ما شيڭرۇي بايلانىس ءتۇيىنى بايىنعولين موڭعۇل اۆتونوميالى وبلىسىن ىشكەرىلەي ارالاپ، نەگىزگى تاقىرىپتىق تاربيە ورىستەتتى
نەگىزگى تاقىرىپتىق تاربيەنى تىڭعىلىقتى ىلگەرىلەتىپ، تەكسەرۋ - زەرتتەۋدى ىشكەرىلەي ورىستەتىپ، شينجياڭنىڭ جوعارى ساپالى دامۋدا اناعۇرلىم ارشىندى قادام تاستاۋىن ىلگەرىلەتۋ كەرەك
4 - ايدىڭ 16 - كۇنىنەن 17 - كۇنىنە دەيىن اۆتونوميالى رايوندىق پارتكومنىڭ شۋجيى ما شيڭرۇي بايلانىس ءتۇيىنى بايىنعولين موڭعۇل اۆتونوميالى وبلىسىن ىشكەرىلەي ارالاپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ورىستەتتى. سۋرەتتە: 4 - ايدىڭ 16 - كۇنى ما شيڭرۇي چارقىلىق لوپنۇر كولى ونەركاسىپ باقشا رايونىنداعى مەملەكەت قارجى قوسۋ توبى شينجياڭ لوپنۇر كولى كاليلى تۇز سەرىكتەستىگىن ناقتى ورىندا ارالاپ، نىسان قۇرىلىسى، كاسىپ سالاسىنىڭ ورنالاسىمى سياقتىلاردىڭ احۋالى جونىندەگى تانىستىرۋدى تىڭداۋدا.
□ سۋرەتتى ياڭ شياۋدۇڭ تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 4 - ايدىڭ 17 - كۇنى چارقىلىقتان حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 4 - ايدىڭ 16 - كۇنىنەن 17 - كۇنىنە دەيىن بايلانىس ءتۇيىنى بايىنعولين موڭعۇل اۆتونوميالى وبلىسىن ىشكەرىلەي ارالاپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ورىستەتىپ، پارتيانىڭ جاسامپاز نازارياسىمەن زەيىن - زەردەنى ۇيىستىرىپ، رۋحتى سومداۋدى، باس شۋجي شي جينپيڭنىڭ جوعارى ساپالى دامۋ جونىندەگى ماڭىزدى بايىمداۋلارىن ىشكەرىلەي دايەكتىلەندىرۋدى، پارتيا 20 - قۇرىلتايىنىڭ ستراتەگيالىق ورنالاستىرۋلارىنىڭ تياناقتانىپ، ونىمدىلىك كورسەتۋىن ىلگەرىلەتۋدى، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرۋدى ارقاۋ ەتىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، نەگىزگى ساتىنىڭ الدىڭعى شەبىن ىشكەرىلەي ارالاپ، ەنەرگيا بايلىعى كاسىپ سالاسىنىڭ دامۋى، شينجياڭدى مادەنيەتپەن نارلەندىرۋ، سۋ بايلىعىنان جوعارى ءونىمدى پايدالانۋ، شارۋالاردىڭ كىرىستەرىن ارتتىرۋىنا دەم بەرۋ سياقتى ءتۇيىندى قىزمەتتەرگە تەكسەرۋ - زەرتتەۋ جۇرگىزىپ، ناقتى احۋالدى تەكسەرىپ، ناقتى شارا قاراستىرىپ، قيىن ماسەلەنى شەشىپ، دامۋدى جەبەپ، شينجياڭنىڭ جوعارى ساپالى دامۋدا اناعۇرلىم ارشىندى قادام تاستاۋىن ىلگەرىلەتتى.
ەكى كۇندە ما شيڭرۇي كوپ ادام ەرتپەي، قۇمدى ءشول، قۇبا ءتۇز قويناۋىنا، وزەن قۇيعاندارىنا، كولدەرگە، نىسان قۇرىلىسى جۇمىس باسىنا، اۋىل - قالاشىق، اۋىل - قىستاقتاردىڭ الدىڭعى شەبىنە توتە بارىپ، جول بويى ناقتى ورىندا كورىپ، ەگجەي - تەگجەيلى سۇراپ، مۇقيات تىڭداپ، قاتىستى قىزمەتتەردىڭ احۋالىنا ىشكەرىلەي تەكسەرۋ - زەرتتەۋ جۇرگىزدى.
ما شيڭرۇي چارقىلىق لوپنۇر كولى ونەركاسىپ باقشا رايونى مەن جاڭا ماتەريالدار كاسىپ سالاسى باقشاسىنا كەلىپ، مەملەكەت قارجى قوسۋ توبى شينجياڭ لوپنۇر كولى كاليلى تۇز سەرىكتەستىگىنىڭ تۇز الابىنداعى ناسوس پۋنكتىن، كۇكىرت قىشقىل كالي زاۆودىن، جىلدىق ءونىم مولشەرى 5000 توننالىق كومىر قىشقىل ليتي نىسان قۇرىلىسى جۇمىس باسىن ناقتى ورىندا كورىپ، ەرەكشە ترانسفورماتور سەرىكتەستىگىنىڭ 350 مىڭ × 2 كيلوۆاتتىق جىلۋ - ەلەكتر بىرلەسكەن ءوندىرىس نىسانى، جىلدىق ءونىم مولشەرى 200 مىڭ توننالىق ساپ كرەمني نىسانى جانە شينجياڭ ەنەرگيا توبىنىڭ ساڭلاۋسىز نانومەترلىك ميكرو كريستال تاقتا ماتەريالدارى نىسانى سياقتىلارعا ىشكەرىلەي تەكسەرۋ - زەرتتەۋ جۇرگىزدى، كاسىپورىندارداعى، وبلىس - اۋدانداعى قاتىستى جاۋاپتى جولداستارمەن نىسان قۇرىلىسى، كاسىپ سالاسىنىڭ ورنالاسىمى، ورىن تەۋىپ وتىرعان قيىنشىلىق پەن ماسەلە سياقتىلار جونىندە ىشكەرىلەي پىكىر اۋىستىرىپ، كاسىپورىنداردى نىسان قۇرىلىسى اياق الىسىن جەدەلدەتىپ، ەرتەرەك وندىرىسكە كىرىسىپ، تيجارات جۇرگىزىپ، عىلىم - تەحنيكادا جاڭالىق اشۋدى كۇشەيتىپ، ءوندىرىس كولەمىن كەڭەيتىپ، تۇتاس كاسىپ سالاسى تىزبەگىنىڭ دامۋ ورەسىن جوعارىلاتىپ، شينجياڭنىڭ بايلىق باسىمدىعىن ۇزدىكسىز وڭىرلىك ەكونوميكانىڭ دامۋ باسىمدىعىنا اينالدىرۋعا جىگەرلەندىردى. چيشيڭ چياڭدۋ توبىندا ما شيڭرۇي شوشقا باعىمشىلىعى، جەم - ءشوپ ءوندىرىسى نىسان قۇرىلىسى جانە شارۋالاردىڭ كىرىستەرىن ارتتىرۋىنا دەم بەرۋ احۋالدارىن ەگجەي - تەگجەيلى ۇعىسىپ، كاسىپورىننىڭ جەرگىلىكتى ورىننىڭ ەكونوميكالىق دامۋىنا بەلسەنە توعىسىپ جانە وعان قىزمەت وتەپ، ىقپال جاساۋ، جەتەكتەۋ رولىن اناعۇرلىم ويداعىداي ساۋلەلەندىرىپ، اناعۇرلىم كوپ ەگىنشى - مالشىلاردىڭ كىرىستەرىن ارتتىرۋىن جەبەۋىن ءۇمىت ەتتى. ما شيڭرۇي بىلاي دەپ باسا دارىپتەدى: قاتىستى وڭىرلەر مەن تاراۋلار نىسانعا قىزمەت وتەۋدى قامتاماسىزداندىرۋدى ناقتى يگەرىپ، ءتۇرلى كاسىپورىنداردىڭ ماسەلەلەردى سايكەسىپ شەشۋىنە ىرىقتىلىقپەن كومەكتەسىپ، ءتۇيىندى نىسان قۇرىلىسىنىڭ ناقتى ونىمدىلىككە قول جەتكىزۋىن بار كۇشپەن ىلگەرىلەتۋى كەرەك.
كروران بايىرعى قالاسىنىڭ ەسكى جۇرتى لوپنۇردىڭ قۋاڭ دالا قۇبا تۇزىنە ورنالاسقان. ما شيڭرۇي وسىندا كەلىپ، قورعاۋ پۋنكتى قىزمەتكەرلەرىمەن پىكىرلەسىپ، بايىرعى قالانىڭ تاريحي جۇلگەسى مەن ەسكى جۇرتتىڭ قازىلۋ، قورعالۋ احۋالى جونىندەگى تانىستىرۋدى تىڭدادى. ول بىلاي دەپ اتاپ كورسەتتى: كروران بايىرعى قالاسىنىڭ ەسكى جۇرتىن قورعاۋ، پايدالانۋ شينجياڭدى مادەنيەتپەن نارلەندىرۋدى ىلگەرىلەتۋ، جۇڭحۋا ۇلتى ورتاق تۇلعا تانىمىن بەرىك ورناتۋ جونىنەن كەلەلى ماڭىز الادى. باعالى مادەني مۇرالاردى، ەجەلگى ەسكەرتكىشتەردى سەرپىندى ارتتىرا ويداعىداي قورعاپ، پايدالانىپ، قازىپ الىنعان مادەني مۇرالار مەن ەسكى جۇرتتاردى زەرتتەۋ، ءتۇسىندىرۋ قىزمەتىن كۇشەيتىپ، ءار ۇلت بۇقاراسىن جۇڭحۋا ۇلتىنىڭ كوپ نەگىزدى، ءبىر تۇلعالىلىعىن، ۇلتتاردىڭ ارالاسۋ، توعىسۋ تاريحىن اناعۇرلىم ويداعىداي تۇسىنۋگە تاربيەلەپ، جەتەكتەپ، جۇڭگو پەيىلىن، جۇڭحۋا رۋحىن ۇزدىكسىز بەكەمدەۋ كەرەك. ما شيڭرۇي قاتىستى جاۋاپتى جولداستارعا ساياسات، قارجى سياقتى جاقتارداعى قولداۋ سەرپىنىن ارتتىرىپ، ەسكى جۇرتتى قورعاۋ، باسقارۋ قۇرىلعىلارىنىڭ شارت - جاعدايىن ۇزدىكسىز جاقسارتۋدى تاپسىردى.
سۋ − شينجياڭ ەكونوميكاسى دامۋىنىڭ جان تامىرى، وڭتۇستىك شينجياڭنىڭ دامۋى جونىنەن تىپتەن ماڭىزدى. ما شيڭرۇي چارقىلىق وزەنىنە كەلىپ، وزەن ارناسىنىڭ سۋ جاعدايىن سول ورىندا كورىپ، اعىن وزگەرىسىن، ءونىمدى پايدالانۋ احۋالىن سۇراستىردى؛ تەتىما كولىندە جانە چەرشەن وزەنىنىڭ كولگە قۇيار اۋزىندا سۋ دەڭگەيىنىڭ وزگەرىسى، سۋدان پايدالانۋدى قامتاماسىزداندىرۋ، ەكولوگيانى وڭاۋ سياقتى قىزمەتتەردى ۇعىستى. ول بىلاي دەپ باسا دارىپتەدى: سۋ بايلىعىن عىلمي، ۇيلەسىمدى ورنالاستىرۋ مەن جوعارى ءونىمدى پايدالانۋدى اناعۇرلىم كورنەكتى ورىنعا قويىپ، جۇيەلى ويلاۋ ارقىلى وندىرىسكە، تۇرمىسقا، ەكولوگياعا پايدالانىلاتىن سۋدى ءبىر تۇتاس جوسپارلاۋعا تاباندى بولىپ، الاپتاعى سۋ بايلىعىن قورعاۋ، پايدالانۋ ورەسىن ۇزدىكسىز جوعارىلاتۋ كەرەك.
تەكسەرۋ - زەرتتەۋ بارىسىندا ما شيڭرۇي تاعى لوپنۇر كولى ءوڭىرىن باسقارۋ كوميتەتىن، لوپنۇر كولى قالاشىعىن ىشكەرىلەي ارالاپ، الدىڭعى شەپتەگى كادرلارعا، جۇمىسشى - قىزمەتكەرلەرگە امانداسىپ، ولاردان حال سۇراپ، كوپشىلىكتى جاپا - ماشاقاتتان قورىقپاۋ، ارىپ - شارشاۋدان قورىقپاۋ رۋحىن ۇزدىكسىز اسقاقتاتىپ، جۇمىس ورىندارىنان تاپجىلماي، مىندەت اتقارىپ، جاۋاپكەرشىلىكتى ادا ەتىپ، ەكونوميكانىڭ، قوعامنىڭ جوعارى ساپالى دامۋى ءۇشىن اناعۇرلىم زور ۇلەس قوسۋعا جىگەرلەندىردى.
ما شيڭرۇي تەكسەرۋ - زەرتتەۋ بارىسىندا بىلاي دەپ باسا دارىپتەدى: نەگىزگى تاقىرىپتىق تاربيە ورىستەتۋدى وراي ەتىپ، باس شۋجي شي جينپيڭنىڭ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن دايەكتىلەندىرۋدى، تياناقتاندىرۋدى ارقاۋ ەتىپ، شينجياڭنىڭ دامۋداعى ستراتەگيالىق ورنىن كوزدەپ، شىنايى يگەرىپ، ناقتى ىستەپ، ناقتى ونىمدىلىككە ۇمتىلىپ، نازاردى ماسەلەگە، جاۋاپكەرشىلىك ارقالاپ، ىسكەرلىك كورسەتۋگە شوعىرلاندىرىپ، جوعارى ساپالى دامۋدىڭ اناعۇرلىم زور ونىمدىلىككە قول جەتكىزۋىن تىڭعىلىقتى ىلگەرىلەتۋ كەرەك. نەگىزگى تاقىرىپتىق تاربيەنى جوعارى ساپالى ورىستەتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي ۇيرەنىپ، ءتۇسىنىپ، اسىرەسە، باس شۋجي شي جينپيڭنىڭ جوعارى ساپالى دامۋ جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، نەگىزگى تاقىرىپتىق تاربيە ورىستەتۋدى ءىس جۇزىندىك قىزمەتتەردى ىلگەرىلەتۋمەن ورگانيكالى ۇشتاستىرىپ، پارتيانىڭ جاسامپاز نازارياسىنان بەتالىستى، وي جەلىسىن، شارانى تاۋىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى جوسپارلاپ ىلگەرىلەتۋ كەرەك. وسىزاماندانعان كاسىپ سالاسى جۇيەسىن جەدەل قۇرىپ، ”8 ءىرى كاسىپ سالاسى شوعىرى“ قۇرىلىسىنداعى باسىمدىقتار مەن كۇش سالۋ تۇيىندەرىن ءدال تاۋىپ، شينجياڭنىڭ جوعارى ساپالى دامۋى جونىنەن كەلەلى ماڭىزى بار، بۇكىل ەلدىڭ ەكونوميكالىق كەلەلى جاعدايىندا ماڭىزدى رول اتقاراتىن بايلىقتىڭ جانە كاسىپ سالاسىنىڭ دامۋىن جەدەل ىلگەرىلەتىپ، كەلەلى نىساندار قۇرىلىسىن كۇش سالا ىلگەرىلەتىپ، كاسىپ سالاسى تىزبەگىن قۇرىپ، اقاۋسىزداندىرىپ، كاسىپ سالاسى شوعىرىنىڭ قالىپتاسۋىن ىلگەرىلەتىپ، ەكونوميكالىق دامۋدىڭ ساپا وزگەرىسىن، ونىمدىلىك وزگەرىسىن، قوزعاۋشى كۇش وزگەرىسىن ىلگەرىلەتۋ كەرەك. حالىق تۇرمىسىنىڭ قۇت - ىرىسىن ۇزدىكسىز ارتتىرىپ، شارۋالاردىڭ كىرىسىن ارتتىرۋ سىندى وسى وزەكتى مىندەتتى تىعىز ارقاۋ ەتىپ، اۋىل - قىستاق كاسىپ سالاسى دامۋىنىڭ ساپاسىن، ونىمدىلىگىن ۇزدىكسىز جوعارىلاتىپ، اناعۇرلىم ورنىقتى مۇددە بايلانىستىرۋ مەحانيزمىن ورناتىپ، الۋان شارالارمەن شارۋالاردىڭ جۇمىستانۋ، كىرىس ارتتىرۋ ارناسىن كەڭەيتىپ، اۋىل - قىستاق كاسىپ سالاسىنىڭ، دارىندىلارىنىڭ، مادەنيەتىنىڭ، ەكولوگياسىنىڭ، ۇيىمىنىڭ گۇلدەنۋىن تىڭعىلىقتى ىلگەرىلەتۋ كەرەك. قوعامنىڭ حاۋىپسىزدىگىنە، ورنىقتىلىعىنا شىنايى كەپىلدىك ەتىپ، شينجياڭدى جاپپاي زاڭمەن باسقارۋعا تاباندى بولىپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن تىڭعىلىقتى ىلگەرىلەتىپ، زاڭمەن باسقارۋ وي جەلىسىن جانە زاڭمەن باسقارۋ ءادىسىن قولدانىپ، حاۋىپ - قاتەردەن ساقتانىپ، قىلمىسقا سوققى بەرىپ، ماسەلەلەردى ءبىر جاقتى ەتىپ، قايشىلىقتاردى جويىپ، مەملەكەت حاۋىپسىزدىگى مەن شينجياڭنىڭ قوعامدىق كەلەلى جاعدايىنىڭ ورنىقتىلىعىن باتىل قورعاۋ كەرەك. بەلسەنە جاۋاپكەرشىلىك ارقالاپ، جاپالى، ناقتى ىستەپ، يدەيانى ونان ارى ازات ەتىپ، ءورىس اشا العا ىلگەرىلەپ، اناعۇرلىم كوپ شىنايى شارا، ناقتى شارا قولدانىپ، كادرلاردىڭ باتىلدىقپەن ءىس تىندىرۋىن، جەرگىلىكتى ورىننىڭ باتىلدىقپەن قامال الۋىن، كاسىپورىنداردىڭ باتىلدىقپەن ىستەۋىن، بۇقارانىڭ باتىلدىقپەن ءتول جاسامپازدىق جاراتۋىن زور كۇشپەن ىلگەرىلەتىپ، فورماشىلدىقتى، تورەشىلدىكتى جويىپ، ءارى قىزمەتتى تاباندى ىستەۋگە، ورنىقتىلىق بارىسىندا العا ىلگەرىلەۋگە تاباندى بولىپ، ءارى قايراتتى تاسقىنداتىپ، شىنايى يگەرىپ، ناقتى ىستەپ، بەرىلە شوگەلدىكپەن ىستەپ، جوعارى ساپالى دامۋدا تىڭ سەرپىلىستى جۇزەگە اسىرۋدى، جاڭا جاعداي اشۋدى ىلگەرىلەتۋ كەرەك.
قادەن كابەن قاتارلىلار تەكسەرۋ - زەرتتەۋگە قاتىناستى.
