شينحۋا اگەنتتىگىنىڭ تىلشىلەرى جۋ جيچاي، حۋاڭ يۋە
ليڭناننىڭ 4 - ايى، كوكتەم سامالى ەسىپ، كۇن شۇلەن شۋاعىن شاشقان تاماشا مەزگىل. جاڭا داۋىردەن بەرى، باس شۋجي شي جينپيڭ 4 - رەت گۋاڭدۇڭعا بارىپ قىزمەت تەكسەردى، تەكسەرۋ - زەرتتەۋ جۇرگىزدى.
بۇل − باس شۋجيدىڭ پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلىندا تۇڭعىش رەت جەرگىلىكتى ورىندا قىزمەت تەكسەرۋى ءارى 2023 - جىلعى مەملەكەتتىك ەكى ماجىلىستەن كەيىن، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى باستالعاننان كەيىن العاش رەت سىرتقا شىعىپ تەكسەرۋ - زەرتتەۋ جۇرگىزۋى.
4 - ايدىڭ 10 - كۇنىنەن 13 - كۇنىنە دەيىنگى 4 كۇن ۋاقىتتا جانجياڭ − ماۋميڭ − گۋاڭجوۋدا بولىپ، باتىستان شىعىسقا قاراي گۋاڭدۇڭنىڭ باتىسىنداعى بايتاق دالانى ەندەي ءوتىپ، چيۇڭجوۋ بۇعازى جاعالاۋىنان جۋجياڭ جيەگىنە دەيىن مىڭ شاقىرىم جول باسقان باس شۋجي شي جينپيڭ ارىپ - شارشادىم دەمەي، جول بويى تەكسەرۋ - زەرتتەۋ جۇرگىزدى، جول بويى ويلانىپ - تولعاندى.
وسى جول بويىندا كورىنىستەر ۇزدىكسىز جاڭالانىپ وتىردى: ”التىن سۋ ارناسىندا“ قايشالىسقان كەمەلەر، جايقالا وسكەن ”تەڭىز - مۇحيت قورعاۋشىسى“، جاسىل جەلەك جامىلعان ليجى باعى، كاسىپورىن سەحتارىنداعى ماشينالاردىڭ گۇرىلدەگەن داۋىسى...
وسى ساپاردا تالاي - تالاي بەينەلەر كوز الدىمىزدا كورىنىس بەردى: وزدەرىنە كامىل سەنەتىن سورتتى تۇقىم جەتىلدىرەتىن بالىق شارۋاشىلىعى ماماندارى، ليجى ەگىپ پايداعا كەنەلگەن، جۇزدەرىنەن كۇلكى ەسكەن اۋىلداستار، بار ىنتا - ىقىلاسىمەن اۆتوماتتى جۇرگىزۋ تاجىريبەسىن ىستەپ جاتقان جاستار، زور ۇمىتپەن جۇڭگو بازارىن تەرەڭ اشقان شەتەل ساۋداگەرلەرىنىڭ ۋاكىلدەرى...
تەكسەرۋ - زەرتتەۋ − جۇڭگو كوممۋنيستەرىنىڭ ”اسىل مۇراسى“.
«جىجياڭ جاڭا سوزدەرىن» اقتارساق، باسقى ءبىرىنشى بولىمىندە «تەكسەرۋ - زەرتتەۋ قىزمەتىندە ”تەرەڭ، ناقتى، ەگجەي - تەگجەيلى، دالمە - ءدال، ءونىمدى بولۋدى“ تالاپ ەتۋ» ايتىلادى. ەندى عانا باستالعان نەگىزگى تاقىرىپتىق تاربيەدە پارتيا ورتالىق كوميتەتى ”بۇكىل پارتيادا تەكسەرۋ - زەرتتەۋدى بارىنشا ورىستەتۋدى“ ماڭىزدى مازمۇن ەتۋدى ۇيعاردى.
باس شۋجيدىڭ وسى رەت گۋاڭدۇڭدا تەكسەرۋ - زەرتتەۋ جۇرگىزگەندە باسقان ىزىنەن ءبىز ونىڭ شىن سىرىن تەرەڭ سەزىنە الامىز.
تەكسەرۋ - زەرتتەۋدىڭ نەگىزگى تاقىرىبى مەن وبيەكتىسى وتە ماڭىزدى. نە ءۇشىن گۋاڭدۇڭعا باردى؟
بۇل − كەڭ تولعانۋ ارقىلى جاسالعان تاڭداۋ: ”مەن گۋاڭدۇڭنىڭ قىزمەتىنە باستان - اياق ۇلكەن ءۇمىت ارتىپ كەلەمىن“، ”گۋاڭدۇڭ − تەرەزە. گۋاڭدۇڭعا بارىپ ارالاپ كورىپ، پارتيا 20 - قۇرىلتايىنان بەرى قانداي جاڭا ىلگەرىلەۋشىلىك، جاڭا بەينە بولعاندىعىن ۇعىسىپ كورۋ كەرەك“.
باس شۋجيدىڭ ءار رەتكى گۋاڭدۇڭدا قىزمەت تەكسەرۋى پارتيا مەن مەملەكەت ىستەرىنىڭ العا باسۋداعى ماڭىزدى تۇيىنىنە تۋرا كەلىپ وتىردى.
”اتويشى، الدا جۇرگەن جەر، سىناق رايونى“ رەتىندە، گۋاڭدۇڭ اۋىر مىندەت ارقالادى، ورىندى ىستەن ەشقاشان باس تارتپادى. وسى رەتكى قىزمەت تەكسەرۋدە باس شۋجي گۋاڭدۇڭعا جاڭا كەلەلى بورىش جۇكتەدى − ”جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋدە الدىڭعى لەكتە ءجۇرۋ كەرەك“.
جۇڭگو ۇلگىسىندەگى وسىزامانداندىرۋ، بۇل بۇرىنعىلار ىستەپ كورمەگەن ۇلى ءىس. نازاريالىق جاقتا تاقىرىپ اشۋدان اماليات جاعىندا ىلگەرىلەتۋگە دەيىنگى بارىستا ”كوپىر جانە كەمە“ قايدا؟ باس شۋجيدىڭ وسى ساپارى − تيپتىك ماسەلەلەردى تەكسەرىپ - زەرتتەۋ ءارى ءبىر رەتكى جاندى مىسال ارقىلى جەتەكشىلىك ەتۋ بولىپ تابىلادى.
تەكسەرۋ - زەرتتەۋدىڭ تەرەڭدىگى، ستيلدىڭ دايەكتىلىگى ادامدارعا تەرەڭ اسەر قالدىردى.
قىزمەت تەكسەرگەن ءبىرىنشى ايالداما جانجياڭدى الىپ ايتايىق. باس شۋجي ءبىر كۇن ىشىندە ىلگەرىندى - كەيىندى مەملەكەتتىڭ 863 جوسپار نىسانى بولعان تەڭىز سۋى باعىمشىلىعى، تۇقىم ينجەنەرياسىنىڭ وڭتۇستىك بازاسى، ماجاڭ رايونى حۋگۋاڭ قالاشىعى جيننيۋداۋ قىزىل اعاش ورمانى اۋماعى، شۇيۋىن پورتى، شۇيۋىن اۋدانىنداعى داشۇيچياۋ سۋ قويماسى سياقتى 4 جەردى كوردى. قىزمەت تەكسەرگەن تۇيىندەرىنىڭ ارالىعى الىس بولدى، باس شۋجي لەيجوۋ تۇبەگىن بويلاي وڭتۇستىككە ءجۇرىپ، ەلىمىز ۇلى قۇرلىعىنىڭ ەڭ وڭتۇستىك شەتىنە دەيىن باردى.
تاڭ اعارا جولعا شىعىپ، قاراڭعى تۇسكەندە ورالدى، مۇنداعى ماقساتى جەرگىلىكتى ورىننىڭ دامۋ وزگەرىسىن كوبىرەك كورىپ، اناعۇرلىم كوپ ناقتى جاعدايلاردى ۇعىسۋ، يگەرۋ ەدى.
بارعان جەرلەرىنىڭ بارلىعىندا باس شۋجي ىجداعاتتىلىقپەن نەگىزگى ساتى بۇقاراسىمەن اڭگىمە دۇكەن قۇردى، دامۋ ەسەبىن جاسادى.
ماۋميڭ بايچياۋ قىستاعىنداعى ليجى اعاشىنىڭ ساياسىندا ليجىنىڭ باعاسىن، ساتىلۋ ارناسىن، باعبانداردىڭ كىرىسىن سۇراپ ۇعىستى، سونداي - اق ليجىنى جاس كۇيىندە ساقتاۋ ماسەلەسىنە ەرەكشە كوڭىل ءبولدى. گۋاڭجوۋ اۆتوكولىك توبى اي - ان جاڭا ەنەرگيا اۆتوكولىك جارنا شەكتى سەرىكتەستىگىنىڭ كورمە زالىندا جاڭا ەنەرگيالى اۆتوكولىكتەردىڭ باعاسىنان ساتىلۋ مولشەرىنە، ماتەريال تەحنولوگياسىنان باتەريا تەحنيكاسىنا دەيىن ەرەكشە تاپتەشتەي سۇرادى.
ءارى دالمە - ءدال ناقتى تەكسەرۋ - زەرتتەۋ جۇرگىزدى، ءارى جان - جاقتى اڭگىمەلەستى، پىكىر اۋىستىردى. باس شۋجي تىكەلەي جاعداي ۇعىسىپ، تىكەلەي اڭىس تىڭداپ، دۇرىس تۇسىنىكتىڭ قاينار كوزىن قاراستىردى.
گۋاڭجوۋ اۆتوكولىك توبى زەرتتەۋ ورنىندا تىڭ تىنىس تانىتقان ”تەكسەرۋ - زەرتتەۋ ءماجىلىسىن“ اشتى.
گۋاڭدۇڭنىڭ ءار جاعىنان كەلگەن 10 نەشە ۋاكىل قورالانا باس شۋجيدىڭ قارسى الدىندا تۇردى. ولاردىڭ اراسىندا ستراتەگيالىق عالىمدار، اعا ينجەنەرلەر، كاسىپورىنشىلار، ءىرى ەل ۇستالارى، كوپتەگەن شەتەل كاسىپورىندارىنىڭ جۇڭگو رايونىنداعى جاۋاپتىلارى بولدى.
زال ەرەكشە قىزۋ مەرەيگە شومدى، كوپشىلىك كەزەكپەن سويلەپ، ويلارىن، اسەرلەرىن اقتارىلا بايانداپ، بەلسەنە سىندارلى اقىل - كەڭەس بەردى. باس شۋجي دەن قويا تىڭداپ، ءالىسىن - ءالى ءسوز قىستىرا سۇراپ، ىشكەرىلەي جاۋاپ بەردى.
”وتە ىقىلاستى، وتە مەيىرلى جان ەكەن“، ”باس شۋجيدى تەڭىز - مۇحيت بالىق شارۋاشىلىعىن وسىنشاما تۇسىنەدى دەپ ويلاماعان ەكەنمىن“، ”وتە ىجداعاتتىلىقپەن، وتە ناقتى سۇراۋ سۇرادى“... مىنە بۇل نەگىزگى ساتى بۇقاراسىنىڭ وسى ”حالىق قىزمەتشىسىن“ كورگەندەگى شىنايى اسەرى.
قىزمەت تەكسەرۋدە بىرگە بولعان پارتيا مۇشەلەرى مەن كادرلار مىنالاردى ءبىلدىردى: ”ەرەكشە جىگەرلەندىك، پارتيانىڭ بۇقارالىق لۋشيانىمەن ءجۇرۋ، تەكسەرۋ - زەرتتەۋ ستيلىن جاپپاي ساۋلەلەندىرۋ جونىندە تاعى ءبىر رەت جاندى دا تەرەڭ تاربيە قابىلدادىق“.
تەكسەرۋ - زەرتتەۋ ماسەلەنى باعدار، امالياتقا جەتەكشىلىك ەتۋدى نىسانا ەتتى.
وسى رەت گۋاڭدۇڭدا قىزمەت تەكسەرگەندە، باس شۋجي جول بويى ىشكەرىلەي تەكسەرۋ - زەرتتەۋ جۇرگىزىپ، جول بويى تەرەڭ ويلانىپ - تولعانىپ، جوعارى ساپالى دامۋدى ىلگەرىلەتۋدىڭ، جاڭا دامۋ ارناسىن قالىپتاستىرۋدىڭ ءتۇيىندى سالالارىنا، شەشۋشى بۋىندارىنا باعىتتاي وتىرىپ، تامىر ۇستاپ، دياگنوز قويدى، دالمە - ءدال جەتەكشىلىك ەتتى.
ءبىر سۋ قويماسىنان سۋ بايلىعىن ساپالى ۇلەستىرۋ ماسەلەسىن ۇعىستى، سول ارقىلى وڭىرلىك دامۋدىڭ بىركەلكى بولماۋىن شەشۋدىڭ ءونىمدى جولىن قاراستىردى.
داشۇيچياۋ سۋ قويماسىنىڭ توسپاسىندا باس شۋجي الىسقا كوز تاستاپ: ”قاراڭىزدارشى، سۋ ماسەلەسى شەشىلسە، بۇل ارانى ونان ارى دامىتۋعا بولادى“، ”بۇل ستراتەگيالىق ماسەلە، اناعۇرلىم تەرەڭىرەك ويلاستىرۋ كەرەك“، - دەدى.
ليجى باعىندا اۋىل - قىستاقتىڭ ەرەكشە كاسىپ سالاسىن دامىتۋىنا نازار اۋداردى، اۋىل - قىستاقتى گۇلدەندىرۋدى قالاي جاپپاي ىلگەرىلەتۋ، قالا مەن اۋىلدىڭ سايكەستى دامۋىن قالاي ىلگەرىلەتۋ جونىندە ونان ارى ويلانىپ - تولعاندى.
بايچياۋ قىستاعىنداعى ىقىلاستى قىستاق تۇرعىندارىنىڭ الدىندا باس شۋجي شەشىلە سويلەدى: ”ءبىز بىرگە بايۋ ءۇشىن، الدىمەن بايىعاندار سوڭىنداعىلاردى جەتەكتەۋى، سوڭىنان بايىعانداردى الدىعا دەمەپ جىبەرۋىمىز كەرەك“، ”اۋىل - قىستاقتى گۇلدەندىرۋدى وسى ’مەملەكەتتىڭ زور ىستەرىمەن‘ ۇشتاستىرۋ كەرەك“.
گۋاڭجوۋ اۆتوكولىك توبى اي - ان جاڭا ەنەرگيا اۆتوكولىك جارنا شەكتى سەرىكتەستىگىندە تەكسەرۋ - زەرتتەۋ جۇرگىزگەندە، سەحتاعى ءوندىرىس جەلىلەرىنەن الدىڭعى زەرتتەۋ تاجىريبەحانالارىنا دەيىن باس شۋجي تەرەڭ اسەر الىپ، تاعى ءبىر رەت بىلاي دەپ باسا دارىپتەدى: ”ناقتى ەكونوميكاعا باسا نازار اۋدارۋ كەرەك، ءوز كۇشىنە سۇيەنىپ ءومىر ءسۇرۋ جولىمەن ءجۇرۋ، عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جۇزەگە اسىرۋ كەرەك“.
جوسپار جاسالدى، دابىل قاعىلدى، تەتىك باس الماي قاجىرلىلىقپەن ىستەپ، جوسپاردى رەالدىققا اينالدىرۋدا.
تەكسەرۋ - زەرتتەۋ ارقىلى باستاما اشىلدى، تەكسەرۋ - زەرتتەۋ ارقىلى جول اشىلدى.
جاڭا جورىقتىڭ باستاماسىنا قادام تاستاعان شەشۋشى ساتتە باس شۋجي ءوزى باس بولىپ ورىنداپ، ءبىر رەتكى جاندى دا تەرەڭ تەكسەرۋ - زەرتتەۋ ارقىلى بۇكىل پارتياعا ۇلگى كورسەتىپ، قالىڭ پارتيا مۇشەلەرى مەن كادرلاردى ”اسىل مۇرانى“ ويداعىداي پايدالانۋعا، ”نەگىزگى ونەرگە“ جەتكىلىكتى توسەلىپ، ناقتى جاعدايدى يگەرۋگە، عىلمي شەشىم جاساۋعا، تياناقتاندىرۋدى ويداعىداي يگەرۋگە جەتەكتەدى.
نانحاي جاعالاۋىندا ”كوكتەم حيكاياسىنىڭ“ جاڭا پاراعى اشىلدى. باس شۋجيدىڭ ءسوزى سەنىمگە تولى ەدى: ”جۇڭگو ۇلگىسىندەگى وسىزامانداندىرۋدىڭ نىساناسى، جوسپارى، ستراتەگياسى بار، ءسوز جوق، جۇزەگە اسادى. ءبىز الداعى جەردە تاباندىلىق كورسەتىپ، تىڭعىلىقتى العا ىلگەرىلەتەمىز“.
(شينحۋا اگەنتتىگىنىڭ 4 - ايدىڭ 15 - كۇنى گۋاڭجوۋدان بەرگەن حابارى)
