انار بۇلت \ شينجياڭ گازەتىنىڭ ءتىلشىسى حي حۇڭۋي 4 - ايدىڭ 16 - كۇنى حايكوۋدان حابارلايدى. 6 كۇنگە جالعاسقان 3 - كەزەكتى جۇڭگو حالىقارالىق تۇتىنۋ بۇيىمدارى كورمەسى 4 - ايدىڭ 15 - كۇنى حايكوۋدا جابىلدى. كورمە كەزىندە رايونىمىزدىڭ كورمەگە قاتىناسقان كاسىپورىندارى ەل ءىشى - سىرتىنان كەلگەن كوپتەگەن ساتىپ الۋشى ساۋداگەرلەر مەن كاسىپتىك كورەرمەندەردى قابىلداپ، ءبىر قىدىرۋ سەلبەستىك نيەتىنە كەلىسىپ، كەلىسكەن ساۋدا سوماسى ءبىر ميلليارد 177 ميلليون يۋانعا جەتىپ، الدىڭعى ەكى كەزەكتەگى ساۋدا سوماسىنان اسىپ ءتۇستى.
تۇتىنۋ بۇيىمدارى كورمەسى ەل ءىشى - سىرتى بازارىن تۇتاستىراتىن ”بۇكىل دۇنيەدەن ساتىپ الىپ، بۇكىل دۇنيەگە ساتىپ بەرەتىن“ الەۋمەتتىك قىزمەت وتەۋ تۇعىرى رەتىندە، ءتۇرلى كورسەتكىشتەرى جىل سايىن بىرتىندەپ ارتىپ، جۇڭگو بازارىنىڭ دۇنيە جۇزىنە بەت الۋدا ”ەڭ الدىڭعى قاتاردا جۇرۋدەگى“، ”ەسىكتى ايقارا اشۋداعى“ كومەسكى كۇشى مەن سەنىمىن ايگىلەدى جانە كورسەتتى. شينجياڭ تۇتىنۋدى قالپىنا كەلتىرۋ مەن كەڭەيتۋدى الدىڭعى ورىنعا قويۋ تالابىن مۇقيات تياناقتاندىرىپ، تۇتىنۋ بۇيىمدارى كورمەسى تۇعىرى ارقىلى تۇتىنۋعا ارنالعان قامداۋدى مولايتۋعا، تۇتىنۋ سەنىمىن سەرپىلتۋگە، ساۋدا سەلبەستىگىن جانە گۋمانيتارلىق اۋىس - كۇيىستى كۇشەيتۋگە كۇش سالىپ، 22 كاسىپورىندى كورمەگە قاتىناسۋعا ۇيىمداستىرىپ، تۇتىنۋ بۇيىمدارى كورمەسى تۇعىرىنان پايدالانىپ، رايونىمىزدىڭ ايگىلى، تاڭداۋلى، ەرەكشە، جاڭا تۇتىنۋ بۇيىمدارىن دۇنيە جۇزىنە شوعىرلى كورسەتتى.
وسى كەزەكتى تۇتىنۋ بۇيىمدارى كورمەسىندە شينجياڭ ساۋدا ۇيىرمەسى 160 شارشى مەترلىك كورمە اۋماعىن ورنالاستىرىپ، كيىم - كەشەك سالتاناتى، ەرەكشە ءدامدى تاعامداردان ءدام تاتۋ، شاعىن تارتۋ ۇسىنۋ سياقتى ىقپالداستىق بۋىندارىن جوبالاپ، ەل ءىشى - سىرتىنداعى كوپتەگەن ساۋداگەردى، ءسوزسىز، بارۋعا باۋراپ، ولاردىڭ القاۋىن الدى.
كورمەدە كورسەتۋدەن سىرت، شينجياڭ ساۋدا ۇيىرمەسى تۇتىنۋ بۇيىمدارى كورمەسى كەزىندە ”قول قويىسۋ سالتى“، ”شينجياڭ كۇنى“، ”شينجياڭنىڭ ايگىلى ماركا ونىمدەرىن تۇتىنۋ ون مىڭ شاقىرىمدىق ساپارى“ سياقتى تانىستىرۋ قيمىلدارىن وتكىزىپ، شينجياڭنىڭ تاڭداۋلى اۋىل شارۋاشىلىعى ونىمدەرى، ساياحات بايلىعى جانە مادەني جاسامپازدىق ونىمدەرى سياقتىلاردى سول جەردىڭ وزىندە تانىستىردى، ”شينجياڭنىڭ ايگىلى ماركا ونىمدەرىن تۇتىنۋ ون مىڭ شاقىرىمدىق ساپارى“ قيمىلىنىڭ وزىندە قامداۋشى جاق پەن قاجەتسىنۋشى جاقتان 12 كاسىپورىننىڭ باسىن قوسىپ ساۋداعا كەلىسۋ كەلىسىمىن جاساستى، سوماسى 454 ميلليون يۋانعا جەتتى. سونداي - اق، شينجياڭ ماقتاسىنان وندىرىلگەن ونىمدەردى ۇگىتتەۋ، تانىستىرۋ تەبىنىن ءتۇيىندى تۇردە ارتتىرىپ، قاتىستى قابىلدايتىن قوناق ۇيلەردە شينجياڭ ماقتاسى ۋاقىتشا كورمە اۋماعىن ورنالاستىرىپ، جۇرت نازارىن جاپپاي اۋداردى. تۇتىنۋ بۇيىمدارى كورمەسى كەزىندە شينجياڭ سارايى ادامعا تولىپ، دۋمانعا بولەندى.
اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ مۇشەسى، مەڭگەرمەنىڭ ورىنباسار باستىعى حى گوچيڭ مىنانى ءبىلدىردى: تۇتىنۋ بۇيىمدارى كورمەسى سىندى وسى تۇعىردان پايدالانىپ، شينجياڭ كاسىپورىندارىنىڭ حالىقاراداعى جانە ەل ىشىندەگى تۇتىنۋدىڭ العى اۋقىمىن دەر كەزىندە يەلەۋىنە دەم بەرىپ، ساتۋ ۇلگىسىندە جاڭالىق اشىپ، ساتۋ جولىن كەڭەيتىپ، ءونىم قۇرىلىمىن ساپالىلاندىرىپ، ەل ءىشى ۇلكەن اينالىمىن نەگىزگى تۇلعا ەتكەن، ەل ءىشى جانە حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىنا ىرىقتىلىقپەن توعىسۋىن ءۇمىت ەتەمىز.
