− شينجياڭداعى شەكارا وتكەلدەرىنىڭ الدىڭعى شەبىنەن كورگەن - بىلگەندەرىمىز ⑶
□ انار بۇلت \ شينجياڭ گازەتىنىڭ ءتىلشىسى چىن چياڭۋي
4 - ايدىڭ 10 - كۇنى تاڭەرتەڭ، باقتى شەكارا وتكەلى ءدال ۋاعىندا اشىلدى، كۇنى بۇرىن شىرەتتە تۇرعان اۆتوكولىكتەر رەتىمەن شەكارادان شىقتى.
”ادەتتە تۇستەن بۇرىن شەكارادان شىعاتىن اۆتوكولىكتەر ءبىرشاما كوپ بولادى، تۇستەن كەيىن قازاقستاننان شەكارادان كىرەتىن اۆتوكولىكتەر كوپ بولادى“، - دەدى تارباعاتاي كەدەنى تەكسەرۋ 3 - ءبولىمىنىڭ باستىعى ۋي جيە، - شەكارادان كىرەتىن زاتتاردىڭ ىشىندە مولشەرمەن 400 تونناسى ءار كۇنى شەكارالىق تۇرعىندار بازارى ساۋداسى تاسىلىمەن يمپورت ەتىلەدى، بۇل شەكىلدەۋىك، زىعىر، قوراپتالاتىن ازىق - تۇلىك سياقتىلارعا سايادى.
باقتى شەكارا وتكەلى شاۋەشەك قالا رايونىنان 10 نەشە كيلومەتر قاشىقتىقتا، بۇكىل ەلدەگى تۇڭعىش اۋىل شارۋاشىلىق قوسىمشا ونىمدەرىن كەدەننەن تەز وتكىزەتىن ”جاسىل ارنا“ شەكارا وتكەلى. 2014 - جىلى باقتى شەكارا وتكەلى بۇكىل ەلدەگى تۇڭعىش توپتاعى استىق يمپورت ەتەتىن بەلگىلەنگەن شەكارا وتكەلى تولىمدىلىعىنا يە بولدى؛ 2019 - جىلى باقتى جۇڭگو − قازاقستان شەكارالىق تۇرعىندار بازارى رەسمي تيجارات باستادى؛ 2022 - جىلى باقتى جۇڭگو − قازاقستان شەكارالىق تۇرعىندار بازارى بۇكىل شينجياڭ بويىنشا ەڭ الدىمەن سول جەردىڭ وزىندە مانەرلەپ، ”تۇتاسىمەن كىرگىزۋ، تۇتاسىمەن شىعارۋ“ ۇلگىسىندەگى تۇڭعىش سىناقتى ورىندادى.
بيىل جىل باسىنان بەرى باقتى شەكارالىق تۇرعىندار بازارى ساۋداسىنىڭ گۇلدەنۋىنە ساي، شاۋەشەكتە ”شەكارالىق تۇرعىندار بازارى + سول جەردىڭ وزىندە مانەرلەۋ“ سىندى تاماشا كاسىپ سالاسىنىڭ دامۋ جاعدايى قالىپتاستى.
باقتى شەكارا وتكەلىندە شەكارالىق تۇرعىندار بازارى زاتتارىن ارناۋلى تەكسەرىپ وتكىزەتىن كەدەن H986 ماشينامەن تەكسەرۋ - ساراپتاۋ جابدىعىنىڭ نەگىزدىك قۇرىلىس ينجەنەرياسى تاياۋدا قۇرىلىس باستايدى. ۋي جيە مىنالاردى ءبىلدىردى: شەكارا وتكەلىندە قازىر H986 ماشينامەن تەكسەرۋ - ساراپتاۋ جابدىعىنان بىرەۋ عانا بار، جاڭادان ءبىر جابدىقتىڭ قوسىلۋى شەكارالىق تۇرعىندار بازارى زاتتارىنىڭ كەدەننەن ءوتۋ ونىمدىلىگىن جوعارىلاتادى.
وسى كۇنى جاڭ شياۋپيڭ قول تەلەفونىمەن مالىمدەپ، 7400 نەشە يۋاندىق شەكىلدەۋىك ءدانىن يمپورت ەتتى، ول شاۋەشەك قالاسى ارگۇڭ قالاشىعى قارا ۇڭگىر قىستاعىنىڭ تۇرعىنى، سونداي - اق شاۋەشەك قالاسى يۋانشىڭحى كاسىپتىك سەلبەستىك كووپەراتيۆىنىڭ جاۋاپتىسى.
”ءبىز سەلبەستىك كووپەراتيۆىن تۇلعا ەتىپ شەكارالىق تۇرعىندار بازارى ارقىلى زاتتاردى يمپورت ەتۋگە قاتىناستىق، ودان شينجياڭ شيبوتۋ ساۋدا شەكتى سەرىكتەستىگىنە ساتىپ بەرىپ سول جەردىڭ وزىندە مانەرلەيمىز“، - دەدى جاڭ شياۋپيڭ.
بۇرىن شەكارالىق تۇرعىندار ساۋداسى تۇتاسىمەن كىرگىزىلىپ، پارشا شىعارىلۋدى نەگىز ەتىپ، شەكارا تۇرعىندارى ءار كۇنى شەكارا وتكەلىنە بارىپ ۇستىندە ءوتىنىش ەتەتىن. قازىر شاۋەشەك قالاسىنىڭ تۇرعىندارى قاتىستى تاراۋلاردىڭ شەكارا تۇرعىنى سالاۋاتىن تۇراقتاندىرۋىنان وتكەننەن كەيىن، شاۋەشەك شەكارالىق تۇرعىندار بازارى شاعىن باعدارلاماسىندا تىركەۋگە الدىرىپ، كۇش جۇمساماي - اق ءار كۇنى سالىقسىز سوماسى 8000 يۋانعا جەتەتىن زاتتاردى يمپورت ەتۋدى ءوتىنىش ەتۋىنە بولاتىن بولدى.
يۋانشىڭحى كاسىپتىك سەلبەستىك كووپەراتيۆىنىڭ مۇشەلەرى قارا ۇڭگىر قىستاعىنىڭ تۇرعىندارىنىڭ نەگىز ەتكەن، ”شەكارالىق تۇرعىندار بازارى + سول جەردىڭ وزىندە مانەرلەۋ“ ۇلگىسىنەن پايدالانىپ، جاڭ شياۋپيڭ مەن كووپەراتيۆ مۇشەلەرىنىڭ كىرىسى مولايدى.
شينجياڭ شيبوتۋ ساۋدا شەكتى سەرىكتەستىگى شاۋەشەك قالاسىنداعى يمپورت ەتىلگەن اۋىل شارۋاشىلىق ونىمدەرىن مانەرلەيتىن كاسىپورىن. سەرىكتەستىكتىڭ جاۋاپتىسى يان تيڭجۇن باقتى جۇڭگو − قازاقستان شەكارالىق تۇرعىندار بازارىنىڭ ”تۇتاسىمەن كىرگىزىپ، تۇتاسىمەن شىعارۋ“ ۇلگىسىن ايرىقشا قۇپتاپ بىلاي دەدى: ”شەكىلدەۋىكتى ادەتتەگى ساۋدا تاسىلىمەن يمپورت ەتۋمەن سالىستىرعاندا، شەكارالىق تۇرعىندار بازارىنان ساتىپ الساڭىز ەداۋىر ارزان بولادى“.
قازىر بۇل سەرىكتەستىك ءار كۇنى ازىقتىق ماي وندىرۋگە 1000 توننا شيكىزات قاجەت ەتەدى، مۇنىڭ ءبىرتالايىن شەكارالىق تۇرعىندار بازارىنان ساتىپ الادى. ”شەكارالىق تۇرعىندار بازارى شەكارا تۇرعىندارىنا كىرىس كىرگىزدى، سونىمەن قاتار ءبىزدىڭ ءوندىرىس وزىندىك قۇنىن تومەندەتىپ پايدا تابۋىمىزعا مۇمكىندىك جاسادى، ەكى جاقتى يگىلىككە كەنەلۋدى جۇزەگە اسىردى“، - دەدى يان تيڭجۇن.
قازىر باقتى جۇڭگو − قازاقستان شەكارالىق تۇرعىندار بازارىندا تىركەۋگە الدىرعان جۇڭگو جاق سەلبەستىك كووپەراتيۆىنەن التاۋ، شەكارا تۇرعىندارىنان 3400دەن استام ادام بار.
