اۆتونوميالى رايوندىق پارتكوم بىرلىكساپ ءبولىمىنىڭ شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيە قىزمەت ءماجىلىسى اشىلدى
نەگىزگى تاقىرىپتىق تاربيەنىڭ جەتىستىكتەرىن قىزمەتتىڭ ناقتى ونىمدىلىگىنە شىن مانىندە اينالدىرۋ كەرەك
انار بۇلت \ شينجياڭ گازەتىنىڭ ءتىلشىسى ميھىرگۇل عوپۇر 4 - ايدىڭ 15 - كۇنى ۇرىمجىدەن حابارلايدى. 4 - ايدىڭ 14 - كۇنى اۆتونوميالى رايوندىق پارتكوم بىرلىكساپ ءبولىمىنىڭ شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيە قىزمەت ءماجىلىسى اشىلىپ، نەگىزگى تاقىرىپتىق تاربيەنى ورىستەتۋ جونىندە ورنالاستىرۋ جاسالدى. اۆتونوميالى رايوندىق پارتكومنىڭ تۇراقتى مۇشەسى، بىرلىكساپ ءبولىمىنىڭ باستىعى ەلزات احمەتجان ماجىلىسكە قاتىناستى ءارى ءسوز سويلەدى.
ءماجىلىس مىنالاردى باسا دارىپتەدى: نەگىزگى تاقىرىپتىق تاربيە ورىستەتۋدىڭ كەلەلى ءمانىن جەتە تانىپ، ”ەكىنى تۇراقتاندىرۋدىڭ“ شەشۋشى ءمانىن اناعۇرلىم تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باستان - اياق يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك. نەگىزگى تاقىرىپتىق تاربيەنىڭ جالپى تالابىن، ءتۇبىرلى مىندەتىن جانە نىساناسىن، ونىمدىلىگىن جاپپاي دالمە - ءدال يگەرىپ، قىزمەت ءىس جۇزىندىگىمەن تىعىز ۇشتاستىرىپ، نازاريا ۇيرەنۋدى، تەكسەرۋ - زەرتتەۋدى، دامۋدى ىلگەرىلەتۋدى، قاداعالاۋ مەن رەتتەۋ - تۇزەتۋدى، ەرەجە - ءتۇزىم ورناتۋدى ءبىر تۇلعالى ىلگەرىلەتىپ، جۇڭحۋا ۇلتى ورتاق تۇلعا تانىمىن بەرىك ورناتۋ، ءىسلام ءدىنىن جۇڭگوشالاندىرۋ بەتالىسىنا تاباندى بولۋ سياقتى 6 جاقتى ءتۇيىندى ارقاۋ ەتە وتىرىپ ىشكەرىلەي تەكسەرۋ - زەرتتەۋ جۇرگىزىپ، نازاردى رەفورمانى تەرەڭدەتۋ، حاۋىپ - قاتەردەن ساقتانۋ، حالىق ءۇشىن ناقتى ىستەر ىستەۋ سياقتى جاقتارعا شوعىرلاندىرىپ دامۋعا، حاۋىپسىزدىككە قىزمەت وتەپ، كورنەكتى ماسەلەلەردى رەتتەۋ - تۇزەتۋدى مىقتى يگەرىپ، نەگىزگى تاقىرىپتىق تاربيەنىڭ تەرەڭدەۋىن، ناقتىلانۋىن ىلگەرىلەتۋ كەرەك. ۇيىمدىق باسشىلىقتى كۇشەيتىپ، ساتىلار بويىنشا جاۋاپكەرشىلىكتى قاتايتىپ، نەگىزگى تاقىرىپتىق تاربيەنىڭ جەتىستىكتەرىن بىرلىكساپ قىزمەتىنىڭ ناقتى ونىمدىلىگىنە شىن مانىندە اينالدىرىپ، جاڭا جورىقتا كورىكتى شينجياڭ قۇرۋعا زەيىن - زەردەنى، كۇش - قۋاتتى ۇيىستىرۋ كەرەك.
اۆتونوميالى رايوننىڭ نەگىزگى تاقىرىپتىق تاربيە ارالاپ جەتەكشىلىك ەتۋ 1 - گرۋپپاسى ماجىلىسكە قاتىناسىپ، قىزمەتكە جەتەكشىلىك ەتتى.
