«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
جاڭا دامۋ ارناسىن جەدەل قالىپتاستىرىپ، بولاشاقتاعى دامۋدىڭ ىرىقتىلىعىن يگەرەيىك
شينحۋا اگەنتتىگىنىڭ 4 - ايدىڭ 15 - كۇنى بەيجيڭنەن بەرگەن حابارى. 4 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 8 - سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «جاڭا دامۋ ارناسىن جەدەل قالىپتاستىرىپ، بولاشاقتاعى دامۋدىڭ ىرىقتىلىعىن يگەرەيىك» اتتى ماڭىزدى ماقالاسىن جاريالايدى.
ماقالادا مىنالار باسا دارىپتەلدى: ەلىمىزدەگى ءبىر ميلليارد 400 ميلليوننان استام حالىق تۇتاس تۇلعا بويىنشا وسىزاماندانعان قوعامعا اياق باستى، كولەمى قازىرگى وركەندەگەن ەلدەردىڭ حالىق سانىنىڭ قوسىندىسىنان اسىپ تۇسەدى، جاپالىلىعى مەن كۇردەلىلىگى بۇرىن بولماعان دارەجەدە، دامۋدىڭ جەتەكشىلىك ۇقىعىن، ءسوز جوق، ءوز قولىمىزدا مىقتاپ يگەرۋىمىز كەرەك؛ ەلىمىز اسا ۇلكەن كولەمدى ەكونوميكالىق تۇلعا، ال اسا ۇلكەن كولەمدى ەكونوميكالىق تۇلعا ىشكى جاقتان ءوزىن - ءوزى اينالىمعا سالا الادى ءارى، ءسوز جوق، اينالىمعا سالا الۋى كەرەك. شىندىق مىنانى تولىق دالەلدەدى: جاڭا دامۋ ارناسىن جەدەل قالىپتاستىرۋ − ەكىنشى 100 جىلدىق كۇرەس نىساناسىن جۇزەگە اسىرۋدى، دامۋ مەن حاۋىپسىزدىكتى ءبىر تۇتاس جوسپارلاۋدى تياناق ەتە وتىرىپ جاسالعان ستراتەگيالىق شەشىم، بولاشاقتاعى دامۋدىڭ ىرىقتىلىعىن يگەرۋدەگى ستراتەگيالىق ورنالاستىرۋ. ءبىز جاڭا دامۋ ارناسىن جەدەل قالىپتاستىرعاندا عانا، ەلىمىزدىڭ ەكونوميكالىق دامۋ نەگىزىن بەكەمدەپ، دامۋدىڭ حاۋىپسىزدىگىن، ورنىقتىلىعىن كۇشەيتىپ، ءار ءتۇرلى الدىن الا بولجاۋعا بولاتىن جانە الدىن الا بولجاۋ قيىن داۋىلدى نوسەر، اساۋ تولقىنداردا ەلىمىزدىڭ ءومىر ءسۇرۋ قابىلەتىن، باسەكەلىك قابىلەتىن، دامۋ قابىلەتىن، باياندى جالعاستىرۋ قابىلەتىن كۇشەيتىپ، جۇڭحۋا ۇلتىنىڭ ۇلى گۇلدەنۋ ءۇردىسىنىڭ توقىراماۋىنا، ءتىپتى، ءۇزىلىپ قالماۋىنا شىنايى كەپىلدىك ەتىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋ نىساناسىن جەڭىسپەن جۇزەگە اسىرا الامىز.
ماقالادا مىنالار اتاپ كورسەتىلدى: 2 جىلدان استام ۋاقىتتان بەرى، جاڭا دامۋ ارناسىن قالىپتاستىرۋ تىڭعىلىقتى ىلگەرىلەتىلىپ، ءبىر قىدىرۋ ونىمدىلىككە قول جەتكىزىلدى، يدەيالىق ورتاق تانىم ۇزدىكسىز ۇيىستى، قىزمەت نەگىزى ۇزدىكسىز بەكەمدەلدى، ساياسات، ءتۇزىم ۇزدىكسىز كەمەلدەندىرىلدى، ايتسەدە ءالى دە ءبىر قىدىرۋ كورنەكتى ماسەلە ءومىر ءسۇرىپ وتىر. جالپى جاقتان العاندا، جاڭا دامۋ ارناسىن جاپپاي قالىپتاستىرۋدا ءالى دە مىندەت اۋىر، جول ۇزاق. جاڭا دامۋ ارناسىن جەدەل قالىپتاستىرۋدا مىناداي 2 ولشەممەن زەرتتەۋ جۇرگىزۋ جانە ورنالاستىرۋ كەرەك: ءبىرىنشى، ەلىمىزدىڭ كاسىپ سالاسى تىزبەگىندەگى، قامداۋ تىزبەگىندەگى ولقىلىقتاردى، ءالسىز تۇستاردى اناعۇرلىم باعىتتامالى تۇردە جەدەل تولىقتاپ، حالىق شارۋاشىلىعى اينالىمىنىڭ ىركىلىسسىزدىگىنە شىنايى كەپىلدىك ەتۋ؛ ەكىنشى، ەل ءىشى ۇلكەن اينالىمىنىڭ ىشكى قوزعاۋشى كۇشى مەن سەنىمدىلىگىن ارتتىرىپ، حالىقاراداعى باسەكەلىك قۋاتتى جوعارىلاتىپ، حالىقارالىق اينالىم جونىنەن باۋراۋ قۋاتىن، جەبەۋ قۋاتىن نىعايتۋ كەرەك.
ماقالادا مىنالار اتاپ كورسەتىلدى: ماسەلەنى باعدار ەتۋگە جانە جۇيە كوزقاراسىنا، ءسوز جوق، تاباندى بولىپ، جاڭا دامۋ ارناسىن جەدەل قالىپتاستىرۋعا تۇساۋ بولاتىن باستى قايشىلىقتار مەن ماسەلەلەردى كۇش سالا تالقانداپ، رەفورمانى جاپپاي تەرەڭدەتىپ، امالياتتا جاڭالىق اشۋدى، تۇزىمدە جاڭالىق اشۋدى ىلگەرىلەتىپ، ارتىقشىلىقتى ۇزدىكسىز ساۋلەلەندىرىپ، ولقىلىقتاردى تولىقتاپ، ءالسىز تۇستاردى كۇشەيتۋ كەرەك. ءبىرىنشى، ىشكى سۇرانىستى كەڭەيتۋ مەن قامداۋ جاعىنداعى قۇرىلىمدىق رەفورمانى تەرەڭدەتۋدى اناعۇرلىم ويداعىداي ءبىر تۇتاس جوسپارلاپ، ەل ءىشى ۇلكەن اينالىمىنىڭ قوزعاۋشى كۇشى مەن سەنىمدىلىگىن كۇشەيتۋ كەرەك. ىشكى سۇرانىستى كەڭەيتۋ ستراتەگياسىن قامداۋ جاعىنداعى قۇرىلىمدىق رەفورمانى تەرەڭدەتۋمەن ورگانيكالى ۇشتاستىرىپ، قامداۋ مەن سۇرانىستا بىردەي كۇش سالىپ، سايكەسىپ، سەلبەسىپ، سۇرانىس قامداۋدى جەتەكتەيتىن، قامداۋ سۇرانىستى جارىققا شىعاراتىن اناعۇرلىم جوعارى دەڭگەيدەگى يكەمدى تەپە - تەڭدىكتى قالىپتاستىرىپ، حالىق شارۋاشىلىعىنىڭ ۇتىمدى اينالىمىن جۇزەگە اسىرۋ كەرەك. ەكىنشى، عىلىم - تەحنيكادا ءوز كۇشىنە سۇيەنىپ، ءوزىن الۋەتتەندىرۋ اياق الىسىن جەدەلدەتىپ، شەتەل ”قىسپاققا الىپ وتىرعان“ ماسەلەلەردى شەشۋ كەرەك. ءۇشىنشى، وسىزاماندانعان كاسىپ سالاسى جۇيەسىن جەدەل قۇرىپ، جاڭا دامۋ ارناسىنىڭ كاسىپ سالاسى نەگىزىن بەكەمدەۋ كەرەك. ءتورتىنشى، قالا مەن اۋىلدىڭ، وڭىرلەردىڭ سايكەستى دامۋىن جاپپاي ىلگەرىلەتىپ، ەل ىشىندەگى ۇلكەن اينالىمنىڭ قامتۋ اياسىن ارتتىرۋ كەرەك. قالا مەن اۋىلدىڭ، وڭىرلەردىڭ سايكەستى دامۋىن جۇزەگە اسىرعاندا عانا، ەل ءىشى ۇلكەن اينالىمنىڭ كەڭىستىگى اناعۇرلىم كەڭ، ساپاسى اناعۇرلىم مىعىم بولادى. بەسىنشى، رەفورما جاساۋدى، ەسىك اشۋدى ىشكەرىلەي تەرەڭدەتىپ، ەل ءىشى - سىرتى ۇلكەن اينالىمىنىڭ قوزعاۋشى قۋاتى مەن ومىرشەڭدىگىن كۇشەيتۋ كەرەك.
