انار بۇلت \ شينجياڭ گازەتىنىڭ ءتىلشىسى ساۋ حۋا 4 - ايدىڭ 14 - كۇنى ۇرىمجىدەن حابارلايدى. تاياۋدا بۋىرشىن اۋدانى مەن شانشي جاسىل ەنەرگيا، تومەن كومىر قىشىقىل گازى ىستەرىن قارجىلاندىرۋ، قورشاعان ورتانى قورعاۋ عىلىم - تەحنيكا شەكتى سەرىكتەستىگى تەكسەرىپ ىسپاتتالعان كومىر قىشقىل گاز بىرلىگىن ساتىپ الۋ ىستەرى جونىندە رەسمي كەلىسىم جاساستى، بۇل شينجياڭداعى تۇڭعىش VCS جايلىم ارقىلى كومىر قىشقىل گازىن ءسىمىرىپ ساقتاۋ نىسانىنىڭ ءساتتى ساۋدالانعاندىعىن، ساۋدا سوماسىنىڭ 19 ميلليون 765 مىڭ يۋانعا جەتكەندىگىن كورسەتەدى.
بۋىرشىن اۋدانى VCS جايلىم ارقىلى كومىر قىشقىل گازىن ءسىمىرىپ ساقتاۋ نىسانى وسى اۋداننىڭ 2 ميلليون مۋدان استام تۇياق كەستى بولعان جايلىمىنا باعىتتالعان كومىر قىشقىل گازىن ءسىمىرىپ ساقتاۋدى جوبالاۋ، اشۋ نىسانى بولىپ، اشۋ جىل شەگى 2017 - جىلدان 2021 - جىلعا دەيىن. مۇنىڭ ىشىندە 1 - مەرزىمدىك نىساندى اشۋ اۋدانى 975 مىڭ مۋ، 2 - مەرزىمدىك نىساندى اشۋ اۋدانى ءبىر ميلليون 25 مىڭ مۋ. نىسان ولشەۋ، باقىلاۋ - تەكسەرۋ، ءۇشىنشى جاقتىڭ تەكسەرۋى سياقتى ءبىر قىدىرۋ بارىستان سوڭ، قالىپتان تىس پايدا بولعان كومىر قىشقىل گازىن ءسىمىرىپ ساقتاۋ مولشەرىن قۇن ساۋداسىن جۇرگىزۋگە بولاتىن كومىر قىشقىل گازىن ءسىمىرىپ ساقتاۋ ونىمىنە اينالدىردى ءارى 1 - مەرزىمدىك نىسان جايلىم كومىر قىشقىل گازىن ءسىمىرىپ ساقتاۋ ساۋداسىن جۇزەگە اسىرىپ، وندىرىلگەن كومىر قىشقىل گازىن ءسىمىرىپ ساقتاۋ مولشەرى 670 مىڭ توننا بولىپ، 19 ميلليون 765 مىڭ يۋان پايدا تاپتى. مەجەگە قاراعاندا، بۋىرشىن اۋدانى VCS جايلىم ارقىلى كومىر قىشقىل گازىن ءسىمىرىپ ساقتاۋ نىسانى 40 جىلدىق نىسان مەرزىمىنە ەنگىزىلىپ، جالپى كومىر قىشقىل گازىن ءسىمىرىپ ساقتاۋ مولشەرىن 8 ميلليون تونناعا جەتكىزىپ، تىنىش كۇيدەگى جالپى پايداسى 280 ميلليون يۋان بولادى ەكەن.
بۋىرشىن اۋدانى التاي ايماعىنداعى مال شارۋاشىلىعىنداعى ءىرى اۋدان، شامامەن 10 ميلليون مۋ تابيعي جايلىم بار. سوڭعى جىلدارى بۋىرشىن اۋدانى جايلىمدى تىنىقتىرۋ، مال باعۋدى شەكتەۋ سياقتى تاسىلدەرمەن جايلىمدى تىنىقتىرىپ، جايلىم مەن مالدىڭ تەپە - تەڭ دامۋىن ىلگەرىلەتتى. وسى رەتكى جايلىم ارقىلى كومىر قىشقىل گازىن ءسىمىرىپ ساقتاۋ نىسانىنىڭ ءساتتى ساۋدالانۋى بۋىرشىن اۋدانىنىڭ جايلىم ”كومىر قىشقىل گازى قامباسىنىڭ“ قۇنىن كادەگە جاراتىپ، ودان تۇسكەن پايدانى تۇياق كەستى بولعان جايلىمدى تىنىقتىرىپ، وڭاۋ قۇرىلىسىنا جۇمساپ، جايلىم ەكولوگيالىق ورتاسىنىڭ ساپاسىن اناعۇرلىم جاقسارتتى. سونىمەن بىرگە بۇل نىسان شينجياڭنىڭ مەملەكەتتىڭ ”كومىر قىشقىل گازىن شىعارۋدى ەڭ جوعارى مانگە جەتكىزۋ، كومىر قىشقىل گازىن بەيتاراپتاندىرۋ“ ستراتەگيالىق نىساناسىن تياناقتاندىرۋىنا جانە ەكولوگيالىق قۇن وزگەرىسىنە اينالدىرۋىن ىلگەرىلەتۋىنە دە تاماشا نەگىز قالادى.
ۇعىسۋعا قاراعاندا، جايلىم ەلىمىزدەگى ورماننان كەيىنگى 2 - ۇلكەن كومىر قىشقىل گازى قامباسى ەكەن، جايلىم وسىمدىكتەرى وزدەرىنىڭ فوتوسينتەزدىك رولى ارقىلى اۋاداعى كومىر قىشقىل گازىن ءسىمىرىپ جانە وسىمدىك جامىلعىلارى توپىراعىنا جاسىرىپ، پارنيك گازىنىڭ پايدا بولۋىن ازايتادى ەكەن. VCS كومىر قىشقىل گازىن ءسىمىرىپ ساقتاۋ نىسانىن اشۋ حالىقارادا جاپپاي قولدانىلاتىن VCS كومىر قىشقىل گازىنىڭ شىعارىلۋىن ازايتۋدى كۋالاندىرۋ ولشەمى ارقىلى جايلىم كومىر قىشقىل گازىن ءسىمىرىپ ساقتاۋدى جوبالاۋدى، اشۋدى، باقىلاۋ - تەكسەرۋدى، ساۋدالاۋدى جۇزەگە اسىرۋ بارىسى بولىپ تابىلادى.
