4 - ايدىڭ 14 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭ حالىق سارايىندا جۇڭگوعا مەملەكەتتىك ساپارمەن كەلگەن برازيليانىڭ زۇڭتۇڭى لۋلامەن كەڭەس وتكىزدى. سۋرەتتە: كەڭەستەن ىلگەرى شي جينپيڭ مەن حانىمى پىڭ لييۋان لۋلامەن جانە ونىڭ حانىمى روسانگەلامەن بىرگە سۋرەتكە ءتۇستى.
□ سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
شينحۋا اگەنتتىگىنىڭ 4 - ايدىڭ 14 - كۇنى بەيجيڭنەن بەرگەن حابارى (ءتىلشى جىڭ ميڭدا). 4 - ايدىڭ 14 - كۇنى تۇستەن كەيىن مەملەكەت ءتوراعاسى شي جينپيڭ حالىق سارايىندا جۇڭگوعا مەملەكەتتىك ساپارمەن كەلگەن برازيليانىڭ زۇڭتۇڭى لۋلامەن كەڭەس وتكىزدى.
شي جينپيڭ لۋلانىڭ جۇڭگوعا ساپارلاي كەلگەندىگىن قىزۋ قارسى الاتىندىعىن ءبىلدىردى. شي جينپيڭ بىلاي دەپ اتاپ كورسەتتى: جۇڭگو مەن برازيليا جەكە - جەكە شىعىس، باتىس جارتى شارداعى ەڭ ۇلكەن وركەندەپ كەلە جاتقان ەلدەر جانە بازارى جاڭادان گۇلدەنگەن ماڭىزدى ەلدەر، ءوزارا جان - جاقتى ستراتەگيالىق سەرىكتەر، كەڭ كولەمدى ورتاق مۇددەگە يە، جۇڭگو − برازيليا قارىم - قاتىناسىنىڭ جالپى جاعدايلىق سيپاتتى، ستراتەگيالىق سيپاتتى، الەمدىك سيپاتتى ىقپالى كۇن سايىن كورنەكتىلەنە تۇسۋدە. جۇڭگو جاق برازيليامەن قارىم - قاتىناسىنا باستان - اياق ستراتەگيالىق جوعارى دەڭگەيدەن جانە ۇزاق بولاشاقتىق تۇرعىدان مامىلە جاسايدى جانە ونى دامىتادى، جۇڭگو − برازيليا قارىم - قاتىناسىن ديپلوماتيادا ماڭداي الدى ورىنعا قويادى. جۇڭگو جاق برازيليا جاقپەن بىرگە جاڭا داۋىردەگى جۇڭگو − برازيليا قارىم - قاتىناسىنىڭ تىڭ بولاشاعىن اشىپ، ەكى ەل حالقىنا اناعۇرلىم مول قۇت - ىرىس اكەلۋدى، ءوڭىردىڭ، ءتىپتى، دۇنيە ءجۇزىنىڭ بەيبىتشىلىگى، ورنىقتىلىعى جانە گۇلدەنىپ - كوركەيۋى، دامۋى ءۇشىن بەلسەندى دە ماڭىزدى رول اتقارۋدى قالايدى.
شي جينپيڭ بىلاي دەپ باسا دارىپتەدى: بيىل جۇڭگو مەن برازيليانىڭ ستراتەگيالىق سەرىكتەستىك قارىم - قاتىناس ورناتقاندىعىنىڭ 30 جىلدىعى، كەلەر جىلى ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعىن قارسى الامىز. جۇڭگو قازىر جوعارى ساپالى دامۋدى جانە جوعارى دەڭگەيدە سىرتقا ەسىك اشۋدى ىلگەرىلەتىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتىپ، برازيليانى قامتىعان دۇنيە جۇزىندەگى ءارقايسى ەلگە اناعۇرلىم كوپ وراي اپەرەدى. ەكى جاق ۇدايىلانعان ستراتەگيالىق بايلانىستى ساقتاپ، ەل باسقارۋ تاجىريبەلەرى جونىندە اۋىس - كۇيىس جاساۋدى كۇشەيتىپ، بەكەم تۇردە ءبىرىن - ءبىرى ماڭىزدى دامۋ ورايى دەپ ءبىلۋى، ءبىر - ءبىرىنىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرۋىن بەكەم قولداۋى، وركەندەپ كەلە جاتقان ەلدەردىڭ ىنتىماقتى، ىستەستىكتى كۇشەيتۋىن بەكەم قولداۋى كەرەك. ەكى جاق ناقتى ىستەر سەلبەستىگىن تەرەڭدەتىپ، قازىرگى كەلەلى سەلبەستىك نىساندارىن ورنىقتى ىلگەرىلەتىپ، اۋىل شارۋاشىلىعى، ەنەرگيا، نەگىزدىك قۇرىلعى قۇرىلىسى، اۆياتسيا − عارىش، عىلىم - تەحنيكادا جاڭالىق اشۋ سياقتى سالالاردا سەلبەسۋدىڭ كومەسكى كۇشىن ىشكەرىلەي اشىپ، جاسىل ەكونوميكا، سيفرلى ەكونوميكا، تازا ەنەرگيا سياقتى سەلبەستىكتەردى كۇشەيتۋ جونىندە ىزدەنىس جاساۋى كەرەك، برازيليانىڭ اناعۇرلىم كوپ ساپالى ونىمدەرىنىڭ جۇڭگو بازارىنا كىرۋىن قارسى الامىز. جۇڭگو جاق ”ءبىر بەلدەۋ، ءبىر جولدى“ بىرگە قۇرۋدى برازيليانىڭ ”قايتالاي ونەركاسىپتەندىرۋ“ ستراتەگياسىمەن ۇشتاستىرۋ جونىندە بەلسەنە ىزدەنىس جاساۋدى قالايدى. ەكى جاق كەلەر جىلى ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعىن قۇتتىقتاۋدى وراي ەتە وتىرىپ، گۋمانيتارلىق سالاداعى اۋىس - كۇيىستى، سەلبەستىكتى جيىلەتىپ، جۇڭگو − برازيليا دوستىعىنىڭ حالىق قالاۋى نەگىزىن بەكەمدەۋى كەرەك.
شي جينپيڭ بىلاي دەپ اتاپ كورسەتتى: جۇڭگو جاق لاتىن امەريكاسى مەن كارايب ەلدەرىنىڭ بەيبىتشىلىك، ورنىقتىلىق، دەربەس، ءوز - وزىنە قوجايىن بولۋ، ىنتىماقتاسا دامۋ سىندى تاماشا جاعدايىن بەكەمدەۋدى باتىل قولدايدى، ءوڭىردىڭ ءبىر تۇلعالانۋ اياق الىسىن ىلگەرىلەتۋىن، سونداي - اق حالىقارالىق ىستەردە اناعۇرلىم زور رول اتقارۋىن قولدايدى. جۇڭگو جاق برازيليا جاقپەن بىرگە جۇڭگو − لاتىن امەريكاسى تالقى مىنبەرىن ۇزدىكسىز ويداعىداي جۇرگىزىپ، جۇڭگو − لاتىن امەريكاسى سەلبەستىگىنىڭ تىڭ ساتىعا كوتەرىلۋىن ىلگەرىلەتىپ، بىرگە دامۋدى جۇزەگە اسىرۋدى قالايدى. جۇڭگو جاق برازيليا جاقپەن بىرگە جۇڭگونىڭ وڭتۇستىك جاق ورتاق بازارىمەن، وڭتۇستىك امەريكا ەلدەرى وداعىمەن سەلبەستىكتى كۇشەيتۋدى دە قالايدى. دۇنيە جۇزىندە 100 جىلدا بولماعان زور وزگەرىس الدىندا، جۇڭگو مەن برازيليا تاريحتىڭ دۇرىس جاعىندا تۇرىپ، ناعىز كوپ جاقتىلىقتى امالياتتا ايگىلەپ، بۇكىل ادامزاتتىڭ ورتاق قۇنىن اسقاقتاتىپ، الەمدىك باسقارۋ جۇيەسىنىڭ اناعۇرلىم ءادىل، ۇيلەسىمدى بەتالىسقا قاراي دامۋىن ىلگەرىلەتىپ، قالىڭ وركەندەپ كەلە جاتقان ەلدەردىڭ ورتاق مۇددەسىن جانە حالىقارالىق ادىلدىكتى، تۋراشىلدىقتى شىن مانىندە ويداعىداي قورعاپ، ادامزاتتىڭ تاعدىرلاس ورتاق تۇلعاسىن قول ۇستاسا قۇرۋ كەرەك. جۇڭگو جاق برازيليا جاقپەن بىرگە بىرلەسكەن مەملەكەتتەر ۇيىمى، بريكس ەلدەرى، 20 ەل توبى سياقتى كوپ جاقتى جۇلگەدە ورتاق كوڭىل ءبولىپ وتىرعان الەمدىك ماسەلەلەر جونىندە ستراتەگيالىق ىستەستىكتى كۇشەيتۋدى، كليمات وزگەرىسىنە توتەپ بەرۋ جونىندە سايكەسۋدى، سەلبەسۋدى كۇشەيتۋدى قالايدى.
لۋلا مىنالاردى ءبىلدىردى: مەن كولەمدى ۋاكىلدەر ۇيىرمەسىن باستاپ جۇڭگوعا 4 - رەت ساپارلاي كەلگەندىگىمدى اسا ۇلكەن مەرەي تۇتامىن جانە ماقتانىش سەزىنەمىن، بۇل مەنىڭ وسى جولى زۇڭتۇڭدىققا سايلانعاننان بەرى، امەريكا قۇرلىعىنان وزگە جەرگە تۇڭعىش رەت ساپارلاي بارعان ەلىم سانالادى، بۇل برازيليا جاقتىڭ جۇڭگونى قىزۋ سۇيەتىندىگىن، سونداي - اق برازيليا − جۇڭگو قارىم - قاتىناسىن دامىتۋعا باسا ءمان بەرەتىندىگىن ايگىلەيدى. جۇڭگو بۇگىنگى دۇنيە جۇزىندەگى ساياسي، ەكونوميكا - ساۋدا، عىلىم - تەحنيكا سياقتى سالالاردا كەم بولسا بولمايتىن ماڭىزدى كۇش بولىپ، دۇنيە ءجۇزىنىڭ بەيبىتشىلىگى مەن دامۋىن جەبەۋدە اسا ماڭىزدى رول اتقارۋدا. برازيليا ءادىل، ۇيلەسىمدى حالىقارالىق ءتارتىپ ورناتۋدى ىلگەرىلەتۋ سىندى ستراتەگيالىق تۇرعىدان جۇڭگومەن اناعۇرلىم تىعىز قارىم - قاتىناستى دامىتۋعا كۇش سالادى. جۇڭگومەن قارىم - قاتىناستى جاپپاي كۇشەيتۋ دە برازيليانىڭ زاڭ شىعارۋ قۇرىلىمدارى مەن قوعامداعى ءار سالانىڭ ورتاق كۇشتى تىلەگى، مەن حۋاۋي سەرىكتەستىگىن ەكسكۋرسيالاعانىما ءارى جۇڭگو جاقتىڭ قاتىستى كاسىپورىندارىنىڭ ۋاكىلدەرىمەن كەزدەسكەنىمە اسا قۋانىشتىمىن، جۇڭگونىڭ 5G سياقتى سالاداعى دامۋ جەتىستىكتەرىنە ەرەكشە سۇيىنەمىن، ەكى ەلدىڭ قاتىستى سالالارداعى سەلبەستىكتى كەڭەيتۋىن ءۇمىت ەتەمىن، جۇڭگو كاسىپورىندارىنىڭ برازيلياعا بارىپ قارجى قوسىپ، سەلبەستىك جاساپ، برازيليانىڭ سيفرلانۋعا ويىسۋ مەن تومەن كومىر قىشقىل گازدى دامۋىن جۇزەگە اسىرۋىنا دەم بەرۋىن قارسى الامىن. برازيليا مەن جۇڭگونىڭ سەلبەستىكتى تەرەڭدەتۋىنىڭ، كەڭەيتۋىنىڭ برازيليانىڭ ”قايتالاي ونەركاسىپتەندىرۋ“ اياق الىسىنا ءتيىمدى بولاتىندىعىنا، كەدەيلىكتەن ارىلتۋ سياقتى ماسەلەلەردى شەشۋگە ءتيىمدى بولاتىندىعىنا، حالىقتى اناعۇرلىم ويداعىداي باقىتقا كەنەلتەتىندىگىنە سەنەمىن. برازيليا جاق جۇڭگو جاقپەن وقۋ - اعارتۋ، مادەنيەت سياقتى سالالارداعى اۋىس - كۇيىستى، سەلبەستىكتى جيىلەتىپ، ەكى جاق حالقىنىڭ ءوزارا ءتۇسىنىسۋىن تەرەڭدەتۋدى قالايدى. برازيليا مەن جۇڭگو كوپتەگەن كەلەلى حالىقارالىق ماسەلەلەردە ورتاق تانىمعا جانە ورتاق مۇددەگە يە، ەكى جاق تا كوپ جاقتىلىقتى جانە حالىقارالىق ادىلدىك پەن تۋراشىلدىقتى قورعايدى، برازيليا جاق جۇڭگو جاقپەن 20 ەل توبى، بريكس ەلدەرى سياقتى كوپ جاقتى جۇلگەدەگى ستراتەگيالىق ىستەستىكتى كۇشەيتىپ، حالىقارالىق فينانس، كليمات وزگەرىسىنە توتەپ بەرۋ جانە قورشاعان ورتانى قورعاۋ جاعىندا سايكەسۋدى، سەلبەسۋدى كۇشەيتىپ، وركەندەپ كەلە جاتقان ەلدەردىڭ ادىلەتسىز ەرەجە - قاعيدانىڭ بۇعاۋىنان قۇتىلۋىن، اناعۇرلىم ءادىل، تەپە - تەڭ دامۋدى جۇزەگە اسىرۋىن ىلگەرىلەتۋگە ۇلەس قوسۋدى قالايدى. مەن برازيليا − جۇڭگو قارىم - قاتىناسىنىڭ بولاشاعىنىڭ، ءسوز جوق، اناعۇرلىم جارقىن بولاتىندىعىنا سەنەمىن.
ەكى ەلدىڭ مەملەكەت باسشىلارى ۋكراينا داعدارىسى ماسەلەسى جونىندە دە پىكىر اۋىستىردى. ەكى جاق ءبىر اۋىزدان تىلدەسۋ، كەلىسسوز وتكىزۋ − ۋكراينا داعدارىسىن شەشۋدىڭ بىردەن - ءبىر شىعار جولى، داعدارىستى بەيبىت جولمەن شەشۋگە ءتيىمدى بارلىق قۇلشىنىستار شابىتتاندىرۋعا جانە قولداۋعا يە بولۋ كەرەك دەپ قاراپ، اناعۇرلىم كوپ ەلدى ۋكراينا داعدارىسىن ساياسي جولمەن شەشۋدى ىلگەرىلەتۋدە سىندارلى رول اتقارۋعا ۇندەپ، وسى جونىندە بايلانىستى ساقتاۋدى ۇيعاردى.
كەڭەستەن كەيىن ەكى ەلدىڭ مەملەكەت باسشىلارى ساۋدا، قارجى قوسۋ، سيفرلى ەكونوميكا، عىلىم - تەحنيكادا جاڭالىق اشۋ، ينفورماتسيا، حابارلاسۋ، كەدەيلىكتى ازايتۋ، كارانتيندەۋ، عارىش سياقتى سالالارداعى كوپتەگەن ەكى جاقتى سەلبەستىك حۇجاتتارىنا قول قويۋعا بىرگە كۋا بولدى.
ەكى جاق «جۇڭحۋا حالىق رەسپۋبليكاسى مەن برازيليا فەدەراتسيالىق رەسپۋبليكاسىنىڭ جان - جاقتى ستراتەگيالىق سەرىكتەستىك قارىم - قاتىناستى تەرەڭدەتۋ جونىندەگى بىرلەسكەن مالىمدەمەسىن» جاريالادى.
كەڭەستەن ىلگەرى شي جينپيڭ حالىق سارايىنىڭ شىعىس قاقپاسىنىڭ سىرتىنداعى الاڭدا لۋلانى قارسى الۋ سالتىن وتكىزدى.
لۋلا كەلگەندە قۇرمەت قاراۋىلى قاتار تۇزەپ قۇرمەت ءبىلدىردى. ەكى ەلدىڭ مەملەكەت باسشىلارى پارات مىنبەسىنە شىقتى، اسكەري وركەستر جۇڭگو مەن برازيليا ەكى ەلدىڭ مەملەكەت ءانىن ورىندادى، تيان - انمىن الاڭىندا 21 رەت قۇرمەت ساليۋتى اتىلدى. لۋلا شي جينپيڭنىڭ سەرىك بولۋىمەن جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى ءارى سالتانات قاتارىن تاماشالادى.
شي جينپيڭنىڭ حانىمى پىڭ لييۋان مەن لۋلانىڭ حانىمى روسانگەلا قارسى الۋ سالتىنا بىرگە قاتىناستى.
سول كۇنى كەشتە شي جينپيڭ مەن حانىمى پىڭ لييۋان حالىق سارايىنىڭ جينسى زالىندا لۋلا مەن حانىمى روسانگەلانى قارسى الۋ قوناعاسىن وتكىزدى.
ۋاڭ ي، چين گاڭ قاتارلىلار جوعارىداعى قيمىلدارعا قاتىناستى.
