۋ جانە شابىتتاندىرۋ، قامتاماسىزداندىرۋ مەحانيزمى قۇرىلىسىن ويداعىداي ءبىر تۇتاس جوسپارلاۋ؛ ەلەكتر قاينارى مەن كوتەرىمدىلىكتىڭ سايكەسۋىنە تاباندى بولىپ، جاڭا ەنەرگيانى دامىتۋ مەن ساپالى ارتۋ مولشەرىنىڭ كوتەرىمدىلىگىن جەتىلدىرۋدى ويداعىداي ءبىر تۇتاس جوسپارلاۋ؛ ەلەكتر قاينارى مەن ەلەكتر تورىنىڭ سايكەسۋىنە تاباندى بولىپ، جاڭا ەنەرگيانى دامىتۋ مەن جاڭاشا ەلەكتر قۋاتى جۇيەسى قۇرىلىسىن ويداعىداي ءبىر تۇتاس جوسپارلاۋ؛ ەلەكتر قاينارى مەن ەنەرگيا ساقتاۋدىڭ سايكەسۋىنە تاباندى بولىپ، جاڭا ەنەرگيانى دامىتۋ مەن ەلەكتر قۋاتى جۇيەسىنىڭ حاۋىپسىز اينالىمىن ويداعىداي ءبىر تۇتاس جوسپارلاۋ كەرەك.
ءماجىلىس مىنالاردى تالاپ ەتتى: جەر - جەر، تاراۋلار قىزمەت بىرىككەن كۇشىن ۇيىستىرىپ، الدا ءجۇرىپ قىزمەت وتەۋدى كۇشەيتىپ، فاكتورلاردى قامتاماسىزداندىرۋدى ويداعىداي ىستەپ، جاڭا ەنەرگيا كاسىپ سالاسىنىڭ جوعارى ساپالى دامۋىن ءونىمدى ىلگەرىلەتۋ كەرەك.
