− باس شۋجي شي جينپيڭنىڭ گۋاڭدۇڭدا قىزمەت تەكسەرگەندىگى جونىندە ەستەلىك
شينحۋا اگەنتتىگىنىڭ تىلشىلەرى جاڭ شياۋسۇڭ، جۋ جيچاي، حالىق گازەتىنىڭ تىلشىلەرى دۋ شاڭزى، چىن ۋيگۋاڭ
”گۋاڭدۇڭ − رەفورما جاساۋداعى، ەسىك اشۋداعى اتويشى، الدا جۇرگەن جەر، سىناق رايونى، ونىڭ جۇڭگو ۇلگىسىندەگى وسىزامانداندىرۋ قۇرىلىسىنىڭ كەلەلى جاعدايىنداعى ورنى ماڭىزدى، رولى كورنەكتى“.
”مەن گۋاڭدۇڭنىڭ قىزمەتىنە باستان - اياق ۇلكەن ءۇمىت ارتىپ كەلەمىن، سىزدەردىڭ مەملەكەت ءۇشىن، ۇلت ءۇشىن اناعۇرلىم زور ۇلەس قوسۋلارىڭىزدى ءۇمىت ەتەمىن“.
پارتيا 18 - قۇرىلتايىنان بەرى باس شۋجي شي جينپيڭ گۋاڭدۇڭعا 3 رەت بارىپ قىزمەت تەكسەردى، تەكسەرۋ - زەرتتەۋ جۇرگىزدى، مەملەكەتتىك ەكى ماجىلىسكە قاتىناسقان گۋاڭدۇڭ ۋاكىلدەر ۇيىرمەسىنىڭ باياندامانى قاراۋىنا 2 رەت قاتىناستى، گۋاڭدۇڭ ءار رەت دامۋدىڭ ماڭىزدى كەزەڭىنە جەتكەندە، گۋاڭدۇڭعا دەر كەزىندە باعدار بەلگىلەپ، جول باستاپ، گۋاڭدۇڭنىڭ جاڭا داۋىردەگى ۇلى جورىقتا قيىن كۇندەردەن وتۋىنە، داعدارىستى شەشۋىنە، وزگەرىسكە توتەپ بەرۋىنە، جاڭا جاعداي اشۋىنا جەتەكشىلىك ەتتى.
پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلىندا باس شۋجي شي جينپيڭ جەرگىلىكتى ورىندارداعى تۇڭعىش رەتكى قىزمەت تەكسەرۋىندە گۋاڭدۇڭدى تاڭدادى: ”گۋاڭدۇڭ − تەرەزە. گۋاڭدۇڭعا بارىپ ارالاپ كورىپ، پارتيا 20 - قۇرىلتايىنان بەرى قانداي جاڭا ىلگەرىلەۋشىلىك، جاڭا بەينە بولعاندىعىن ۇعىسىپ كورۋ كەرەك“.
جانجياڭنان، ماۋميڭنان گۋاڭجوۋعا دەيىنگى 4 كۇن ۋاقىتتا باس شۋجي مىڭ شاقىرىم جول باسىپ، گۋاڭدۇڭنىڭ باتىسىنداعى بايتاق دالانى ەندەي ءوتىپ، كاسىپورىنداردى، پورتتاردى، اۋىل - قىستاقتاردى ىشكەرىلەي ارالاپ، جۇمىسشى، ديقان، كاسىپورىنشى، عىلىم - تەحنيكا قىزمەتكەرى سياقتىلارمەن ىقىلاسپەن اڭگىمەلەسىپ، گۋاڭدۇڭنىڭ قالاي ”جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋدە الدىڭعى لەكتە جۇرۋىنە“ ايقىن بەتالىس كورسەتتى.
اشۋ مەن قورعاۋداعى ديالەكتيكالىق وي:
”تەڭىز - مۇحيت ەكونوميكاسىن دامىتىپ، تەڭىز - مۇحيت ەكولوگياسىن قورعاۋدى كۇشەيتىپ، تەڭىز - مۇحيت جاعىندا قۋاتتى ولكەنى جاپپاي قۇرۋ كەرەك “
4000 نەشە كيلومەترلىك تەڭىز جاعالاۋىنا يە گۋاڭدۇڭ − ەلىمىزدەگى قۇرلىقتىق تەڭىز جاعالاۋى ەڭ ۇزىن ولكە. تەڭىزدى بەتكە الىپ گۇلدەنۋ، تەڭىزدى بەتكە الىپ قۇدىرەتتەنۋگە ۇمتىلۋ گۋاڭدۇڭنىڭ جاڭا داۋىردە جوعارى ساپالى دامۋىنداعى ماڭىزدى تۇتقاعا اينالدى.
سوناۋ 2018 - جىلى گۋاڭدۇڭدا قىزمەت تەكسەرگەندە، باس شۋجي شي جينپيڭ بيىكتە تۇرىپ، الىسقا كوز سالعان ستراتەگيالىق كوز ايامەن گۋاڭدۇڭ تەڭىز جاعالاۋىنىڭ شىعىس شەتى مەن باتىس شەتىن تۇتاستىرىپ، ايبىنى اسقاق جاڭا جوبا جاسادى −
”شانتوۋدى، جانجياڭدى ماڭىزدى دامۋ ۇيەگى ەتىپ، وسىزاماندانعان تەڭىز جاعالاۋى ەكونوميكالىق بەلدەۋىن قالىپتاستىرۋ كەرەك“.
وسى ساپارىنداعى 1 - ايالداماسىندا باس شۋجي شي جينپيڭ گۋاڭدۇڭنىڭ باتىس وڭتۇستىگىندەگى ءۇش جاعىن تەڭىز قورشاعان جانجياڭ قالاسىنا بارىپ، الدىمەن ءمان بەرگەنى تەڭىز - مۇحيت ەكونوميكاسىن دامىتۋ سىندى وسى ءىرى ءىس بولدى.
لەيجوۋ شىعاناعىنداعى دۇڭحاي ارالىنا مەملەكەتتىڭ 863 جوسپار نىسانى بولعان تەڭىز سۋى باعىمشىلىعى، تۇقىم شارۋاشىلىعى ينجەنەرياسىنىڭ وڭتۇستىك بازاسى ورنالاسقان. 4 - ايدىڭ 10 - كۇنى تۇستەن بۇرىن باس شۋجي شي جينپيڭ وسى ارادا گۋاڭدۇڭ ولكەسىنىڭ تەڭىز - مۇحيت بالىق شارۋاشىلىعىنىڭ جوعارى ساپالى دامۋىن ىلگەرىلەتۋ جونىندەگى مالىمەتىن تىڭدادى:
تۇقىم شارۋاشىلىعىنان قامال الۋدى يگەرىپ، بالىق شارۋاشىلىعىندا سورتتى تۇقىم باعاسىن تومەندەتتىك؛ جابدىق تەحنيكاسىنىڭ دارەجەسىن كوتەرۋدى يگەرىپ، تەرەڭ تەڭىز تور ساندىعىن جاساپ، تەرەڭ تەڭىز باعىمشىلىعىن دامىتتىق؛ تۇتاس كاسىپ سالاسى تىزبەگىن دامىتۋدى يگەرىپ، جىنتىكتەي وڭدەپ، دايىندالمالى كوكونىس سياقتىلار ارقىلى تەڭىز ونىمدەرىن ساقتاۋ، تاسۋ جاعىنداعى قيىن ماسەلەلەردى شەشتىك...
كورنەكى ءبىر توپ ساندى مالىمەتتەر ادامدارعا تەرەڭ اسەر قالدىردى: 2030 - جىلى گۋاڭدۇڭ تەڭىز بالىعى ونىمدەرىنىڭ جىلىنا تىڭنان 2 ميلليون 10 مىڭ توننا ارتاتىنىن مەجەلەپ وتىر، مۇنى تەڭ شامالى بەلوك بويىنشا دولايلاستىرعاندا، 30 ميلليون 450 مىڭ باس شوشقا باققانمەن نەمەسە ءبىر ميلليارد 540 ميلليون ۇيرەك باققانمەن قارايلاس كەلەدى.
”گۋاڭدۇڭدا قازىر باعىمداعى شوشقانىڭ سانى قانشا“؟ - دەپ سۇرادى باس شۋجي.
”40 ميلليوننان اسادى“.
”باعىمداعى شوشقا ءبىر ەسەلەنگەنگە تەڭ ەكەن“، - دەدى باس شۋجي باسىن يزەپ.
سۇرىپتاۋ - جەتىلدىرۋ باعىمشىلىق كولشىگىندە جينچاڭ، حايلۋ، شىبان سياقتى ءتۇرلى بالىقتار شورشىپ ءجۇر. باس شۋجي شي جينپيڭ قالقىما جولمەن جۇرە كورىپ، كوز الداعى كورىنىستەرگە ”شىنىمەن، كەرەمەت ەكەن“ دەپ ءسۇيىندى.
باس شۋجي شي جينپيڭ بىلاي دەپ اتاپ كورسەتتى: ”ءبىز ءبىر ميلليارد 400 ميلليوننان استام جان سانى بار ءىرى ەلمىز، اس − ادامنىڭ ارقاۋى، الدىمەن ىشەر اس ماسەلەسىن شەشۋ كەرەك. استىق تۇتىنۋدان سىرت، قۇرلىقتاعى ازىق - تۇلىكتەردى جەۋ، سونداي - اق تەڭىزگە سۇيەنىپ تەڭىز ونىمدەرىن جەۋ كەرەك“.
تاۋداعىلار تاۋدىڭ، تەڭىز جاعالاعاندار تەڭىزدىڭ جاعدايىنا سايكەسكە دامۋى كەرەك.
باس شۋجي ەسكە الىپ بىلاي دەدى: ”فۋجياندا قىزمەت ىستەگەن كەزىمدە تاۋلى وڭىردە ىستەگەم، تەڭىز جاعالاۋىندا دا ىستەپ كورگەنمىن. سول كەزدە مەن جالپىلىق ازىق - تۇلىك كوزقاراسىن العا قويدىم، ەت، جۇمىرتقا، قۇس، ءسۇت، بالىق، جەمىس - جيدەك، ساڭىراۋ قۇلاق، شاي... وسىلاردىڭ بارلىعى ازىق - تۇلىك ەمەس پە. وسىلاي ەسەپتەسەك، فۋجياندا ’تاۋ كوپ، سۋ مەن اتىز از‘ بولعانىمەن، الايدا ازىق - تۇلىكتىڭ كەلۋ قاينارى مول. سوندىقتان مەن ىلگەرىندى - كەيىن ’تەڭىز ۇستىندەگى فۋجوۋ‘ جانە ’تەڭىز ۇستىندەگى فۋجيان‘ قۇرۋدى العا قويعامىن“.
جالپىلىق ازىق - تۇلىك كوزقاراسى اياسىندا كەڭ - بايتاق تەڭىز - مۇحيت كوك ءتۇستى استىق قامباسى، شۇيگىن جايلىم ەسەپتەلەدى.
30 نەشە جىلدىڭ الدىندا نيڭدى ايماقتىق پارتكومنىڭ شۋجيى مىندەتىن وتەيتىن شي جينپيڭ جولداس جەرگىلىكتى ورىنداعى قارابالىق شاباعىن جەتىلدىرۋ تەحنيكا مامانى ليۋ جيافۋ ۇسىنعان «فۋجياننىڭ شىعىسىنداعى رايونداردا تەڭىز سۋى بالىقتارى باعىمشىلىق تەحنيكاسىن دامىتۋ جونىندەگى بايانداماسىنا» بەكىتۋ جازىپ، كۇشتى شوعىرلاندىرا وتىرىپ عىلمي زەرتتەۋدەن قامال الۋدى تالاپ ەتتى.
”جەرگىلىكتى ورىنداعى ءبىر زەرتتەۋ ورنى نيڭدى قارابالىعىن جاساندى جەتىلدىرۋ ماسەلەسىن شەشتى“. مۇنى باس شۋجيى قازىرگە دەيىن ەسىنەن شىعارمادى.
قازىرگى تاڭدا قارابالىق كاسىپ سالاسى دامۋىنىڭ جاڭا ءورىسى اشىلىپ، جەرگىلىكتى ادامداردىڭ ”تەڭىزگە سۇيەنىپ كۇن كورەتىن“ تىرەكتى كاسىپ سالاسىنا اينالدى.
”سۋ ونىمدەرىنىڭ قورەكتىك قۇنى وتە جوعارى، حالقىمىزدىڭ دەنە ساپاسىن جوعارىلاتۋدا سۋ ونىمدەرى شارۋاشىلىعىن دامىتۋ، بەلوك ءوندىرىسىن دامىتۋ وتە ماڭىزدى. تەڭىز - مۇحيتتىڭ كومەسكى كۇشىن اشىپ، تەڭىز - مۇحيت ەكونوميكاسىن دامىتۋدىڭ مۇمكىندىگى مول، بولاشاعى نۇرلى“.
باس شۋجي شي جينپيڭ ىشكەرىلەي بىلاي دەپ اتاپ كورسەتتى: ”وندىرگىش كۇشتىڭ دامۋىنا ىلەسە، شالعاي تەڭىز، تەرەڭ تەڭىز باعىمشىلىعىمەن شۇعىلدانۋ، بالىق شارۋاشىلىعى’تۇقىم قىزمەتى‘ سىندى وسى ءبىر ءىستى ەگجەي - تەگجەيلى، ويداعىداي ىستەۋ ءبىزدىڭ استىق حاۋىپسىزدىگىمىز جونىنەن وتە ماڭىزدى ورنىقتىرعىشتىق رول اتقارا الادى“.
تەڭىزگە سۇيەنىپ تەڭىز ونىمدەرىن تۇتىنۋدان تەڭىزگە سۇيەنىپ تەڭىزدى قورعاۋعا دەيىنگى بارىس − جاراسىمدى، بىرگە ءومىر ءسۇرۋ ديالەكتيكاسى.
قىزىل اعاش ورمانى سىندى تەڭىز جاعاسىنداعى ارالىق قايراڭعا تامىر تارتقان مۇنداي تۋمىستىق اعاش تەكتەس وسىمدىك ءارى بوراننان ساقتاپ، تولقىندى باسەيتەدى، ءارى تەڭىز سۋىن تازارتادى، سونداي - اق بالىق، سۋ شايانى، قۇستارعا دامىلدايتىن پانا بولادى، ”تەڭىز ءۇستى ورمانى“، ”تەڭىز - مۇحيت قورعاۋشىسى“ دەگەن اتى بار.
قىزىل اعاش ورمانىن قورعاۋعا باس شۋجي شي جينپيڭ بۇرىننان ەرەكشە ءمان بەرىپ كەلەدى.
2017 - جىلى باس شۋجي گۋاڭشيدىڭ بەيحايىنداعى جينحايۋان قىزىل اعاش ورمانى ەكولوگيالىق قورىعىندا قىزمەت تەكسەرىپ، ”ءسوز جوق، عىلىمعا قۇرمەت ەتىپ، جاۋاپكەرشىلىكتى تياناقتاندىرىپ، قىزىل اعاش ورمانىن ويداعىداي قورعاۋ كەرەك“ دەپ قاداعالاي تابىستادى.
2022 - جىلى باس شۋجي بەينە ەكران تاسىلىمەن «سازدىق شارتى» 14 - كەزەكتى شارت جاساسۋشى جاقتار جينالىسىنىڭ اشىلۋ سالتىنا قاتىناسىپ، شىنجىندا ”حالىقارالىق قىزىل اعاش ورمانى ورتالىعىن“ قۇرۋدى جاريالادى.
جانجياڭ قىزىل اعاش ورمانى مەملەكەت دارەجەلى جاراتىلىستىق قورىعى − ەلىمىزدەگى قىزىل اعاش ورمانىنىڭ اۋدانى ەڭ ۇلكەن، تارالۋى ەڭ شوعىرلى جاراتىلىستىق قورىق. 4 - ايدىڭ 10 - كۇنى تۇستەن بۇرىن باس شۋجي شي جينپيڭ قورىقتىڭ شىعىس بولىگىندەگى ماجاڭ رايونىنىڭ حۋگۋاڭ قالاشىعى جيننيۋداۋ قىزىل اعاش ورمانى اۋماعىنا كەلىپ، قىزىل اعاش ورمانىنىڭ ءوسۋ جاعدايىن جانە توڭىرەگىنىڭ ەكولوگيالىق ورتاسىن تەكسەرىپ كوردى.
”شيامىندا قىزمەت ىستەگەن كەزىمدە مەن قىزىل اعاش ورمانىن قورعاۋدى تىكە قولعا الدىم. پارتيا 18 - قۇرىلتايىنان كەيىن، مەن بىرنەشە رەت نۇسقاۋ بەردىم. بۇل مەملەكەتتىڭ اسىل قازىناسى، ءسوز جوق، ويداعىداي قورعاۋ كەرەك“.
تەڭىز سامالى ەسىپ، جاسىل اعاشتار ىرعالىپ، قۇستاردىڭ سايراعانى ءالسىن - ءالى ەستىلەدى.
ءبىر تۇسپەن ۇلاسقان سۋ مەن كوكجيەككە الىستان كوز تاستاعان باس شۋجي شىن ىقىلاسپەن: ”تەڭىز - مۇحيت ەكولوگيالىق وركەنيەت قۇرىلىسى − ەكولوگيالىق وركەنيەت قۇرىلىسىنىڭ ماڭىزدى قۇرامداس بولىگى. تەڭىز جاعالاۋىنداعى وڭىرلەرگە ءوندىرىس ەڭ شوعىرلانعان، جان سانى ەڭ شوعىرلانعان، سونىمەن بىرگە جاراتىلىستىق ەكولوگياعا جاسايتىن ىقپالى دا ەداۋىر زور، ءسوز جوق، شىن مانىندە باسا ءمان بەرىپ، شىنايى ءونىمدى شارا قولدانىپ قورعاۋدى كۇشەيتۋ كەرەك. بۇل مەملەكەت ستراتەگياسى، ۇرپاقتان - ۇرپاققا جالعاپ ىستەپ، ۇزدىكسىز قاجىماي - تالماي كۇش سالىپ، كورىكتى جۇڭگو قۇرىپ، جەر شارى قىستاعىن ويداعىداي قورعاۋعا ءبىز جۇڭگولىقتاردىڭ ۇلەسىن قوسۋىمىز كەرەك“، - دەدى.
گۋاڭدۇڭ ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداعاندا، باس شۋجي شي جينپيڭ بىلاي دەپ باسا دارىپتەدى: قۇرلىق پەن تەڭىزدى ءبىر تۇتاس جوسپارلاۋدى، تاۋلى وڭىرلەر مەن تەڭىز جاعالاۋى وڭىرلەرىنىڭ ءوزارا سەلبەسۋىن كۇشەيتىپ، پورتتى، كاسىپ سالاسىن، قالانى جالپى تۇلعالىق جاقتان ورنالاستىرۋدى كۇشەيتىپ، تەڭىز - مۇحيت ەكولوگياسىن قورعاۋدى كۇشەيتىپ، جاپپاي تەڭىز - مۇحيتتا قۋاتتى ولكە قۇرۋ كەرەك.
تەڭىز - مۇحيت − ەكونوميكانى دامىتۋدىڭ ماڭىزدى كەڭىستىگى، سونداي - اق دۇنيە جۇزىمەن تۇتاسۋدىڭ ماڭىزدى ارناسى.
لەيجوۋ تۇبەگىن بويلاي وڭتۇستىكتى بەتكە الدى، 4 - ايدىڭ 10 - كۇنى تۇستەن كەيىن باس شۋجي شي جينپيڭ ەلىمىز ۇلى قۇرلىعىنىڭ ەڭ وڭتۇستىك شەتىندەگى شۇيۋىن اۋدانىنا كەلدى.
شىعىسى نانحاي تەڭىزىنىڭ جاعاسىندا، باتىسى بەيبۋۋان شىعاناعىنا جاقىن، وڭتۇستىگى چيۇڭجوۋ بۇعازىمەن قاناتتاس، حاينان ارالىمەن اراسىن تەڭىز ءبولىپ تۇرادى، شۇيۋىن حان پاتشالىعى كەزىندە تەڭىز جىبەك جولىنداعى ماڭىزدى پورت رەتىندە، كەمەلەر جارىسا جەلكەن كوتەرگەن، ساۋداگەرلەر شوعىرلانعان سالتاناتقا كۋا بولعان - دى.
قازىر رەفورما جاساۋدىڭ، ەسىك اشۋدىڭ شىعىس جەلىنەن پايدالانىپ، شۇيۋىن گۋاڭدۇڭ − شياڭگاڭ − اۋمىن ۇلكەن شىعاناق رايونى قۇرىلىسىنان، حاينان ەركىن ساۋدا پورتىمەن جاپپاي تۇتاستىرىپ قىزمەت وتەۋ قۇرىلىسىنان جاڭا دامۋ ورايىن تاپتى.
2020 - جىلى 9 - ايدا جەر شارىنداعى ەڭ ۇلكەن جولاۋشى، زات تاسىمال ارالاس كەمەجايى − شۇيۋىن پورتى اشىلىپ جۇمىس باستادى. جاڭا تەڭىز جولى حاينان حايكوۋ جاڭا پورتىمەن توتە تۇتاسىپ، تەڭىز جولى 12 تەڭىز ميلىنە قىسقارىپ، مولشەرمەن ءبىر ساعاتتاي ۋاقىت عانا جۇمسالاتىن بولىپ، گۋاڭدۇڭ مەن حايناندى اناعۇرلىم تىعىز بايلانىستىردى.
پورتتىڭ ارناۋلى كەمەجايىندا باس شۋجي شي جينپيڭ شالعايعا كوز تاستاپ، كەمەلەردىڭ ءجۇرۋ ۋاقىتى، پورتتىڭ قابىلداۋ - جونەلتۋ قۋاتى، حاۋىپسىزدىكتى باسقارۋ سياقتى جاعدايلاردى ەگجەي - تەگجەيلى ۇعىستى.
ءدالىز كوپىرىنەن وتكەننەن كەيىن، باس شۋجي جولعا شىققالى تۇرعان جولاۋشىلار كەمەسىنىڭ جانىنا كەلدى. كەمەدەگى جولاۋشىلار باس شۋجيدىڭ كەلگەندىگىن كورىپ، باس شۋجيگە ساڭقىلداي امانداستى.
باس شۋجي شي جينپيڭ كوپشىلىككە قول بۇلعاپ قۇرمەت ءبىلدىرىپ، ولارعا ءسات ساپار تىلەدى.
پورتتان اتتاناردا باس شۋجي جەرگىلىكتى ورىنداعى جاۋاپتى جولداسقا: ”چيۇڭجوۋ بۇعازى − مەملەكەتتىڭ نانحايدى باسقارۋداعى ستراتەگيالىق ارناسى، شۇيۋىن پورتىن گۋاڭدۇڭ − شياڭگاڭ − اۋمىن ۇلكەن شىعاناق رايونى مەن حاينان ەركىن ساۋدا پورتىن تۇتاستىراتىن وسىزاماندانعان سۋ - قۇرلىق قاتىناس - تاسىمال كەشەندى تورابى ەتىپ قۇرىپ شىعۋ كەرەك. بولاشاقتا بۇل جەر، ءسوز جوق، ’التىن سۋ ارناسى‘ مەن جولاۋشى، زات تاسىمالىنىڭ ەڭ تاماشا ارناسى رەتىندە گۇلدەنىپ - كوركەيەدى“، - دەدى.
سايكەستى جانە تەپە - تەڭ دامۋ ۇستانىمى:
”جۇڭگو ۇلگىسىندەگى وسىزامانداندىرۋدا بىرگە بايۋدى جەبەۋ كەرەك“
جالپى حالىقتىڭ بىرگە بايۋى − جۇڭگو ۇلگىسىندەگى وسىزامانداندىرۋدىڭ ماندىك ەرەكشەلىگى، وڭىرلەردىڭ سايكەستى دامۋى − بىرگە بايۋدى جۇزەگە اسىرۋدىڭ قاجەتتى تالابى.
پارتيا 18 - قۇرىلتايىنان بەرى باس شۋجي شي جينپيڭ گۋاڭدۇڭعا قايتا - قايتا بارىپ، جۋجياڭ اتىراۋىن، گۋاڭدۇڭنىڭ سولتۇستىگىن، گۋاڭدۇڭنىڭ شىعىسىن، گۋاڭدۇڭنىڭ باتىسىن ارالادى.
وسى رەت قىزمەت تەكسەرگەندە باس شۋجي اۋەلگى ماقساتىن اشىق ايتىپ بىلاي دەدى:
”تۇتاس گۋاڭدۇڭ جونىنەن جۋجياڭ اتىراۋى ەكونوميكا ەڭ دامىعان جەر سانالادى. ايتسەدە گۋاڭدۇڭ دامۋ ءۇشىن تەك جۋجياڭ اتىراۋىنا سۇيەنىپ قانا قالماي، گۋاڭدۇڭنىڭ سولتۇستىگى، گۋاڭدۇڭنىڭ شىعىسى، گۋاڭدۇڭنىڭ باتىسى سياقتى وڭىرلەردىڭ بىرگە دامۋىنا سۇيەنۋى كەرەك. جۇڭگو ۇلگىسىندەگى وسىزامانداندىرۋدا بىرگە بايۋدى جەبەۋ، وڭىرلەردىڭ دامۋىنداعى بىركەلكىسىزدىك ماسەلەسىن شەشۋ كەرەك“.
ەكونوميكاسى وركەندەگەن وسى ولكەدە سۋ بايلىعى ماسەلەسى وڭىرلەردىڭ دامۋىنداعى بىركەلكىسىزدىك قيىنشىلىعىن بەلگىلى دارەجەدە بەينەلەدى.
جەر ءتۇزىلىسى، جەر بەدەرى، بۋلانۋ مولشەرى كوپ بولۋ سياقتى سەبەپتەردىڭ اسەرىنەن، ءۇش جاعى تەڭىزبەن قاناتتاس لەيجوۋ تۇبەگى مىڭداعان جىلدان بەرى ”قۋاڭشىلىق جايلاعان جەر“ بولىپ كەلدى. سۋ تاپشىلىعى گۋاڭدۇڭنىڭ باتىسىنىڭ دامۋىنا اۋىر دارەجەدە تۇساۋ بولدى.
پارتيا ورتالىق كوميتەتىنىڭ قامقورلىعىندا، قولداۋىندا، 2022 - جىلى شيجياڭ وزەنىنىڭ سۋىن باستاپ، يۇنكاي تاۋىنان وتكىزىپ، تۇبەك قويناۋىنا جەتكىزەتىن ۇلكەن سۋ يگىلىگى ينجەنەرياسى رەسمي جۇمىس باستادى. ينجەنەريا سالىنىپ بولعاننان كەيىن، گۋاڭدۇڭنىڭ باتىسىنداعى 4 قالاداعى 18 ميلليون جان سانىن يگىلىككە كەنەلتەدى.
4 - ايدىڭ 10 - كۇنى تۇستەن كەيىن باس شۋجي شي جينپيڭ بەيبۋۋان شىعاناعىن اينالا ورنالاسقان گۋاڭدۇڭ سۋ بايلىعىن ۇلەستىرۋ ينجەنەرياسىنىڭ وڭتۇستىككە سۋ جەتكىزۋ ءتۇيىلىس پۋنكتى − شۇيۋىن اۋدانى داشۇي كوپىرى سۋ قويماسىنا ارناۋلى كەلدى.
ۇلكەن توسپاعا شىعىپ، الىسقا كوز تاستادى، سۋ ساقتاۋ مولشەرى 120 ميلليون تەكشەمەتردەن اساتىن جاساندى كول كەرەمەت كەلبەتىمەن كوز الدىعا كەلدى.
گۋاڭدۇڭ ولكەلىك سۋ يگىلىگى مەڭگەرمەسىندەگى جاۋاپتى جولداس ينجەنەريا قۇرىلىسى، وڭىرلەردىڭ جوعارى ساپالى دامۋى، ەكولوگيالىق قۇرىلىس سىندى ”ءۇشتى تەڭ يگەرۋ“ ارقىلى وسى قۇرىلىستىڭ جەرگىلىكتى ورىنداعى قالا، اۋىل بۇقاراسىنىڭ تۇرمىسقا جانە ونەركاسىپكە پايدالاناتىن سۋ ماسەلەسىن شەشۋگە تيىمدىلىك جاسايتىندىعى، سونداي - اق سۋارىلاتىن جەر اۋدانىن تىڭنان كەڭەيتىپ، وسى جەردىڭ ەرەكشە اۋىل شارۋاشىلىعىنىڭ دامۋىن ىلگەرىلەتىپ، تۇنىق سۋ، جاسىل تاۋدى، شىنىمەن، باعالى بايلىققا اينالدىراتىندىعى جونىندە مالىمەت بەردى.
”ەندى نەشە جىلدا سالىنىپ بولادى“؟ - دەپ سۇرادى باس شۋجي.
”جيىنى 8 جىل ۋاقىت قاجەت، وسى بارىستا كەزەڭگە ءبولىپ سالىنىپ بولعانىنا سۋ جىبەرۋگە بولادى“.
”كوشىرىلگەندەر كوپ پە“؟
”نەبارى 75 وتباسى عانا“.
”قازىر سۋ ساپاسى قانداي“؟
”مىناۋ بۇگىن الىنعان سۋ ۇلگىسى،Ⅲ تۇرگە ءتان“.
”سۋ − جان تامىر“، - دەدى باس شۋجي تەرەڭ ويلانىپ، - ”ەلىمىزدىڭ ەرەكشەلىگى سۋ تاپشى، ونىڭ ۇستىنە سۋ بايلىعىنىڭ ۋاقىت پەن كەڭىستىك بويىنشا ورنالاسۋى بىركەلكى ەمەس. ەجەلدەن بەرى ءبىزدىڭ اتا - بابالارىمىز سۋمەن اينالىسىپ، سۋدى قالاي تىزگىندەۋ، سۋدان قالاي پايدالانۋ جونىندە ىزدەنىس جاساعان“.
سۋدى جونگە سالۋ تاريحىندا جۇڭحۋا ۇلتىنىڭ ەل باسقارۋ، باياندى تىنىشتىق اقىل - پاراساتى قامتىلعان.
”مەيلى قالا - قالاشىقتاندىرۋ بولسىن، الدە اۋىل - قىستاقتى گۇلدەندىرۋ بولسىن، مەيلى ونەركاسىپتى دامىتۋ بولسىن، الدە اۋىل شارۋاشىلىعىن دامىتۋ بولسىن، ءبارى دە سۋدان ايرىلا المايدى. ءبىز جۇڭگو ۇلگىسىندەگى وسىزامانداندىرۋدى ىلگەرىلەتىپ، كەلەسى قادامداعى دامۋ نىساناسىن زەرتتەۋدە سۋ جاعدايىن ويلاستىرىپ، سۋ جاعدايىنا قاراي قالانى تۇراقتاندىرۋعا، سۋ جاعدايىنا قاراي جەردى تۇراقتاندىرۋعا، سۋ جاعدايىنا قاراي ادامدى تۇراقتاندىرۋعا، سۋ جاعدايىنا قاراي كاسىپ سالاسىن تۇراقتاندىرۋعا تاباندى بولۋىمىز كەرەك“.
”قاراڭىزدارشى، سۋ ماسەلەسى شەشىلسە، بۇل ارانى ونان ارى دامىتۋعا بولادى“. باس شۋجي كەڭ جايىلعان سۋ ايدىنىن نۇسقاپ، تەرەڭ ماعىنالى تۇردە: ”سۋ بايلىعىن ساپالى ويداعىداي ۇلەستىرىپ، وڭىرلەردىڭ بىركەلكىسىزدىك ماسەلەسىن شەشۋدى ىلگەرىلەتۋ − ستراتەگيالىق ماسەلە، اناعۇرلىم تەرەڭىرەك ويلاستىرۋ كەرەك“، - دەدى.
بەلگىلى ماعىنادان العاندا، وڭىرلىك دامۋدىڭ بىركەلكىسىزدىگى دە قالا مەن اۋىل دامۋىنىڭ بىركەلكىسىزدىگىنەن بەينەلەنەدى.
2018 - جىلى گۋاڭدۇڭدا قىزمەت تەكسەرگەندە باس شۋجي شي جينپيڭ بىلاي دەپ اتاپ كورسەتتى: گۋاڭدۇڭنىڭ قالا، اۋىل دامۋى سىندى ەكى نەگىزدىك قۇرىلىم ماسەلەسىن كۇش سالا شەشىپ، سەرپىندى اناعۇرلىم ارتتىرىپ، شارالاردى اناعۇرلىم دالمە - ءدال قولدانىپ، ۇزاق ۋاقىت كۇش سالىپ، ولقىلىقتاردى ”كومەسكى قۋاتقا“ اينالدىرۋ كەرەك.
4 جىلدان استام ۋاقىت ءوتتى، وڭتۇستىك گۋاڭدۇڭنىڭ بايتاق دالاسىندا جۇڭگو ۇلگىسىندەگى وسىزامانداندىرۋ قۇرىلىسىنىڭ ايبىندى تاراۋىندا وڭىرلەردىڭ سايكەستى دامۋى دا، قالا مەن اۋىلدىڭ توعىسپالى دامۋى دا ايگىلەندى.
تەگىس تاۋ جولى بويلارىنا، ادىرلار اراسىنا ورنالاسقان، جاسىل جەلەك جامىلعان تۇرعىندار تۇراعىنىڭ كوركى كوز سۇرىندىرەدى.
باس شۋجي شي جينپيڭ اۆتوكولىك تەرەزەسىنىڭ سىرتىنداعى كورىنىسكە كوز سالا: ”جول بويى ءبىزدىڭ ماۋميڭ دەپ اتالاتىن وڭىرگە سالىنعان ۇيلەردىڭ وتە جاقسى ەكەندىگىن كوردىم، بۇل وسى اراداعى بۇقارانىڭ، اسىرەسە، شارۋا وتباسىلارىنىڭ باردام ەكەندىگىن تۇسىندىرەدى. جۋجياڭ اتىراۋىمەن سالىستىرعاندا، پارىق پەن كومەسكى كۇش دەرلىك كاسىپ سالاسىندا ەكەندىگى كورىنىپ تۇر“.
جەرگىلىكتى اۋىل - قىستاق كاسىپ سالاسىنىڭ دامۋ جاعدايىن كوزدەن كەشىرۋ ءۇشىن، 4 - ايدىڭ 11 - كۇنى تۇستەن كەيىن باس شۋجي شي جينپيڭ ماۋميڭ گاۋجوۋ قالاسى گىنزى قالاشىعى بايچياۋ قىستاعىنا كەلدى.
”كۇنىنە 300 ليجى جەي السام، ماڭگى ليڭناندىق بولار ەدىم“.
بۇرىنعىلار اۋىز جاپپاي ماقتايتىن قاستەرلى دە ءدامدى جەمىس ليڭنانداعى بۇقارانى باقىتقا كەنەلدىرەتىن ەرەكشە كاسىپ سالاسىنا اينالۋدا. ماۋميڭدا ليجى ەگىلگەن جەر اۋدانى ءبىر ميلليون 390 مىڭ مۋعا جەتتى، ءونىم مولشەرى بۇكىل ەلدىڭ تورتتەن ءبىرىن ۇستايدى، بىلتىر 11 ميلليارد يۋان ءونىم قۇنىن جۇزەگە اسىرىپ، 150 مىڭ جۇمىس ورنىن تىڭنان كوبەيتۋگە جەتەكشى بولدى.
بايچياۋ قىستاعىنداعى ءبىر ليجى باعىنا بارعاندا بايىرعى اعاشتار مەن جاڭا اعاشتار اراسىنداعى جاس ليجى جەمىسى بۇتاقتاردا سامسىپ، جالىندى تىرشىلىك تىنىسىن اڭعارتىپ تۇرعانداي ەدى.
باس شۋجي شي جينپيڭ ءالسىن - ءالى كىدىرىپ، قادالا قاراپ: ”1000 نەشە جىلدىڭ الدىنداعى اعاش قازىرگە دەيىن ساقتالىپ كەلىپتى. بۇل وسى ارانىڭ ليجى ەگۋدە مادەنيەت مايەگى بار ەكەندىگىن، تاريحي جالعاسىم تاپقاندىعىن، سونداي - اق بايچياۋلىقتاردىڭ ەكولوگيالىق قورشاعان ورتانى، ليجى كاسىپ سالاسىن قورعاۋ تانىمىنىڭ وتە كۇشتى ەكەندىگىن، مىڭ جىلدىق بايىرعى اعاشتىڭ كۇنى بۇگىنگە دەيىن حالىقتى باقىتقا كەنەلتىپ كەلگەندىگىن تۇسىندىرەدى“.
باقتا بىرنەشە تەحنيك جۇمىس ىستەپ ءجۇر ەكەن. باس شۋجي ولارمەن شۇيىركەلەسە كەتتى.
ولاردىڭ بارلىعى جاقىن ماڭداعى قىستاق تۇرعىندارى ەكەن، سەلبەستىك كووپەراتيۆى، ليجى باعى قۇرىلعاننان بەرى، تابىستارىنان پايدا ءبولىسىپ، ىستەگەن جۇمىسىنا قاراي اقىسىن الىپتى، ءار وتباسىنىڭ جىلدىق كىرىسى 50 مىڭ دا 80 مىڭ يۋانعا جەتىپ، كوپ بولعاندا، 100 مىڭ يۋاننان اسىپتى، ”شىنىمەن، ليجى ەگۋدىڭ ءتاتتى ءدامىن تاتقان ەكەن “.
قىستاقتا تۇراتىن ءبىرىنشى شۋجي بىلاي دەپ تانىستىردى: سوڭعى جىلدارى بايچياۋ قىستاعى سيفرلانعان تيجاراتتى زور كۇشپەن ىلگەرىلەتىپ، تىكە تاراتىلىمدا زات ساتۋ، تاپسىرىس بويىنشا ساتۋ، ۇيىرمە ۇيىمداستىرىپ كورمەلەۋ، ساتۋ سياقتى تاسىلدەر ارقىلى ينتەرنەت جەلىسىندە، ينتەرنەت جەلىسىنەن تىس ساتۋدى ۇشتاستىرعاندىقتان، شارۋالار ليجىنى ساتۋدان الاڭدامايتىن بولدى، سونداي - اق جاقسى باعادا ساتاتىن بولدى.
”كەلەسى قادامداعى دامۋدا شەشۋگە ءتيىستى تاعى قانداي ماسەلە بار“؟ - دەپ سۇرادى باس شۋجي.
”باستىسى، جاس كۇيىندە ساقتاۋ ماسەلەسى. بۇرىن جەرگىلىكتى ادىسپەن جاس كۇيىندە ساقتايتىن، كەيىن كەلە سۋىق تىزبەك بار بولدى، ءبىراق تەك 10 كۇن عانا ساقتاۋعا بولادى. ەگەر 15تە 20 كۇنگە دەيىن ساقتاۋعا بولسا، بۇكىل دۇنيە ءجۇزى ءبىزدىڭ ليجىدان ءدام تاتاتىن بولاتىن ەدى“.
”ليجى كاسىپ سالاسىن دامىتۋ ءۇشىن، جاس كۇيىندە ساقتاۋ ماسەلەسىن شەشپەي بولمايدى“. باس شۋجي جەرگىلىكتى ورىنداعى جاۋاپتى جولداستارعا بىلاي دەدى: ”ەرەكشە كاسىپ سالاسىن دامىتۋ اۋىل - قىستاقتى گۇلدەندىرۋدىڭ ءبىر ماڭىزدى جولى، ’جەرگىلىكتى ەرەكشە ونىمدەردى‘ كۇش سالا ويداعىداي ءوندىرىپ، كاسىپ سالاسىن گۇلدەندىرۋ ارقىلى اۋىل - قىستاقتى جاپپاي گۇلدەندىرۋدى جەبەۋ كەرەك“.
اۋىل - قىستاق شارۋاشىلىق قۇرۋ باقشاسى الاڭىندا الاقايلاعان ۇندەر تولاستامادى.
الاقايلاعان قىستاق تۇرعىندارى الدىندا باس شۋجي شي جينپيڭ ىستىق ىقىلاستى ءسوز سويلەدى:
”سىزدەردىڭ بۇل جەرلەرىڭىز ليجى مەكەنى، مەن اتاعىن ەستىپ كەلدىم. نەشە مىڭ جىلدىڭ الدىندا تابىلمايتىن، سيرەك كەزدەسەتىن جەمىستەن قازىر بۇكىل جۇڭگو حالقى ءدام تاتا الاتىن بولدى. ليجى كاسىپ سالاسىن دامىتۋدىڭ تەحنيكا، بازار كومەسكى كۇشى بار، بولاشاعى توتەنشە نۇرلى“!
كاسىپ سالاسىن گۇلدەندىرۋدەن اۋىل - قىستاقتى گۇلدەندىرۋگە دەيىن باس شۋجي جۇڭگو ۇلگىسىندەگى وسىزامانداندىرۋدىڭ كوركەم كورىنىسىنە كوز جىبەرىپ، كوسىلە سويلەدى:
”ءبىز بىرگە بايۋ ءۇشىن، الدىمەن بايىعاندار سوڭىنداعىلاردى جەتەكتەۋى، سوڭىنان بايىعانداردى الدىعا دەمەپ جىبەرۋىمىز كەرەك؛ اقشانى قانشا كوپ تاپساق تا رۋحاني وركەنيەتتى دارىپتەمەسەك بولمايدى، ءبىزدىڭ اۋىل سالتىمىز، سالت - سانامىز وركەنيەتتى بولۋىندا؛ ەكولوگيا مەن ەكونوميكانىڭ جاراسىمدى بولۋىندا ’جەكە شارۋاشىلىقتى وسىزامانداندىرۋعا، قىستاعىمىزدىڭ لاس، بىلىققان، ناشار بولۋىنا‘ بولمايدى... اۋىل - قىستاقتى گۇلدەندىرۋدى ’مەملەكەتتىڭ زور ىسىمەن‘ ۇشتاستىرۋ كەرەك“.
”جۇڭگو كوممۋنيستىك پارتياسىنىڭ جەكە مۇددەسى بولمايدى، بيلىك جۇرگىزۋ دەگەنىمىز حالىق ءۇشىن قىزمەت ىستەۋ، حالىق بۇقاراسىن باقىتقا كەنەلتۋ بولىپ تابىلادى. اۋىلداستاردىڭ تۇرمىسىنىڭ بارعان سايىن شالقي ءتۇسۋىن، ليجى سەكىلدى ماۋەلى جەمىس بەرۋىن ءۇمىت ەتەمىن“!
ەسىك اشۋ مەن ءوز كۇشىنە سۇيەنۋدەگى ستراتەگيالىق تالعام:
”جۇڭگو ەسىگىن وزدىگىنەن جاپپايدى، ءبىزدىڭ اشىق ەسىگىمىز ءالى دە اناعۇرلىم ايقارا اشىلادى“
رەفورما جاساۋ، ەسىك اشۋ − گۋاڭدۇڭنىڭ ايقىن بەلگىسى.
4 - ايدىڭ 12 - كۇنى تۇستەن كەيىن باس شۋجي شي جينپيڭ ىلگەرىندى - كەيىندى گۋاڭجوۋداعى ەكى كاسىپورىندى − ءبىر شەتەل كاسىپورىندا، ءبىر مەملەكەت مەنشىگىندەگى كاسىپورىندا قىزمەت تەكسەردى.
ەلىمىزدىڭ رەفورما جاساۋداعى، ەسىك اشۋداعى ”اتويشى، الدا جۇرگەن جەر، سىناق رايونى“ رەتىندە، جاڭا داۋىردەگى 10 جىلدا گۋاڭدۇڭ دۇنيە ءجۇزىن جالت قاراتقان كەرەمەتتەر جازدى: ەكونوميكالىق جالپى مولشەرى ەسەلەپ ارتىپ، 13 تريلليون يۋانعا تايادى؛ سىرتقى ساۋدا بۇكىل ەل بويىنشا 1 - ورىندى ورنىقتى يەلەدى؛ ناقتى پايدالانىلعان شەتەل قارجىسى ءبىر تريلليون 400 ميلليارد يۋاننان استى...
”قازىر گۋاڭدۇڭنىڭ ەكونوميكالىق جالپى مولشەرىن جەكە الىپ شىعىپ قاتارعا تۇرعىزساق، بۇكىل دۇنيە ءجۇزى بويىنشا الدىڭعى وننىڭ قاتارىنا ەنگىزۋگە بولادى“. ارىنداي تۇسكەن گۋاڭدۇڭدى باس شۋجي شي جينپيڭ تولىق تۇراقتاندىردى ءارى وعان اناعۇرلىم زورءۇمىت ارتتى.
قىزمەت تەكسەرۋ بارىسىندا، گۋاڭدۇڭ ولكەسىندەگى قاتىستى جاۋاپتى جولداستار جاڭا داۋىردەگى 10 جىلدا گۋاڭدۇڭنىڭ شەتەل قارجىسىنان پايدالانۋ ناتيجەسىنە مالىمەت بەرگەن كەزدە ”ەسەلەۋ دەگەندى“ 2 رەت قولداندى: ءىس جۇزىندە، پايدالانعان شەتەل قارجىسىنىڭ كولەمى ەسەلەندى، جوعارى تەحنيكالى جاساۋ كاسىبىنىڭ شەتەل قارجىسىن يەلەگەن سالىستىرماسى ەسەلەندى، 2012 - جىلعى ％20تەن 2022 - جىلى ％41كە جوعارىلادى.
كەزىندەگى ”ءۇشتى كىرگىزۋ، بىرگە تولەم بەرۋ“ قازىرگى توعىسپالى جاڭالىق اشۋعا دەيىن دۇنيە جۇزىندەگى 2 - ۇلكەن ەكونوميكالىق تۇلعانىڭ جوعارى ساپالى دامۋىنىڭ، جوعارى دەڭگەيدە ەسىك اشۋدىڭ نىق قادامىنا كۋا بولدى.
كورەيا لىجين سۇيىق كريستالدى ەكران شەكتى سەرىكتەستىگى ءوزىنىڭ الەمدىك وزەكتى ءوندىرىس بازاسىن گۋاڭجوۋدا ىرگە تەپتىرۋدى تاڭدادى.
بازانىڭ كورمە زالىندا كاسىپورىن جاۋاپتىسى باس شۋجي شي جينپيڭگە بازادا وندىرىلگەن قابىرعا قاعاز ەكرانى، تۇنىق ەكران، اۆتوكولىك ەكرانى، قوس بەتتىك ەكران سياقتى وزىق ەكرانداردى تانىستىردى، جۇڭگونىڭ بازار بولاشاعىنا كامىل سەنىمدە بولدى.
”بۇل سىزدەردىڭ تالعامدارىڭىزدىڭ دۇرىس ەكەندىگىن كورسەتەدى، سىزدەردىڭ وسى ارادا دامۋ بولاشاقتارىڭىز كەڭ“. باس شۋجي بىلاي دەدى: ”جۇڭگو بازارى تەڭىز - مۇحيت ىسپەتتى، بىزدە دۇنيە جۇزىندەگى ەڭ ۇلكەن تۇتىنۋ بازارى بار، ەل ءىشى، حالىقارا ءبىرىن - ءبىرى جەبەيتىن ’قوس اينالىمدى‘ جەدەل قۇرىپ، شارۋاشىلىق - ساۋدا ورتاسىن ۇزدىكسىز جاقسارتىپ، كەزەكتەگى دۇنيە ءجۇزى ەكونوميكاسى ءدوپ كەلىپ وتىرعان قيىنشىلىق جاعدايدا جۇڭگونىڭ بازار باسىمدىعى اناعۇرلىم كورنەكتىلەنە تۇسەدى“.
ومىرشەڭدىككە تولى جۇڭگو تۇراقسىز دۇنيە ءجۇزى ەكونوميكاسىنا ۇزدىكسىز اناعۇرلىم كوپ تۇراقتىلىق قوستى.
باس شۋجي شي جينپيڭ بىلاي دەپ باسا دارىپتەدى: ”جۇڭگونىڭ رەفورما جاساۋ، ەسىك اشۋ ساياساتى ۇزاق ۋاقىت وزگەرمەيدى، دايەكتى بولادى. جۇڭگو ەسىگىن وزدىگىنەن جاپپايدى، ءبىزدىڭ اشىق ەسىگىمىز ءالى دە ونان ارى ايقارا اشىلادى. دۇنيە جۇزىندەگى بىزبەن سەلبەستىك جاساپ، تەڭ يگىلىككە كەنەلۋگە پەيىل مەملەكەتتىڭ بارىمەن ءبىر بەتالىستا ءجۇرىپ، دۇنيە ءجۇزى ەكونوميكاسىنىڭ بىرگە گۇلدەنۋىن، دامۋىن ىلگەرىلەتۋگە پەيىلمىز“.
جوعارى دەڭگەيدەگى عىلىم - تەحنيكادا ءوز كۇشىنە سۇيەنىپ، ءوزىن الۋەتتەندىرۋدى جۇزەگە اسىرۋ − جۇڭگو ۇلگىسىندەگى وسىزامانداندىرۋ قۇرىلىسىنىڭ تەتىگى.
گۋاڭجوۋ اۆتوكولىك توبى اي - ان جاڭا ەنەرگيالى اۆتوكولىك جارنا شەكتى سەرىكتەستىگىنىڭ كورمە زالىندا 6 ءتۇرلى جاڭا اۆتوكولىك ءونىمى ءبىر قاتارعا ءتىزىلىپتى. باس شۋجي شي جينپيڭ جانىنا بارىپ، قىزىعا ءبىر - بىرلەپ كورىپ، باعاسىنان ساتىلۋ مولشەرىنە دەيىن، ماتەريال تەحنولوگياسىنان باتارەيا تەحنيكاسىنا دەيىن ەرەكشە ەگجەي - تەگجەيلى سۇرادى.
”جاڭا ەنەرگيالى اۆتوكولىكتى دامىتۋ − ەلىمىزدىڭ اۆتوكولىك ءىرى ەلىنەن اۆتوكولىك قۋاتتى ەلىنە قاراي قادام تاستاۋىنىڭ، ءسوزسىز، باسىپ وتەتىن جولى “− 2014 - جىلى باس شۋجي شي جينپيڭ وسىلاي دەپ تۇجىرىم جاساعان بولاتىن.
بۇگىنگى تاڭدا، جۇڭگونىڭ جاساۋ كاسىبىنىڭ جوعارى دارەجەلى، زەردەلىلەنگەن، جاسىل دامۋىنىڭ جاڭا جارىس جولىندا جاڭا ەنەرگيالى اۆتوكولىك قارقىنىن ۇدەتە ءتۇستى.
گۋاڭجوۋ اۆتوكولىك توبى اي - ان جاڭا ەنەرگيالى اۆتوكولىك جارنا شەكتى سەرىكتەستىگىنىڭ باس قۇراستىرۋ سەحىندا روبوتتىڭ دالمە - ءدال قۇراستىرىپ، سايكەسە جۇمىس ىستەۋىنەن تارتىپ، گۋاڭجوۋ اۆتوكولىك توبى زەرتتەۋ ورنىنىڭ زەردەلى توراپتىق تۇتاستىرۋ تاجىريبەحاناسىنا، اۆتوماتتى جۇرگىزۋ تاجىريبەحاناسىنا دەيىن باس شۋجي شي جينپيڭ ەرەكشە جەلپىندى:
”ءبىز ءبىر ميلليارد 400 ميلليوننان استام جان سانى بار ءىرى ەلمىز، ءبىر جاعىن عانا دامىتۋىمىزعا بولمايدى. باسقالارعا سۇيەنۋگە بولمايدى، وزىمىزگە سۇيەنۋىمىز كەرەك. ناقتى ەكونوميكاعا ءمان بەرىپ، ءوز كۇشىنە سۇيەنىپ ءومىر ءسۇرۋ جولىمەن ءجۇرىپ، عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جۇزەگە اسىرۋ كەرەك. ارينە، ءوز كۇشىنە سۇيەنۋدە، ءوزىن الۋەتتەندىرۋدە استە ەسىكتى جاۋىپ الىپ ءوزى ىستەۋ ەمەس، الدىمەن، ءوزىن تياناق ەتۋمەن بىرگە، حالىقارالىق سەلبەستىكتى دە قارسى الۋ كەرەك“.
گۋاڭجوۋ اۆتوكولىك توبى زەرتتەۋ ورنىندا باس شۋجي شي جينپيڭ گۋاڭدۇڭنىڭ ءارقايسى جاقتارىنان كەلگەن ۋاكىلدەرمەن ىقىلاسپەن پىكىر اۋىستىردى.
ولاردىڭ اراسىندا عىلمي زەرتتەۋ ۇجىمىن باستاپ كۆانتتىق تەحنيكا، جوعارى تەمپەراتۋرالى اسقىن وتكىزگىش سياقتى الدىڭعى لەكتەگى سالالاردا كەلەلى ناتيجەلەرگە قول جەتكىزگەن ستراتەگيالىق عالىمدار، بەيدوۋ چيپىن زەرتتەپ جاساۋعا ات سالىسقان جوعارى دارەجەلى ينجەنەرلەر، ءداستۇرلى ءۇي ەلەكتر جابدىقتارى كاسىپورىندارىنىڭ ينتەرنەتكە قاراي تيبىن جاڭالاۋىن ىلگەرىلەتكەن كاسىپورىنشىلار، شيزاڭنىڭ كۇن ەنەرگياسى ەلەكترىن گۋاڭدۇڭ − شياڭگاڭ − اۋمىن ۇلكەن شىعاناق رايونىنا جەتكىزۋگە كۇش سالعان عىلىم - تەحنيكا قىزمەتكەرلەرى، جاڭا تۇرپاتتى اۋياماتكا سياقتى دانەكەرلەۋ قۇرىلىسىنا ات سالىسقان ءىرى ەل ۇستالارى بار، سونداي - اق دۇنيە جۇزىنە ايگىلى حيميا ونەركاسىبى، ءدارى - دارمەك، ەلەكتروندى ەلەكتر جابدىقتارى سياقتى كوپتەگەن شەتەل كاسىپورىندارىنىڭ جۇڭگو رايونىنداعى جاۋاپتىلارى دا بار...
كوپشىلىك جابال سوزگە شىعىپ، باس شۋجي شي جينپيڭ زەيىن سالا تىڭدادى: ”ەكونوميكانى ۇزدىكسىز دامىتۋ كەرەك، ەرەكشە تولقۋىنان ساقتانۋ كەرەك. بۇل ارادا ەرەكشە ماڭىزدىسى، عىلىم - تەحنيكا، وقۋ - اعارتۋ، دارىندى سانالادى“.
سول ورىنداعى شەتەل قارجىلاندىرعان كاسىپورىنداردىڭ ۋاكىلدەرىن باس شۋجيدىڭ ۇسىنىس ەتۋى ىستىق ىقىلاسقا تولدى: ”گۋاڭدۇڭ − شياڭگاڭ − اۋمىن ۇلكەن شىعاناق رايونى الدا بۇكىل الەمدەگى بولاشاعى ەڭ جارقىن ارتۋ ۇيەكتەرىنىڭ ءبىرى بولادى. سىزدەردىڭ گۋاڭدۇڭعا كەلىپ، گۋاڭدۇڭ − شياڭگاڭ − اۋمىن ۇلكەن شىعاناق رايونىنا كەلىپ، جۇڭگوعا كەلىپ، قارجى قوسىپ، شارۋاشىلىق قۇرىپ، كاسىپورىن دامۋىنىڭ جاڭا شۇعىلالى ناتيجەسىن جاراتۋلارىڭىزدى قارسى الامىز“.
جۇڭگونىڭ دامۋ بولاشاعىنا كوز جىبەرگەن باس شۋجيدىڭ ءسوزى سەنىمگە تولى بولدى: ”جۇڭگو ۇلگىسىندەگى وسىزامانداندىرۋدىڭ نىساناسى، جوباسى، ستراتەگياسى بار، ءسوز جوق، جۇزەگە اسادى. ءبىز الداعى جەردە تاباندىلىق كورسەتىپ، تىڭعىلىقتى العا قاراي ىلگەرىلەتەمىز“.
(شينحۋا اگەنتتىگىنىڭ 4 - ايدىڭ 14 - كۇنى گۋاڭجوۋدان بەرگەن حابارى)
